©?°¨¨°?©©?°¨¨°?©تجمع مميز لمواليد الصيف شهر يوليو واغسطس ©?°¨¨°?©©?°¨¨°?©

[فافى2]

بنات اشلونكم عساكم بخير حبيت اقول لكم انا خايفه لان بنتى فيها جدرى ما وقالت حق الدكتورى قالى عادى وقمامت تنام يمى وتحظنى لين صارت زينة وبعدها اليوم بنت اختى صار فيها جدرى وامى ودتها الطبيب وقالتلة امى ان عندنا حامل قال خل تروح الصحة الوقائية لان موزين حق البيبى وانا حدى خايفة ادعولى ان ما كوا شى وكل شى عادى وزين ان شاء الله

 

[CaRaMeLaH]

صباح الخير

فافي إن شاءالله كل خير وماكو شي

والله إحنا الحوامل صج صج الله يعينا

 

[al-3azeza]

صباح الخير بنات

فافي انشاءالله ماكو الا الخير روحي الصحه وسالي همن علشان تتطمنين وطمنينا عنج حبيبتي انتي متى موعد ولاتدج انشاءالله ؟؟


كرميلا شلونج حبيبتي اخبارج ؟؟

 

[CaRaMeLaH]

مساكم الله بالخير
شخباركم سامحوني طول الوقت عند ابوي مسكيييييييييييييين واي تعبان

وماادري شسوي

سلامته إبووج مايشوف شر

وإدعيله يقوم بالسلامه

 

[CaRaMeLaH]

نصيحه يابنااااااااااااااات اهتمو بالتحاليل انا ولله الحمد ماشاء الله الله رزقني وحامل بتوئم وكل مراجعاتي عالدكتورة ماجده

اليتامى وفاتحه لي ملف بالصبااااح احتياط لاقدر الله لأن حالتي خاصه بالتوائم ،،،، المهم على طاري اهمال بعض الاطباء للتحاليل انا في الصباح سوولي تحليل سكر وطلع مافيني شي عاد لما رحت للدكتورة ماجده قالت انتي بتدخلين السادس يالله سوي تحليل السكر عاد قلت لها انا سويت وطلعت النتيجه مافيني سكر قالت شنو التحليل اللي سويتيه قلت لها تحليل دم اسمه Rbc جان تقوووول لا هذا تحليل خرابيط شنو حامل وتسوين هالتحليل بس لاااا السكر ممكن مايبين الا بالتحليل المركز قلت لها دكتوره انا ماشتكي من شي قالت لاااااااااا يماما باجر اشوف نتيجه تحليل السكر ابي التحليل المركز اللي تكونين فيه صايمه وياخذون عينه دم وبعدها تشربين عصير جلوكوز وبعدها تحللين بعد ساعتين من شرب العصير عاد سويت التحليل وكنت متأكده مافيني نهائيا لان التحليل العادي كان السكر ممتاز والصددددددددددددددمه

كانت يابنات بالنتيجه فعلاااااا طلع فيني سكر قوي ونسبته عاااااااليه جدا ولما شافتها الدكتوره قالت شفتي ياماما كنتي بتضيعين نفسج السكر العن شي بالحمل كان ممكن يرتفع ويموت الجنين وانتي مو حاسه بعمرج وعلى طووول سويت حميه والحمد لله قاعده اتابعه كل يوم

كذلك سويت تحليل بول ومافيني شي وقاااااااالت الدكتوووووره لااااااا مابي تحليل بول عادي سوي زراعه بول وفعلا طلع فيني التهابات وماعالجتهاااااا والحمد لله اخذت العلاج المناسب وراحت الالتهابات

لذلك ياااااااااااااابنات نصيحه لاتهملون التحاليل على قول الدكتوره مااجده تقول نتايج التحاليل اهم عندي من السوووونار اللي الحريم يسوووووووونه

أنا والله الصراحه تحليل السكر سوولي إياه أنا أراجع بطيبه كلينك سويته وأراجع بالصباح هم سوولي إياه

بس النتيجه بالصباح راح أشوفها عند موعدي إن شاءالله

إلي بطيبه سويته من شهرين تقريبا ً بس تحليل الصباح توه بشهري السابع سويته يمكن بهالفتره يكون في تغيير وإن شاءالله ماكو شي

 

[CaRaMeLaH]

صباح الخير بنات

فافي انشاءالله ماكو الا الخير روحي الصحه وسالي همن علشان تتطمنين وطمنينا عنج حبيبتي انتي متى موعد ولاتدج انشاءالله ؟؟


كرميلا شلونج حبيبتي اخبارج ؟؟

الحمدلله تمام إنتي إزيك ياجميل ؟؟

 

[CaRaMeLaH]

أم حمني خايفه أولد بالصباح

ذاك اليوم يتني نغزات تحت تخيلي نغزاات بالعظم من تحت ومت من الخووف عيل شبسوي حزت ولادتي

 

[CaRaMeLaH]

أنا داشه جمعيه حق ولادتي بس من غبائي راح أستلمها بعد ولادتي وبنفس الوقت محتاجتها حق أشياء ثانية

والله محتاره

 

[al-3azeza]

هي هي هي كرميلا موتيني من لضحك داشتها حق ولادتج وبتستلمينها عقبها شتسوين فيها ؟؟؟ عيل سويي استقبالج بالبيت عقب ما تقبضينها

انا داشه جمعيه بس حطيتها بموعد قبل ولادتي اب شهر يعني انا ان شاءالله وكتب ادش شهري شهر 6 انا حطيتها استلمها هالشهر

 

[LaSt WoMeN]

السلام عليكم و رحمة الله و بركاته
شخباركم بنات و شخبار بيبياتكم... ولهانة عليكم و على سوالفكم ان شاء الله كلكم بخير
انا مريضة منشولة وبلاعيمي و راسي ... فمن جذي ما داومت امس و اللي قبله ..


انتو شلونكم ..
فافي ما عليج شر ان شاء الله ..

 

[*دانة الخليج*]

صباح الخير

بنت الخليج موعدي صار 2.30 الظهر يوم الخميس

:eh_s(1)::eh_s(1)::eh_s(1):

الخميس لاااااااااااااااااااااااااااااااااا موعدي انا بعد

خلاص خلينا نشوفج يا ام كروشه_03BA:

 

[LaSt WoMeN]

هلا ام حمني شخبارج ان شاء الله بخير

كراميله .. حاولي يمكن احد يبدل دورج .. انا ما احب الجمعيات حطي لج حسابين توفير و العادي و حولي من الانترنت من حساب لي حساب على طول .. و ريحي بالج ....

 

[*دانة الخليج*]

آخر خبر عن البنوتة

بناااااااااات

زرت البنوته اليوم بالمستشفى

تعبانه بعد عمري الله يقومها بالسلامه يااارب

وصلتلها سلامكم وتسلم عليكم وتشكركم كلكم

وإحتمال تطلع باجر بس عشان بينقلون لها دم

الله يقومها بالسلامه ياااا رب

 

[LaSt WoMeN]

واااااااااي قلبي عورني على البنوتة بعد عمري .. والله ضاق خلقي كثر ما فرحت لها بحمالها ضاق خلقي عليها .. قدر الله و ما شاء الله فعل .. سبحانه

يا ربي تعوضها خير و تاجرها يا كريم سبحانك لا راد لقضائك .. يارب ترزقها و ترزق بنات تجمع الأمل و كل محروم من الذرية اللهم آمين ...

اللي تكلم البنوتة تبلغها سلامي و تعازيي .. الله يعينها ان شاء الله و يصبرها .. اللهم آمين

 

[al-3azeza]

قالوا بيطلعونها اليوم ان شاء الله ترد ونكلمها بالتجمع لان فشله احس ملوا من كثر مادقوا البنات عليهم


بنت الخليج انتي متى موعدج يوم الخميس اي حزه

 

[CaRaMeLaH]

هي هي هي كرميلا موتيني من لضحك داشتها حق ولادتج وبتستلمينها عقبها شتسوين فيها ؟؟؟ عيل سويي استقبالج بالبيت عقب ما تقبضينها

انا داشه جمعيه بس حطيتها بموعد قبل ولادتي اب شهر يعني انا ان شاءالله وكتب ادش شهري شهر 6 انا حطيتها استلمها هالشهر

موسالفة إستقبال سالفة وين أولد ؟؟ أخاف أولد بالخاص يصير شي ويقطوني على الصباح وأخاف أولد بالصباح يبهدلوني

وعلى الإستقبال
إنزين متى يكون إستقبالي بالبيت بعد جم يوم ؟؟

ولا لما يخلص الأربعين ؟؟

ولا أحدد يوم معين ولا شنو ؟؟

نوروني ترى غشيمه بهالسوالف

 

[CaRaMeLaH]

هلا ام حمني شخبارج ان شاء الله بخير

كراميله .. حاولي يمكن احد يبدل دورج .. انا ما احب الجمعيات حطي لج حسابين توفير و العادي و حولي من الانترنت من حساب لي حساب على طول .. و ريحي بالج ....

حاولت أبدل ماكو والجمعيات إلتزام أكثر أحس ألحين مو مهم انا دشيت وخلصت

بس والله محتاره ويمكن خوفي غهوا إلي مخوفني ومدودهني

 

[al-3azeza]

كرميلا على حسب امج يعني انا امي عقب 15 يوم اتقول ارتفعتي وستلي قعده 3 ايام يووو وكنت حتى امي حاطتلي سرير وفي ناس لا ما يستقبلون احد لين يوم الاربعين يوم الاربعين يسوون عشى ويوون الناس يوم واحد

وبعدين ليش هالتشاءم بس بناااااااات من كثر ما نتشاءم ونوسوس قام يصير ويانا جذي انشاءالله كلنا نولد يارب طبيعي وبصحه ويتمم علينا

 

[CaRaMeLaH]

لا أنا عادي أبي أستقبل أحب ناس رايحين رادين عادي وأمي عندها عادي وخاصه رفيجاتي أتوقعهم رايحين رادين وزين عشان مايضيق خلقي بأربعين يوم منحكره

 

[الأرجـوان]

آخر خبر عن البنوتة

الحمدالله الله يقومها بالسلامه ويعوضها ويرزقها الذريه الصالحه ....