عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

جاي الضحى قال:

ترى بيني وبينج <<<<< النت ماكو بيني وبينج....
فيه ناس تحب الصوت المبحوح.....لول....بس ترى الكلمه إلي سألتي عنها ما قط سمعتها!!!

....​

أنقر للتوسيع...

لووووووووووووووووووول جويهه انا قلتلك صوتك صايرررررررررررررررررر عجيب :dddds:

يعطيكم العافيه على الموضوع الحلو

والمشاركات الاحلى

بس انا تذكرت جم مثل

مد ريولك على قد لحافك
بغيناها طرب صارت نشب
يا دهينه لا تنكتين
حلاة الثوب رقعته منه وفيه

يحلات الموضوضوع وصاحبه الموضووع
ماقصرتي
بحاجه لهسوالف هاذي احنا

خل اقول لكم سالفه عتيجه اشوي مغبره من ارشيف يدتي الله يرحمها "

تقول علي ايام الغوص قبل الرياييل يسافرون بالشهور يغيبون عن بيوتهم وفي خوات ثنتين الاولي امبلتعه مفتحه بالتيزاب والثاتيه فقيييييه امفهيه ماتدري وين الله قاطها"

المهم هالمبلتعه عندها سوالف مني ومناك والفلوس تلعب فيها لعب تشتري بهالذهبان والخام البريسم والزري بو بيزه وكل يوم كاشخه بدراعه شكل

يتها اختها الطبانه جان تقول لها ياخيتي ماتقوليلي انتي من وين اتييبين هالبيزات وهالذهب اللي يرهش عليج مضاعد وقلايد وتراجي كل يوم نمونه يديده
جان ترد عليها المبلتعه قالت لاختها شوفي انا مستعده اعلمج بس بشرط
قالت قولي بسرعه شروطج اعتبريها اوامر"

جان تقول لها الشرط اهو انج تطبخين جيلة عيش وتاكلينها ابروحج من غير مايحس ريلج فيج ون رجع ريلج من الشغل قوليله انا مومشتهيه الغدا شبعانه وخليه ياكل ابروحه
جان تقول المقروده هالشرط مقدور عليه بس مااطلبتي شى جايد بس علميني متي اطبخ ومتي اكل؟؟

قالت لها بكيفج المهم تسوين اللي قلته لج

عقب يوم يومين"



هالطباانه راحت بدار الجيل وخذت جيلة العيش ونقعتها وطبختها وكلت العيش وتالي اغسلت الجدر والصحن وجنها مااسوت شي عقبها بشوي يا ريلها البيت طق الباب فجت له مرته الباب وهلا بوفلان هلا بوعلان حياك ويازين ملفاك وتفضل استريح ومن هالترحيب اللي يحبه قلبكم"


جان يقول حق مرته يامره اش طبختي اليوم الغدا
قالت ياريال ماااطبخت ولا لي خلق اطبخ قال هاااااااااااه يعني ماكليتي شى؟؟
جان تقول لا ورويسك يابعد عمري ماكليت شى
جان يقول لها وهالعيش اللي لاصق بملفعج وتقولين ماكليتي شى

تبلعمت المسكينه ومااعرفت شترد عليه وقعدت تسب وتلعن باختها علي هالخطه
وراحت ركضه بيت اختها تقول ياااااااااااااااخيتي لحقي علي طبخت العيش مثل مااقلتي لي وكليت الصحن كله وغسلت الجدر والصحن وماخليت اثر بس مادري اشلون نسيت انظف ملفعي من حبات العيش اللي طاحت وصادني

جان تقول لها اختها المبلتعه شفتي اشلووون قلت لج منتي قد اللي انا اسويه خليج ياخيتي مجابله بيتج وريلج وايد ابرك لج" ماقدرتي تخشين حبتين عيش طاحوا علي هدومج وانفضحتي

"

جااااااااااااااااااااااايو معنى سالوت بالفرنسى مرحبا :lololoe:

جويهه سالت مااااااى مذر ان لو .....عشتو ثقافتى اجنبيه :ggdw:
وقالتلى معناه ضعيف او منحوت عاد انتى اختارى :dddds:

سالووت = قطعه الخام يسمونها سالووته"

وساتوووول = طابور الناس اللي يصطفون ساتوول"


منهي فيكم تعرف شنو الملمص وشيستعملونه فيه"


الملمص ياطويلات العمر هذا يصير مثل المشط الحديد مال الزرع بس ضروسه معكوفين بره ويربطوونه بحبل ويستعملونه حق الجليب لي طاح فيه شي يطلعونه بالملمص"
مرات الدلو يفلت من راعية البيت واهياا تزعب الماي من الجليب عاد تاخذ الملمص وتحوس تحووووووس ليما تغرف الجليب بره"


تزعب = تاخذ الماي من الجليب والا البرجه"

ياحلووووووووووووووووو موضوعكم ويني عنه اشسم فيه ريحة بيتنا اللي بجبله واشوف الحين نفسي حاافيه اركض بالسكه مع ربيعاتي"

بفريجنا كان واحد اسمه شهابو المينون صج اهو مينون هذا مصروووع كل بنات الفريج مايشوف وحده الا لحقها يخرعها وينحاش هههههههههههههههه

روووووووووووووعه الموضع بسال امى واجيكم........... بس ترى حجينا يالبدو غيركم يالحضر