عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

[جاي الضحى]

حياكم الله خواتي كلكم وحده وحده إلي شاركو...تونسون سمله عليكم....تراني قريت رد وحده وحده وستانست من ردودكم وحجياتكم ومن الرابط إلي حطته اختنا coffee..يونس صج متعلق بالموضوع....تسلمون ولا تقطعون :tek: ....

بما إنا نحب الهدوم هذي كلمات كلها لها علاقه بلبس...اهي كلمات يقلونها ناس وايد بس فيه ناس أكثر استبدلوها بكلمات ثانية:

دشداشته معلجه: معفوسه...مو مضروبه أوتي.
تنورتها تخبخب: طويلة وعوده عليها.
بنطرونه مقصمل: يعني قصير عليه.
قميصها محيص: ضيج
اللبس حدا قده: يدوب كبره...حدا حدا...مو راهي
مزلط: حفر
مشمطط، مهتمل: مبهذل
تجعس خلاجينها بالجنطه: تدخل اهدومها غصب تقلقصهم أو تخششهم.

:hjy5jewf:​

 

[MaZaji CoOL]

على طاري الهدوم .. في كلمة: مجــثــي .. يعني اللبس القديم اللي راااح لونه و بهت او مغبر .. يقولون مجثي ...!

 

[orangeya]

موضوعج حدددده فلّه :ggdw:


هالاغنيه اهدااااااااااااء :





سمبوسه يا سمبوسه
وين كنتي محبوسه
محبوسه بالعماااره
نطت علي الفارهـ
والفارهـ هندي هندي
والليله ترقد عندي




:dddds:

خابرينها يا بنيّات؟ ولا نسيتوها ؟

 

[orangeya]

واااااااااااي

الموضوع حده وااااااااااااااو

يبيله أقعّد اخيتي يمي عاد اهيا غرامها هالسوالف يحليلها

مع انه ما بيني وبينها شي !

يبيله اتربع واجابل الموضوع بضميييييييييررررررررر

بس ماتحلى القعده والسوالف الا بوجودكم

من رخصتكم = عن اذنكم الماما تناديني ....

أمي تناديني
مدري شتبي فيني
تبي تحنيني
صيني على صيني
كسروا مواعيني



:dddds:




برررررررررب
​

 

[orangeya]

باااااااااك

orangeya تشرب orange juice

يحليلي والله


بنت التخ والمخ = بنت الاكابر

زغطه بنقطه = قمه الاناقه = حدها كاشخه

تحولص وتمولص = تلف وتدور


ها... شرايج فيني يا جويهه؟

على فكره اخوي يحب يقول جويهه مع ان كتكوت صغير يحليله

كله اقوله جنك تويتي,,, كالميرووو لوووووووووووول :dddds:

ناويه على روحي :23_asmilies-com:

مو راضي اقتنع انه كبر اسم الله عليه

يلا نبي حزاوي ...

والتيتي تنقد البطه ,, والبطه تنقد التيتي

 

[orangeya]

لا لا لا...

مو قبوووووووول :0bee2e8d89:

يوم كااااااااااااامل والكامل الله ولا مشاركه؟!!!

شدعوه ياحافظ؟


مو خوش حجي

 

[جاي الضحى]

هلا والله MaZajy CoOl...يا حلوج سمله عليج....:hjy5jewf:.. ​

 

[جاي الضحى]

أورنجييا لأ لأ لأ

بدعتاي...سمله عليج...لا تواخذيني يا وخيتي بطيت عليج...كنت مصخنه والكحه ناشبتني

مناشب...يا شين كحتي...الكل يستاذي ويقتث منها...ودامنا على هالموال...بقولج

هالسالفه...مره كنا كلنا طالعين نتعشى بره...وكانت فني كحة......مي راضية تفج....

:jumpon:..معجعجه فني......المهم...الطاوله إلي يمنا....كان في واحد وأمه وبنت و

أمها يعني قاعدين يتعارفون ...:eh_s(22):...خطبه....او أنا كح... كح.... كح.... كح....ما

وعيت إلا أخوي صرخ وقال عنبوج بس اذيتناااا :rgewrg: ولعوزتي الأوادم بتطلقون

واهم ما تزوجو!!!! إلي يقول بكفي أقدر أقمت الكحه!!! ولا على كفي ما أكح...:flower:

كنتي تقصدين تعولص بدال تحولص صح؟!! :eh_s(6):

حياج الله عسولة...شكلج ونيس...الله يحفظج....:tek:​

 

[ღلولي الحسآويهღ]

لووووووول
كلام جداتي الى يومج هذا واحنا نقولثه ينتقل من جيل لجيل هههه عادي احس ماتغيير

وسالفة زوور ابن الزرزووور .. اللي ذبح بقة وترس سبعة جدووور .. لا ومو ذاكرتها بعد ...!!

هههههههههههههههه هذي اسمع اهلي يقولونها بس مادري شمعناتها ؟؟؟

وعلى طاري غميضه انقولها احنا عادي :dddds:


ومشكوره

 

[orangeya]

يابعد عمري يا جويهه ,,,

سلااااااااااامتج يالغاليه وماتشوفين شر ياوخيتي

عاد كله كوم والكحه بروحها كوم

الله يعينج ويشافيج ويشافي كل مسلم يارب...

عاد انا كنت نفس حالتج هالاسبوع بس الحمدلله غدا شري عئبال عندك يختي :dddds:

بس بقى هالخشم موراضي يوقف بس وااايد اهون من قبل

المهم

على طاري الكحه جربت وصفه من المنتدى ويازتلي بقولج اياها

عصير نص ليمونه + قفشه صغيره عسل + قفشه جاي (زنجبيل بودر)

حوسيهم عدل ويعله مداخيل العافيه


هذا دواج وعلى الله شفاج



وناسه يبيلي كورس عندج نسترجع اللغه لول

انا اهلي كله يزفوني لاني ماعرف مصطلحات يقولونها لول

يقولولي انتي وين عايشه؟ لووووووول

ماجنج بنيتنا !!!!!


بانتظار سوالفج الحلوه ياحلوه ,,,

ويارب تتشافين بسرعه

 

[orangeya]

جويهتنا الغاليه...


ماوصيج جاي الضحى لا اتشربينه الا باستكانه ام نقطه :dddds:

عندي اقتراح يمكن ايوزلج = ايعجبج

اشرايج اناديج استكانه ام نقطه؟


شكلي بنكفخ لووووووووول

 

[نونيا]

واي توني اطيح عالموضوع حده عجيييب و انا من عشاق للهجه الكويتيه القديمه بس تلقيني مرتزه عند العياييز
يعطيج العافيه جوييهه ولي عوده ان شاءالله

 

[يا قمر]

يسلمو قلبي

 

[orangeya]

وينكم يا بنيات؟

لا تبطون علينا

 

[eva beach]

تذكرت جم جمله تقولها يدتي الله يشافيها ياااااااااااارب ويقومها بالسلامه >> عااااااد قولوا اميييييييييييييييييييييييييييين

جنها البخت وقاعده على التخت

محد خير غير عبدالله خضير

وانشالله اذا تذكرت اي شي راااااااح ارجع لكم

 

[جاي الضحى]

لولو: عفيا على الشيخه إلي لا الحين تقول غميضه...الله لا يعوزج حق هالكلمه...إيه هالله هالله بتوارث الحجي...لا يندثر ...حياج الله.

هلا بالطش والرش...هلا في اورانجيا...خطاج اللاش...وقواج الله على الوصفه....تصدقين طيبتني!! الحمد الله أحس اني أحسن...بس ما بقا إلا الصوت المبحوح...حسي مطبج...مو مال أحد يسمعه....أقول; يوووووزي عن سوالفج وتقعدين تحرفين في إسمي...ما أرضا...:eh_s(6):.....هيهيهي...تراني أتغشمر...جوييها حلو ...شكلا يازلي ودخل في خاطري....تدرين اني استانس في شوفت ردودج...وما وصيج لزقي في أهلج وفتحي أذنيج وتسمعي بحجيهم الزين وتعالي علمينا اياه...الله يحفظج.


هللااا نونيا...ناطريج ترانا...يا حلوج...وقعدة الكبار ما تينمال...عاد تدرين اختي يوم كانت صغيرة ما تنادني إلا نينا...إسمي كان غلج عليها :eh_s(6):


يا قمر...الله يسلمج قلبي


eva beach: أميييين يا رب العالمين....ما تشوف شر...طهوره إن شاء الله ...أجر وعافيه....الله يشافيها....ويخليها جنها البخت وتقعد على التخت يا رب...
قوللي منو عبد الله خضير؟!!! والي يسلمج أبيج تسئلين...بعدين أقولج ليش أبي أعرف...حياج عسوله.


:tek: :tek: :tek:​

 

[coffee]

اهلييييين جايوووووووووووو وينج

تذكرت كلمة امي الله يحفظها تقولها واحبها

حــــــــشا والحشا عن ألف يمين

ومن المواقف اللي ما اشوفها مثل اول قبل كانو يعتقدون اذا احد خطر شخص لازم يرد يخطره علشان يقدر اييب اعيال شي جذي بس بهالوقت ما اشوفها هههه

 

[orangeya]

هلاااااااااااا و غلاااااااااااااا بمن حبااا ودباااااااا وركب القلييييييييييييلباااااااااا :dddds:
هلا فيكم كلكم...

oster_av1:

وااااي هالموضوع لازم كل ما اشبك اطق كرتي عنده ...

ياحلوكم وياحلو حجيكم يابنياااااات




طبعا كل الشكر لجويهتنا الغاليه فديتها :tek:

وعلى سالفه الصوت المبحوح ياجويهتنا اعترفي قولي لنا الصج

كله من الغناوي لول طول الوقت تغنين من جذي راح صوتج :dddds:

احم احم جنج انا لوووووول حتى انا والله صوتي مبحوح

بس انا مو دايما ساعات وساعات جذي بمزاجه يروح ويردلي هالصوت لول!




الا بتأكد من كلمة ؟؟؟

بنشدكم عنها= بسألكم عنها

ذيك الايام كان خشمي مسكر مع النشله فرفيجتي كانت تقولي خنخونة!

استغربت من الكلمة قالت لي يعني صوتج متغير لان خشمج مسكر هذا شرح الكلمة!

فهل هذا صحيح؟ @@

يلا زتكم اهوووو = يلا بسرعه ( علموني و نوروني )




ولا تبطين = لا اتأخرين علينا جويهتنا وعسى ربي يشافيج يارب :yaaaaaarb:

 

[orangeya]

عندي لكم مفاجأه من نوع خاااااص ,,,

ترقبووووووووووووها _03ba:


وانا متأكده انها ان شا الله تيوزلكم = اتعجبكم

 

[جاي الضحى]

كوفييياا شلونج انتي؟ ...أمبييه

ذكرتني على طاري جايووه قبل مديم يقلبون الأسامي...حمود عزوز فهود...أبوي يقول الكل

كان عندا إسم تعلوقه ...العري ، الحول، الطنطل ، القصاصه ؛ بو سنسون، بو ريحا...:tomato2:

تبين الصج: صج صج ودي أقعد مع أمج من سوالفج عنها...الله يخليها لكم...عاد حركات أوال

وايد...أكيد سامعه عن الحيامه ...وإلي فيه دم زايد يشقون شوي من يبهتا....وفي شي ثاني

بعد يمكن لا الحين يسوون إذا دخل بذنج ماي...مرة بالشاليه متسبحا بالبحر ومن كثر ما أنا

فلته بالسباحه(<< إذا ما خاب ظني أسبق اليريور لو نتسابق...لول) المهم دخل باذوني ماي

ولاهو راضي يطلع....من كثر ما دخل ماي أحس اني صرت صمخا..ألفح يمين

يسار......أصك خشمي و انفخ...وولا اكو فايده...:cxxxp:...فشافتني يدة أمي الله يغمد روحها

الينه...وقلت صبو باذون جويها ماي...شنو !!! ليش؟؟؟ بروح أذوني متروسا!!! أمي قلت

سمعي كلام يدتج ...المهم صابو ماي على أبوي أهز راسي ويطلع الماي اليديد ويسحب

الماي القديم....بس ما نفع هالشي معاي....:eh_s(14):..شنو نفع يوم نفخت على ركبي حيل...أحس شوي

فتجت..:ggdw:...وآي شعور الماي بالاذون يتعب ...​