اول شي مشكوورين دلع وعبير على تفسير احلامنا وانكم تعطوونا من وقتكم واشكر اصحاب المنتدى والاخت بنت الكويت

انا حلمت ببنت خالي المتزوجه جنها لابسه ثوب عروس ابيض وزافينها لصالة العرس وخواتها يرقصون مافسرته عند احد فسرته بيني وبين نفسي انها راح تتطلق وفعلا بعد حلمي بفترة قصيره اتصلت زوجة خالي وبلغتنا ان بنتها تطلقت لان المعروف ان المره المتزوجه ويحلم فيها تلبس ثوب عروس ابيض ياتكوون بمشااكل كثيره او راح تتطلق

انا بعد تحقق لي حلم ..
فسرته لي عبير ..
كان حلمي اني البس نعل عطتنياه بنت عمي وماعجبني ورديت لبست نعلي

...
وعبير قالت لي خطبه ستنتهي ...

وصدق جاتني خطبه وانا رفضت الخاطب عشان ماكان مناسب لي وبنت هي اللي قالت لي عن معلومات الخاطب

خوووش مووضووع مشكؤؤؤؤرة عبووورة

شفت منام وانتي فسرتيه قبل شوي ووقع بالضبط نفس ما فسرتيه
قلتي اني معيونه واحاول اغطي عيون النااس عني وحصل هالشي وصابتني العين
الحمدلله انااا محافظة من الناحيه الدينية مثل ما قلتي .... والظااهر العين يت بدرااستي هالكورس كله ما اشتهي افتح كتااب
تخيلي متى افتحه قبل الامتحان ب 3 او 4 ساعات اختبار فايناال<<< عفيه دراااسه وحيل كنت مستنكره هالشي والنتيجه الحمدلله اجتزت كم مقرر ورسبت ب 2 انا شاطرة موهذاا مستوااي الحمدلله على كل حااال ...حسيت انه تقصير مني لأنه حالتي كاانت كليش مالي خلق ادرس نهااائياااا وانا ما اعترض على حكمة ربي راضية بالقدر الحمدلله << وهالمقررين رااح يأخروني كورس كامل
اختي تشوفني ما اددرس كليش تزفني انااا اقولهااا تكفين خليني انا ادرى بمصلحتي اهي مستغربه تقول عليج قلب ماشاء الله امتحانج بعد شوي واناا عادي ولا هامني ...امبيييه ستوب من متى صرت اقول هالكلاااام ...

و كنت كله احس بضيق واقعد ابجي قبل ماا انام واقوم اصلي ركعتين واذكر الله وبعدهااا ارتاااح شوي ولاااا اشتهي ادرس وكله متوترة ومالي خلق احد في بيتنااا ودي اعيش برووحي ووايد اقعد بغرفتي بروحتي على اساس اني ادرس << بس كنت افكر وابجي احط راسي واناام ..... وكل مافكيت الكتاب ابي ادرس احس انني في نوومة مع اني توني قاااعده حتى كنت اقول حق صديقتي بالكليه مادري شفيني هالكوورس...

وفي حلم هم بعد فسرتيه لي يزاج الله خير إن انا واختي بنتخرج مع بعض ... << ما اعتقد بس يمكن ليش لااا كل شي جايز يمكن اهي تتخرج قبلي هالمقررين بيأخروني كوورس <<< يمكن تسير نفس سالفتج بالتخرج الله اعلم <<< ومبرؤؤؤك حبيبتي التخرج اذااا تخرجنا مع بعض لي عودة بقولج واذااا لا هم بقوول ......

انااا اقولج ليش صابتني العين يمكن لأني صرت اجتماعية اكثر من اول واحب اساعد طالبات معاي بالكليه واتمنى للكل الخير << ياربي يمكن اهم ما تمنوا لي الخير الله اعلم ماا ابي اظن ظن سووء ... اااوو يمكن لأن العطله اللي فاتت كان عندناا عروس وحفلات وكنت اكشخ وكل من يخوزر فيني << بس كنت اتحصن بالاذكاار <<< العين صارت فيني الله اعلم

الحين ان شاء الله بكثر من الرقية ويااارب اترووح عني العين بفضل الله آمين


ودلع فسرتلي حلم بعد ووااايد استاانست منه <<< ان شاء الله يتحقق واذا تحقق راح اذكره هني ...

موفقين ي الغوآآآآلي

مشكورين على هالموضوع الحلو ... و انا احلامي اغلبها اتكون عن شغلات قاعدة اعيشها بالوقت الحاضر باختصار تصف حالتي الحين ... و يعني ماكو احلام تتحجى عن شغلات مستقبلية ..

الله يجزاكم خير يارب
وبميزان اعمالكم

الله يوفقنا وياكم يابنات ويحقق لنا كل الرؤيانا وامانينا الحلوه والسعيده اللهم امين

انا اهلي ومعارفي يدرون اني افسر احلام


وما اخبي عليكم انا اكرررررره افسر لاهلي وحبايبي

لاني اخاااااااااااف يتضحلي شي وخاصه فى احلامهم
وبعد اوقات ممكن احلامهم تتكلم عن شخص يكن لهم عداوه او مشكله مع شخص اخر هو بعد يقرب لي الشخص الاخر وثم اتورط انا

اخاف اقول كل شي يتضحلي من المنام واكبر القلوب على بعض اوالمشكله بينهم واخر شي تطيح براسي و اطلع انا الشريره

صرت خلاص اسال المنام فيه شخص او احد قريب

وخلاص اعرفهم عاد الى الحريم الى بينهم تتشات ما افسر لهم ادري حلومها كلها عن عدوتها الى هي بعد قريبتي وكلهم انا ما ارضى عليهم احد يتكلم عليهم لو كان تفسير حلم

صرت اعتذر عن التفسير اذا اتضحلي شي

واذا لم يتضحلي صرت اقول لم اجد له تفسيرا

ومن الاحلام المتحققه هذى لوحده عزيزه على قلبي

تقول رئيت ان عندي جوالي وصلتني رساله وسائط فتحتها لقيتها من صديقتي منال واختها رسميه تقول رساله الوسائط عجيبه كانها هدايا مرسلينها على رسائل الوسائط وهالهدايا كريمات ومكياج وعدسات واشياء حلوه وانها من محل عندنا اسمه( سامره) تقول بعدها قمت اصلي العصر وانا مبسوطه وقمت من النوم انتهت الرؤيا

فسرته لها انها بيجيها مال من الدوله وهو (حافز) وانه قريب بتنال هالمال وبصفه رسميه والبشارة بتجيها بالجوال

والرموز هنا اسم منال ورسميه سبحان الله وقلت لها اول مكان بتصرفين فيه الفلوس هو فى محل سامره بتشترين كريمات وعدسات وبتستانسين هذا التفسير فقط

بعدها باسبوع تقولي ياعبير وقع سبحان الله فعلا وصلت لي رساله من بنت خالتي تقولي روحي شيكي انتي نجحتي او لا فى حافز تقول فعلا على طول رحت اشيك الا وانا الحمدالله مؤهله وبعد اسبوع نزلت الاعانه وتقول والله ياعبير انه وقع وبدون تخطيط اني نزلت السوق اول مره ودخلت محل سامره وفعلا شريت كريمات وعدسات واشياء واجد للعنايه بالبشرة تقول سبحان الله

عاد ارجع واقول صدق الرؤيا من صدق صاحب الرؤيا ولا انا مالي دخل انا مجرد فسرت على ماوفقني الله اليه

انآ حلمت بحلم قبل لاتطلع نتآيج الكوورس آلثآني
ولما طلعت درجاتي كانت ناااااازله
بس فسرتلي الحلم مفسرة احلام ان نجآح كبير في الدرآسسه !

إن شآءالله يتحقق الكوورس الثاني

الحلم علي مايؤول عليه

مو شرط حبيبتي
اولا انا حلمت برفيجتي انها لابسه فستان عرس وكانت جميله حيييل والكل يطالعها بالعرس واهيا مبتسمه

فسرت لها انها راح تحمل وتجيب ولد
فعلا احملت بولد
موووووشرط

انا حلمت اني انا ومرت اخوي حوامل وكنا بنولد ولدت مرت اخوي وانا توي ماولدت وفي الحقيقه انا مومتزوجه واخوي توه متملك ماتزوج

وفسرته لي الاخت عبير الله يسعدها
وكان هذا تفسيرها ان صدقت الرؤيا قرب فرج لهم طال حمله لديك وانتي تشعرين ان الفرج قر يب ان شاء الله

اكثري من الاستغفار وابشري بالخير والله اعلم واجل
وانا كنت شايله هم زواج اخوي والحمدلله ماطول وصار زواجه والله كان من احسن الحفلات واسهلها والحمدلله

انا شفت بالمنام ان جدتي ام ابوي تعطيني خاتم ذهب وكبير

وكان تفسيره ان بيجيني رجال من طرف جدتي وصج سبحان الله جاني

وبعدها بكم اسبوع وكان اخو صديقة عمتي

انا اغلب احلامي تشير اني محسوده وان الهم راح يزول عني وبيجيني رزق بس لحد الان ماصار شي ,,,,,ربي كريم

فسرتلي دلع حلمي وقالت رزق من غير تعب وزواج

وفعلا دريت ولد عمي بيتزوج واختي عطتني هديه