ياهلا .. وووووش اخباركم والله إني ولهتن عليكم بالحيل يا الانستقرامييين تكفون اذا غطست عنكم انغزززون وقولوا وينتس يانورة 🤣🤣..
.
وعاد رجعت لكم بطريقه بسبوسه لذيذذذه وبارررررده تبرد علي قلوبكم بهالجووو .. للامانه سبق ونزلتها لكم بس عدلت عليها شوي وقلت ضروري انزلها لكم مرة ثانيه 😍..
.
بسبوسة الكريم كراميل ..
.
الطبقه الاولى .. نسوي طريقة بسبوستي المعتاده واللي هي ..
. علبة قشطه معدنية مثل التاج هي المقياس اللي نقيس فيه كل المقادير ..
..
نخلط بالترتيب ٢ بيض + علبة قشطه + علبه سكر + ملعقة صغيرة فانليا والافضل سائلة ونخلطهم شوي حتي ينتفش ويصبح الخليط كريمي + علبة زيت + ظرف كريم كراميل + علبتين سميد + علبة جوزهند + علبة حليب بودرة + ملعقة كبيرة بكنج بودر ونخلطها زين واذا كان خليط البسبوسة ثقيل ممكن نزيد شوي ماء .. بعدها نصب خليط البسبوسة كله بصينية ذات قاعده متحركة وندخلها الفرن تتحمر من تحت وفوق علي حراره متوسطه وبالرف الوسط تستوي علي راحتها وبعد ماتطلع من الفرن نسقيها بشوي حليب مكثف ونغمتتتتته😂 ( نغطيها بقصدير ) علي طوووول بعد ماسقيناها بالحليب المكثف حتي تتشربه وتصير لييينه ماتنشف ..
.
طبقة الكريم كراميل ..
٣ اكواب ماء + ٤ ملاعق كبيره حليب بودرة +٤ ملاعق كبيره نشاء + طرفين كريم كراميل +قشطه قيمر صغيره وممكن قشطه عاديه + سكر حسب رغبتكم ونحركهم زززين وبعدها علي النار حتي تثقل وضروري يكون القوام ثقيل شوي حتي اذا صبينها فوق البسبوسه ماتدخل داخلها انا ابيها مثل الطبقه عليها ( فهمتوووا) المهم بعد ماثقل الكريم كراميل نصبه فوق البسبوسه وندخلها الثلاجه كم ساعه والافضل قبلها بيوم حتي تتقهون عليها وهي بويرررررررررده 😩..