حكم اللي ياخذون معاش دعم العماله واهم في بيوتهم

MyLittleBerry · 16 أبريل 2009

انا اشوف هالظاهره انتشرت

كلمن قاعد في بيته ويشتغل على معاش دعم العماله

ابي توضيح حلال ولا حرام

وحده من اهلي تقول الشيخ الطبطبائي افتى في برنامجه ان يجوز في حال على الاقل تبدي رايها في الشغل !!

وامي دقت على الشيخ عيسى زكي اللي يطلع في اذاعة القرآن قال ان حرام لان يعتبر خداع للناس ودعم العماله ينزل دعما للقطاع الخاص

الشامريه · 16 أبريل 2009

حرااااااااااااااااام

انا مره رايحه للهيكله ولا حاطين فتوى كبيره انها مايجوز وحرام والفتوى صادره من لجنة الافتاء بالسعوديه

حبيبه زووجها · 16 أبريل 2009

انا الي سمعته حراااام

.

}{داشـه عرض}{ · 16 أبريل 2009

السؤال:

السلام عليكم ورحمة الله تعالى وبركاته
اختي ترغب بالتسجيل بأحدى الشركات لتأخذ علاوة دعم العمالة الكويتية دون أن تشتغل فعليا بتلك الشركة.

الجواب:

بسم الله الرحمن الرحيم
الحمد لله رب العالمين، وأفضل الصلاة وأتم التسليم، على سيدنا محمد خاتم الأنبياء والمرسلين، وعلى آله وأصحابه أجمعين، والتابعين، ومن تبع هداهم بإحسان إلى يوم الدين، وبعد:
فلا يجوز ذلك، لمخالفته لقوانين الدولة، ولأنه أخذ مال من الدولة بغير حق.
والله تعالى أعلم.

المصدر :البوابه الاسلاميه - الموقع الرسمي لوزارة الأوقاف والشئون الإسلامية - دولة الكويت

حباري · 19 مايو 2009

وحدة من صديقاتي تاخذ من دعم العمالة بس ما تداوم وهي بشركة ابوها بس عشان عن الحلال والحرام قاعدة تساعد ابوها بشغلة يعني تعد معاه الاوراق وتسوي كشوفاتها كانها تشتغل عندة يعني بس مرة بالشهر تسوي جذي؟؟؟ هل يجوووووووز او لاااااا

Lemon Juice · 19 مايو 2009

}{داشـه عرض}{ قال:
السؤال:

السلام عليكم ورحمة الله تعالى وبركاته
اختي ترغب بالتسجيل بأحدى الشركات لتأخذ علاوة دعم العمالة الكويتية دون أن تشتغل فعليا بتلك الشركة.

الجواب:

بسم الله الرحمن الرحيم
الحمد لله رب العالمين، وأفضل الصلاة وأتم التسليم، على سيدنا محمد خاتم الأنبياء والمرسلين، وعلى آله وأصحابه أجمعين، والتابعين، ومن تبع هداهم بإحسان إلى يوم الدين، وبعد:
فلا يجوز ذلك، لمخالفته لقوانين الدولة، ولأنه أخذ مال من الدولة بغير حق.
والله تعالى أعلم.

المصدر :البوابه الاسلاميه - الموقع الرسمي لوزارة الأوقاف والشئون الإسلامية - دولة الكويت

يزاج الله خير اختي
ما قصرتي

سرى اليل · 19 مايو 2009

الحين ناخذ فتوى السعودية ولا الكويت اعتقد لكل بلد لة عالم علماء الكويت فيهم الخير والبركة ليش كلما جاء شي قلتو علماء السعودية قالو ليش ماعندنا علماء الحمد الله اتمنى من بنات الكويت ياخذون بعلماء اهل الكويت فقط

كسرة البخوره · 19 مايو 2009

ياليت يحطون عقوبه لهم سجن 3شهور ويرجعون كل فلس خذوه لان تعدي على اموال الدوله
وأولهم ناس قريبين مني حيل أقولهم حرام يقولون وهم مو حرام عليهم مايمشون لنا معاشات
الله يهديهم ان شاء الله
اختي سرى اليل احنا لما نقول علماء سعوديه
افضل ليش؟ لانهم أكثر علم وكفاءه من علماء الكويت
وعلماء الكويت جزاهم الله خير يجتهدون بس الاكيد والصح علماءالسعوديه

*باجر أحلى* · 20 مايو 2009

الافضل تركها لانها فيها شبهة

ملح بدويه · 20 مايو 2009

ماعندي فكره

SaD FaCe · 28 سبتمبر 2009

رفيجتي طالبه بالجامعه اقطعت اعانتها وسجلت بشركه واحد يصيرلها وينزلها دعم عماله بس 300 ديناروشي .. لان ظروفهم شوي صعبه ..

هل هذا يعتبر حرام بعد ..؟ ومدير الشركه راضي يعني ...؟؟

وشلون يصير حلال..؟؟ لازم تشتغل بالشركه عدل ...؟؟

HERMITAGE · 28 سبتمبر 2009

انا سمعت الطبطبائي قال اذا صاحب العمل يدري يجوز لان كانت وحده داقه وتسال قالت زوجي يبي يوظفني بشركته بدون دوام قالها بعلمه واهو صاحب العمل وراضي يجووووز

الشمائل المحمدي · 28 سبتمبر 2009

كسرة البخوره قال:
ياليت يحطون عقوبه لهم سجن 3شهور ويرجعون كل فلس خذوه لان تعدي على اموال الدوله
وأولهم ناس قريبين مني حيل أقولهم حرام يقولون وهم مو حرام عليهم مايمشون لنا معاشات
الله يهديهم ان شاء الله
اختي سرى اليل احنا لما نقول علماء سعوديه
افضل ليش؟ لانهم أكثر علم وكفاءه من علماء الكويت
وعلماء الكويت جزاهم الله خير يجتهدون بس الاكيد والصح علماءالسعوديه

كلامج كله 100%

خجوله احب الناس · 28 سبتمبر 2009

من يتق الله يجعل له مخرجا .....

SaD FaCe · 28 سبتمبر 2009

يعني اذا صاحب الشركه يدري حلال ..؟؟ هم انا سمعت ان الطبطبائي قال جذي

الحمدالله ..

** شيخة ** · 28 سبتمبر 2009

بنات اللي تسال وتقول

يعني بالعقل ترى كل بنت تاخذ دعم العماله تدري انه حرام بس تبرر باشياء ثانيه

واللي ماتدري انه حرام تدري انه فيه شبهه

حتى بدون لاتسالون مشايخ الشي واضح ( انت تاخذ شي انت ما تستحقه )

دعم العماله عشان يشجعون الكويتين يشتغلون بالقطاع الخاص

طيب لي اهني حلو

اللي مايشتغل بالقطاع الخاص يستحق هالشي ؟؟

** شيخة ** · 28 سبتمبر 2009

SaD FaCe

حبيبتي حتى لو صاحب الشركه يدري مو اهني المشكله

احنا خل نتكلم عن المشكله بالتحديد وبالدقه

انتي لو تاخذين معاش من صاحب الشركه اوكي فلوسه وكيفه

بس دعم العماله من الحكومه صح ؟؟

يعني موافقة صاحب الشركه لاتقدم ولا تاخر تبقى المسأله ان الانسان ياخذ شي مايستحقه

انا اقول اللي ياخذون دعم العماله خل يراجعون نفسهم اكثر من مره بدون لايسالون مشايخ وبعرفون من ذات نفسهم انه هالشي غلط

حتى لو محتاجه الله بيغنيها ان شاء الله بس ولا اني اخذ شي حرام

زيـنـه · 28 سبتمبر 2009

توه امس او قبل امس في احد الجرايد كتبوا ان في قضيه في المحاكم مرفوعه من اعادة هيكلة القوى العامله على عدد معين من المواطنين قاعدين ياخذون دعم عماله دون وجه حق و القضيه الاولى من نوعها .
يعني المفهوم ان هالشي لا يجوز و يعارض قوانين الحكومه .

رفرف · 28 سبتمبر 2009

انا ما افتي بس حتى لو بعلم صاحب الشركة اهوه ماله شغل الفلوس مو قاعدة تنوخذ منه .. الفلوس فلوس الحكومة ..
وصاحب الشركة مستفيد حتى لو مايعطي معاش لأنه ملزم بتعيين نسبة من الكويتيين فجذي صاحب الشركة + الشخص اللي متعين تعيين وهمي مستفيدين ..
والمتضرر طبعا الحكومة لأنه تحايل عليها ..

بالعقل ما يصير .. وانا اقول استفت قلبك ولو أفتوك ..

gogona · 29 سبتمبر 2009

بناااااات حتى اذا صاحب الشركه موافق ترى الدوله مو موافقه وقاعد التقاضس الناس الي يسون جذي

حكم اللي ياخذون معاش دعم العماله واهم في بيوتهم

New member

New member

New member

*عضــوة شرف في منتديات كويتيات*

New member

*عضــوة شرف في منتديات كويتيات*

New member

New member

New member

New member

New member

New member

New member

New member

New member

New member

New member

**عضوة شرف في منتديات كويتيات**

*عضــوة شرف في منتديات كويتيات*

New member

عضــوة شرف في منتديات كويتيات

عضــوة شرف في منتديات كويتيات

عضوة شرف في منتديات كويتيات

عضــوة شرف في منتديات كويتيات