ماقبلوا ولدي بالانجليزيه

[كويتيه وافتخر]

السلام عليكم

فيني البجوه ببجي
ولدي اليوم مقابلته -- وللاسف ماقبلوه
كان بروضه حكوميه 00 وحبيت اسجله بالمدرسه الانجليزيه للتعليم المبكر بسلوى
وماقبلووه
يحبيبي ضاق خلقي لانه مانجح باختبارهم -- مع انه ولدي يعرف جميع الاحرف العربيه قراءه وكتابه بس مانفع ويقرا الارقام بالعربي والانجليزي من واحد لي عشره ويعرف جم كلمه انجليزي
بس رفضوه لانه روضه حكوميه يبونه يتكلم انجليزي 00 من وين يتكلم ولدي كويتي ولد كويتيه انا مو انجليزيه علشان يرطن بلغه الانجليز اهيء اهيء

بنات وين مدرسه ثنائيه لغه تقبله ؟؟
انا كلمت الغانم ما رضوا يقولون لازم متخرج من روضه خاصه :0bee2e8d89:

 

[ملكة بيتها]

حبيبتي لا يضيق خلقج عادي أنا بنتي من الحضانه بمدرسه خاصه بس لما الحين بغيت أنقلها حق أولى إبتدائي في مدارس إنجحت بإختباراتهم وفي مدارس ما عدت غلإختبار ......يعني مو من الياهل لا من المدارس الله يهديهم يعني يبون ياخذون الياهل متخرج من الجامعه خخخ
بس روحي الحياه هي فيها تسجيل لحد الحين أعتقد ...وبعد طلبي يعيد إختبار ولدج بس خليه شهر 9 عشان يمديج تدخلينه تقويه بمعهد زين مثل أوكسغورد والله كريم ....بس لا يأس حق مصلحه ولدج ( وايد قرقرت عليج آسفه )

 

[كويتيه وافتخر]

مشكوره اختي ماقصرتي بردج بس وينها الحياه ؟؟؟

ومعهد اكسفورد وينه ؟؟
ترى هذا بجري ومدري وين معاهد زينه

 

[mr000]

حبيبتي آنا عندي ولد أختي هالسنه نقل بنته من روضة حكومه حق مدرسة الخليج الأنجليزيه اللي ورا ليلى غاليري وقبلوها حق 2 روضه اللي هو ريسبشن عندهم وماكانت تعرف انجليزي ألا كلمات بسيطه كلش بس انقبلت وقالوا حق أمها دخليها معهد بالعطله بس ماحصلت معهد يقبل عمر 4 سنوات ونص لازم 6 سنوات بس أتصور معهد أكسفورد بالشعب البحري يقبلون وعندج السمر كامب النوادي الصيفيه مثل مدرسة الكويت الأنجليزيه بسلوى ياخذون من 4 سنوات شركيه فيها راح يستفيد ويتعلم منهم! بعدين بالنسبه حق اختبارات القبول ترى يختلف من مدرسه لي الثانيه يمكن ماينجح بمدرسه وينجح بمدرسه ثانيه آنا نقلت ولدي هالسنه من مدرسته وقدم اختبار بمدرستين مستواهم موذاك الزود وماكنت مقتنعه فيهم بس قلت أجرب وهم مكانهم مناسب وقالولي ماانقبل عندهم تالي قدم بمدرسه ممتازه ومستواها عالي اللي هي العالميه الأمريكيه بحولي ومايقبلون بسهوله ودرجاته لازم تكون a وb بالشهاده واختبارهم 3 ساعات ووايد دقيق لأن ولدي بالمتوسطه مو صغير ونجح الحمدلله عندهم وقالولي مستواه وايد زين!! فلاتيأسين وجربي بمدارس ثانيه والله كريم ان شاءالله تبشرينا بقبول وليدج

 

[الزين نجدي]

شوفي اختي صارت معاي هالحركة مع ان كان ولدي بحضانة انجليزية واول امتحان ما نجح

عاد انا مصصمة اني ادخله مدرسة خاصة ...فقمت سألتهم واخذت رايهم
شسوي انا ابي ولدي ينقبل عندكم فوحدة بالادارة شارت علي ادخله حضانة بالجابرية :eh_s(10):

وقالت لي دخلي طول الصيف وتعالي اول 9 وراح نقبله طبعا عقب الامتحان

وصج دخلته بالصيف وبشهر 9 قدم الامتحان ونجح :ggdw:

بس بصراحة هم انا اشتغلت عليه بالبيت وزدت معلوماته وطول اليوم وانا العب معاه بس اسأله شنو اسم هالللون وكم

هالرقم وشنو الاحرف وجذيه

وهيئته للأمتحان وشجعته ان اذا تجاوب معاهم راح يستانس وان المدرسة مكان يشوق ووناسة حتي يتشجع :eh_s(9):

 

[كويتيه وافتخر]

يعطيكم العافيه ماقصرتوا

 

[ملكة بيتها]

حبيبتي لا يضيق خلقج عادي أنا بنتي من الحضانه بمدرسه خاصه بس لما الحين بغيت أنقلها حق أولى إبتدائي في مدارس إنجحت بإختباراتهم وفي مدارس ما عدت غلإختبار ......يعني مو من الياهل لا من المدارس الله يهديهم يعني يبون ياخذون الياهل متخرج من الجامعه خخخ
بس روحي الحياه هي فيها تسجيل لحد الحين أعتقد ...وبعد طلبي يعيد إختبار ولدج بس خليه شهر 9 عشان يمديج تدخلينه تقويه بمعهد زين مثل أوكسغورد والله كريم ....بس لا يأس حق مصلحه ولدج ( وايد قرقرت عليج آسفه )

حبيبتي مدرسه الحياه هي ورا الجامعه الأمريكيه بالسالميه وبالنسبه لمعهد أوكسفورد بالضبط ما أعرف وين مكانه بس يحطون إعلانه بالجريده

 

[حلم الطفولة]

... رفع ........

 

[كويتيه وافتخر]

طيب بنات شنو فيه مدارس ممكن تقبله

 

[مدرسة مكروفة]

السلام عليكم
إختي آن ولد درس الروض بالحكومة وبأولى إبتدائي وديته الحياة ورا الجامعة الأمريكية بالسالمية لاطوفج صج مدرسة روعة بمعنا الكلمة .

 

[ليمونة79]

حبيبتي جربي مدرسة الخليج البريطانية إلي بشارع عمان ولدي بالروضة هناك وتوا واحد من أهلنا سجل بنته بالروضة قبلوها علطول وهذا رقمهم 22256777 وايد زينة كتعامل وتعاون مع ولي الأمر

 

[كويتيه وافتخر]

مشكوره

 

[كويتيه ذربه]

انا رفيجتي صار معاها نفس الشي بس العام
كان ولدها بروضه حكوميه ومورايح الحضانه وهم ماقبلوه بولا مدرسه
ودته مدرسه اكسفوره واقبلوه والحين خلص اولى ابتدائي
انا رحت سالتهم اذا بنقل ولدي من رابعه حكومه قالوا عادي بس تشترين كتاب فيها اسئله اختبار المستوى بدينارين
بس هم التاسيس عندهم بالابتدائي مو من الروضه يعني عادي يقبلون بعدين المدرسه بسلوى اذا انت تبين بهالمنطقه وعندهم مواصلات

 

[كويتيه وافتخر]

مشكوره اختي كويتيه
وينها اكسفورد وجم رقمهم ؟
واشلون تدريسهم ؟؟؟

 

[كويتيه ذربه]

اكسفورد بسلوى على خط فحيحيل على الشارع ماعندي رقمهم