خبيرات القهوه العربية

يحطون خلطة القصيم يمدحونها ريحه ولون وطعم وانا مرات تضبط ومرات لا بجرب الخلطه واشوف

شوفى خبيبتى روحى جمعية الرابية فيه قهوة اسمها الزهراء ومكيس وسويها والله راح تدعيلى لانه الكل فى البيت متعجب من طعمها ولونها

للرفع

ابي مقادير مضبوطه حق القهوة التركيه + الفرنسيه + العربيه بالجمله لول


السلام عليكم...

شخباركم بنات منتداي الغالي؟؟

عيدكم مبارك

وعساكم من العايدين والفايزين ان شا الله

مممممم

حبيباتي انا كل مرة اسأل الماما عن المقادير وتقولي وتضبط معاي غالبا بس ابي شي دقيق يعني بعتمد على عدد الاشخاص,,,

اعتقد في طريقه اهيا كل شخص تحطين
فنيال قهوة(ماي)+قفشه(اعتقدكبيرة)قهوةتركية+قفشه وسط سكر

او شي ما من هذا القبيل

فياريت تعلموني الطريقه شاااااااامله الساده واليديوم والسويت... "طرارة واتشرط" لووووووول :dddds:
وتكسبون فيني اجر ان شا الله
لاني كل مرة يتغير فيها عدد الاشخاص اسأل الماما لووول



ودمدمدمدم دمدم دمتم سالمين

رد: ابي مقادير مضبوطه حق القهوة التركيه + الفرنسيه + العربيه بالجمله لول

هلا حبيبتي انا عن نفسي هاذي طريقتي بالقهوه الفرنسيه والتركيه نفس الشي : اذا تبين فنجانين قهوه تحطين اربع فناجين ماي طبعن وقفشتين ونص قهوه وشكر حسب الرغبه وبالنسبه حق القهوه العربيه تترسين المطاره نفسها اللي بتقدمين فيها القهوه ماي وتحطينها بجدر او اي شي تسخنين فيه القهوه على النار وبعدين تضيفين 3 فناجين متروسه قهوه وتخلينها تتطبخ على راحتها وتحطين بالمطاره شوية هيل وزعفران وتصبين عليها القهوه وتقدمينها . وعليج بالف عافيه وانشالله تعجبج طريقتي

رد: ابي مقادير مضبوطه حق القهوة التركيه + الفرنسيه + العربيه بالجمله لول

السنعه قال:

هلا حبيبتي انا عن نفسي هاذي طريقتي بالقهوه الفرنسيه والتركيه نفس الشي : اذا تبين فنجانين قهوه تحطين اربع فناجين ماي طبعن وقفشتين ونص قهوه وشكر حسب الرغبه وبالنسبه حق القهوه العربيه تترسين المطاره نفسها اللي بتقدمين فيها القهوه ماي وتحطينها بجدر او اي شي تسخنين فيه القهوه على النار وبعدين تضيفين 3 فناجين متروسه قهوه وتخلينها تتطبخ على راحتها وتحطين بالمطاره شوية هيل وزعفران وتصبين عليها القهوه وتقدمينها . وعليج بالف عافيه وانشالله تعجبج طريقتي

أنقر للتوسيع...

يابعد عمري يالسنعه...

صج انج سنعه ومسنعه بعد اسم الله عليج

صج صج صج اسعدني ردج خصوصا انه اول رد

ومشكوووووووووووووووووووووووورة ماقصرتي :ggdw:

رد: ابي مقادير مضبوطه حق القهوة التركيه + الفرنسيه + العربيه بالجمله لول

شوفي يا الغالية اذا بنسوين 3 فناجين قهوة تحطين مثلهم ماي يعني 3 فناجين ماءاو ماي على النار لين يصير الماي حار بعدها ترفعين الكنكة ونحطبن 3 ملاعق وسط فهوة تركية او فرنسية بس تكون جبل وحوسيهم بالكنكة بعدين رجعي حطيهم على النار أليييييييييييين تشوفين القهوة بطيش قبل ما تطبش لي فوق بعدين رفعيها من النار شوية ورجعي حطيها مرة ثانية بس لايخترب الوش وصبيها في الفناجين الـ 3 بس بشوي شوي ووزعي الوش على الـ 3 وبعدين كملي باقي القهوة عالفناجين .طبعا هذي قهوة بدن سكر.
2اذا قهوة وسط حطي على كل فنجان ماي +ملعقة قهوة+ ملعقة وحدة سكر وحوسيهم مع الماي وبعدين حطيها هلى النار لين يصير الماء حار وبعدين حطي القهوة ملعقة 1 وسط تكون مثل الجبل وتسوينها مثل طريقة القهوة السادة بدون السكر
3اذا القهوة حلو اوسكر زيادة تحطين يدل الملعفة الوسط ملعقتين سكر وبس وتبعي نفس الطريفة القهوة السادة ,
ملاحظة أهم شي قياس مثلا كل فنجان قهوة ماي + ملعقة واحدة وسط سكر اذا كانت القهوة ميديم ( وسط).
واذا قهوة سكر تكون فنجان ماي على ملعقة قهوة +2 ملعقة سكر.
اذا تبين القهوة التركية شغل عدل قولي للمطحنة خل يحط قهوة تركية شقرة ويخلطها مع قهوة تركية سودة وشوي هيل ناعم بحيث انه يخلطهم مع بعض حتى ان الهيل ماراح يبين .



القهوة العربية تحطين ماي على النار الين يغلي بعدين تحطين
وبالعافية6 ملاعق قهوة عربية إالين تغلي وبعدها خلي القهوة على نار واطية مدة نص ساعة تكونين انت محضرة المطارة ( الترمس) او الدلة حطي شوي زعفران + شوي هيل حب + شوية ماي ورد يعني ملعقة وسط ماي ورد وخليهم ينفعون مع بعض بعدين صبي القهوة فوقهم وبعدها ادتدعين لي انشاللة

رد: ابي مقادير مضبوطه حق القهوة التركيه + الفرنسيه + العربيه بالجمله لول


تسلم ايدج يا احلى كوكي سويتي

ومشكوووووورة واااااااااااايد عالشرح الواااافي يا قلبي

عسى ربي يوفقج وينولج اللي في بالج قولاي آمين

رد: ابي مقادير مضبوطه حق القهوة التركيه + الفرنسيه + العربيه بالجمله لول

شوفى انتى عرفى المقدارحق فنجان واحد و على عدد الناس اللى عندج ضاعفيه لا تتخربطيين
القفشة هى القفشة الوسط مالت الحلو اوكي و هذى الطريقة حق التركية و الفرنسية و المغربية بعد

1. سادة فنجان ماي و قفشة و نص قهوه
2. على الريحة فنجان ماي و قفشة ونص قهوه و نص قفشة سكر
3. وسط فنجان ماي و قفشة و نص قهوه و قفشة سكر
4. سكر زيادة فنجان ماي و قفشة و نص قهوه و قفشة و نص سكر

القهوة العربية اقولج المقدار حق المطارة اللى تشيل 3 اكواب ماي

اغلى 3 اكواب و نص ماي علشان اللى ينصب يكون القهوة الصافية علشان جذى تزيدين النص كوب ماي هنى اوكى
لغلى الماي حطى 3 فناجين قهموه و وطى النار و خلى القهوة تغلى 20 دقيقة و القهوه تكون بن خالى بدون هيل او اي شيء
فى هالفترة حطى بالمطارة شوية زعفران مع نص قفشة بهار القهوه و 4-5 حبات هيل عقب ما تكسرينهم مو تدقينهم بس كسر اوكى
عقبها صبى القهوة بالمطارة بس بركادة علشان ما تنزلين الحثال بالمطارة و طبعا تستخدمين مشخال القهوه و انتى تصبين
و بالف عافية عليج حبيبتي

رد: ابي مقادير مضبوطه حق القهوة التركيه + الفرنسيه + العربيه بالجمله لول

مشكووورين بنات ماقصرتو

رد: ابي مقادير مضبوطه حق القهوة التركيه + الفرنسيه + العربيه بالجمله لول

عيدج مبارك


حبيبتي




وتفضلي طلبج


http://q8yat.net/showthread.php?t=7896

القهوة الخليجية

المقادير :-
فنجانين بن قهوة مقلية بدرجه فاتحه وخشنه (خليجية)
ملعقتين صغيرتين هال
نصف ملعقة صغيرة زعفران
ملعقتين طعام ماء ورد
لتر ماء
الطريقة :-
يغلى الماء ثم تضاف القهوه وتغلى ثلاث مرات
وتترك جانبا لدقائق حتى ينزل التفل في قاع الاناء
ضعي الهال والزعفران وماء الورد في الدله واسكبي فوقها القهوة
واشربوا القهوة الخليجيجية بالهناء والعافية




القهوة التركيه

القهوة التركية متوسطة القلية وناعمة مع هال مطحون او بدون حسب الرغبة
المقادير :-
فنجانين ماء
ملعقة صغيرة سكر (او بدون حسب الرغبة)
ملعقتين صغيرتين من البن قهوة مع هال مطحون او بدون
الطريقة :-
ضعي الماء في ركوة صغيرة و أضيفي السكر والبن وحركي على نار معتدلة الحرارة
عندما تغلي القهوة خففي النار واغلي لمدة دقيقة مع رفع الركوة واعادتها
قدمي القهوة التركية ساخنة


القهوة العربية :

هي قهوة تعتبر خفيفة توضع فيها حبات الهيل عند بعض أهل البادية والحضر من عرب , وهناك القهوة الغامقة عند البعض الآخر , وعادة تكون مرة وليس فيها سكر أبداً , وتقدم في فنجان صغير فمه أوسع من قاعدته .


القهوة التركية :

هي قهوة ثقيلة غامقة , تقدم في فنجان صغير بيد مع صحن صغير , وتعتبر فناجين القهوة التركية الأكثر شهرة في زخرفتها , كما يقدم معها السكر بدرجات مختلفة .


قهوة تركية بالكاكاو
المقادير والطريقه:
كوبين حليب سائل+ ملعق صغيره كاكاو + ملعقتين صغيرتين قهوة تركيةنخليها تغلي وتصفى عند التقديم في اكواب وممكن نضربها في الخلاط الكهربائي اذا حبينا تكون لها رغوه والتحليه اختياري عند التقديم

والأمريكان هم من اخترعوا القهوة سريعة الذوبان , وأكبر مثال لها النسكافيه وهي القهوة الأمريكية , وتقدم في فنجان كبير أو كوب .



القهوة الفرنسية:

وهي قهوة اللبن، وعبارة عن مقدارين من القهوة السادة مع ثلاثة مقادير من اللبن.

وتُعَدّ كما يلي:

يضاف الماء البارد للبن، ويوضع على نار هادئة حتى يصل إلى درجة الغليان، ثم يغلي مدة دقيقة، وتقلب بقوة مرة أو مرتين، وتترك مدة دقيقة، تصفى من مصفاة ضيقة مع كمية مساوية لها من اللبن المغلي، وتقدم في فنجان كبير، وهناك نوع آخر يسمى بالموكا، وتتكون من القهوة الثقيلة بمقدار الثلث، وثلث من الشوكولاتة الحارة غير المحلاة، وثلث من اللبن، مع ضربه حتى تتكون رغوة، وتقدم في كوب كبير.

منقوووووووووول

رد: ابي مقادير مضبوطه حق القهوة التركيه + الفرنسيه + العربيه بالجمله لول

القهوة التركية لكل فنجان ماء ملعقة وسط متروسة (فلل) قهوة +نصف ملعقة سكر
طبعا الماي يكون ماء مغلي (حار) تخلطين القهوة والشكر وتحطينة على نار هادئة
واول ما تقلب تصبينة وتقدمينها

قهوة ولا اروع

رد: ابي مقادير مضبوطه حق القهوة التركيه + الفرنسيه + العربيه بالجمله لول


مشكووووووووريييييييييين وااااااااااااايد

ماقصرتاو...

لا خلا ولا عدم يارب

وعساني مانحرم منكم يا احلى خوات


احبكم وااااااااااايد :33_1185028183:

رد: ابي مقادير مضبوطه حق القهوة التركيه + الفرنسيه + العربيه بالجمله لول

انا ام حسون علمتني على مقاديرها وظبطت اتينن بس القهوه الفرنسيه

فنيال ماي
و4 قفاش حوس شوي متروسين يصيرون جنهم جبل قهوه فرنسيه
وشكر على حسب الرغبه انا احط قفشتين
وحوسيهم وحطيهم عالنار بعدين وطي النار خليها خفيفه عشان يطلع وش
وهني وعافيه

احسن شي تشترينها حب مو محموس وتحمسينها بالمقلى لما يصير لونها بني ثم طحنيها ..الطريقة ملعقتين قهوة عربية على مقدار نص لتر و ملعقة هيل وشوية زعفران حطية في الدلة المهم كلهم حطيهم على النار"القهوة و الهيل و الماء"بعدين شيلهم بعد عشر دقائق من الغليان وصبيهم بالمطارة بعد مايمرون على المشخال ..بالهنا و الشفا

مشكورييييييييييين

ادري بتضحكون........سامحوني على هالسؤال

بنات سؤالي يضحك ادري بس شسوي كل ما سويت قهوة حق ريلي ما عجبته مع انه من مدمنينها.:0bee2e8d89: .سؤالي تكفون الي تعرف شلون تضبط القهوة العربية تقولي كمية الماي شكثر ؟ كمية البن والهيل؟ يمكن لاني ما اشربها ما اعرف اقدر اذا كانت ماي وايد او بن او هيل , وجم تاخذ علي النار علشان تعرفون انها استوت ؟