حسبي الله ونعم الوكيل على هلاستاذه قهرتني .. ساعدوني شسوي

[--DaL3--]

السلام عليكم بنات شلونكم

اليوم حدي مقهوره عندنا ماده طباعه عربي اهي اله كاتبه ونطبع فيها وسبحان الله هلاستاذه ماحبيتها ولا اهي حبتني من اول المحاضره نزلت لي انذار بالغياب وانا ماعندي غياب تنادي اسامي البنات كلهم وعند اسمي توقف وتقول وينج بشوفج حاولت اسحب بس ماقدرت المهم قلت اتحملها والله يابنات اقعد اطبع ليما يكسر ظهري واخرتها تعطيني صفر على التمرين مو مشكله قالت تبون تحسون درجاتكم عندكم اسبوع للعاده قلت حلو احاول اعدل درجاتي واروح واطبع النهار كله ظهري ماقمت احس فيه واخرتها اسلمها التمارين وتقول شبي فيهم ؟ :0bee2e8d89:

هم ماعلينا الله يسامحها تدرون شنو القهر ؟ الشعبه كلها A ماعدا انا بي زين ليش وشمعنى انا معنى مابيني وبينها اي شي اذا دشيت متأخر تزف وانا اسكت عنها التمارين تعطيني صفر قبل لاتشوف الورقه مع انه غيري ماتحاسبه لا على التاخير ولا ادقق بورقتهم كثر ورقتي رحت لها قلت لي بي قالت والله هذي درجتج تبين افتح ورقة الفاينل روحي سوي لجنه بس والله انزلج سي قلت بسم الله استاذه انا اسلج مابي لجنه قالت والله هذي درجتج وانا حافظه ورقتج وانتي اغلطج وايد تخيلوا حافظه ورقتي بين 50 طالبه شمعنى انا :0bee2e8d89:

وكل كلمه والثانيه مو عاجبتج الدرجه روحي ارفعي تظلم وانا ادري عندنا بالتجاري مايقفون مع الطالب بنات شسوي حدي مقهوره والله دعيت عليها لما قلت بس من القهر حسافه اصابعي وظهري اللي حاشه شد من كثر مااطبع واخرتها جذي ؟؟

عطوني رايكم

 

[solaf]

اللة وكيلج حسبي الله ونعم الوكيل شتبينا انقول

 

[Babystyle]

حسبي الله ونعمة الوكيل .. اذا ماحاشها شي من التظلم وين ابتفلت من الله واهوه فوق كل شي

 

[شواره فسكيه]

واااااااي حسبي الله ونعم الوكيل الله يعينج حبيبتي وزين يبا حطتلج بي مو سي امبين عليها حاقده عليج حدهااا يا معوده افتكيتي منها ووين بتروح من الله شسم هل استاذه قوليلنا عشان ماناخذ عندهاا ؟؟

 

[Sparkle]

وااي حبيبتي حاسه فيج بسوي كوبي بيست على موقف ويه هل دكتوره النسره الي انا ماخذه عندها هل كورس

 

[Sparkle]

يعني بعطيج جم مثل كموقف ويا دكتوره هل كورس
داشه المحاضره لابسه سبورت كبوس شان تقوولي فسخي الكبوس أوكي فسخته شان تقوولي مرا ثانيه لما تبين تيين كلاسي لا تلبسين هل زباله لبسي حجاب انتي ليش اهلج مو غاصبينج تلبسينه؟ وتقوول فلان فلان من عائلتج دين انتي ليش مو دينه؟ أنتي مو مسلمه؟ تعرفين انا وحده عصبييييه زين ما زنطتها مشكله فشله وجدام الاوادم كلها مالها شغل خوفي درس شريعه مو كيمياء وحتى قبل جم يوم داشه المحاضره شان تقوولي ماكو سلام شنو مو مسلمه؟ يبا ذبحتني اب هل كلمه مو مسلمه و مو مسلمه شان اقوولها لا مسلمه أكيد شان تقوول ليش ما سلمتي شان اقوولها أوكي سلام عليكم قالت الناس يقوولون سلام عليكم ورحمة الله وبركاته المهم قلت جملتها شان تقوول قلتيها اب صوت واطي سمله عليها الله يعيني شنو راح تسوي فيني اخر شىء

 

[n00ni]

لا حبيبتي رفعي تظلم
انا اخوي بالتجاري واذكر مره رفع تظلم على دكتور معطيه f ودرجاته كلها زينه اخر شي القريد وقاله اسحب التظلم وحطله b
مايصير تسكتين عن حقج

 

[شواره فسكيه]

يعني بعطيج جم مثل كموقف ويا دكتوره هل كورس
داشه المحاضره لابسه سبورت كبوس شان تقوولي فسخي الكبوس أوكي فسخته شان تقوولي مرا ثانيه لما تبين تيين كلاسي لا تلبسين هل زباله لبسي حجاب انتي ليش اهلج مو غاصبينج تلبسينه؟ وتقوول فلان فلان من عائلتج دين انتي ليش مو دينه؟ أنتي مو مسلمه؟ تعرفين انا وحده عصبييييه زين ما زنطتها مشكله فشله وجدام الاوادم كلها مالها شغل خوفي درس شريعه مو كيمياء وحتى قبل جم يوم داشه المحاضره شان تقوولي ماكو سلام شنو مو مسلمه؟ يبا ذبحتني اب هل كلمه مو مسلمه و مو مسلمه شان اقوولها لا مسلمه أكيد شان تقوول ليش ما سلمتي شان اقوولها أوكي سلام عليكم قالت الناس يقوولون سلام عليكم ورحمة الله وبركاته المهم قلت جملتها شان تقوول قلتيها اب صوت واطي سمله عليها الله يعيني شنو راح تسوي فيني اخر شىء

امبي شنو هذااا منو هل دكتوره وااااااااي شهل اسلوب قوليلناا منو عشان ما ناخذ عندناا ونتوهق؟؟ :eh_s(14):​

 

[توته الدلوعه العسوله]

قولينا شسمها ؟؟ بليييز
ارفعي عليها تظلم عشان تحس انج مهتمه

 

[S0 WHat]

حبيبتي سالفتج ذكرتني برفيجتي مع دكتورهاا

كل الشعبة أ ماعدا هي سي-

بس كان في سبب من اول الكورس في يوم من الايام رفيجتي قالتلها ابيك تسويلي تحويل داخلي للشعبة اللي يمك للدكتور الفلاني

وهذا الدكتور طبعاً قالها ممنوع ومايصير <== وشال بقلبه هالسالفة

وانا لما رحت اتوسط لرفيجتي بآخر الكورس عشان الدكتور يغير درجتها وجذي جان اهوا يذكرلي هالسالفة

عشان جذي ما ظني الاستاذة اكرهتج مني والطريج تذكري شي اكيد انتي مسويته بس نااسية يمكن
وروحي اعتذري منها واستسمحي عشان تخليج أ مثل رفيجاااتج

ولا تقولين كرامتي وكبرياائي لان انتي محتااجة القريدات السنعه

 

[كوارين]

سوي تظلم

 

[Sparkle]

امبي شنو هذااا منو هل دكتوره وااااااااي شهل اسلوب قوليلناا منو عشان ما ناخذ عندناا ونتوهق؟؟ :eh_s(14):​

راح أقوولكم بس خل تنزل الدرجات وافتك من هل نسره قبل جم اسبوع كان عندي كويز اهيا جدامي شان امد ايدي حقها قالت لي تحركي انا ما سمعتها؟ شان اقوولها عفوا دكتوره شنو قلتي؟ قالت لي اب نفسيه قلتلج تحركي واي انتي الله يعينج على نفسج ما تدرين وين الله قاطج!!!:eh_s(1): بذمه هذا أسلوب الي يسمع يقوول اهيا 1000 كيلو بعيده عن ايدي أدعولي يكون غريدي اوكي لان صج كذا مرا رديت البيت ابجي من سبتها :eh_s(1):

 

[Sparkle]

أي ونسيت أقوولكم بعد مرا كلنا صدفه حااطين صبغ اظافر تقوولنا شنو أنتوا ما تصلون؟؟ ومرا طردت واحد اليوم الثاني شرح بور بويت أحاديث اسلاميه تكفوووون خلها درس شريعه ولا تتحكم وتدش اب حياتنا

 

[شواره فسكيه]

أي ونسيت أقوولكم بعد مرا كلنا صدفه حااطين صبغ اظافر تقوولنا شنو أنتوا ما تصلون؟؟ ومرا طردت واحد اليوم الثاني شرح بور بويت أحاديث اسلاميه تكفوووون خلها درس شريعه ولا تتحكم وتدش اب حياتنا

اي شييييي واهي شكوووو تصلون ولا لااا مالها شغل اصلاااا ويييع في ناس استغفر الله مادري شلون صايرين الله يعينج ولله زين انج متحملتهاااا لو انا منج ولا دقيقه اقعد عندهاااا بس يالله انشاءلله تحطلج درجه حلوه وتفتكين منهااا
قطيعه :cxxxp:​

 

[الفراشة الجميلة]

من حقج أذا انت لج حق ترفعين تضلم على هالأشكال ، شنو حاسبه روحها ، تبي أحد يربيها عشان تكون عبره لمن يعتبر .

 

[دلوعة القادسية]

امبيه اهي شكو باللبس والاخلاق ماتدخل من تكون

ومبين حاقده عليييج

الله يعينج حبيبتي والله يوفقج

 

[جمر الوداع]

واي الله يعينج

رفعي تظلم من حقج

منو هذي

ليكون هناء الوزان

انا اخذت طابعه اول محاضره معاها جان اسحبها

لان اسلوبها جد جد همجي ماتحترم احد

 

[gazl~q8]

الله يعينج شنو هذا صج شي يقهر!!

 

[Sparkle]

واي الله يعينج

رفعي تظلم من حقج

منو هذي

ليكون هناء الوزان

انا اخذت طابعه اول محاضره معاها جان اسحبها

لان اسلوبها جد جد همجي ماتحترم احد

منو هناء الوزان ؟ بطلت دليل مال الدكاتره اب جامعتي ماكو اسمها ولا اشوف صورة نسرتي(دكتورتي) يممممه تخرع مفروض شيكت على صورتها قبل لا اسجل :krkrkr:

 

[Sparkle]

DaL3 يبيله أنا وأنتي نسوفي ملف كامل على هل دكاتره بس انا سمعت رفع تظلم ما يسوي شىء