اذا تبين الخمريه تقعد براسج .. وماتجففه .. وتخلى ريحته حلوه لمده 3 ايام .. مع نعومه ..اخلطي معاها بانتين (بديل الزيت) .. وحطي كميه شويه .. من الاثنين .. وافركيها بيدج ومرريها على شعرج .. وشوفي الريحه والثبات ...
هالكثر الكميه .. وافركيها بيدج .. ومرريها على شعرج ..
الفكره الرابعه
اذا تبين جسمج ريحته حلوه ولفتره طويله .. وان عرقتي تطلع ريحه حلوه .. روحي لزهور الريف واشتري من الزيوت العطريه الى عندهم . الى للجسم .؟. ولما تتسبحين ادهني نفسج بزيت بيبي جونسون اويل وهذا مزيته يحبس البلل اكثر من 10 مرات .. وبعدها حطي من الزيت العطري على باقي جسمج .. وركزي على الاماكن المتحركه الى اهي الفواصل .. يعني تحت الركب من ورا والاكواع والرقبه وخط البكيني .. وراح تظل الرائحه منعشه ولمده اطول من استخدام الزيت بروحه ..
الفكره الخامسه
هذه الفكره للمتزوجات فقط .. تاخذين علبه البنتادين الى بالصوره .. وتحطين فيها ماي ورد تقريبا سكانه .. وتخفيفينه بماي عادي .. وخلى المادي دافي .. وبعدين ابرشي من مسك الطهاره ( القرشي ) وحطيه داخل .. ورجي العلبه .. وبعدين غسلي فيه مثل طريقه البنتادين من داخل .. ومن برا .. وسوي هالعلميه بعد انتهاء كل دوره او قبل الممارسه .. رح تخلي ريحتج كلها مسك .. وانا عن نفسي اسويها .. ونتيجتها تهبــل ..تقضي على الرائحه نهائيا
هذه الفكره يبيلها شــرح شوي .. بس الى راح تسويها ماراح تنســاني ابداً .. لانها روووعه .. الى نحتاجه .. ملعقه زبده الشيـا +3 شمعات اى نوع +حبه فيتامين e او اي حبوب فيتامينات عندج تكون سائله من داخل .. تحطين الشمعات مع زبده الشيا وحبه الفيتامين على نار هاديه لييين تذوب بعدين تنطرينها تبرد .. لين يصير قوامها كريمي .. واخذيها وحطيها على ويهج .. وايدينج .. واذا تبين تحطينها على جسمج كله .. زيديها بيبي اول جونسون واهي بالقوام الكريمي .. بس زيدي الكميه .. وحطيها على الجسم كله .. راح تحصلين على بشــره نااااااعمه .. وصافيييييييه جدا جدا ..وتحسين ان ويهج ملمسه مخمل !
ملاحظه : الخلطه ماتطول على الويه .. لما تحطينها بسرعه راح تابس .. خلج بالحمام .. وسوي تمارين لويهج يم الحنفيه .. راح يطيح الشمع شوي شوي .. بعدين اخذي مثل الى انا حاطتها بالصوره الى لونها وردي مالت النير وشيلي باقي الخلطه .. وتقدرين تستغنين عنها بملعقه بلاستيك .. نظفي ويهج عدل .. بعدين حطي ماي .. ان ماسويتي جذي راح تتعبين وانتي تحاولين تشيلين الطبقه الشمعيه ..
اذا تحبين الكاكاو .. وريحته .. وتبين حمام زيت بطعم الكاكاو .. وتصير ريحه شعرج كلها كاكاو .. اخلــطي كميه من الكاكاو البودر .. مع حمام زيتج المفضــل .. اول شي حطي حمام الزيت .. على حسب كميه شعرج .. وبعدها حطي من الكاكاو .. واخلطيه لين ينخلط عدل .. وحطيه على شعرج .. مثل حمام الزيت وخليه فتره .. وبعدين غسـلي شعرج .. وشوفي ريحه شعرج .. كاكاو .. ودج تاكلينه
حمام الزيت مع الكاكاو البودره .. تقدرين تستعملين سن كويك ..
راح تكون النتيجه مثل جذي ..
الفكره التاســعه
متزوجه .. وتطبخيــن .. وريحه ملابس كلها بهارات .. وناداج زوجج ...لاتروحين له الا لما ترشين عطر .. حدي لج بالمطبخ عطر صغير .. نفس الى بالصوره .. او اي عطر عندج .. خليه بالمطبخ .. وان ناداج ريلج .. رشي منه وروحي له .. لان ريلي كل مارد من الدوام لازم يدش المطبخ ..يشيك على الغدا .. وبدال لايشمني وانا ريحتي بهارات وبصل ارش من العطر قبل لايجي بدقايق .. لاترشين قبلها بفتره.. ان سمعتي صوت الباب رشي من العطر ..ويفضل يكون العطر دهن عود مسك يعني عربي .. عشان مايتحلل مع البهارات وتطلع ريحه جديده
تبين ريولج ناعمين .. وصافين .. اخذي ملعقه كبيره فازلين .. مع ملعقه وسط من كريم شول للقدم .. مع ملعقه صغيره من معجون كلوز آب الاحمر .. واخلطيهم .. راح تصير الخلطه باللون الوردي .. ادهني رجلج فيها قبل النوم والبسي اكياس التوست مع دلاق ..وان قمتي من النوم غسلـي ريولج وشوفي النتيجه فتاكــه ... وبوصيكم على شغله .. طول ماانتي بالبيت البسي دلاق مع فازلين وكريم شول بروحهم .. بدون المعجون .. المعجون بس بالليل ..احرصي على الدلاق ..
الفكره الحاديه عشــر
تبين .. عيونج ناعسه .. ورموشج فيهم سحبه ونازلين تحت .. تبين التأثير هذا ... ويكون شكله طبيعي .. ومايبن انج مركبه رموش !! تعالي واستفيدي من افكاري .. الى تحتاجينه الادوات مقص ورموش ام 100 فلس وصمغ رموش .. اخذي الرموش وقصيهم من النص .. واخذي كل طرف وركبيه على عين من عيونج .. ويكون الطرف الاطول على الزوايه .. وانا حاطه صوره توضح هالشي .. تابعوني ..
الرموش راح تندمج مع رموشج الصجيه ,, هنيه مو مبين عدل لاني راسمه على ورقه على الطبيقه تطبيقها غيـــر ..
تبين رموش كثيفه .. ومالج خلق تركبين رموش .. تعالي شوفي .. كل الى تحتاجينه قطن ابيض .. مع ماسكرا قديمــه وناشفه .. مرريها على القطن على الخفيف من فوق .. لين يطلع الوبر معاج.. وحطي مسكرتج العاديه .. وقبل لاتنشف مرري المسكره الى فيها الوبر على عيونج .. راح يلزق الوبر على رموشج .. ردي مرري الماسكرا مالتج ..وهكذا لين توصلين للنتيجه الى تبين من التكثيف الى تبينه لرموشج ..
الفكره السادسه عشـــر
عندج زواره .. وماتبين ايدج تفرق عن ويهج .. وبنفس الوقت يضايقج .. كريم الاساس الى على ايدج .. وتحسينها مو طبيعيه .. وواضح كريم الاساس فيها .. اخذي نفس الكريم الى حطيتيه على ويهج .. واخلطيه مع كريم مرطب لليد .. ضروري يكون مرطب يد .. عشان تتشربه بشره ايدج بسرعه.. وفركي ايدج ووزعيه عدل .. راح تحسين ان ايدج فتحت .. وبنفس الوقت كأنج مو حاطه كريم اساس عليها ..بس اضبطي الكميه .. وخلى كميه المرطب اكثر بشوي من كريم الاساس ... وتمتعي .. بوجه ويد بنفس اللون ..
شعرج متكهرب .. وتحطين سيرم وماكو فايده .. انا اعلمج .. اخطلي معاه شويه من الفازلين .. وشوفي النتيجه .. فتاكه .. اتحدي شعره تنط عقب هالطريــقه .. وسويها لما تبين تسوين ستريت بعد .. ولما تستشورين شعرج وفيه شعيرات واقفه << مشكلتي الازليه ههههه .. حطي شويه سيرم مع شويه فازلين وافركيهم بيدج .. بعدين امسحي على شعرج .. وشوفي
الفكره الثالث والعشــرون
تبين بشره ويهج تشد .. استعملي هالطريــقه .. وانا ماخذتها من وحده اجنبيه .. بس والله جربتها تقريبا اسبوع وحسيت بالفرق وااايد زينه وتشد البشره وتحسين ان ويهج بارد وماتبين تحطين عليه شي .. ونضاره .. كل الى تحتاجينه شاي اخضر مع فيتامين E وماي ورد واعواد اذاني او اسنان .. انا استعملت اعواد اذاني لان ماعندي اسنان وكل الطرق تؤدي الى رومــا .. المهم تاخذين اللبتون وتشقينها وتخلطينها مع ماي الورد لين يصير الماي لونه اخضر .. بعدين حطي حبه فيتامين E اخلطيهم عدل .. لاتسخنين الماي موزين يأثر على الحبــه .. الموهم ..وحطيهم بقوالب الثلج .. وحطي الاعواد مثل مانا حاطه بس اول تخلين الخلطه تجمد شوي وتقززين الاعواد فيها .. وكل يوم اخذي لج عود ومرريه على ويهج .. والله النتيجه فتاكه ..
اضافرج متقوسه .. ماتطول .. تتقصف .. ماتنبت .. هذه عنايتي باظافري .. وترا انا كنت من النوع الى تاكل اظافيرها ههههههه بس الحين الحمدالله شوي شوي متحسنين .. كل الى تحتاجينه زيت جنين القمح + حبوب الكالسيوم + فرشه الوان مائيه او ملوت المكيــاج ... واطحني لج حبه وضيفي عليها الزيت .. وكل يوم حطي حق اضافرج هالخلطه .. شوي شوي راح تحسين ان اضافرج صارت قويه .. وراح تطلع صحيه بإذن الله .. بس داومي عليها ..الحبه مع الزيت تطول اسبوع تقريبا .. يعني انت سوي الخلطه وغطيها .. وكل شوي حطي منها مثل الوسمه .. اى وقت تبين .. يعني مو كل مره راح تطحنين وقصه لا .. مره بالاسبوع
الفكـــره الثاني والثــلاثون
تبين شفايفج مورده بلوك طبيعي .. ماتبين غلوس ولا حمره فاقعه .. شوفي طريقتي .. كل الى تحتاجينه فازلين وحمره سحريه .. وعلبــه شدو فاضيه او اى علبه صغيره ماتبينها .. اخذي ربع الحمره السحره .. واخلطيها مع فازلين .. مع ملاحظه ان الفازلين يكون بكميه اكبر من كميه الحمره .. واخلطيهم مع بعض .. وخليهم عندج بعلبه صغيره واستخدميها .. بيكون الناتج شفايف ورديه طبيعيه ..
عندج عرس وبتحطين كريم جسم .. وتتضايقين منه حزه غســله .؟! وماتحبين الكريم يبين طبقه على جسمج .. انا اعلمج .. تسبحي .. او رشي على جسمج ماي .. وحطي بيبي جونسـون .. وجسمج مرطب شوي مو من الماي من الكريم .. حطي عليه كريم الجسم مالج .. وشوفي النتيجه .. راح يصير طبيعي مع جسمج وكانه لونج الطبيعي ..ولما تغسلينه بسرعه يطلع معاج .. انا هذه طريقتي .. لان ماحب الشي الثقيل والى مايطلع بســرعه .. بس استخدمي هالطريــقه وراح ترتاحين ..وترا حتى بالصالون اخذه معاي وبالصالون وهي تحط لى احط بيبي جونسـون واكون مرطبه جسمي بماي صحه معاى او بحمام الصـالون .
الفكره الرابع والثــلاثـون
توج راده من بــرا .. ولابســه لفـه .. قطي الملفع .. واخذي لج قطنه مع الاسكنول .. ومرريها على رقبج .. مع ريــولج .. وشوفي العجايب الى راح تطلـــع .. نصيحه .. مع كل عوده للمنــزل سوي هالحركـــه .. ومع كل مره راح تلاحظيــن ان رقبج فتحت وصار لونها من لون ويهج .. لاتهملينها لانها منطقه حســاسه .. وحتى ريولج اذا فيها سواد من الاحذيه شوي شوي بتفتح معاج
الفكره الخــامس والثــلاثــون
كلنا يعرف فوايد الثوم للشعر .. وشكثر يكثف الشــعر وينبت الشعره .. ويقولون ان الى فيها مكان فاضي براسها من الشعر خل تفرك فيه ثومه وخلال اسبوعين راح ينبت الشعر فيها .. ويعالجون فيه الثعلبــه .. بس كلنا مانحب ريحته .. شوفي فكرتي .. استبدلي الثوم بحبوب الثوم .. مالهم ريــحه كلــش .. ونفس فايده الثــوم .. وعلى فكره الحبه الوحده تعادل ثومه كاملـــه .. بس هالحبوب مكبوسه .. وشايلين الريحه منها يعني تمتعي بفوايد الثوم بدون رائحــه .. عن نفسي .. اخذ حبه واطحنها .. واحطها بالزيت وادهن شعري فيها .. وزيتي زيت زيتون مع خروع فقط .. ماحط اى شي آآآخر ..وتقدرين تطحنين الحبه وتحطينها مع الحنــا .. ومع الســدر .. يعني انتي اخذي الفكره اى شي فيه ثوم .. ماتبين ريحته حطي حبوب الثــوم
دعواتكــم بنات
ملاحظه : الحبوب موجوده بالصيدليــه .. اخذي نفس النوع الى انا حاطته لان ماله ريحه .. موتجربين نوع ثاني وتقولين حقوق وهقتنا
كلنا وده بشرته منتعشه على الدوام .. بس مرات لما تحطين اساس وتردين البيت .. وتغسلين ويهج تحسينه محترق .. وخصوصا لما تكونين طالعه الصبح .. انا استخدم الماي المقطر .. يعني شي فرش ترشينه على ويهج ..كل ماحسيتي ان ويهج ودج تغسلينه .. لان هالاحساس دايم يجيني وانا بالجامعه !! مادري ليش كل مارحت الجامعه وانا حاطه ميك آب ودي اغســل وجهي منه واخلى ويهي بدون ميك آب .. بس مع هالماي المقطر كنت ادش الحمام وارشه على ويهي واطلع .. ولا تخافين مايخرب المكيــاج ولا اصلا تصير قطرات على ويهج .. يعني ماتحسين فيه بس تحسين بانتعاشه ..
ملاحظه : في انواع .. بس هذا احلى نوع جربته
الفكره الســـابع والثــلاثون
تبين انتعاش .. ونضاره دائمه .. وبيس قبل المكياج .. استعملي هالطريـــقه .. ماي ورد مع كولاجين .. نفس الى انا حاطه صورته .. ماخذته بـ 15 د.ك واخذي لج مرش صغير واخلطي الكولاجين مع الماي ورد .. ورشيه على ويهج دايم .. طول ماانتي بالبيت رشي رشي على ويهج .. حسسيه بالانتعاش .. بس لاترشينه فوق المكيــاج .. قبله بس .. وباقي الوقت رشيه وويهج مافيه شي وشوفي مع الوقت بشرتج شلون راح تصير ...المرش الصغير ياخذ حبتين كولاجين .. اذا مرشج اكبر .. زيدي ..
تبين لون برونزي على ذهبي .. حياج مع هالطريــقه .. لاصالونات ولا كريمات ولا هم يحزنون .. كل الى تحتاجينه كركم جسم .. وحنه حمرا وبيبي جونســون .. اخلطي الحنــا مع الكركم مع بيبي جونسون .. والماي شووووويه .. شويه شويه .. يمكن مايوصل فنجانبس عشان الحنه ماتتكتل .. وكميه الحنه والكركم .. على حسب جسمج وعلى حسب اللون الى تبينه تبين لون ذهبي حيل حطي كركم زياده شوي تبين برتغالي قللي من الحنه تبين لون معتدل خلى الحنا اكثر من الكركم وكميه الكركم متوسطه.. انتي ونظرج .. وتقديرج
اتمنى انكم استفدو من هالموضوع .. وهذه غالبيه افكاري وتجاربي .. ويشهد الله مابخلت عليكم بشي وماقلت شي الا وانا مجربته وواثقه من نتيجته وصحته ..ومابي منكم الا دعوه بظهر الغيب ان الله يسهل اموري ومشكووورين على المتابعه ..
تبين تستفيدين من الدهن اقصى استفاده .. وماتحبين تطولين فيه .. خصوصا المتزوجات .. حيل يضايقهم الدهن .. واعرف بنات وايد مايحبون ينامون بالدهن .. لانه يدمر الفرش .. فنصيحتي لج .. اخذي الدهن وسوي له حمام مائي .. يعني خليه حار .. وحطيه على راسج .. لاتسخنينه بالمقله لالالالا .. حمام مائي .. ووصليه لدرجه الحراره الى تقدرين تتحملينها وبعدين حطيه على شعرج .. راح تحسين بحراره الدهن وشلون فروه الراس امتصته عدل .. وخليه لمده نص ساعه وغسليه .. واحسن شي توزعين فيه الدهن .. بعلبه محلول العدسات .. الى راسها مدبب .. يدخل بين الشعر .. ويتوزع عدل .. وهو تقريبا مثل علبه الصبغ الى تشترينه من الجمعيات .. يعني سخني الدهن وحطيه بعلبه المحلول او حطيه بعلبه المحلول وسوي الحمام المائي وهو بعلبه المحلول .. وشوفي النتيجه عقب .. جذي يستفيد شعرج من الدهن اما تحطينه بارد ماكو فايده .. حتى يقولون لج .. حطي الدهن ولفي شعرج بفوطه مبلله حاره .. وساعات لما تروحين للصالون يحطون لج الدهن ويلفون شعرج بفوطه ويصبون فوقه الماي الحار وراسج بالحنفيه ..
الفكره الاربعين
اعرف بنات وايد يستخدمون التونك لازاله المكيــاج .. ولا يستخدمون مناديل جونسون .. انا ماقول هذوله مو زينين .. بس الاحسن منهم جميعا زيت الزيتون .. عملي ورخيص وبنفس الوقت مفيد .. خلى لج علبه مثل الى بالصوره على التواليت مالج .. ولما تبين تمسحين المكياج حطي لج شويه زيت زيتون بيدج .. وفركي فيه وجهج مو بقسوه بخفه بحركه دائريه مثل المساج .. وعلى الرموش بعد مسحي .. لين يصير ويهج كله اسود وسايح على بعض من زيت الزيتوت .. اخذي لج قطنع عريضه نفس الى بالصوره ومسحي ماتبقى من زيت الزيتوت ..راح يطلع كل الميك اب من ويهج .. بدون جفاف .. جربي
الفكره الواحد والاربعين
عندج عرس وحاطه كريم جسم .. ومالج خلق يبقع على ملابسج .. وعلى العبايه .. حطي كريم الجسم .. وعقب حطي عليه مزيل العرق الرش .. رشي على كل المنطقه الى فيها الكريم .. وانطري شوي لين ينشف وشوفي النتيجه .. ماراح يطبع معاج ..لاتحطين بودر بس كريم الجسم وفوقه مزيل العرق ..
هذه فكره للمحافظه على الرموش ..كلنا ندري ان الماسكرا تحت الرموش .. وكلنا يعرف بعد ان الخروع ينبت الرموش .. فشوفي هالفكره .. وطبقيها .. وانا اضمن لج .. تحسن 80% بمستوى رموشج .. بس واضبي عليها .. وخليها كل يوم ليلاً تحطينها .. مع الاستمرار والوقت .. بتحسين بتحسن رموشج .. الفكره عباره عن زيت الخروع مع الفازلين .. اخلطيهم عــدل .. لين يصير المزيج سائل .. واندمج الفازلين مع الخروع .. واخذي لج ماسكرا فاضيه ونقعيها بماى حار.. لين يطلع كل الى فيها .. ونظفيها .. واحقني المزيج داخل العلبه .. بالابــره ...وكل يوم حطي من هالماسكرا ..وشوفي النتيجه
الفكره الثالث الاربعيـــن
هذه فكره للرؤوس السوداء .. قناع تحطينه لمده ساعه .. تعصرين ليمونه مع ملعقه زيت زيتون وملعقه عسل وملعقه شوفـــان .. اخلطيهم وحطيه على ويهج .. وان شاء الله مع الاستمرار اليومي .. تحسين ان الرؤوس السوداء اختفت ..حطيه مع فرك خفيف مثل السنفره بعدين خليه لمده ساعه وغسليه ..
كلنا نحب العدســات .. وكلنا نعاني ان لبسنا العدســات صارت عيونا حمــر !! لدرجه نقول عيونا بدون عدســات احلــى .. تبين عيون بيـــضا مع العدســات ... ووداعاُ للخطوط الحمـــرأ .. حطي هالقطره .. اسمها القطره الزرقـــاء .. حطيها قبل العدســـه بفتره .. ربع ساعه .. واقل شي عشر دقايق ... مو تحطينها وتلبسين العدسه على طول لا .. راح تكون لج اطار ازرق حول العدســه .. عشان جذي اقولج حطيها فتره وعقب حطي العدســه .. وتمتعي بعيون ..بيضاء مع العدســـات ...
ملاحظه : القطره الزرقـــاء في منها انواع .. بس انا ارتاحت عيني على هذه .. ماخذتها من فرنســـا ومادري اذا في بالكويت او لا وقبل كنت استخدم برولزين .. صناعه مصريه .. زينه بعد .. سعرها بحدود الدينار و900 فلــــس ..
الفكره الخامسه والاربعين
عليج الدوره .. ومتأذيه من غازات البطن .. عليج الدوره وبطنج متفوخ .. مالج الا النقوعه .. يابنات هالخلطه تشترينها جاهزه من الحواج .. قولى له ابي نقوعه .. وراح يعطيج ياها .. اهي عباره عن اعشــاب .. ومع الاستعمال المستمر .. بطنج يدش بظهرج .. تشد البطن .. وتنزل الدم .. وتنظف الرحم .. استخدميها كل دوره .. والى تبي بطنها يختفي استخدميها بالدوره وباجي الايام .. بس كثري منها وقت الدوره .. انا عن نفسي مااستغني عنها .. خصوصا اني متزوجه .. واهي زينه للمره المتزوجه حييييل ...
الفكره السادسه والاربعين
تحبين الفراوله .. تبين ريحتج كلها فراوله .. ولا اقدعها لونش يسويها .. اشتري من الجمعيه .. هالشامبو والبلسم .. الواحد على 900 فلــس .. اخذي الشامبو وحطيه داخل باديه صغيره وحطي شوي من الجيلي مال الاكل .. واخلطيهم عدل ..وضيفي شويه ماي .. لين تطلع لج رغوه .. عقب تسبحي فيه مثل الشاور جل .. والبلسم حطيه بالباديه وزيديه شويه الجيلي وحطيه على شعرج .. وخليه شوي .. وعقب غسليه .. بتصيرين فراولـــه ..ولو عندج لوشن على فراوله تكمل المجموعه .. تصيرين فراوله مركزه
تبين اسنانج بيضـــاء .. هذه الخلطه اضمنها لج .. وعن تجربه .. تستخدمينها قبل معجون الاسنان .. والله بنات نتيجتها رهييييبه .. وعلى فكره هي من طبيب اسنـــان اهو الى قالى عنها .. وشفت السكرتيره الى عنده .. وقالت لى انها جربتها .. واسنانها ماشاء الله تجنن .. وانا بعد جربتها .. والله 3 ايام وفرقت اسناني معاي .. ولو اقدر جان صورتها لكم بس حكم قراقوش .. مايطلع مني الا ايدي هالفكره ملعقه من بيكربونات الصودا وجيكوو الصودا مو الصوديم .. لان في بيكربونات الصوديوم .. هذه مكتوب عليها الصودا .. وتلقونها صوب سوالف البكنج باودر و الكاستر والخميره .. ومعاها حطي حبه فراوله .. راح تشوفين اول ماتخلينهم تفاعل .. وتصير الخلطه كانها معجون اسنان .. فرشي اسنانج فيها .. لين تخلص الخلطه .. وعقب فرشي بمعجونج العادي.. مع الوقت راح تشوفين البيـــااااض ...
الفكره الثامنه والاربعين
هذه الفكره حق الى عندها حبوب .. وكمان حق الى تبي تعتني ببشرتها وتمنع الحبوب من الظهور .. الفكره بسيطه .... صابونه وتقدرين تستخدمين الصابونه الشفافه انا استخدمت صابونه الكبريت لان مفعولها اكبر على الحبوب .. فعشان جذي انا حطيتها .. الفكره بسيطه .. تبشرين صابونه الكبريت .. وتحطين معاها سكانه ماي ورد او ماي عادي .. بس انا احب استخدام ماي الورد بكل خلطه فيها ماي .. ومعلقه عســـل .. ومعلقه زيت زيتون .. واخلطيهم عدل .. مع تقليب مستمر .. بس اول شي تذوبين الصابونه الكامله بسكانه ماي ورد .. وتحرينها على النار شوي .. ولما تخلصين راح تحصلين على قوام لزج .. ضيفي ملعقه العسل وملعقه الزيت الزيتون واخلطيهم عدل .. وحطيهم بعلبه مثل العصار لان القوام بيصير لزج .. نفس غسول نتروجينا ..وغسلى فيه ويهج دايم .. وان شاء الله تشوفين النتيجه ..واختفاء الحبوب ..او اقلها احمي بشرتي من الحبوب خصوصا حبوب الدوره
