الى من خدعت بزوج مريض والى جميع من ياست من تاخر زواجها او تطلقت

بنات الله يعوض اللي تطلقت بزوج صالح
بس عندي نصيحه لكم

الاستخاره ي بنات الاستخاره و الدعاء دايما بالزوج الصالح التقي و الدعاء باذن الله راح تشوفينه بعد سنين او شهور او ايام

بنات اعتبروا من حياتكم و ان الله اذا احب عبدا ابتلاه ،،

الزواج اما خير او شر
و الوحده لازم تصبر علا زوجها و تحاول تعدله
اما اذا كانت البنت من البدايه مغشوشه فيه بمرص ف حسبي الله علا من ظلمها و لا حول ولا قوه الا بالله

طيب والي له ثلاث مادري اربع سنين تدعي ربي يرزقها الزوج الصالح ولاصار وصرت قريب 29 شتسوي وربي ابكي واتسحر على حالي ابي زوج وعيال لكن الحظ معاندني الله كريم

بالعكس كلامج يجيب الاحباط
سبحان الله شكثر بنات يتطلقون ويتزوجون الف مره
وبنات ما بقى واحد ما تعرفه وتتزوج
وانا اشوف نفسي عزباء ومحد طل بويهي مع انه مو ناقصني شي ..

أحس رجال هل زمن يبون بنت لها معرفات سابقة محد يبي بنت ما عرفت بحياتها شاب ...

فالمطلقة ليش تزعلين ؟ بالعكس الحين محد يتزوج الا مطلقات

والله الله يستر احس بعيش عمري كله وحيده
واحيانا افكر اروح اخربط يمكن حظي يتصلح ..

الله يعوض كل بنت مطلقه كانت او متأخره عن الزواج بالزوج الصالح عاجلا غير آجل

عشان جذيه احنا نقول خل كل وحده فيكم تطول بالخطبه

موتتزوج على طووول

وبعدين تقول غشوني

لا سألوا وطولوا بالخطبه ميخالف لازم تعرفين الريال قبل لايملج عليج

بعدين يطيح الفاس بالراس وتعالي تطلقي


البنت موكل يوم لها ريل

وبعدين مو حلوه كل شوي متزوجة ومطلقه متزوجة ومطلقه لا قعدي بدون زواج ولا انج تتطلقين بشهر

قعدي مع اهلج وقوليلهم من حقي اعرف الريال قبل كل شي حنجي عليهم قوليلهم من حقي مابي اي واحد اتزوجة و لاتستعيلين على رزقج عشان لي ملج عليج بعدين تصير صعبه تعال طلقني السالفه مولعبه

وذا ماكنتي مقتنعه بالريال لاتوافقين وتوهقين معاج ولد الناس لان هم اهو يايج مستعد بيتزوج وبيقط على بيت الزوجية وبيقط ماوراه ودونه وتوهقينه وبعدين بتطلق ويمكن يقعد مطلق فترة لان ماعنده فلوس يتزوج مره ثانيه وبتصير بذمتج انا ماكلمج عن اللي مريض نفسي اعتقد تقدرون تسألون عنه مني مناك لمن تعرفون الريال عدل جربي حاجيه بالخطبه شوفي اسلوبه وطريقته وحياته لان مافي ريال يتزوج عشان يطلق ويلعب الا اللي ماعنده سالفه وبعدين لأن حتى لو تزوج وطلق 20 مره من وينله كل مره بيقط 15 ولا 10 الاف دينار على زواج ؟

يعني كافي العنوسه زايدة والطلاق صاير مثل الحلاو هالأيام

بنات اتعظوا بليز اي واحد يتقدم لكم سألوا عنه ولاتوافقين الا اذا انعجبتي فيه وحسيتي انه خوش ريال ويصلح لج

ترى موكل ريال يتقدم لج يعني لازم تتزوجينه بليز لاتزيدون نسبه الطلاق :eh_s(2):

الله يرزقني بالزوج الصالح
تعبت من الانتظار

الموضوع وايد حلو و الله يرزق كل شابة مسلمة زوج صالح و ذرية صالحة
و انصح اللي مو متزوجة انها ما تندفن في عالم الحزن و الكآبة بالعكس تنطلق بالحياة و تستغل وقتها و فراغها بوظيفة حلوة او دراسة تفيدها و تفيد مجتمعها و تهتم بنفسها و صحتها و لياقتها و تصل رحمها و تكون لها صداقات حلوة و تشارك بالاعمال التطوعية و تكون انسانة ايجابية و مرحة و مفيدة و منتجة و قوية تخلي الناس تحبها و تتمنى لها الخير و تدعيلها
و لا تنسون ان الدنيا دار بلاء و اختبار أما الراحة و السعادة بالجنة ان شاء الله
جمعنا الله و اياكم باحبابنا في الجنة

جزاك الله خير