بصبغ غرفتي بنفسي

[الشقردية المزيونة]

بنات السلام عليكم

بغيت مساعدتكم

ابي اصبغ غرفتي بنفسي فشنو تنصحوني فيه ومنين اخذ الصبغ ابي مطفي

وشنو اهم النصايح وشلون اصبغ موعارفه شي كلش

بس حابه اجرب واتعلم

بليز ساعدوني

 

[كويتية 1990]

ونااااااااااااااااااااااااااسة بتصبغين غرفتج برووحج حركاااااااااااااااااااااااااااات


انا ماعندي خبرة الصراحة بس عجبتني فكرتج ماحبيت اطلع من غير رد

بس اتوقع روحي الصباغين واشتري منهم كل شي واذا مايبيعون اخذي رقم المكان اللي يشترون اغراضهم منه جوفي بالوسيط ارقام الصباغين

 

[ياعشيري جعلك السلال]

سوي فيها حركات بالاسفنج الخاص

يعني صبغي الغرفه كلها لون وبعدين اخذي الصبغ الي يصير عصار جنه معجون ( لون اغمج ) وخففيه في مادة اهم يبيعونها ما اعرف اسمها بصراحه وسوي حركات فوق الصبغ طبعا قبل لا ينشف حييل

انا مسويه صاله استقبالنا ويا امي جذي عواميد وديكور جبس والطوفه وطلع خطير

 

[Queen NOoori]

اتصدقين؟!!!
حتى انا بسوي ونااااااااااااااااااااااااااااسة
بس ابيج تجربين قبل عشان ...................اجرب فيج هههههههههههههههه

 

[نوره في وسط صوره]

روحي اصباغ الجوتن واختاري من الكاتلوج اللون الي تبينه او اذا محدده لون في بالج ومالقيتي الدرجه بالكتالوج عندهم يسونلج اياه وانتي واقفه بدمج الالوان
واخذيلج الفرشه الرول ام عصة واذا طوفتج ملونه اخذيلج لون ابيض
يعني اذا غرفتج ترخيم مثلا اصبغيها ابيض اول وجه واحد وعقب ماينشف اصبغي اللون الي انتي اخترتيه وسوي صوب السرير مقلم او مربعات حدديهم بالتيب اول وبعدين اصبغي المربعات او المقلم وبس الموضوع سهل جدا وممتع

 

[LuLiTa]

و شلوووون ااذا نبي نسوي حركااات بالصبغ ؟؟؟,,,,

 

[نوره في وسط صوره]

اذا تبين الصبغ ترخيم تستخدمين الاسفنج او الكيس يعني تصبغين الطوفه وتمسكين جيس تعفسينه وتطقطقين الطوفه كلها او الاسفنج
يعطي شكل باللون الي بتصبغينه بس هم احب انوه لازم تصبغين اللون الابيض وبعدين اللون الي تبينه وتسوين هالحركات فيه
والترخيم والتعتيق صار قديم الحين مقلم او نص الطوفه الي تحت لون والي فوق لون وتفصلينهم ابوردنج يطلع حلو

 

[saralona2009]

حرررررررررررركة بصراحة حتى انا نفسي اتعلم اشلون اصبغ

 

[أوريانتيا]

هلوو بنوتات
رفيجتي من مده صابغه غرفتها بنفسها اسود ووردي وطلع خطيرر
بس انا ما اقدر اغامر
ودي احط لكم صورة غرفتها شلون سوتها بس ماعرف :0bee2e8d89:

 

[كويتية بسيطة]

شوفي يا الشقردية
أنا صبغت غرفتي المعيشة وكانت تجربة ممتعة بس صبغتها لون واحد ربع لمعة من الجوثن وأخذت كل عدتي منهم
والبائع عطاني كاتالوج الجوثن الخاص للزبون اللي يود يصبغ بنفسة
وكان يشمل كل الافكار الدارجة الحين عند الصباغين مثل طريقة الاسفنجة واللزاق والورود
ولما كانت تجربتي حيل ممتعة وبدون اغلاط كملت غرفة النوم وجربت طوفة لونها غامق والثلاث افتح
وهم نجحت
اما الحين بس انطر اتفرغ بالاجازة واصبغ غرفة العيال
بس هذه المرة راح اشتري من المكتبات اللي بدسمان اشكال زاهبة مثل بالونات او سيارات او نجوم
واعبيهم معجون اللي تلقينة بلوازم العائلة وانشرة على طوفة وحدة اللي فوق السرير
وبعدين اصبغ اللون اللي ابية
ويمكن افتح الاشكال بالنهاية اذا استدعا الامر
ولتنمى تعزمين وتبتدين وانا حاضرة عند اي استفسار

 

[اشكنانيه^_^]

انا اعرف محل مختص حق هالسوالف وعندهم افكار وايد حلوه واللي يديرون المحل بنات صغار يعني ممكن يساعدونج يسالونج شتحبين ويساعدونج يعطونج افكل اذا بغيتي راسليني على الخاص حبوبه

 

[qema87]

روحي تروفاليو او اي محل مال اصباغ واختاري اللون اللي تبينه .. مع العده كلها و صبغي
والحركات تقدرين تشترين لون ثاني وتشترين من تروفاليو مثل طباغات مادري شسمونهم !! وتحطينها وتسوين الشكل اللي تبينه بلونين
او صبع عادي وبعدين تحطين ستكرز

 

[الشقردية المزيونة]

سوي فيها حركات بالاسفنج الخاص

يعني صبغي الغرفه كلها لون وبعدين اخذي الصبغ الي يصير عصار جنه معجون ( لون اغمج ) وخففيه في مادة اهم يبيعونها ما اعرف اسمها بصراحه وسوي حركات فوق الصبغ طبعا قبل لا ينشف حييل

انا مسويه صاله استقبالنا ويا امي جذي عواميد وديكور جبس والطوفه وطلع خطير

شلون وضحي مافهمت ياريت توضحين اكثر

 

[الشقردية المزيونة]

ونااااااااااااااااااااااااااسة بتصبغين غرفتج برووحج حركاااااااااااااااااااااااااااات


انا ماعندي خبرة الصراحة بس عجبتني فكرتج ماحبيت اطلع من غير رد

بس اتوقع روحي الصباغين واشتري منهم كل شي واذا مايبيعون اخذي رقم المكان اللي يشترون اغراضهم منه جوفي بالوسيط ارقام الصباغين

اي وناسه بحجرب بهالصيفيه واحوس غرفتي

 

[الشقردية المزيونة]

اتصدقين؟!!!
حتى انا بسوي ونااااااااااااااااااااااااااااسة
بس ابيج تجربين قبل عشان ...................اجرب فيج هههههههههههههههه

هههههههههههههههههههه

يالله ببدا وارد لكم خبر اذا نجحت العملية او فشلت هههههههههههههه

 

[الشقردية المزيونة]

روحي اصباغ الجوتن واختاري من الكاتلوج اللون الي تبينه او اذا محدده لون في بالج ومالقيتي الدرجه بالكتالوج عندهم يسونلج اياه وانتي واقفه بدمج الالوان
واخذيلج الفرشه الرول ام عصة واذا طوفتج ملونه اخذيلج لون ابيض
يعني اذا غرفتج ترخيم مثلا اصبغيها ابيض اول وجه واحد وعقب ماينشف اصبغي اللون الي انتي اخترتيه وسوي صوب السرير مقلم او مربعات حدديهم بالتيب اول وبعدين اصبغي المربعات او المقلم وبس الموضوع سهل جدا وممتع

مشكوووووووووووووووووورة

انا مفكرة اسوي مقلم او مربعات

بس مايتدمر؟؟

شلون ابدا من فوق لي تحت او العكس؟؟

وجم علبه يبيلي؟؟

مابي اروح ويقصون علي؟؟

وهل اخفف الصبغ بماي او شنو؟؟

وشنو العلبه اللي احطه فيها قبل لاصبغ؟؟ بسطل مثلا؟؟ او شنو؟؟

وشطرا وسامحوني على كثر الاسئلة

 

[أم حيدور]

مساء الجوري

شي جميييل انا صبغت غرفتي بدرجتين من الاخضر الفاتح كانت تجربة ممتعة واايد بس متعبة شوي لكن يهون ^_^ ..

انا استخدمت الاسفنج بالصبغ حق الطبقة الثانية والاولى سادة ..

نصيحة دشي اليوتوب شوفي مقاطع تقدرين تستفيدين منهم ولما رحت اخذ الصبغ المصري قال لي لا يكون انتي الصباغ !!؟

قلت له ايي جان يعطيني كتالوج فيه نقشات تقدرين تسوينهم بادوات بسيطة ^_^ ..

سألي المحل اللي بتاخذين منه الصبغ مرات يكون عنده كتيبات تساعدج بعد جبدي ^_^ ..

حاليا قاعدة اضبغ الارفف بعش الزوجية ومفكرة اصبغ الممر على رسمة معينة ان شاء الله اذا خلصت الشقة اصوور لكم ^_^ ..

نصيحة .. مدام انج حابة الشغلة جربي كل شي فيها ولا تخلين التعب عائق لج لان النتيجة بتهون عليج كل شي ..

موفقة قلبي وبشرينا ^_^ ..

 

[أم حيدور]

هذوولة جم شغلة حصلتهم ان شاء الله ينفعوونج ^_^ ..

http://www.art.gov.sa/vb/t10402.html

* * *

http://www.eldam3a.com/vb/showthread.php?t=26998

* * *

http://www.buildex.com.sy/bo07_detail.asp?id=10764

* * *

http://groups.yahoo.com/group/As7ab4Eveer/message/2449

* * *

http://www.mfhom.com/vb/showthread.php?t=8552

 

[ام كتكوت]

ماقول الا الله يعينج ويوفقج

 

[hallom]

انا همن ناوية بصراحة اصبغ بس بختار اللون لاني محتارة بالالوان وعقب ما اقرر ان شاء الله سبحانه بروح اشتري عشان اصبغ