تخيلي : فتحي قلبج وكتبي رساله لوزارة التربيه أو للوزيره الجديده

[حلم الطفولة]

** دون تجريح ولا ذكر أسماء **

إلى وزارة التربيه ......... مع التحيه.

فتحي قلبج برساله للوزاره أو للوزيره ,,
.. قولي شتبين بالمدارس يصير وشتبين مايصير

 

[الصابرة المحتسبة]

حلم ياحلم تبينا نحلم ماكو مشكلة:

لي عودة للموضوع

 

[حلم الطفولة]

ياوزاره ياوزيره
كل يوم احنا بحيره
شيلو منهج حطو غيره
مانبي دخنا ترى بس

غيرّوا لون الملابس
دشدِشَوا كل راس يابس
دخلوا كل وجه عابس
والأم مسكينه فقيره



ياوزاره ياوزيره
كل يوم احنا بحيره
شيلو منهج حطو غيره
مانبي دخنا ترى بس



كلما حسبنا طبنا
يت قرارات وتعبنا
قلتو صبرو كا طبعنا
كم كتاب منكم درسنا

ياوزاره ياوزيره
كل يوم احنا بحيره
ندري نظرتكم بصيره
مستوانا نبي غيره
ياوزاره ياوزيره
صرخه من حالٍ مريره
(( مانبي دخنا ترى بس ))

 

[جرح الناس]

السلام عيلكم
اناشد وزيرة التربية موضى الحمود باعادة النظر فى المناهج الجديدة للابتدائية فالرياضيات نجد فيه اسئلة تعجيزية ولولا اهتمام المعلمات وتخفيف المنهج على التلميذات لكانت مشكلة كبيرة ونجد للرياضيات كتابين منهم واحد كله كلام انشائى فكيف بتلميذ بالابتدائى يتعلم اسس القراءة يقرأ هذا الكتاب وبعد شكوانا تم تجاهل هذا الكتاب مما يعنى انهم لم يقوموا بدراسة المنهج الجديد كفاية ، اما بالنسبة لمادة العلوم فهى غير مفهومة بتاتا وكل درس لاعلاقة له بما قبله مما يشتت ذهن التلميذ فارجو اعادة النظر فيه.
اما بالنسبة للوثيقة الاساسية للمرحلة المتوسطة فالامتحانات تكون على اربع فترات فقط مما يعنى الكمية الرهيبة التى تدخل بالامتحان الواحد فيؤدى الى عدم تركيز التلميذ وكذلك ادخال مادة حياتية كمادة اساسية ونرى ان محتوى هذه المادة موجود فى جميع المواد والمفروض ان تكون هذه المادة فقط تطبيق عملى على امور الحياه كعمل مسرحيات مثلا فنجدها نوع من الترفيه للطالب وتثبيت للمعلومة، لاتكتسب كل المعلومات بمنهج وامتحانات .كذلك مواد الرسم والالعاب والموسيقى لم جعلها مواد من ضمن المجموع فهى عبارة عن هويات مكتسبة فليس الكل يعرف يغنى ويرسم وارجو اخذ ملاحظتنا بعين الاعتبار وشكرا.

 

[+بسبوسة+]

...


آآآآه

الجرح اكبر من اي كلام

والشق عوووووووووود...

بس ان شاء الله يصير تغير بالمضمون موبس بالظاهر

 

[حلم الطفولة]

السلام عيلكم
اناشد وزيرة التربية موضى الحمود باعادة النظر فى المناهج الجديدة للابتدائية فالرياضيات نجد فيه اسئلة تعجيزية ولولا اهتمام المعلمات وتخفيف المنهج على التلميذات لكانت مشكلة كبيرة ونجد للرياضيات كتابين منهم واحد كله كلام انشائى فكيف بتلميذ بالابتدائى يتعلم اسس القراءة يقرأ هذا الكتاب وبعد شكوانا تم تجاهل هذا الكتاب مما يعنى انهم لم يقوموا بدراسة المنهج الجديد كفاية ، اما بالنسبة لمادة العلوم فهى غير مفهومة بتاتا وكل درس لاعلاقة له بما قبله مما يشتت ذهن التلميذ فارجو اعادة النظر فيه.
اما بالنسبة للوثيقة الاساسية للمرحلة المتوسطة فالامتحانات تكون على اربع فترات فقط مما يعنى الكمية الرهيبة التى تدخل بالامتحان الواحد فيؤدى الى عدم تركيز التلميذ وكذلك ادخال مادة حياتية كمادة اساسية ونرى ان محتوى هذه المادة موجود فى جميع المواد والمفروض ان تكون هذه المادة فقط تطبيق عملى على امور الحياه كعمل مسرحيات مثلا فنجدها نوع من الترفيه للطالب وتثبيت للمعلومة، لاتكتسب كل المعلومات بمنهج وامتحانات .كذلك مواد الرسم والالعاب والموسيقى لم جعلها مواد من ضمن المجموع فهى عبارة عن هويات مكتسبة فليس الكل يعرف يغنى ويرسم وارجو اخذ ملاحظتنا بعين الاعتبار وشكرا.

:icon30: رساله حلوه مشكوره عالمشاركه جرح الناس

 

[الحراير]

السلام عليكم.... معني ادري انه المديره ماراح تشوف رسالتي المهم اهم شي المنهج يتغير للاسهل مثل قبل ورابعه ابتدائي مافيها دور ثاني حراااااااااااااااااااااااااااام والله ظلم توهم صغار علي امتحانات الفتره وسلامتكم

 

[الصابرة المحتسبة]

هموم المقاريد... في غيرهم مقاريد؟
طلبتنا الاعزاء... ما غيرهم،،

يا انهم شايلين هموووووووم... يا انها جباااااااال بقلوبهم واحنا مو حاسين...
يا انها تراكمات من سنه ورا سنه ورا سنه .... ومجد فينا كمعلمين فكر يكلف على خاطره ويسأل نفسه سؤال...
هالولد شفيه؟ هالبنيه شفيها؟؟
شكلها زينه .. ومحترمه... ومؤدبه.. وهالسنه خلصت وما سمعت منها شئ غلط.. بس ليش مستواها جذي؟
يمكن عنده مشاكل.. في البيت؟ يمكن قاصره شي ماديا .. نفسيا.. معنويا .. اجتماعيا

هالموضوع بالذات طرا على بالي لما كانت أ.الدانه تسولف عن بنت عندها تدهورت حالتها الدراسيه وتغيرت 180درجه..
واحنا كمدرسين ننقسم نوعين..

النوع الاول.. ما يحفظ حتى اسامي طلبته.. يدش الحصه تقضيه واجب، 45 دقيقه يمشيها بس كتابه على الصبورة.. ويطلع من الصف كأنه طالع من فتحه زمن .. ينسى وراها كل شي..
خوف من رئيس قسم من موجه من مدير.. whatever

والنوع الثاني... يقسم الحصه 3 أجزاء.. جزء للمادة العلميه.. وجزء يحاول يستخدم قدرته لتلطيف الجو بعيدا عن الدراسه .. بنكته .. بقطه.. بكلمه .. والحزء الاخير يستفيد منه بالاستماع الى الطلبه ....!!!

قاصدخير من النوع الثاني.. ويستخدم الجزء الثالث بكثره.. أحب اسمع هموم هالطلبه.. لأنا في فترة ما كنا محتاجين من يسمع لنا... حتى لو ما عندي حل.. بس الاستماع يعتبر ردة فعل.. يتمناها الطالب!!!

بعض المرات .. وخصوصا لو كان عندي مجال بالمنهج اني اضيع حصه كامله... أضيعها في سبيل أخلي الطلبه بتنفسون شوي...يسولفون وايد.. يشكون وايد وايد!!
طبعا في حدود للشكاوي.. يعني ما تجيبون طاري احد بالشينه.. واسمع منكم كل اللي تبونه!!!

واقعد اسمع هالهموم اللي تخلي الواحد يفكر كثيييييير.....احنا صج ظالمينهم بعض المرات..!

بس اتمنى من بعد هالموضوع .. وعشان أ.قاصد.. وان شاء الله امون عليكم..
خل نغير نظرتنا تجاه هالمقاريد...!

اول شي.. حاول ان تتخلص من هموم بيتك كلها وتدخل الصف وبراسك هالعيال هذوله...
لأنه متى ما اختلطت هموم منزلك بهموم صفك راح تضيييييع
العيال مالهم ذنب يعيشون مشاكلك ..
ياليت تخلي حياتك داخل المدرسه .. في داخل المدرسه وحياتك بره المدرسه.. تبقى بره المدرسه!!


ثاني شي... حاول تحفظ اساميهم .. عدل. . ولا تنساها الا اذا خلصت السنه..وكثر ما تقدرون نادوهم باسمائهم.. حتى وقت الفرصه حاول ان تتحرش فيهم من بعيد... ولو بكلمه شلونك يا فلان؟؟

ثالث شي.. انزل لعقولهم... اي انزل ...!
تدرون لما سووا دراسه عن أفضل مدرس بالعالم منو؟
بعد الدراسه طلع مدرس الماني يدرس روضه اطفال (الحين أ.عطر تستانس )
ولما اسألوا.. شلون صرت افضل مدرس بالعالم.. قال بكل بساطه.. كنت انزل عقلي لمستواهم واتعامل معاهم كطفل...

اي احنا ما نقول دخن معاهم بالحمامات... او حشي معاهم على الابله الفلانيه ...
انا اقول خل يثقون فيك حيل... ومتى ماكانت الثقه موجودة راح تلاقي كل السوالف تجي لوحدها!!!!

رابع شي.. اسمع لهم مهما كانت السالفه .. ختى لو بااااااااااايخه... حتى لو فيها محظورااااااات شرعيه او اخلاقيه...وبعد الاستماع .. ابدأ نصايحك اللي ان شاء الله بتكون محل اهتمامهم ... والا جان ما سولفو بالاصل؟!

أخير شغله .. اختلط فيهم .. روحوا اعراسهم .. دشوا بيوتهم .. تعرفوا على اولياء امورهم..تبادلوا ارقام تلفوتاتكم..
على فكرة .. عندي بالايميل ما يقارب 20 طالب .. ولازم كل واحد فيهم ياخذ لو دقيقه من وقتي لو ارد السلام واعتذر وامشي..
وعندي بتلفوني ما يقارب ارقام 50 طالب... يدقون وقت الاعياد ويهنون ويسألون ...ولازم اكون موجود وارد..
وعندي بالتلفون ما يقارب 15 تلفون ولي امر.. لازم عالأقل ادق عليه مرة بالسنه أحسسه اني مهتم بولده.. واستقبل منهم عالأقل مكالمتين بالسنه...!

كله والحمدلله ماشيه الامور عال العال....

اللي ابي اوصله..

خلوا هم الطالب يصير همكم....عيشوا واقعه التعبان!

طالب جاني مرة يقولي استاد في استاد حاط علي ويبي يصقطني...
لازم اروح للمعلم واحاجيه واسأله..واساعد الولد اذا كان له حق.. واتسامح من المدرس اذا كان غلطان وبوس خشوم عشان بس يتغاضا عنه!

طالب يقولي استاد ابوي ميت وعندي 5 خوات وودي افرحهم بالشهاده اني ناجح بكل المواد بس انته مصقطني بالرياضيات .. والله عدت له الامتحان القصير له لوجده.... ودزيته بالشفوي.. ونحجته عشان قلب امه!!!
كذاب صاااااج اهم شي انه هو يفرح!!


طالب يقولي استاد دوم اسولف لأبوي عنك ووده يتعرف عليك .. شرايك تجي تتقهوا عندنا...

وبعد شوي بروح له بعد ما اخلص هالموضوع؟؟

التعليم مهنه الانبياء.. يا نشتغلها صح

يا الباب يوسع جمل ..

وصلت؟؟؟​

منقوووول من هموم معلم

 

[حلم الطفولة]

يازينه من معلم ,,,, هذا وينه خل نحط عيالنا عنده !!

 

[الصابرة المحتسبة]

صاجة يالغالية وينه اللي يحس بعيالنا

 

[الليدي المغتربه]

:0bee2e8d89::0bee2e8d89::0bee2e8d89:

صراحه المنهج يبيييييييييييييله؟؟؟؟؟​

 

[حلم الطفولة]

الله يعين عيالنا ويعينّـا

 

[الحراير]

الله يعين عيالنا ويعينّـا

صاجه ياقلبي الله يرحم ايامنا والله اهالينا مايدرسون ومشاءالله ماشين وننجح لانه المنهج سهل واللحين ندرس ونحط مدرسين وماكو فايده!!!!!!!!

 

[om-HaSsoOon]

خل تغير الموحد وايد صراحه واذا سقط بماده يعيد السنه شحقه بالله

 

[أمانيQ8]

بسبة مناهجج ياوزاره...اخذي منها هالعباره...بنت مقهوره...عقب الشطاره قامت تلاقي الخساره


أفطر الصبح زيتونه......وأروح المدرسة مزيونه
أرجع البيت مهمومة......وشكلي كأني مجنونه
أذاكر ليل ونهار......وأصبر عالألم والنار
مع هذا أجيب أصفار......وما أطلع من الشطار!!
بسبتج ياوزاره
والله إني مظلومة......كله من أبله ميموونة
قاعده تشرح وموعارفه شتشرح
دروسنا صارت مو مفهومه
الحصة الأولى فاضيين......والثانية علينا دين
والثالثه رياضيات......جاتنا أبله عطيات
مليت أنا من هالحصص......كل يوم نفس القصص
تعبت أضرب وأقسم..أحل معادلة أو أرسم
عاد درس الصرف......ما فهمت منه ولا حرف
ويقولون واكبوا العصر وهذا منهج حديث

أما قسم الأعراب ......ما بفهمه ولو شاب الغراب
ما أعرف أكتب تعبير......وما أفرق بين المفرد والجمع تكسير
وكله منج ياوزاره
أما المعلم الخصوصي......ما ادري؟؟يتكلم روسي
في الحصة سرحانة......للبيت ولهانة
تعب راسي من التفكير......وعقلي شوية وبيطير
يا ناااس رحموني......وبالنجاح ادعوا لي
.................................................. ......................

 

[أمانيQ8]

ماعندي رد غيره ياحلم....للأسف صوتنا مو مسموع...

 

[حلم الطفولة]

بسبة مناهجج ياوزاره...اخذي منها هالعباره...بنت مقهوره...عقب الشطاره قامت تلاقي الخساره


أفطر الصبح زيتونه......وأروح المدرسة مزيونه
أرجع البيت مهمومة......وشكلي كأني مجنونه
أذاكر ليل ونهار......وأصبر عالألم والنار
مع هذا أجيب أصفار......وما أطلع من الشطار!!
بسبتج ياوزاره
والله إني مظلومة......كله من أبله ميموونة
قاعده تشرح وموعارفه شتشرح
دروسنا صارت مو مفهومه
الحصة الأولى فاضيين......والثانية علينا دين
والثالثه رياضيات......جاتنا أبله عطيات
مليت أنا من هالحصص......كل يوم نفس القصص
تعبت أضرب وأقسم..أحل معادلة أو أرسم
عاد درس الصرف......ما فهمت منه ولا حرف
ويقولون واكبوا العصر وهذا منهج حديث

أما قسم الأعراب ......ما بفهمه ولو شاب الغراب
ما أعرف أكتب تعبير......وما أفرق بين المفرد والجمع تكسير
وكله منج ياوزاره
أما المعلم الخصوصي......ما ادري؟؟يتكلم روسي
في الحصة سرحانة......للبيت ولهانة
تعب راسي من التفكير......وعقلي شوية وبيطير
يا ناااس رحموني......وبالنجاح ادعوا لي
.................................................. ......................

... :0bee2e8d89: خوش مشاركه الله ينجحج اماني ,, :0bee2e8d89:

 

[أمانيQ8]

انا نجحت وخلصت لوووووووووووووووووول قولي الله يتجح بناتي واعيال الجميع

 

[الصابرة المحتسبة]

رفع

 

[wow123]

السلام عليكم ابي اقول
ابيها تغير دوامات المدرسات والطلبه يعني ما في صبر لبعد العيد