محتاجتلكم (صالون بريجيت مارينا)

[ساندريلا]

حبايبي شلونكم انشااااااااالله بألف خير

بنات بعد الدوره والفراره بصالونات علشان ملجة اختي اليوم رحت صالوم فندق المارينا بريجيت

ماكان فيه زباين بس شفنا البومات وايد مكياجهمحلو وناعم واللبناني عندهم ذرب قالتلي فيه القوي والناعم على حسب الطلب

بس انا ماادري شفيني خااااااايفه لاني ماشفت مكياجهم على الطبيعه ولا مره شفت وحده حاطه عندهم

ياريت بنوتات الي مجربه مكياجهم او شايفته تقولي رايها في مدام بريجيت لان احنا نبيها ومكياجها مو رخيص 100 السبيشل والملجه 400
احنا نبي اللبناني الرااااااااقي يعني مانبي الغامج نبي نعومه وذرابه بنات الي جربتهم ياريت تقولي عن تجربتها وشلون كريمهم طبيعي والا اوفر؟؟؟ الله يخليكم ساعدوني لاني مليت من الحوسه

 

[باش مهندسة]

آنا حاطة عندهم بعرسي واااايد حلو ومدام بريجيت حدها تهبل ونفسها حلوة وشغلها ذرب , خليها على راحتها لا تناشبينها و هي تبدع فيج..
بس غلت آنا عرسي شهر 11 اللي طاف يعني ما صارلي سنة كان ب 250 مع التسريحة وكريم جسم وبديكير وحف وكل شي, واللي مو عروس بريجيت تحطلها ب70 بدون تسريحة..

 

[*نوفه*]

ليش جذي غاليه

انا شفته على وحده من البنات مكياجها عادي حيل جنها حاطته بالبيت

 

[مـيـلاد انـثـى]

هلا حبيبتي انا شفت عروووووووس حاطه عندها حيييييييييل حلوه وناعمه بعد يمكن نفس طلبك ناعم وبعد التسريحه لا يعلى عليها حلوه بس اسعارهم مادري عنها لاني انا شفت الصور

ان شاء الله بعرسي بروح عندها وعلى فكره ترى كل الصالونات اسعارهم مرتفعه
وان شاء الله موفقه

 

[ساندريلا]

الله يعطيكم العاااااافيه
لا الحين غلوه صار مكياج مدام بريجيت 100 حق الي مو عروس والباجي 55 مع كريم الجسم
بنات وينكم بعد ابي اراء زياده لكي يطمئن قلبي

 

[العاذرية]

مكيااااجها روووووووووووووووعه وبريجيت تهبل اهي واختها عسلللللللللللللللللل

بس غااااااااااااااليه ناااااااااااااااااااار

وعلى فكره اهو الصالون الوحيد اللي تسريحاتهم فن فن فن

 

[ساندريلا]

اشدعوا بنات هذا وانا طالبتكم ليش تكسرون فيني:0bee2e8d89:

 

[miss_avocado]

امبي من صجج مكياجها اينن اينن و الله شفته على صديقاتي بعروسهم صج طالعين حلوين مطلعتهم عدل
موفقه

 

[! بــدويه وآآيــد !]

:~


انا شفــت صور رفيجتـــي بعرسهااا طآلبه تحــط لهآ سموووك = بخآآر عالجفن اسود برصآصي فآتح & غآآمج ورموش سعأأد حسني وحمره حمرآآآ والله مطلعتهآآآ ملكة جماااال صج صج حلووو شغلها وروعـــه

وتسريحتهااا ذربه وكيوت بس والله ينيت على شغلهم والبناات ماقصروا



:~

 

[عروس الخير]

آنا بصراحة كنت مع رفيجتي بعرسها ماعجبني كلش وكريمهم اي شيء
اقولج احنا رحنا الساعة 11 على اساس نطلع 6:30
جان تخلصنا مبجر يمكن الساعة 2 خلصنا الميكاج طبعا اهي تحط المكياج على مرحتلين شوي قبل التسريحة وشوي بعد التسريحة

ولما دخلت رفيجتي الصالة والا صوب عينها الفضي مقطع شكله وايد مو حلو

لكن نفسيتهم تهبل وايد وخدومين

الآراء تختلف لكن انا ما انصحج

 

[حرم بدران]

انا حطيت في عرسي عندهم و نيشاني و خواتي بعد
مكياجهم حيل حيل حيل حلو
و احلى مكياج شفته عندهم
و تسريحاتهم لا يعلى عليها
صج عجيب و انصحج فيه نصيحه
صج راح تطلعين ملكه
بس انا اقول لج اذا لونالحمرةما عجباج قولي لها تغيرة و بس

و كل التوفيق

 

[امي الحبيبة]

هلا ياقلبي في ناس تمدحها وفي ناس تذمها انا بعد عرس اختي اول سبعه وماعرفين وين نروح بس اهي قالت في عرايس بهالشهر شوفيهم انا مقتنعه بشي واحد حنان دشتي الي ببنيدر القار روووعه .... وبراحتج مدام برجيت راح تجي هالخميس من السفر وعندها تقول ملجه ليكون بس انتي....الي انطر اشوفهاااااااااااااههههههههه.

 

[ساندريلا]

هلا ياقلبي في ناس تمدحها وفي ناس تذمها انا بعد عرس اختي اول سبعه وماعرفين وين نروح بس اهي قالت في عرايس بهالشهر شوفيهم انا مقتنعه بشي واحد حنان دشتي الي ببنيدر القار روووعه .... وبراحتج مدام برجيت راح تجي هالخميس من السفر وعندها تقول ملجه ليكون بس انتي....الي انطر اشوفهاااااااااااااههههههههه.

--------------------------
الله يعطيكم العافيه بنات
لااا مو احنااا:dddds:
بس اشوا انج قلتيلي بروح اشوفها اساسا انا كنت مقرره اروح الخميس بس ماقلتيلي الوعد ساعه جم علشان انحط البنت تحت المجهر وننقد مكياجها:dddds:

 

[امي الحبيبة]

اهي قالت قي عرايس بتاريخ في ملجه الخميس لانها المدام راح تجي الاربعاء وتستلم يوم الخميس ملجه وجنها قالت يوم السبت او الاحد في عروس مو متاكده دقي وسالي............... الله يعينها اذا بتكون تحت المجهر وخاصه احناااااا .....زههههههه

 

[bombo]

عفيه قولولنا اشلون المكياج والتسريحه

 

[أميرة الورد]

مدام برجيت تهبل انا عرسي توه شهر واحد اللي طاف حطيت عندها مكياجي كان فااااتح مو سموكي كان وايد كلاسيك نفس الستينات وتسريحتي كانت وايد حلوة اهي تسوي على حسب طلبج

بس كريم الجسم عندهم يتلف دوري لج كريم جسم حلو ما يبقع الملابس وسعرها كان 250 العروس وخواتي كانوا جنه الميك اب 50 والتسريحة 70 ماذكر

 

[ساندريلا]

مدام برجيت تهبل انا عرسي توه شهر واحد اللي طاف حطيت عندها مكياجي كان فااااتح مو سموكي كان وايد كلاسيك نفس الستينات وتسريحتي كانت وايد حلوة اهي تسوي على حسب طلبج

بس كريم الجسم عندهم يتلف دوري لج كريم جسم حلو ما يبقع الملابس وسعرها كان 250 العروس وخواتي كانوا جنه الميك اب 50 والتسريحة 70 ماذكر

---------------------------------------------
انتي مو اول وحده تقولين هالحجي عن كريم جسمهم:0bee2e8d89:

 

[أميرة الورد]

اي والله هذا العيب فيهم بس باجي مكياجهم كله كريولان بس انان وديت أساسي زيادة احتياط

 

[لافقدتك]

توني شايفه صور عروس مكياجها حلو بس نااااااااااااااعم
بس مبرز ملامحها حيل
وتسريحتها خيااااليه حيل حلوه

ربي يوفقكم

 

[mem-q8]

رحت عرس رفيجتي وحاطه عندهم اعرسها


أمبييييييييييييييييييه البنت سمرة سمار فاتح وحلو
بس بالعرس ما صدقت يوم شفتها خلوها بيضة


بس عرفتي بيااااض حلوووووو وطبيعي

انا بوم شفتها قلت أكيد مبدلين العروس بس ما شاء الله كلش كلش مو مبين انه مترقع
كان حده حلووو الكريم عليها ومكياجها وطلتها واايد حلوة