انفلونزا الخنازير ( تم دمج جميع المواضيع)

[white**angel]

رد: في احد بسافر رغم اعلان الصحه العالميه عن وباء الخنازير وخطورته

مساااااافرين
مادري شماله التهويل يعني اذا قعدتي ببيتج ماراح تموتين الي الله كاتبه بيصير يعني بيصير

 

[white**angel]

رد: اقتراح : علشان ماينحرمون الناس من السفر

يبه مافيه الا الخير سافروا واستانسوا وتوكلوا على الله

والله انا معاج
لوووول اهما العام تحسفو يعطونه اجازه بالعيد مادري بتخلص الدنيا اذا ما عطونا اجازه
ما اقول الا الله يساعدنا على هالوزاره

 

[سجى]

الحمد لله على سلامة بنتج يا الغاليه

والحمد لله ماكو الا الخير وسافروا واستانسوا وماراح يصير الا اللى كاتبه لج ربج

 

[كنوز78]

اولا: الحمدلله على سلامة بنتج حبيبتي... ثانيا: قريتوا الجرايد امس؟ ..حاطين خبر عن استراليا انها تطمأن المواطنين و شالت الكاميرات الحراريه من مطاراتها و تفول ان الامر كله مجرد فرقعه اعلاميه!!!

 

[أم@الحلوين]

رد: توني راده من امريكا على اليونايتد 982 اللي كان فيها اول حالة افلونزا الخنازير

حبيبتي انشالله ما فيج الا العافيه


طمنينا

 

[أم@الحلوين]

بنات سمعتوا عن حبوب تاميفلو وبخاخ وشراب من الصيدليه حق انفلونزا الخنازير ؟؟؟

ياريت تفيدونا؟؟؟؟؟؟؟؟؟؟؟؟؟؟؟

 

[نجمه*]

الله يحمينا ويكفينا شر الامراض كلها برا الديره وداخلها ..

والله يوفق اللي بيسافر ويستر عليه لا فيها انانيه ولا يحزنزن شدعوه انانيه مره وحده!!

واللي يخاف على عمره ياريت يتربص ببيته ولا يطلع ويشوف العالم من الدريشه.........لوووووووووووول


ام الحلوين ترى الشراب اهو فوار فيتامين سي عشان يقوي المناعه كل يوم قلاص وسلامتج

اما الحبوب والبخاخ مادري ماسمعت عنهم

 

[كويتيه78]

الله يستر انشالله ماكو شي اهو مو مرض خطير مثل ماصور لنا الاعلام يعني مو شرط يكون قاتل وانشالله في له علاج واهم شي بس مانروح للمناطق الموبوءه والله الحافظ

 

[سهارا]

رد: توني راده من امريكا على اليونايتد 982 اللي كان فيها اول حالة افلونزا الخنازير

ماتشوفين شر ان شاء الله

والله الحافظ

وطمنينا عليج

 

[moony77]

رد: توني راده من امريكا على اليونايتد 982 اللي كان فيها اول حالة افلونزا الخنازير

ما تشوفين شر انشالله
امبيه انا حدي خايفه سفري تاريخ 27 / 6 انا وعيالي وامي وحدي خايفه من هالمرض والله واقول لامي خل انكنسل مو راضيه الله يستر

 

[مشاعر أمرأه]

رد: في احد بسافر رغم اعلان الصحه العالميه عن وباء الخنازير وخطورته

مساااااافرين
مادري شماله التهويل يعني اذا قعدتي ببيتج ماراح تموتين الي الله كاتبه بيصير يعني بيصير

اي والله صاجه

جكيتج ليش موقاعده ادرسين

وراج وراج :dddds::dddds::dddds:

 

[<miss botamba>]

رد: في احد بسافر رغم اعلان الصحه العالميه عن وباء الخنازير وخطورته

لو ما الصيفي والا جان انا اول وحده بالطياره !!!

 

[أم صالح]

الحبوب اهي تاميفلو تنباع بالصيدبيه بوصفه من الطبيب لانها تعتبر مضاد حيوي مفعوله طول مانتي تاخذين الحبه كل يوم وحده كوقايه واذا اطلعت الاعراض لاسمح الله حبتين باليوم لمدة خمس ايام وتتشافى الحاله توني شريته احتياط وان شالله ماكو الا العافيه يقولون احنا اللي عايشين بمناخ حار اجسامنا ماتحتضن الفيروسات بس اللي بره يبين عليهم التعب بسرعه لان اجسامهم تستجيب للفيروسات والتطعيمات عندهم مومنتظمه واساسا الفيروسات تحتاج للبروده عشان تنشط

 

[we design]

رد: في احد بسافر رغم اعلان الصحه العالميه عن وباء الخنازير وخطورته

ان شاء الله مسافرين على نص 7
بس لما الحين نقولبها براسنا ..

الله الحافظ

 

[أم عزيـز]

رد: في احد بسافر رغم اعلان الصحه العالميه عن وباء الخنازير وخطورته

اللي الله كاتبه بيصير
وان شاء الله مسافرين ومتكلين على الله دام بنتبع التعليمات ما علينا شر بإذن الله

 

[jowajo]

رد: في احد بسافر رغم اعلان الصحه العالميه عن وباء الخنازير وخطورته

كلاااااااااامكم يشجع والله ويرفع المعنويات
عسى ربي يحفظنااااااااااااااااا جميعا
فإذا عزمتم توكلوا على الله

 

[hello!]

اي والله لاتسافرون ماابي احد يعاديني والله احس شهر 9 الحالات بتزيد بالكويت لانه كل الناس بترد من السفر !!

انا ماراح اسلم على احد لما يرد من السفر الا لما يكمل اسبوع والله مالي خلق يعادوني

واي واي فلم فلم


لووووووووووووووووووووول ومنو قال ان احنا ميتين نبي نسلم عليج؟ :dddds:

 

[هاجس خاطري]

رد: في احد بسافر رغم اعلان الصحه العالميه عن وباء الخنازير وخطورته

والحافظ الله واللي الله كاتبه راح يصير

حتى بديرتنا اكتشفوا المرض

 

[ابتسامة غدر]

بتاخذين عيالج بعد انفلونزا الخنازير؟؟؟

مرحبا بنات
شلونكم؟
حابه اسال كل وحده بتسافر ماليزيا؟؟
راح تاخذون عيالكم معاكم بعد هالمرض الله يكفينا شره ويحفظنا؟؟
لان تدرون ان الاطفال اكثر عرضه لانهم اقل مناعة؟؟
انا باخذ ولدي وخايفه عليه عمره سنتين وحتي لو بحط له كمام ماراح يرضا؟؟
وودي اخليه بس مايستغنا عني محتاره؟؟؟:0bee2e8d89:
يلا بنات شرايكم تاخذونه والا تخلونهم؟؟

​

 

[ابتسامة غدر]

رد: بتاخذين عيالج بعد انفلونزا الخنازير؟؟؟

ادري ان بعض الناس هولوا بالموضوع
بس تصدقون انا من طلعت اخبار هالمرض وانا مافكرت فيه بس قلت الله يكفينا شره
بس الحين باقي علي سفرتي يومين وبديت اوسوس خايفه علي ولدي صغير واخاف يلقط شي من هالامطارات؟؟
ابي تفاعل يلا بنات؟؟

​