- إنضم
- 18 يناير 2011
- المشاركات
- 1,011
- مستوى التفاعل
- 0
- النقاط
- 0
... السلام عليكم ورحمة الله وبركاته...
مثل مو مبين من عنوان الموضوع بيكون تحدي بيني وبين اوركيدا عشان نشوف من الي تصير رشيقة قبل ههههه
والهدف نشجع بعض و حيااااها الله اللي حابه تبدأ معانا وتشاركنا برجيمها و يومياتها (يفضل يكون بالصور) من السبت و راح نشجعها و نواصل مع بعض ان شاء الله بس هالله هالله بالنشاط و الهمه لان والله بنات تعبنا من السمنه و الجسم الي مو متناسق واهم شي الارااااده ترا بدونها لا تحلمين انج بتوصلين لهدفج<<< مو تحبيط بس عن تجربة برجيماتي قبل ما كان عندي اراده و كنت بعد كل فترة ريجيم ارجع الجم كيلو الي خسرته اضعاف :eh_s(14):
سوووو اللي ماعندها اراده ولا تقدر تلتزم بلييييز لا تشارك <<< خخخ مو طردة بس لان نبي نبدأ صح ويكون تحدي قد كلمتنا
عشااان نوااصل مع بعض<<< الشرووط
- اول شي لازم تكونين ماله من الشحوم الي عليج و عندج الاراااااده و تدورين الفكة وعندج هدف تبين توصلينه بهالشي والله بتتعبين ع نفسج و توصلين غصب للي تبينه<<يقولون بنات حوا لي بغو الشي وصلوله يلا وروونا شطارتكم :rerrerek:
- كل وحده بتشترك تعرفنا بنفسها و طولها ووزنها و هدفها وغيروو >>> شتحب و شتكره ههههه عادي عادي أي شي بس فضفضو
- الالتزااااااااام اهم شي والمصداقية: مانبي غياب و نحط صور يومياتنا شكلينا و شسوينا رياضة او غيره و شنو شرينا للرجيمات يعني مابيكون بس اكل و خلاص نخليه موضوع دردشة والي بخاطركم قولوة واللي تخربط تعترف ومانخش ع بعض عشان ننصح بعض ونتشجع اكثر
- لين يكتمل القروب بنحدد مع بعض موعد يناسبنا للميزان الي حابه كل اسبوع او عشر ايام او اكثر براحتكم >>> بس مو براحتكم ماينقص وزنكم ياويييلكم :eh_s(4):
- اخر شي بيكون في عقااااااب صارم للي ماتلتزم وتخربط كل هذا عشان مصلحتكم :rgewrg:
خلصنا هذرة يلااااا يا بطوووطات و مرربربااات حيااااااااكم :ggdw::eh_s(9)::ggdw:
نبدأ الجد و نصير رشييييقااااات و نكشخ بجسمنا <<< العارضات مو احسن منا
نبدأ الجد و نصير رشييييقااااات و نكشخ بجسمنا <<< العارضات مو احسن منا
للعلم انا مو متينه وايد جسمي وسط بس حابه اكون رشيقة اكثر واكثر وكل الي اسوية هذا عشانكم ودي اسااعد كل البنات و اشجعهم ع الرشاقة...
ويااااااااااااارب تضعف كل الدبدوباات بصحه وعافية :yaaaaaarb:
