حقن البوتكس (علاج مشكلة تعرق الابط واليد)

ترتر وزري · 13 مايو 2006

مرحبااااااااااا بنات

فيه وحده جربت حقن البوتكس في الابط لمنع التعرق نهائيا

فيه حقن يطقونها في الابط عساس تمنع التعرق نهائيا والتصبب وايضا تحفن في اليد اللي يتصببون عرق من ايدينهم

والحقن عباره عن مجموعه من الحقن يحقنون فيها المريض في الابط باكثر من مكان وهي تقتل المناطق اللي تسبب افراز العرق والبكتيريا .. ومفعولها يستمر الي ست اشهر ..ويرجع المريض ياخذها كل سته اشهر

ووناويه اسويها ..

فيه وحده جربت الحقن وسوتها ؟؟؟

** الحب كله ** · 13 مايو 2006

مشاركة: حقن البوتكس (علاج مشكلة تعرق الابط واليد)

عاد تصدقين باجر موعدي بمستشفى الهادي لاني زهقت من نفسي وسالت عن هالابر اذا تضر ولا لأ قالولي ما تضر لانها تكون علاج جلدي ووايد ناس يسونها

حبيب قلبي · 13 مايو 2006

مشاركة: حقن البوتكس (علاج مشكلة تعرق الابط واليد)

لا ما جربتها بس مافيها خطورة يعنى العرق بعدين ما يتخزن واذا جربتيها قوليلى شنو صار معاج

** الحب كله ** · 13 مايو 2006

مشاركة: حقن البوتكس (علاج مشكلة تعرق الابط واليد)

انشالله حكوكو 001 باجر توصل لكم الاخبار - انا امس رحتله الصبح ووصفلي كريم املا المخدر قالي قبل لا تيين عندي العياده بنص ساعه حطيه ولبسي شي ما يشرب العرق وتعالي والله يستر باجر

ترتر وزري · 13 مايو 2006

مشاركة: حقن البوتكس (علاج مشكلة تعرق الابط واليد)

اولا الله يوفجج الحب كله وعسا الله ياربي يا كريم تتعافين وتتشافين وتضبط العمليه

عاد تصدقين رحت امس مستشفي السلام والله خوش دكتور وصريح بعد وخذيت موعد عقب ثلاث اسابيع من الزحمه

وقالي الاتي :
قالي .. اول شي العمليه ما تاخذ الا نص ساعه للاباطين ونخلص
ثانيا : اول شي يطق حقنه في الابط هاذي الحقنه راح تسوي زراق في الابط والاماكن اللي فيها لون ازرق وايد معناتها هي المناطق اللي تفرز العرق وايد ويعلم عليها بالقلم

هاذي اللي علم عليها بالقلم اهي اللي راح يطق الابر فيها وتكون اكثر من ابره باكثر من مكان

ثالثا : قالي مفعول وقف العرق راح يبلش من ثلاث اسابيع عقب الابر يوقف نهائيا
رابعا .. ايي له عقب شهر ويرد يفحص االابط ان كان مازال فيه عرق اذا فيه ..رد طقني ابر لكن اخف اذا مافيه معناتها الابر ناسبتني من اول استخدام

والابر .(الحقن) مره كل 6 اشهر نسويها

وكان الله غفورا رحيما

وقالي .. فيه الم من الابر لكن بسسسسسسسسسسسسسسيط وهاذا اللي خايفه منه

عاد انتي قولي لي اشصار عليج والله يسهل عليج ويهون عليج يااااااااااااااااااااااااااااااااااااااارب العالمين والله انا احاتي واخاف من هالسوالف

.

fulla · 13 مايو 2006

مشاركة: حقن البوتكس (علاج مشكلة تعرق الابط واليد)

انتو متأكدين انها ماضر مدري مكان حساس الصراحه والله الواحد يخاف اضارها عقب

عمري الكويت · 13 مايو 2006

مشاركة: حقن البوتكس (علاج مشكلة تعرق الابط واليد)

بنات لا تجازفون ما تدرون إذا ضركم ولا لأ بعدين سبحان الله كل شيء حكمه من ربي يعني العرق يوم يفرز من جسم أكيد له حكمه من ربي بس إحنا ما نعرفها

** الحب كله ** · 13 مايو 2006

مشاركة: حقن البوتكس (علاج مشكلة تعرق الابط واليد)

مشكووووووووووووره حبيبتي على دعائج حقي بس ممكن سؤال بجم راح يسويها لج وشسمه الدكتور اشرف عفيفي

اعذريني يالهدايا · 14 مايو 2006

مشاركة: حقن البوتكس (علاج مشكلة تعرق الابط واليد)

هلا اختي
انا بعد ودي اسوي لاني تعبت وانا اعاني من هالمشكله
وياريت تفيدونا عن اخر الاخبار للي بتجرب او اللي جربت وين سوته وبجم ؟؟

عمري الكويت
الحمدلله على كل حال وندري انه الجسم لما يفرز العرق شي زين وانه يطردد لسموم من الجسم
بس في اماكن معينه يكون زايد عن حده ولازم يتعالج اذا كان شي مو طبيعي

ومشكووورين بنات عالمووضووع

** الحب كله ** · 14 مايو 2006

مشاركة: حقن البوتكس (علاج مشكلة تعرق الابط واليد)

انا بسويها بالهادي اول مره ب250 وكل 6 شهور يقل السعر

FOZQ8 · 14 مايو 2006

مشاركة: حقن البوتكس (علاج مشكلة تعرق الابط واليد)

رفيجتي مسويتها من 6 أشهر بالشعب التخصصي
وشوي بيعورج ترى
بس عوار تتحملينه

BuTtI^BoOp · 14 مايو 2006

مشاركة: حقن البوتكس (علاج مشكلة تعرق الابط واليد)

يعني العوار بس بوقت ما يقز الابر ولا ياخذ وقت وبجم سوته

ترتر وزري · 14 مايو 2006

مشاركة: حقن البوتكس (علاج مشكلة تعرق الابط واليد)

هلا فيج الحب كله

ايه عند اشرف عفيفي وقالي مثلج 250 دينار بالاول

فوز >>>> عوار بس حزه الابره او عقب او يستمر بين فتره وفتره

اعذريني يالهدايه صاجه فيه اماكن للعرق بشكل مو طبيعي وتحتاج علاج

واعتقد الابر عمليتها ليست بكبت او تصكر المكان اللي يفرز العرق لاااء اهي تعالج المشكله المسببة للعرق
الزائد

** الحب كله ** · 15 مايو 2006

مشاركة: حقن البوتكس (علاج مشكلة تعرق الابط واليد)

ترتر وزري
سويت البوتكس كل شي اوكي الالم بسيط مال الابره بس حزتها وبعدين عادي يروح بس مفعول الابره يبيلها ايام على ما يبين بس هم مو نفس قبل .

جكورة · 15 مايو 2006

مشاركة: حقن البوتكس (علاج مشكلة تعرق الابط واليد)

ماتشوووفون شر إن شاء الله ...
الحلا كله خبرينـــــا بالنتايـــج....

** الحب كله ** · 15 مايو 2006

مشاركة: حقن البوتكس (علاج مشكلة تعرق الابط واليد)

الشر ما ايج حبيبتي جكوره انشاالله الاخبار اول باول بس انا الحب كلا مو الغلا

BuTtI^BoOp · 16 مايو 2006

مشاركة: حقن البوتكس (علاج مشكلة تعرق الابط واليد)

حمدالله عالسلامه شلون ارتحتي وما بين مفعول الابره ولا يبيلها وقت

زيـنـه · 16 مايو 2006

مشاركة: حقن البوتكس (علاج مشكلة تعرق الابط واليد)

اكيد مافيها اثر على المدى البعيد .. لان منطقة الابط كلها غدد و مرتبطه بالصدر ..و كل 6 اشهر لازم تسوونها ؟ يعني ما تقل مع الوقت ؟

ظلال القرآن · 16 مايو 2006

مشاركة: حقن البوتكس (علاج مشكلة تعرق الابط واليد)

ما ادري جنهم يخوفون

ترتر وزري · 16 مايو 2006

مشاركة: حقن البوتكس (علاج مشكلة تعرق الابط واليد)

هلا الحــــــــــــــب كله
الف الحمد الله عالسلامه وان شاء الله يارب الله يعطيج من خير الحقن ويكفيج شرها

وهم ايضا سويتها امس في طيبه كلينك .. بعتها قلت توكلت علي رب العالمين
عاد سويت قبلها اختبار غدد درقيه .. الحمد الله مافيني شي
لكن قالي الغدد العرقيه عندج نشطه جدا ..علشان جذيه افرازي للتعرق كثير

وهم مثلج الابر شوي عورتني .. اخخخخخخخخخخ .. لاني ما دهنت بمرهم للتخدير ولا اي شي رحت وفتحت ملف وسويتها عااا طووووول من نفس الحزة
وقالي يبدي المفعول عقب اسبوع
وقالي تستمر من 6-8 اشهر .. والله اعلم

والله يحفظنا من كل شر

حقن البوتكس (علاج مشكلة تعرق الابط واليد)

New member

New member

New member

New member

New member

New member

New member

New member

New member

New member

New member

New member

New member

New member

**مشرفة قسم الاناقة والجمال**

New member

New member

**عضوة شرف في منتديات كويتيات**

New member

New member

مشرفة قسم الاناقة والجمال

عضوة شرف في منتديات كويتيات