|| متى حملتـي بعد البيبي الأول ؟! ||

هلا بالغاليه
اناا ماكنت مفكره بشي حملت في بنتي متأخر
وقررت بعدها مااخذ لاحبوب ولا مانع اخليها عادي متى ماربي كتبلي وحممدلله بفضل ربي كتبلي الحمال الحين فالخامس
وعمر بنتي سنه

انا حاليا حامل في البكر وافكر ان شاء الله اذا ربي ارد بعد سنتين او 3

ولدي بيكمل سنه ان شاءالله الشهر الياي وودي بعد السنه احمل

لاني حمالي صعب وتأخرت بالحمل سنتين

وكل وحده على حسب ظروفها

انا توني والده
و كرهت ابو الحمال و خاصه لأني بجر و متشوقه ابي بيبي و ال9 اشهر شطووولها و غثيث الحمال و المراجعات
و النفسيه تتغير و النساة
و حاليا مع النفاس صج صعبه

و دايما اقول بحمل عقب سنتين من البيبي الاول عالاقل اول بيبي يدش حضانه ولا روضه و احمل
يعني فرق 3 سنين تقريبا
و انا عندي بنت الحين و مستانسين عليها ونبي تاخذ حقها بكل شي بعدين اييب فوقها و مع الكل نفس الشي
عشان نقدر نربيهم عدل و ورانا مدارس مو شي ورا بعض ما اتخيل بقعد ادرس 4 مراحل ورا بعض مثلانفس اختي الله يعينها عندها 5 بس اخر واحد عمره 3 سنين و ال 4 اللي قبله بالمدرسه كلهم و تدرسهم الله يعينها

4 سنين فرق العمز

ولدي كان عمره عشر شهور وحملت عليه غلطه وبغيت اشق هدومي
لاني كنت ارضع وقالوا اللي ترضع وايد او ولدها معتمد على الرضاعه ماتحمل خذت بنصايحهم وحملت < فيس يبجي
ماكنت متوقعه لكن الحمدلله على كل حال

لو ماكنت حامل الحين قلت اقلها ليما ولدي ياخذ ثلاث سنين يكون اخذ كفايته
لكن الحمدلله على قولة ريلي نربيهم مع بعض ونكبرهم تالي نفكر نييب عليهم

حملت لما كملت بنتي 3 سنين ونص

انا الحين ولدي كمل سنه وشهرين ومافكر الحين لاني لاهيه بضعف بس على سنه ونص واايد زين منها تعلمينه عالحمام اذا في تجاوب وترتاحين بس انتي نفس وضعي تدرسين وانا مطوله بالدراسه فبييب الثاني وبس اوقف لين اتخرج يعني اثنين ورى بعض والثالث يكون بعد اربع سنين بينه بين الثاني وهم سالفه الجسم موهينه على ماتردين وزنج وتشدين بطنج عشان مايترهل بكل ولاده يرجع مثل قبل الحمال

انا الحين حامل ببجري

فكنت اقول اذا كمل سنه احمل بالثاني باذن الله

يعين يكون بينهم سنتين

بس مرات يكون بخاطري بينهم سنه ونص جذي المهم ان بالدراسه يكون بينهم سنه عشان يدخلون الحضانه والروضه مع بعض

فمادري اللي كاتبه الله بيصير

بنتي هالشهر تكمل سنتين

وانا اللحين حامل على ما اولد يصير عمرها سنتين ونص

هالفرق وايد مناسب بالنسبه لي

شلووونج اخت خالتهم فاقدينج

انا بعد عمر بنتي سنتين واكل يقولي هاا موحامل مو ناويه تحملين

اول كنت اقول تصير سنه مناسب احمل بس لما ولدت ويبت بنتي حسيت صغيييييره احمل عمرها سنه

اشوف اول شي على حسب ظروف زوجين اذا يقدرون ايبون ياهل هالوقت ولا لا

وعلى حسب عمر الام

وانتي بالعكس بنتج صغيره

أنا حملت لمن كملت بنتي سنه
لأنو بنتي تحب الأطفال كثير
و أحسه حلو أول ثنين ع بعض
تربينهم مره وحده و ترتاحين

انا عمر ولدي سنتيت ودامي مغتربة ما افكرررررر حاليا انطره يكمل سنتين ونص وافكر او احاول

او يمكن انطره يكمل 3 سنين

لان ماقدر اتعب

بين كل عيالي ٣ سنين و احس وايد حلو

ان شاءالله اذا ولدت راح يصير الفرق ٤ سنين

لما كملت بنتي سنه لانها تموت عالجهال اذتني والا انا مو ذاك الزود بالي طويل على الجهال وحده ومطلعه عيوني

بس تكسر خاطري لما يزورنا احد او حتى نطلع مكان عام عيونها عليهم

خوش موضوع


اب

اب


اعتقد راده من قبل لان الموضوع قديم

حملت لمن كان عمر بنتي ٦ شهور ولمن ولدت كان عمرها سنه و٣ شهور
طبعا كنا يهال انا وريلي ونمشي عالبركه هههه قريت بالنت انه الوحده تستعيد عافيتها بعد ٦ شهور من الولاده وطبقتها بس طبعا لا عافيه ولا غيره بس سبحان كان حمل خفيف والايام ركض بسرعه

وصج تعبهم واحد بس تعب ولويه جنهم توام اسم الله عليهم

واتوقع مستحيل اكرر التجربة بنطر عالاقل سنه

نطرت سنتين وحملت بالثالث والله اييسر واولد بخير والرابع مايندى متى الله كاتبه

بس ودي اييب كل عيالي واوقف قبل لا اكمل ال٣٠ عشان افضى حق نفسي

انا بنتي البجر عمرها سنتين و نص و الحين حامل بالثاني لي ما اولد تكون قريب ٣ سنوات و اشوفه زين