الدانة-81
New member
- إنضم
- 25 نوفمبر 2008
- المشاركات
- 1,089
- مستوى التفاعل
- 0
- النقاط
- 0
مرحبا--شلونكم بنوتات
بما ان الربيان الكويتي نزل بالسوق في أول الشهر-فالكل يبي يسوي حمسة ربيان ولا برياني ربيان :082502bye_prv:
فأنا سويت ذاك اليوم حق يمعتنا حمسة ربيان ويا عيش بالخضراوات
نبدي بمقادير حمسة الربيان: ( حسب اللي انا طبخته-تقدرين تقللين أو تزيدين)
2 كيلو ربيان (مغسول و مقشر)
بصلة وحدة وسط مقطعة مربعات
ثوم+ زنجبيل مهروس (أخلطهم مع بعض في مطحانة القهوة و أسوي منه كميات و بالثلاجة)
نص شدة شبنت + نص شدة كزبرة (مفرومين)
بهارات سمك+ بهارات تندوري+ فلفل أسود
3 ملعقة كبيرة كتشب+ فلفل دقوس + صويا صوص
ربع قوطي كريمة كي دي دي
الطريقة:
حمسي البصل في زيت و قلبي ليما يصير شفاف
حطي الربيان و قلبي ليما يطلع مايه- حطي اذا تبين 3 حبات هيل+ 3 حبات مسمار+ 3 حبات فلفل أسود+ ورقة غار
خلليه يطبخ بالماي (يطوّل يمكن ربع ساعة)
بعدين حطي الثوم و الزنجبيل
ضيفي البهارات اللي عندج
و حطي الخضرة و قلبي
بعدين حطي الكتشب و الصويا صوص و الدقوس
و آخر شي ضيفي الكريمة
خلليها تطبخ ليما تتكثف
و هذي صورة الحمسة-حطيتها ببايركس و صكيتها
[/url][/IMG]
أما عيش السبانخ فالمقادير اهي:
عيش أمريكي مغسول و منقوع
بصلة وسط مقطعة مربعات
نص كيس سبانخ مثلجة
نص كيس او أقل خضار مشكلة (جزر+ بزاليا)
ثوم و زنجبيل مهروسين
مكعب ماجي
ملعقة كبيرة شبنت+ كزبرة مفرومة
ملح+ كركم
الطريقة:
حمسي البصل ويا نص اصبع زبدة (عشان يصير العيش ناطع)
و حطي السبانخ و و الخضار وهي مثلجة
قلبي فيها ليما تذوب
بعدين حطي الماجي و الخضرة و قلبي
بعدين كتي العيش فوقهم و حوسي
رشي عليه ملح و كركم
و آخر شي صبي عليه ماي حار بحيث يغطي العيش تقريبا 2 سم
و خلليه يطبخ ليما ينشف الماي- بعدين صبي زيت فوق العيش بقفشة كبيرة و حطي حديدة تحت الجدر
و غطي الجدر و وطي عالنار ليما يتسكر العيش
و هذي صورة جدر العيش
[/url][/IMG]
ما قدرت أصور العيش بطبق التقديم لأني كنت موديته حق يمعتنا و نسيت أصوره
و اللي تجربه تدعيــــــــــــــــــلي:yaaaaaarb:
بما ان الربيان الكويتي نزل بالسوق في أول الشهر-فالكل يبي يسوي حمسة ربيان ولا برياني ربيان :082502bye_prv:
فأنا سويت ذاك اليوم حق يمعتنا حمسة ربيان ويا عيش بالخضراوات
نبدي بمقادير حمسة الربيان: ( حسب اللي انا طبخته-تقدرين تقللين أو تزيدين)
2 كيلو ربيان (مغسول و مقشر)
بصلة وحدة وسط مقطعة مربعات
ثوم+ زنجبيل مهروس (أخلطهم مع بعض في مطحانة القهوة و أسوي منه كميات و بالثلاجة)
نص شدة شبنت + نص شدة كزبرة (مفرومين)
بهارات سمك+ بهارات تندوري+ فلفل أسود
3 ملعقة كبيرة كتشب+ فلفل دقوس + صويا صوص
ربع قوطي كريمة كي دي دي
الطريقة:
حمسي البصل في زيت و قلبي ليما يصير شفاف
حطي الربيان و قلبي ليما يطلع مايه- حطي اذا تبين 3 حبات هيل+ 3 حبات مسمار+ 3 حبات فلفل أسود+ ورقة غار
خلليه يطبخ بالماي (يطوّل يمكن ربع ساعة)
بعدين حطي الثوم و الزنجبيل
ضيفي البهارات اللي عندج
و حطي الخضرة و قلبي
بعدين حطي الكتشب و الصويا صوص و الدقوس
و آخر شي ضيفي الكريمة
خلليها تطبخ ليما تتكثف
و هذي صورة الحمسة-حطيتها ببايركس و صكيتها
أما عيش السبانخ فالمقادير اهي:
عيش أمريكي مغسول و منقوع
بصلة وسط مقطعة مربعات
نص كيس سبانخ مثلجة
نص كيس او أقل خضار مشكلة (جزر+ بزاليا)
ثوم و زنجبيل مهروسين
مكعب ماجي
ملعقة كبيرة شبنت+ كزبرة مفرومة
ملح+ كركم
الطريقة:
حمسي البصل ويا نص اصبع زبدة (عشان يصير العيش ناطع)
و حطي السبانخ و و الخضار وهي مثلجة
قلبي فيها ليما تذوب
بعدين حطي الماجي و الخضرة و قلبي
بعدين كتي العيش فوقهم و حوسي
رشي عليه ملح و كركم
و آخر شي صبي عليه ماي حار بحيث يغطي العيش تقريبا 2 سم
و خلليه يطبخ ليما ينشف الماي- بعدين صبي زيت فوق العيش بقفشة كبيرة و حطي حديدة تحت الجدر
و غطي الجدر و وطي عالنار ليما يتسكر العيش
و هذي صورة جدر العيش
ما قدرت أصور العيش بطبق التقديم لأني كنت موديته حق يمعتنا و نسيت أصوره
و اللي تجربه تدعيــــــــــــــــــلي:yaaaaaarb:
