جمعت لكم لوحاتي وافكاري كلها .......تفرجوا ^ _ ^

[**ريــــــــم**]

السلام عليكم وحمة الله وبركاته


اليوم حبيت اني اجمع لكم لوحاتي كلها يا بنات


من افكار ولوحات وطرق تربويه تعليمية مفيده


وهذه الافكار بعضها من تصميمي والاخر من النت بس سوويته بطريقتي الخاصه


وانا احلل للكل افكاري ولوحاتي حتى تعم الفايده للجميع


وكل اللي بتشوفونه عمل وشغل ايدي يعني لا مكتبات ولا مراكز لوحات تعليميه ولا بطيخ :ggdw:


وباسعار معقوله وتكاليف قليله _03BA:


بس عندي طلب صغيرون : لا تردون على الموضوع الى ان انتهي بالمره عشان اخليكم


تتفرجوا على راحتكم بعدها شرفوني بردودكم الحلوة



بسم الله نبتدي


هذه اللوحه اسمها تاج الشرف


...بالانجلش (Honour Crown )


<<<<< محسوبتكم معلمة لغة انجليزية


استخدامها : نضع عليها صور الطلبه المتفوقين ونعلقها فوق اللوحه او السبورة


فائدتها : تشجع الطلبه للتفوق وتشعر المتفوقين بالفخر


هذه هي اول ما سويتها

هذه هي لما علقتها بالفصل ....شكلها روووعه ولاحظوا صور الطلبه المتفوقين يا بنات :eh_s(6):

.......يتبع .......​

 

[**ريــــــــم**]

هذه الفكرة الثانيه

وهي ايضا للتشيجع

واسمها صندوق السحب

فكرتها : كل ما يجاوب طالب اكتب اسمه في ورقه صغيرة

واضعها بالصندوق .....وبنهايه الاسبوع نسوي سحب ونختار ثلاثه اسماء

يفوزا بهدايا حلوة

صدقوني نتيجتها روووعه .....لما يشوفوني الطلبه اجيبه بالحصه

يتحمسوا ويشعللوا الحصه ....وراح تفرحك اذا عندك زوار بالحصه

هذه هي صورته

شوفوه من الداخل

وهذا من الجانب

بنات ترى كل اللي احتجته

كرتون حذاء(وانتوا بكرامة )+جلاد ملون +استيكرز للتزيين

وبس

شفتوا البساطه


.....يتبع.....​

 

[**ريــــــــم**]

نكمل مع اللوحات التشجيعيه

هذه اللوحه اسمها بنك المدرسة

بالانجلش (The School Bank )

فكرتها : سويت لوحه على شكل بنك داخله خزانات فلوس

وكل طالب له خزنه خاصه فيه

كل ما يجاوب بحط له فلوس داخل الخزنه

وبنهايه الاسبوع نعد الفلوس داخل الخزانات والاكثر يفوز بجائزه

طبعا تقدرون تسوونها على شكل مجموعات يعني بس اربع خزاين

اوفر من 25 خزنه ...انتي وراحتج

هذه هي اللوحه

سوري في كم خزنه طاحت ........:dddds:


هذا شكل العنوان .....عباره عن ورق طبعته بالطابعه على شكل غيمه

وقصيته وجلدته بالجلاد الشفاف عشان ينحفظ

وهذا شكل الخزانه من قريب .....عباره عن صورة خزانه طلعتها من النت

وكررتها وجلدتها بعد وقصيتها ولصقتها على الكرتون الصغير

لاحظوا الفلوس بالداخل

هذا شكل الكرتون الصغير .....مثل العلب اللي نحط فيها الخواتم عند ابوميه

بقصها والصقها بمسدس الشمع بحيث يكون الجانب الفوق مفتوح بس

وهذه صورة الفلوس ....طبعا صورت فلوس عندي بالسكنر او من النت انتي وراحتك

وكررتهم وطبعتهم وجلدتهم وقصيتهم

لا تنسوا تحطوا اسماء الطلبه على كل الخزانات


بنات صدقوني رووووووعه وتأثيرها حلوووووووو عند الطلبه

وراح تخليج مميزه بين المدرسات :ggdw:


..... يتبع ....​

 

[**ريــــــــم**]

هذه اللوحه ايضا تشجيعيه

سميتها لوحة الشرف

بالانجلش (Honour Chart )

فكرتها : يقسم الفصل الى اربع مجموعات وكل مجموعه يجاوب احد من افرادها

تحطي ستيكر نجمه او اي شي داخل لوحتهم الخاصه

وبنهايه الاسبوع المجموعه اللي عندها ستيكرز اكثر يفوز اعضائها

فائدتها : التشجيع المستمر للطلبه واضفاء الحماس على الحصه

هذه هي اللوحه

بنات هذه من اسهل اللوحات اللس سيوتها واقلها ثمن

بس جبت اولا لوحه ورقيه .....صورة كبيره لميكي ماوس تلقونها عند ابو ميه

اربع سبورات لاصقه اللي نلصقها اخر الكتب ....طبعا اختاروا اشكالهم حلوة

وطبعت العنوان بالطابعه وجلدته وقصيته وشويه زخارف

وارقام انجليزيه عشان كل مجموعه تعرف نفسها

بس


تعالوا نحسب تكاليفها

^ _ ^

وسيله =100 فلس 4 سبورات = 400 فلس

صورة ميكي = 100 فلس شوية زخارف ستيكرز = 100 فلس

المجموع = 700 فلس

هاه شرايكم


.... يتبع .....​

 

[**ريــــــــم**]

هذه اللوحه اسمها لوحة اللؤلؤ
وهي لوحه تشجيعيه

فكرتها : يقسم الفصل الى ثلاث مجموعات وكل محارة تمثل مجموعه معينه

ويكون عندك حب لولو الرخيص اللي تشترينه من اي محل اكسسورات

وكل مجموعه تجاوب تحطي لها حبة لؤلؤ واحده وبنهاية الاسبوع

المحارة اللي عندها لولو اكثر يفوز اعضائها

فائدتها : لوحه حماسيه وتشجيعيه بالدرحه الاولى

هذه هي اللوحه

وهذه هي اللوحه من قريب

مثل منتوا شايفين حطيت علبه بلاستيكيه تحت كل محاره ويكون الغطاء مفتوح بس من فوق

اي غطاء بلاستيكي عندكم ...انا استخدمت غطاء لالوان شينيه قصيته ولزقته

وشوفوا القلم حطيته عشان ابين لكم انه مفتوح من فوق

سوري اللولو مالقيته شكله ضاع :0bee2e8d89:

والمحاره عباره عن صورة طلعتها من النت وكبرتها وسويت منها ثلاث وجلدتهم ولصقتهم .

بعدين عاد انتي وتزيينك انا حطيت صورة نخله وشويه استكيرز للتزين

وبس

بسيطه وسهله


.... يتبع ....​

 

[**ريــــــــم**]

هذه اللوحه روووعه انا احبها


من حلاتها سويت ثنتين

عرضتها من قبل هني


اسمها البريد السحري


بالانجلش (Magic Mail)


فكرتها : يكون عندنا صندوق بريد وكل يوم عندنا ثلاث رسائل


على الطالب يطلع ويختار الرساله ويقرا المكتوب فيها


طبعا انا احط فيها طلبات مثلاّ


عد من الواحد الى العشره


غني اغنيه عن العادات اليوميه


اقرا الجمله التاليه


هجئ الكلمة التاليه .....الخ


فائدتها : مراجعه الدروس السابقه


او اسئله عن الدرس الحالى لقياس استعياب الطلبه


هذه هي اللوحه

بنات ترى فكرتها وطريقتها سهله جدا


مجرد لوحه فلين ملونه وشويه اظرف رسايل وصورة صندوق بريد من النت قصوه وجلدوه


واسم اللوحه وشوية زخارف وبس


روووعه وحلوة لانها تخدم دروسك والطلبه كل يوم يتشوقوا ايش في الرسايل اليوم


..... يتبع .....​

​

 

[**ريــــــــم**]

هذه بطاقات سهله وخفيفه


بس كنت استخدمهم لمراجعه ايام الاسبوع


وبعدين علقتها على حايط الصف طلع شكلهم روووعه


وحطيت فيهم شرايط وعلقتهم فوق الشباك


هذه هي صورتهم

سهله جدا مجرد ورق اصفر وازرق قصيتهم ولزقتهم وشويه ستيكرز هلى الجوانب



هذه اللوحه عرضتها بموضوعي من قبل


وهي لوحه الملعب


فكرتها : تقسيم الصف الى اربع مجموعات كل مجموعه تمثلها كورة معينه بلون معين


كل مجموعه تجاوب الى ان تصل الى المرمى


فائدتها : حماسيه وتشجيعيه


هذه هي

... يتبع .....​

 

[**ريــــــــم**]

هذه اللوحه حلوة

وهي عباره عن جيوب من البلاستيك

انتوا وراحتكم في الموضوع

بالنسبه لي بالانجلش حطيت في الجيب الازرق خمس اسئلة من هو ؟

وبالجيوب الورديه صور اشخاص

على الطالب يقرأ السؤال ويختار من الشخصيات الشخصيه المطلوبه

ايضا بطريقه ثانيه للرياضيات ممكن تحطي معادلات ضرب بالجيب الازرق

والطالب يختار الاجابه الصحيحه من بين الاجابات في الجيوب الورديه

بالنسبه للعلوم ممكن تعاريف حيوانات او اجهزة او اجزاء النبات

واطالب يختار الاجابه من الجيوب الورديه

ايضا مادة الحاسوب ممكن تعاريف الحاسوب وغيرها

التربيه الاسلاميه خطوات الوضوء او الصلاه

المعنى يا بنات ان لها استخدامات متعدده

بس

... يتبع ....​

 

[**ريــــــــم**]

هذه لوحات حلووووة يا بنات

حطيتها من قبل ....بس يمكن في احد ما انتبهلها

ممكن تستخدمونها بكتابة عبارت تشجيعيه داخل صفك

او اكتبي فيها اسامي المجموعات والصقيها على الحايط

بالنسبه لي انا استخدمتها ايام الامتحانات

كتبت فيها عبارت تشجيعيه انا شاطر انا ذكي

الامتحان اكيد سهل .....الخ

ولصقتها في الممرات بين الفصول ايام الامتحانات

والحركه هذه عجبت المديرة مرررررررررررره

وعلى فكرة طريقه عملها سهله جدا

مجرد لوحات ورقيه واستيكرز كبير وشوية زخارف

وبس

....يتببع ..... ​

 

[لؤلؤية]

ما شاء الله عليج

 

[**ريــــــــم**]

هذه اللوحه يابنات

بالامانه انا مو مسويتها

رفيجتي مسويتها ...بس قالت لي اعرضها

وانا قلتلها ابشري :dddds:

اسم اللوحه اعمال الصف

بالانجلش ( Classroom Jobs)

فكرتها : عبارة عن جيوب مثل جيوب بنطلون الجينز

داخل كل جيب اسم طالب مسؤول عن عمل معين حسب اللي مكتوب على الجيب

فائدتها : تبث روح القياده عند الطلبه والتنظيم

هذه هي اللوحه

هذا هو العنوان

وهذا جيب المسؤول عن الباب ...تعرفون يعني سكره يفتحه ...الخ

وهذا جيب المسؤول عن الاضواء ...نفس الشئ يسكرهم يشغلهم ..الخ

وهذا اللي مسؤول عن الكتب ....يجمعهم يوديهم يجيبهم ...الخ

بنات ترى اللوحه هذه رووووعه

اكتبي اسماء الطلبه على بطاقات ودخليها بالجيب بحيث يكون اسم الولد او البنت واضح

وكل اللي احتجته يا بنات نص متر خامة جينز وقلم زري للكتابه على القماش ولوحه فلين الصق عليها

وبس ولا اسهل

.... يتبع .... ​

 

[**ريــــــــم**]

هذه يا بنات شويه افكار عشان تطلع لوحتج او سبورتج حلوة ومرتبه

مثلا بالانجليزي احنا نكتب كلمة

Unit الوحده

step الدرس

P.B. p كتاب الطالب صفحة :

W.P.p كتاب التدريبات صفحه:

New Voc المفردات الجديده

بالنسبه للعربي عندهم الجمله الاملائية والعلاجيه ومدري .....الخ

المهم ...انا اكتب هذه الاشياء الثابته على بطاقات واحط وراهم مغناطيس

واستخدمهم يوميا بدل لا اكتب بيدي

شوفوا ....هذه بطاقات جاهزة من مكتبة السنافر انا اخترت اللي على شكل غيمه

وحطيت ورا كل وحده فيها 2 مغناطيس الجاهز

بعدين حطيت داخلهم الكلمات اللي ذكرتها اول الموضوع ..طبعا طبعتهم بالكمبيوتر ولونتهم

وهذا لوح كتابه ....جبت لوحه فلين وصبغتها ورشيت شوية زري عليها

ولما نشفت لصقت عليها صورة وشويه زخارف بعد ما سطرتها 4 سطور

اللي هي سطورنا المعروفه ...عشان ما اضيع وقتي اسطر على اللوح

ادري بنات مو واضحه اعذروني

عاد انتم تقدرون تسوونها بطريقتكم الخاصه

حتى للغه العربيه يستخدمونها لكتابة فقرة الدرس عليها


وبس

سلامتكم

.... انتهى ....

اتمنى تكون لوحاتي وافكاري عجبتكم

واكون عطيتكم دافع وفائده تنفعكم


ممكن يقول بعضكم ...هذه متاخرة بعد ما خلصت السنه وين جايه

بالعكس انا بالنسبه لي هذا انسب وقت نشتغل فيه ...لاني انا وحده اذا بدات الدراسه

انشغل جدا خصوصا عيالي ومذاكرتهم وامتحاناتهم

غير ان الاسعار نااار والمواد مو متوفره

نصيحه : بنات مو لازم كل شئ تشترونه دفعه وحده ...اي تشوفونه مناسب اشتروه

بوقت فراغ اخترعي لج وسيله او لوحه

تحيااااااتي .....اسفه على الاطاله

ريومه

​

 

[ام المزايين]

ما شاء الله تبارك الله الله يستر عليك وعلى افكارك رووووعه

عاد انا ماخذه اجازة امومه هالسنه وناويه السنه الجايه ارجع بقوه بصراحه افكارك تشجع ببلش اجهز منها للسنه الجايه

الله يعطيك العافيه

 

[¤§ زيتونة §¤]

ماشاءالله عليج حبيبتي خووووووووووووووش شغل

تسلم الايادي

 

[**ريــــــــم**]

ما شاء الله تبارك الله الله يستر عليك وعلى افكارك رووووعه

عاد انا ماخذه اجازة امومه هالسنه وناويه السنه الجايه ارجع بقوه بصراحه افكارك تشجع ببلش اجهز منها للسنه الجايه

الله يعطيك العافيه

حياج الله يام المزايين

وشيدي حيلج والله يوفقج

وشكرا للمرور والرد

 

[**ريــــــــم**]

ماشاءالله عليج حبيبتي خووووووووووووووش شغل

تسلم الايادي

تسلمين حبيبتي زيتونه

شكرا للمرور والرد

 

[سلسبيل 2008]

ما شاء الله تبارك الله مبدعه

ممكن ناخذ افكارج وانطبقها السنه الجايه اذا سمحتي

 

[مهاااي]

ماشالله ابداااااااااااع

مثال للمعلمه الناجحه

ربي يوفقج حبوبه

 

[bedour18]

ماشالله عليج ريم ياريتج تدرسين ولدي

افكارج جدا بسيطة بس تبعد الملل من الحصة و تشجع عالمشاركة

مع اني مو مدرسة بس فيه جم فكرة عجبتني و ابي اطبقهم عندي في البيت للدراسة

الله يعطيج العافية على هالمجهود الواضح

 

[@الخياله@]

ماشاءالله ابداااااااع!!

تبارك الرحمن الله يحفظج من العين يالغلا ،،