صبغت شعري بس اللون الي ببالي + تجربتي بلابلوبيل

ديري بالج كثرت صبغ الشعر اشقر يقطع الشعر ويخربه

انا مره صبغته وحرمت اني اصبغ مره ثانيه عندي البس برستيج اشقر ولا اصبغ

صبري الحين بس تقدرين تسوين رينساج يعني تغمجينه شوي كل ماصار اوفر
ترىيتقطع وايد وايد اذا صبغتيه اشقر بعد

وايد تصير فيني هالدقات عادي تعودت ههههه

نطري 3 شهور وروحي لافينوس عند ليلى ماشاء الله صبغتها وااااااايد حلوة للاشقر وما تقطع الشعر باذن الله

جان خليتي الصبغة مع الوقت يتغير اللون
ومع غسيل الشعر يتغير

لافينوس ماعجبني شغلهم رحت عند وحده مادري شسمها بس حجز ونطرة وحاله انا ورفيجتي صبغتلي اشقر بزيتي ماكو اسبوعين ولا ماكو اثر حق الخصل الزيتيه صار الللون واحد ..

الي صج صج يعجبني شغلها مريم بالجابريه صالون كل ديور رحتلها عدلت صبغتي وصارت شي ثاني طلع اللون اللي ابالي صج وكان وايد حلو.روحيلها تعدل صبغتج ..

يااااااااااا جماعه مافي احد اشطر من كارمن الي بصالون بنت السلطان نااااااااس موت عليها اول ما تقعدين تقولج اذا راح تصير الصبغه الي تبينها واذا راح يحترق ولالا واذا يحترق تقولج ما اقدر اصبغ وعندها ذمممممممه وسعرها منسب حق الكل
والصبغه الي تبينها اتوقع تسويها لج ما يبيلها تعب اهيا بس تخاف من الشعر الاسود
انا صبغت شعري عنده وحده الله يسامحها وطلعت الخصل برتغالي على الوان تلوع الجبد ثالث يوم رحت عند كارمن خلت صبغتي مو صج والكل يسألني عليها ولو اعرف احط صور جان حطيتلكم الصوره بس ما اعرف مع الاسف انا اقول روحيلها وماراح تندمين وانشالله يصير مثل ما تبين سوري قرقت وايد بس حبيت افيدج

غريبه!!!!!!


انا تجاربي معاهم حلوه
ويطلعوني مستاااانسه مثل ما ابي واحلى
بس طبعا الاشقر قطع ونتف شعري لان صبغت مرتين ثاني مره فتحته اكثر
وفي يوم سويت ويفي بعد الصبغه الثانيه بشهرين
والنتيجه من فير الويفي الكهربا <<<وحرارته خفيفه
شعري تنتف طاح مثل برادة الحديد جدامي وسويت فلم هندي وشبعت بجي
والحين اعابل فيه ابيه يتسنع لان صاير شعر طويل وشعر قصير متنتف

الي تفكر تصبغ عندهم تاخذ كورس عنايه لشعرها <<وعموما اي صبغه مو بس عندهم
انا اخذت بس ماستمريت

وترى اهما صح مايصبغونلج
بس اهي تختارلج الاللوان وتخلطهم
وفلبينياتهم شاطرين وفي مره هنديه سوتلي ايدها تهبل خفيفه
وخصلها مرتبه

عاد اهم يخورونها مرات
خواتي الثنتين كل وحده دفعت 120
يعني 240
علاج و قص و صبغ !


وحده طلعت واو
الثانيه طلع شعهرا مصدي بس القصه حلوه !!!!!

اقولج وين المشكلة الصراحة و من غير زعل الغلط منج و منهم اقولج شلون اول شي دام انج اول مرة تسوين اشقر ثقي و امني ان الدرجة اللي تبينها ماراح تطلع لان الاشقر يي بالتدريج يعني انت اول ما شطح نطح علي طول اشقر علي ثلجي علي رمادي اللون اللي بالصورة يبيلة فترة طويلة عشان ياخذ هاللون لاتنسين ان شعور الاجانب اسااسا فاتحة حيل مو فاتح يعني مثلنا لاااااا غير ثاني غلط الصالون كان لازم ينبهج و يقولج ان اللي تبينة ما راح يصير بس شتقولين اللي يفكرون فية هو الربح المادي و بس يعني مو مهم قالو و لا ما قالو علي العموم اتمني انج الحين تكونين عدلتي الصبغة لان صج تاثر بنفسية الواحد الشي الغلط و اتمني انج تقبلتي كلامي بدون زعل

ناااني قال:

يااااااااااا جماعه مافي احد اشطر من كارمن الي بصالون بنت السلطان نااااااااس موت عليها اول ما تقعدين تقولج اذا راح تصير الصبغه الي تبينها واذا راح يحترق ولالا واذا يحترق تقولج ما اقدر اصبغ وعندها ذمممممممه وسعرها منسب حق الكل
والصبغه الي تبينها اتوقع تسويها لج ما يبيلها تعب اهيا بس تخاف من الشعر الاسود
انا صبغت شعري عنده وحده الله يسامحها وطلعت الخصل برتغالي على الوان تلوع الجبد ثالث يوم رحت عند كارمن خلت صبغتي مو صج والكل يسألني عليها ولو اعرف احط صور جان حطيتلكم الصوره بس ما اعرف مع الاسف انا اقول روحيلها وماراح تندمين وانشالله يصير مثل ما تبين سوري قرقت وايد بس حبيت افيدج

أنقر للتوسيع...

أنا معاج صج صالون بنت لسلطان ممتازة كارمن وتنصح من قلب

ياربي اكرهه هالصالون
صفاء نفس شينه علي شنو
صبغت عندها وطلع الصبغ مو اللي طلبته نهائيا انا طلبت بني فاتح الارضيه والخصل شقر
صبغتلي زيتي شكوووووووووو لا والخصل شكبرهم بلعت الصدمه وسكتت لانه عرس اخوي بعد يومين وما في مجال اغامر
لا وقالت بسويلج استشوار مجانا اثاريها يايبه هنديه تدربها علي راسي نتفت شعري جان اقوم واخذف الرول واطلع