خبيرات القهوه العربية

[أم غلا]

رد: ادري بتضحكون........سامحوني على هالسؤال

بهار القهوه حبيبتي انا اسويها
كمون وزنجبيل وقرفه ونانخه ومسمار وهيل
طبعا كل مطحونه
نسوي كميات متساويه ماعدا النانخه والعودي اقل لان ريحتها اقوى ونخلطها كلها سوى ونحطها بعلب وتحفظ بالثلاجه تكفيك شهور
واذا سويتي القهوه مثل ماقلت لك حطي ذره باطراف اصابعك

 

[مرق تفاح]

رد: ادري بتضحكون........سامحوني على هالسؤال

انا بعد ما اضبطها ,,,ما اعرف مقدار الماي والقهوه عدل

 

[بدويه ستايل]

رد: ادري بتضحكون........سامحوني على هالسؤال

انا بقولك طريقتها وبتطلع رووووووووووووووعه لان قهوتنا سر بالعايله

حتى جيرانا ورفيقاتنا الحضر يموتون على قهوتنا <<<<< اختي رفيقتها حضريه وتموت على قهوتنا

هي واهلها حتى ابوها مره ذاقها واستخف اختي تطرش لهم كل يوم تقريبا مطاره



عادي لا تفشلين انا ماكنت اعرف اسويها مع ان اهلي خبره فيها لما تزوجت تعلمتها من امي وخواتي لين ضبطتها


يالله سمي بالرحمن


اول شي اخذي قهوه من مطحنة الصباح قولي له اللي دايما تاخذ منها اغلب الناس ما اعرف اسمها لاني مو انا اللي اجيبها

دايما زوجي اللي يجيبها بس اعتقد نيباريه مطحونه ومحموسه من عنده واكدي عليه انه يكون حامس معاها شيبه ومستكه

وخليه يخلط لك نوعين غامق وفاتح عشان لون القهوه يصير مضبوط


واخذي منه الهيل لان الهيل اللي بالجمعيات ما فيه طعم ولا ريحه

طبعا المطحنه تلقينها بسوق الفحيحيل



الحين نجي للمقادير


لازم عندك بريق خاص للقهوه حطي فيه تقريبا 4 الى 5 قلاصات ماي وقد فصة الثوم زنجبيل طازج لازم طازج


موتحطينه كله قصيه بالنص يعني قد نص فصة ثوم زنجبيل طازج ابشريه بالماي اللي بالبريق


وحطي على راس ملعقة الحوس مالت الشاي دارسين مطحون على راسها لا تكثرين

وفنجان قهوه متروس قهوه يعني مليان


والملعقه الوسط مالت الحلو مسمار مطحون


وقصري عليها وخليها تطبخ على رواق لما ترتفع فوق يعني تغلي بس لا تنكت

شيليها وحطيها على العين الصغيره مالت الغاز وحطي ملعقه كبيره بس مو مليانه حيل حليب كرنيشن

ورديها ع النار لما تفوح مره ثانيه طفي عليها

وحطي بالمطاره بين اصابعك زعفران ولازم الزعفران الحلو الصاحي مو اللي مافيه طعم او لون

وملعقتين وسط هيل يكون مطحون خشن يعني مجروش


وصبي القهوه بالمطاره وتمتعي باحلى طعم وادعي لي


ترا حدي ثقيلة دم لما اشرح لازم امط واشرح بالتفصيل شسوي احس اللي قدامي ما يستوعب لين


امغط الشرح​

 

[اخصائيه]

رد: ادري بتضحكون........سامحوني على هالسؤال

بهار القهوه حبيبتي انا اسويها
كمون وزنجبيل وقرفه ونانخه ومسمار وهيل
طبعا كل مطحونه
نسوي كميات متساويه ماعدا النانخه والعودي اقل لان ريحتها اقوى ونخلطها كلها سوى ونحطها بعلب وتحفظ بالثلاجه تكفيك شهور
واذا سويتي القهوه مثل ماقلت لك حطي ذره باطراف اصابعك

ام غلا لا خلا ولا عدم يخليلج غلا واخوانها انشاءالله ادور هالبهارات واسويها

 

[اخصائيه]

رد: ادري بتضحكون........سامحوني على هالسؤال

انا بعد ما اضبطها ,,,ما اعرف مقدار الماي والقهوه عدل

حبيبتي مرق تقاح شاكرة مرورج والله ترفعون معنوياتي لما اعرف في ناس غيري في الهوا سوا

 

[اخصائيه]

رد: ادري بتضحكون........سامحوني على هالسؤال

انا بقولك طريقتها وبتطلع رووووووووووووووعه لان قهوتنا سر بالعايله

حتى جيرانا ورفيقاتنا الحضر يموتون على قهوتنا <<<<< اختي رفيقتها حضريه وتموت على قهوتنا

هي واهلها حتى ابوها مره ذاقها واستخف اختي تطرش لهم كل يوم تقريبا مطاره



عادي لا تفشلين انا ماكنت اعرف اسويها مع ان اهلي خبره فيها لما تزوجت تعلمتها من امي وخواتي لين ضبطتها


يالله سمي بالرحمن


اول شي اخذي قهوه من مطحنة الصباح قولي له اللي دايما تاخذ منها اغلب الناس ما اعرف اسمها لاني مو انا اللي اجيبها

دايما زوجي اللي يجيبها بس اعتقد نيباريه مطحونه ومحموسه من عنده واكدي عليه انه يكون حامس معاها شيبه ومستكه

وخليه يخلط لك نوعين غامق وفاتح عشان لون القهوه يصير مضبوط


واخذي منه الهيل لان الهيل اللي بالجمعيات ما فيه طعم ولا ريحه

طبعا المطحنه تلقينها بسوق الفحيحيل



الحين نجي للمقادير


لازم عندك بريق خاص للقهوه حطي فيه تقريبا 4 الى 5 قلاصات ماي وقد فصة الثوم زنجبيل طازج لازم طازج


موتحطينه كله قصيه بالنص يعني قد نص فصة ثوم زنجبيل طازج ابشريه بالماي اللي بالبريق


وحطي على راس ملعقة الحوس مالت الشاي دارسين مطحون على راسها لا تكثرين

وفنجان قهوه متروس قهوه يعني مليان


والملعقه الوسط مالت الحلو مسمار مطحون


وقصري عليها وخليها تطبخ على رواق لما ترتفع فوق يعني تغلي بس لا تنكت

شيليها وحطيها على العين الصغيره مالت الغاز وحطي ملعقه كبيره بس مو مليانه حيل حليب كرنيشن

ورديها ع النار لما تفوح مره ثانيه طفي عليها

وحطي بالمطاره بين اصابعك زعفران ولازم الزعفران الحلو الصاحي مو اللي مافيه طعم او لون

وملعقتين وسط هيل يكون مطحون خشن يعني مجروش


وصبي القهوه بالمطاره وتمتعي باحلى طعم وادعي لي


ترا حدي ثقيلة دم لما اشرح لازم امط واشرح بالتفصيل شسوي احس اللي قدامي ما يستوعب لين


امغط الشرح​

بدوية ستايل مشكورة علي الشرح كفيتي ووفيتي وزين انج تمغطين الكلام وتشرحين لان اختج عليمية بحاول باذن الله اسويها وانشاءالله تعجب ابو الشباب

 

[الاخلاص]

رد: ادري بتضحكون........سامحوني على هالسؤال

القهوه انتي تضبطينها بكيفج

 

[سمراء حضرموت]

رد: ادري بتضحكون........سامحوني على هالسؤال

شكرا لكم ياحلوين

 

[bsr3aaa]

رد: ادري بتضحكون........سامحوني على هالسؤال

لا تتكدرين ولا يضيق خلقج
أنا كنت مثلج بس ماشاء الله علي والله يحفظني ان شاء الله توني من يومين ضبطت معاي :eh_s(9):
والفال لج ان شاء الله :yaaaaaarb:
ترى وااااااااااااايد سهلة

المقادير

ا لتر ماء
1 ونص فنجان قهوة مجروشة
1 فنجان هيل مجروش
1 ملعقة شاي كوفي ميت
زعفران ( الكمية حسب الرغبة)

الطريقة

يغلى الماء جيدا
ثم تضاف القهوة وتقصرين الجولة حيل وتخلين القهوة تطبخ ثلث ساعة
بعدين تضيفين الهيل الكوفي ميت وتخلينها خمس دقايق وتسكرين الجولة
تكونين حاطة الزعفران بالمطارة
تشخلين القهوة ... وبالعافية

ملاحظة : لااااااااااااااازم مواعين القهوة تكون بس حق القهوة ماتسوين فيها أي شي ثاني لأن القهوة تسحب أي طعم كان موجود بالمواعين اللي تطبخين فيها
ولاااااااااازم تحتفظين بالقهوة بعيد عن باجي البهارات ( حتى لو كانت بماعون مسكر عدل لأنها وايد حساسة وتسحب ريحة البهارات بسرعة) يعني حطيها بكبت بعيد عن باجي البهارات

وان شاء الله تضبط معاج
وأي سؤال أنا بالخدمة ولا تستحين لأن كلنا كنا جذي :eh_s(6): ( ماصدقت تتعلم )

 

[حنان المطيري]

رد: ادري بتضحكون........سامحوني على هالسؤال

ام غلا المستكة والشبة احمسهم مع القهوه

 

[سحر الشرق@]

خلطة القصيم حلوة حق القهوة
شربتها عند عمتي وياها هالخلطه رهيبه

 

[bsr3aaa]

رد: ادري بتضحكون........سامحوني على هالسؤال

وبعد نسيت أقولج القهوة أنا أشتريها من الرفاعي عندهم 3 أنواع ( الغامجة ، الوسط ، الفاتحة )
تشوفينهم جدامج إذا رحتي المطحنة أنا آخذ الوسط
وبعد في بالمطحنة الماسية ومطحنة سوق لندن

 

[روج كرزي]

•ˆ• طريقة القهوة العربيــة •ˆ• .. اذا فنانة فيها عطينا الســر ..

السلام عليكم ورحمة الله وبركااااته ..

شلونكم بنات ..

انا امووووت بالقهوة العربيــة .. ومرة شربت قهوة عند وحده طعمها خياااااااال .. .. استحيت اسألها ..

طبيعتي دايم احط بالقهوة حليب سائل يطلع طعمها حلووو .. بس مليـــيــت ابي طعم جديد ..

اشرب بالعزايم انووواع بس استحي اسأل ياليت تفيدونا بتجاربكم ؟؟؟

يالله اللي عندها تقول لي شلون تصلح القهوة ..

ولكم تحيااااتي ..

 

[& شهد &]

رد: •ˆ• طريقة القهوة العربيــة •ˆ• .. اذا فنانة فيها عطينا الســر ..

لا حبوبة

تدرين شريت قهوة محوجة اسمها الزهراني تهبل بس تحطين فنجان قهوة على ابريق الماي وتحطين طبعا الهيل والزعفران وشوي حليب

وشوفي النتيجه من جد قهوة ما عليها كلام

 

[حضن امى]

رد: •ˆ• طريقة القهوة العربيــة •ˆ• .. اذا فنانة فيها عطينا الســر ..

يمنع وضع الأرقام علي العام​

 

[>جود<]

رد: •ˆ• طريقة القهوة العربيــة •ˆ• .. اذا فنانة فيها عطينا الســر ..

القهوة تكون وسط حمستها بعدين اذا طبختيها حطي عليها زعفران وشزي كوفي ميت و هيل واطبخيها

حنا بالسعوديه نشتري علب بهار القهوة

تقريبا مثل اللي قلت لك قبل بس تجنن تخلي قهوتك يشمونها الجيران ههه واشتري كميات ونحطها بالفريزر
وبالعافيه .

 

[jinaan]

رد: •ˆ• طريقة القهوة العربيــة •ˆ• .. اذا فنانة فيها عطينا الســر ..


حبيبتي انا ابيع قهوة الملكة وم جد روعة وشكثر بنات من المنتدي وبرى المنتدي جربوها كل شي فيها حتى زعفرانها لا والطريقة مكتوبه لج وبالتفصيل بعد يعني اي احد يقدر يسويها واذا تبينها هذا رقمي ياروحي لا يردج الا تلفوني :97977620

 

[جارة القمر]

رد: •ˆ• طريقة القهوة العربيــة •ˆ• .. اذا فنانة فيها عطينا الســر ..

مشكوووورين

 

[*&* المميزهـ *&*]

رد: •ˆ• طريقة القهوة العربيــة •ˆ• .. اذا فنانة فيها عطينا الســر ..

مشكورين

 

[روج كرزي]

رد: •ˆ• طريقة القهوة العربيــة •ˆ• .. اذا فنانة فيها عطينا الســر ..

لا حبوبة

تدرين شريت قهوة محوجة اسمها الزهراني تهبل بس تحطين فنجان قهوة على ابريق الماي وتحطين طبعا الهيل والزعفران وشوي حليب

وشوفي النتيجه من جد قهوة ما عليها كلام

مشكوووووووورة حبيبتي .. ما قصرتي :tek:

بس من وين اشتريها ( الزهراني ) ؟؟ يأي جمعية ..

ومشكورة ..