احلا تجمع المسافرات للبوسنه والهرسك حيااكم

كتبي بالنت واخذي ارقامهم
لهم افرع وايد
انا حجزت من الفحيحيل
قولي له اي منطقه واهوا يعلمج اي فرع قريب منج
٢٣٩٢٨٠٠٠ *
٢٣٩٢٨٥٠٠
هذول ارقام فرع الفحيحيل
لهم خط ساخن ع النت كتبي سفريات المرجاح ودقي
الحين شوفي اتلحقين او لا

فندقنا هوليوود احلا فندق لانه قريب من السنتر والمًذاعم والحدايق
نقدر نروح مشي
مكانه مميز

ان شاء الله يارب

بسم الله توكلنا ع الله
استودعتك اللهم الكويت واهلي
الي البوسنه

هاي بنات
الجو واااايد حار
بس الديره عجيبيبه
امس كنا بنبع البوسنه ابيه يهببببببل ولما رجعه باذن الله له
واليوم رحنا منطقه يايتسا تهبلللللل رحنا البحيره والشلالات
صج تبعد ٤ ساعات عن الفندق بس تستاهل
تهبل
باجر بنروح الرافتينغ باذن الله

تهببببلوالعصر برااااد الصبح حاره
اليوم رحنا مغاره بيانباري
تهبببببللا والغابه الي عندها لادخلتيها برااااااااد يهبل
والمغاره باااااااااااااارده تهبل
نصيحه للي يحبون الطبيعه اخذو فراش للقعده وطقطقه
وعقب ماتدخلون الكهف ووتشرفونه قعدو داخل الغابه ع البرااااد وقعده ترد الروح
وسايقنا وايد طيوب ومضياف بس اعطيكم رقمه لارديت مابي احد ياخذه منا ههههههههه

امس مرينا القلعه التاريخيه تهبل
وعندها مطاعم وكوفيهات حلوه
اليوم مرينا منطقه شرشا السوق القديم
فيه مساجد قديممه عثمانيه وسوق مثل بازار تركيا بالضبط
حلو وبسيط
وهمن مرينا السنتر همن حلو

اليوم قررنا نروح للنبع مشي واااايد قريب من الفندق
قعدنا ذيج القعده الي ترد الروح طبعا عقب العصر رحنا ع البراد حول ٤ جذي قعدنا حول الساعتين صراحه قعده ولا بالاحلام
واول شي نزل رشاش خفيف بعدين نززل مطر قوي
رجعنا الفندق
لحين قعدنا تحت بقعدات ومظلات وقف المطر بس الدنيا مغيمه
يقولون باجر مطر
حسافه كان المفروض نروح رافتبنق

بسم الله توكلنا ع الله الي الرافتينق نسير������

رحنا الرافتينق
صج وناااااااااسه مغااااامره
٦ ساعات بالنهر ووناسه
وصج صج هالبوسنيين واااايد محترمين وااااااايد وايد
انصحكم في هالرحله لاااتطوفكم

اليوم فرينا حوالي الفندق الجو واايد حلو
رحنا تغدينا بالمطعم التركي لذذذييييييذ حده