بنات للي خبره في القطوه الوالده !

[رموشه]

السلام عليكم

شلونكم بنات ان شاء الله تمام وان شاء الله كل قطاوتكم بخير :eh_s(6):
بنات بسالكم للي خبره في القطوه الوالده احنا لنا فتره اتيينا قطوه والده ونأكلها
وانا كل يوم اجوفها اناديها فلافي وهي تعودت على الاسم وصارت من تسمعني اناديها
تروح صوب الاكل بس هي نوعيتها حذره يعني وايد تخاف ليلحين ما توالفت معانا
عاد من جم يوم صارت من تجوفنا تيلس تطالعنا وما تتحرك يعني صارت تاخذ علينا
المهم اول امس يالسه اطالع رايكم شباب الا اجوف من الدريشه قطاوه صغار ايننون
طلعو عيالها هي يايبتهم بيتنا ينيت عليهم شكلهم كيوت هم 4 المهم امي قالت لا
تجاربونهم لانها الحين بتصير مفترسه وخايفه وايد على عيالها خليناها بالحوش
لين امس بالليل لاحظت انها تدور حول البيت شكيت قلت يمكن بتنقل عيالها
وضاق صدري قلت حسافه بيروحون عنا سؤالي الحين هي اليوم محد
معقوله نقلتهم ! ومعقوله ترجع لنا مره ثانيه لان من شوي يات وعطتها امي
اكل معقوله تجيب عيالها مره ثانيه ! ياريت اللي تعرف السبب تقولي !
>> قالت قصه حياتها :dddds:

 

[النجوم]

حبيبتي هي تعودت عليكم لانكم توكلونها هي مارح تييب عيالها خلاص هي تتنقل فيهم كل مره مكان لمل يعتمدون على انفسهم تخليهم وتروح على فكره القطاوه لما تجوع تاكل عيالها ولاتقربون منها لان قطاوة الشارع وسخين مو مطعمين ضد الامراض ييبون الجرب والفطريات حق الانسان لاتتلمسونها 0

 

[رموشه]

اها حسافه والله مشكوره حبيبتي وما قصرتي على المعلومه بس صج ضاق صدري

 

[شانييل]

على فكرة القطاوة تاكل عيالها
قالوا في برنامج علمي أن القطوة أول ما تولد عيالها مافيها شدة تتحرك تيبلها أكل, فتضحي بواحد علشان تصير قوية علشان الباجي.
وفي نظرية ثانية تقول إنها تشوف إذا بين القطاوة الصغار واحد ضعيف فتشفق عليه وتردة بطنها ليما يصير قوي!
صج غريب!

 

[رموشه]

اها مشكوره حبيبتي شانيل اول مره اسمعها هالمعلومه وصج ترى من بين اعيالها واحد اسود عيونه منتفخه عور قلبي شكله معاق وما يجوف عدل اخوانه الثلاثه نشيطين الا اهو بروحه ومسكين يبي يلعب معاهم دعم بالبوكس شكله ما يجوف عدل الله يشفيه

 

[<<لمار>>]

شلج فيهم وصخين من الشارع

 

[$$كويتية$$]

لالا ان شاء الله رااح اتييبهم على يووم بس خل يكبروون

انا كان عندي قطوة تحمل وتوولد وهمن اتيينا تااكل وانتو عطووها اكل عشاان تتقواا

وبعدييين راااح اتييب لكم اعيااالها بس لمة يكبروون شوووي

 

[رموشه]

شلج فيهم وصخين من الشارع

انا ما اجيسهم ولا ارجرب يمهم بس استانس عليهم لما يراكضون بالزرع ويتهاوشون مع بعض كيوت شكلهم

 

[رموشه]

اختي كويتيه ترى هم تقريبا يمشون ويراكضون يعني معتمدين على نفسهم استغربت انها ما خلتهم عندنا مع انا ما نجرب منهم من بعيد لي بعيد واغلب شي نجوفهم بالدريشه يارب ترجعهم

 

[رموشه]

بنات يعني هم معتمدين اعتماد كلي على حليب الام تقريبا بهذا السن

 

[ملاك زوجي]

وااااي شحلات الصوره الي حطيتيهااا حلاااتها
سوري حبيبتي ماعندي خبره بقطاوة الشوارع بس البنات يمكن فادوج

 

[Donet]

بنات يعني هم معتمدين اعتماد كلي على حليب الام تقريبا بهذا السن

يـــالــــبي حلييلة

 

[شانييل]

أنا مرة سمعت كلام مزعج عن مواء القطوة
يقولون إذا سوت جذيه وطولت أحد راح يموت من هالبيت!!!!!!!!!!!!!!!!
يمة معلومة تخرع!

 

[رموشه]

شلون يعني جذيه ما فهمت !!

 

[ملاك زوجي]

مافهمت ليش تموت؟؟؟؟؟

 

[ياعشيري جعلك السلال]

شانيل معلومتج تخررررررررررع

 

[سعودية وافتخر%]

والله هالقطاوه حاله ..إنا امس ولدت قطوتنا وتشوفونا حالتنا حاله معها والمشكله مجهزين لها كرتون تولد فيه وولدت بدالوب اخوي هههه
بس لما خلصت ولاده وطلعت من الدالوب انتهزت الفرصه ونقلت عيالها للكرتون وحطيتها جمب حمامها وانتم بكرامه بس الغبيه في الليل طلعت من الكرتون وراحت للغرفه وقامت تنقل عيالها واحد واحد لتحت السرير وبصراحه خليناها لأنا تعبنا معها وموب عارفين وش تبي بالضبط....!!!!
يعني ياليت اللي عندها خبره تفيدني وشلون اتعامل معها وعادي اروشها الحين مايضر ؟؟

 

[رموشه]

بنااااااااااااااااااااااااااات اليوم قمت الصبح الا امي تقولي ان جافت واحد من عيالها الصغار في بيتنا يمشي بالزرع استانست تقول امي يمكن اهي يالسه تحت السياره او داخل مكينه سياره ابوي لان ابوي صار له فتره ما طلع فيها بنات صج استانست بس عندي سؤال احنا بالبيت عندنا ذكر صار له 8 شهور او اكثر ببيتنا يعني كل مره ينط بالحوش وييلس وصار له فتره متوالف مع هالقطوه والعيال وايد يشبهونه انا شكيت انه ابوهم بس سؤالي ليش لما يجرب من الام تتهاوش معاه وما تبيه يجرب من عيالها !! معقوله تخاف ياكلهم وهو ابوهم !! وامس ما كانو العيال الصغار موجودين وهي مستانسه معاه تنط بالسور وتلعب معاه بس لما يكونون العيال الصغار موجودين تلقينها تصير متوحشه مع الذكر غريبه ياريت اللي تعرف السبب تقولنا والله معور قلبي يالس بروحه >> احسه يقول امس يحليلها وياي واليوم انقلبت يوم يابت اليهال لوووووووووول

 

[رموشه]

والله هالقطاوه حاله ..إنا امس ولدت قطوتنا وتشوفونا حالتنا حاله معها والمشكله مجهزين لها كرتون تولد فيه وولدت بدالوب اخوي هههه
بس لما خلصت ولاده وطلعت من الدالوب انتهزت الفرصه ونقلت عيالها للكرتون وحطيتها جمب حمامها وانتم بكرامه بس الغبيه في الليل طلعت من الكرتون وراحت للغرفه وقامت تنقل عيالها واحد واحد لتحت السرير وبصراحه خليناها لأنا تعبنا معها وموب عارفين وش تبي بالضبط....!!!!
يعني ياليت اللي عندها خبره تفيدني وشلون اتعامل معها وعادي اروشها الحين مايضر ؟؟

اختي انا ما عندي خبره بالقطاوه بس لاحظت ان القطوه اذا يابت عيالها لازم تخليهم بمكان محد فيه وظلام يعني حطي الكرتون بالحوش او بالظلام بحيث تاخذ راحتها مع عيالها جربي وقولي لنا شنو صار

 

[رموشه]

محد يعرف !