سالفتي مع اختي وامي... حدي مصدومة

هي خايفه من ردة فعلج
وامج مثل مادارت ع سالفة مكالمتج لزوجج قاعده تداري ع خطبة بنتها الثانيه
تخاف ان انتي تعاندين وتقولين لا مو زين مايدرون انج راح تقولين والله طلع ولد ناس
لأن ردة فعلج قبل خوفتهم منج
لاتزعلين وحطي لهم ألف عذر وعذر هذول امج واختج
سأليهم وباركي لأختج وعاتبيها

عادي عاد وش له تتضايقين
بس ترى يحق لك بس دام ماقالو لك تموتين روحك يعني
امي هي اكبر وحده من خالاتي والله تنخطب خالتي وكبري بعد يعني انا وخواتي 3 اصغر منها تزوجو ماقالو لنا بعد بننضلها يعني
والله انخطبت وجلسو مع اهل الولد وكل شي تمام واخر شي خالتي الي بعد امي هي الي قالت لمي ترى فلانه مخطوبه وامي مستغربه لي ماقالو لهااا
واخر شي تروح بيت اهلي تقوم جدتي تقول لخالاتي الثالثه قولي لفلانه تقصد امي ان فلانه مخطوبه
وامي تقول اسمها بس وش اسوي ليه ماتقولي حالي حال خواتي ليه مايعلموني بالي يصير عندهم
وترى يشترون الشي ويخططون ويسون ويخبون علينا بس احنااا ومع خالاتي وبناتهم الثانين عادي
بس بكيفهم امي اول تتضايق والحين قالت اهو اموت نفسي يعني واذا ماقالو با الاخير بنعرف اهم شي ننبسط
وخواتي اذا انخطبو وماعرفو الا بعدين تعالي شوفي وش يسوون ليه عاد تخشون ومن هالكلام ومايشفون نفسهم ويجون يسالون عن كل شي مايبقى شي ماتتوقعينه مايسالون عنه وامي عادي تجااااااااااااوب وهذا الي يفقع القلب تقول مابي اخش ع اهلي وهم بكيفهم
يعني لا تضايقين نفسك خليك فري بيجي يوم وبتعرفين

خلنااا واقعين اكثر لج الحق تبجين ولج الحق تزعلين تبين الصراحه
ماالومج خالتج تعلمج عن خطبة اختج وانتي ماتدرين

المهم اتوووقع اختج الي وصت امج مااتعلمج لان خاايفه تعلمين
انهاا كاانت تكلمهااا وتخربين عليهاا وهي تبيه هذا من تحليللي توقعت جذيه

بصراحه؟؟؟؟؟؟؟؟؟؟ شي غريب؟ حتى لو بس كلام هم المفروض انتي تدرين هذي اختج مو احد غريب .... بس ليش يسوون جذي؟؟؟؟؟؟؟؟

أنا مع الإخت عواش

لاتعطين الشيطان فرصه انه يدخل بينكم

سألي امج وتأكدي من السالفه

لاتزعلين من اللي بقوله اوك

انا حطيت نفسي بمكان اختج ولو كنت مكانها بسوي نفس اللي سوته لان اللي سويتيه يوم اكتشفتي انها تكلم كلش مو حلو جان نصحتيها بالهداوه مو تتهاوشين وتصارخين وتركضين لامج وتفضحينها انا ماحب الخوات من هالننوووع اذكر مره فضفضت لاختي الكبيره وقلت لها لاتقولين حق احد ولاحق امي واكتشفت انها قالت لامي تدرين للحين مو قادره انسى هالشي وكارهتها بعد وما احترمها لانها ماحافظت على سري وهالشي صارله 12 سنه وليومج مو ناسيه واللي سوته اختج فيج جزاج يوم تركضين وتفضحينها عند امج تستاهلين والمره اليايه اذا تحبينها صج وتخافين عليها نصحيها بالسر بينج وبينها بدون لاتشوهين سمعتها عند امهاااا

الله يعيييينج حبيبتي ...

يمكن نسوا يقولون ..اوماردوا لهم خبر الا بالوقت اللي المره كلمت خالتك فيه
لاتكبرين السالفه القطيعه شينه
وغلط من البدايه تزعلين من اختك ويطول الزعل
ربي يهدي سركم ويوفقكم

عندنا وعندك خير .. الله يجبر بخاطرك ويفرحك بفرحة اكبر ..

واذا قالو لك قولي لهم ادري عن الموضوع من زمان بس ما حبيت احرجكم وابارك لكم ،، وباركي لهم

الله يتمم لهم على خير


حبيبتي كلمي امج واختج بالموضوع ! انتي اختها الكبيره المفروضم اتخش عليج شي


انتي كلميهم بهدوء وقولى لهم انج سمعتي هالكلام من ام ريلج ,, وليش تخشون على

واي قطعتي قلبي عليج :eh_s(2):

والله مادري شلون يفكرون صراحه بس حرام تصير بينكم هالسوالف انتي اختها وبنتها منتي غريبه عليكم
يمكن اول شي استحت اتقولج بس لج حق اتشرهين 100% انتي منهم وهذيل لحمج ودمج وفرحتج من فرحتهم
انا اقولج عالجي الموقف بطريقه احلى دشي معاج كيكه مكتوب باسمها وهديه لها ورد وحلو وفطاير اللي تقدرين عليه
ودشي بيباب ومستانسه وكاشخه وامج بتسال شفيج قولي يما خطبة اختي ومافرحت فيها بعوضها اليوم
واهم راح يستحون منج صدقيني وقوليلها يالخايسه ليش ماعلمتي بس بضحك وبوسها لاتخلينها تكبر عليج
وراج عمر وان شاءالله بتعليون اثنيناتكم علاقتكم بجذي راح تنقطع وردة فعلج انتي ان اطلعين نفسج من السالفه
هذا غلط غلط خلي الخير يصير منج وانتي اللي تردين لم الاحباب والله يقرب القلوب ويوفقها العوبه <اتغشمر

أحلى البشر قال:

لاتزعلين من اللي بقوله اوك

انا حطيت نفسي بمكان اختج ولو كنت مكانها بسوي نفس اللي سوته لان اللي سويتيه يوم اكتشفتي انها تكلم كلش مو حلو جان نصحتيها بالهداوه مو تتهاوشين وتصارخين وتركضين لامج وتفضحينها انا ماحب الخوات من هالننوووع اذكر مره فضفضت لاختي الكبيره وقلت لها لاتقولين حق احد ولاحق امي واكتشفت انها قالت لامي تدرين للحين مو قادره انسى هالشي وكارهتها بعد وما احترمها لانها ماحافظت على سري وهالشي صارله 12 سنه وليومج مو ناسيه واللي سوته اختج فيج جزاج يوم تركضين وتفضحينها عند امج تستاهلين والمره اليايه اذا تحبينها صج وتخافين عليها نصحيها بالسر بينج وبينها بدون لاتشوهين سمعتها عند امهاااا

أنقر للتوسيع...

ههههههههه حدج معصبه
انا صراحه اتفق معاج ان الاخت الكبيره دايما تكون مليقه وفتانه :eh_s(4):
انا اختي كلا جذي من اقولها شي تركض لابوي امي مومعترفتلها :eh_s(1):
بس عاد شدعوا تشيلين عليها هذي اختج وماسوت هالشي الا لانها تحبج وتخاف عليج
ماشوف موقفها غلط اهي كانت بتحط حد لهاسالفه اختها ولازم تخاف عليها الدنيا تخرع
بس زين دامه ولد حلال وناس الحمدالله تقدم لها بس فكرتج حدها موصح لازم تصفين قلبج وماتوصل لي الكره ديري بالج مالج بالدنيا الا اهما على شنو عزوه :/
بس امها الله يهديها مادري شنو براسها وشلون فكرت الله يهدي مافي القلوب

حبيبتي انتبهي الشيطاان يزيدها عليك واكيد تخيلتي ان امك و اختك ضدك اقووووولك تعوذي من ابليس شوفي اكيد عندهم سبب او ماخذين الامور بتاااني عاااادي ياما صارت مافيهاشي وانتبهي تجادلين امك او ترفعين صوتك عليها مافي شي بدنيا يسوى زعلها

قعدي مع امج واختج وسأليهم

وي ليش عاد !!


كلميهم وعرفي اسبابهم غريبه حركتهم !

شوفي صح شي يزعل ويحر ويضايق


بس نصحيه خلاص لا تضايقين عيشي معاهم الفرحه ولا جنه شي صار
دايم حاولي طلعين لهم اسباب واحسني الظن
عشان انتي تعيشين مرنتاحه

انا كنت انخطب و اختي ما تدري لأني أشوف موضوع الخطبة مو مهم و روتين

اختج عندها ردة فعل من موقفج معاها قبل و غالبا مفهمة الوالدة الله يحفظها انج بتخربين الخطبة، انتي بس روحي لأهلج و قعدي مع الوالدة و قولي لها حز بخاطري اني اعرف بخطبة اختي من ام زوجي و انحرجت معاهم و اختي دمي و لحمي افرح لها و ابي لها الخير و الحمدلله طلع بالريال خير و دعوتين طيبين منج لها و الله يهديكم و يصلحكم لبعض

الموقف مو سهل بس تظل اختج و ما لكم غير بعض و انا مثلج الكبيرة بس فرق ان اختي اصغر مني بخمس سنين و تدرين، لما حملت بأول ياهل طحت عليها ما قالت لي و حز بخاطري عقبها و عقب طنشت، اذا بحط بقلبي كل شي يصير بموت و يوقف قلبي و الأهل بشر يغلطون مو معصومين عن الغلط فا صيري انتي الأطيب و عاتبي الوالدة و لا تخلين شي بقلبج