الدكتورة صابرين الزامل .. دكتورة أورام وتجميل

[غروب]

السلام عليكم ورحمة الله وبركاته

بنات .. حبيت اسأل منو تعرف الدكتورة صابرين الزامل (دكتورة أورام وتجميل في مكي جمعة) أو سامعه عنها .. أو تعرفون أحد معالج عندها .. الله يكفيكم كلكم شر الأمراض.

أعرف وحده محتاجة تعرف عن هالدكتورة لأن تبي تعالج عندها، فياريت اللي عندها أي معلومه تفيدنا.

 

[whitish]

والله ما عندي فكرة بس حبيت ارفع الموضوع

 

[غروب]

مشكورة عزيزتي عالمرور :eh_s(17):

 

[Judy abbott]

ماعندي فكره بس حبيت ارفعلج موضوضعج

 

[أم كادي]

الدكتوره من اهلي شنو استفسارج اقولها امريني قلبي

 

[عصفورة كويتيات]

ماعندي فكرة

 

[غروب]

حلوة المشاعر وعصفورة كويتيات تسلمون ماقصرتوا على رفع الموضوع..

عزيزتي أم كادي
اللي أعرفها اسم الله عليج فيها ورم تبي تشيله، وبالمرة قالت يمكن تسوي تجميل بترفع الصدر، فتبي تعرف شلون التجميل بيكون وراح تحس بهالمنطقه بعد التجميل.

وتسلمين عالمرور،.​

 

[السدره]

انا عندى موعد مع الكتوره صابرين الزامل ومحتاجه نصيحتكم وتجاربكم اهى زينه بالجراحه لانه حدى خايفه

 

[poneta]

يعطيج العافية

 

[BlackRose]

عندها عيادة بالخاص والا اهيا بس دكتورة بالحكومة؟؟؟

 

[شيــوخه]

انا سويتي صدري عندها بس للاسف خربته

وكانت هي بمستشفى الصباح البابطين

بس على ماعتقد اطلعت الحين افتحت لها عياده مادري لانه من سويت عندها كذا عمليه وكله بمكان واحد ومانفعتني بشي

ماقمت اروح لها كلشششششششششششش

اسمحولي على الكلام الي قلته

 

[walah]

up
up
up

 

[كويتيةوأفتخر]

انا عندى موعد مع الكتوره صابرين الزامل ومحتاجه نصيحتكم وتجاربكم اهى زينه بالجراحه لانه حدى خايفه

شلوووووونك يا حلوة

رحتي موعدك ولا !!

خبرينااااااااااا عن هالدكتووووووووووورى !!!

 

[ام عيالي]

دكتوووره اتبط الجبد كانت بكلنك خاص واطردوها وردت البابطين وما ادري ريس القسم ليش معطيها ويه وايد الناس ناطرينها من الصبح واهي اتداوم الساعه 10 وفوق لاو وبعد متكبره وشايفه نفسها والدكتور اذا كان بهالمواصفات ما اعتقد المريض راح يرتاح معاها الصراحه والله اتذل بمعاملتها ويعدين اذا بتسوي عمليات للناس خليها اتسوي عمليات حق نفسها بالاول منبطه اشوي وتنفجر ولا نفسيتها خاايسه هاذي شهادتي فيها جداام رب العالمين

 

[softlady]

والله انا ما ادري عنها بس على النفسيه ترى كلهم او اغلبهم جذي يعني انا دكتور... جربت وااااااااايد خاصه لما تروحين لهم بالحكومه النفسيه لي رب السما وهالشي صارلي مع عماد النياده ولما راحتله عمتي بعيادته الخاصه وي وي النفسيه الي تهبل والكشخره الي شاقه الحلج كلهم جذي

 

[ايفيان]

دكتوره صابرين مره شفت لها مقابلة في التلفزيون كانت حليوه

بس الدكتوره صغيره وما عندها خبره وايد

انصحج روحي دكتوره ميرفت الصالح دكتوره جراحه ومتخصصه بأورام الصدر

وهي سوت حق حماتي عملية ازالة اورام والعملية حلوه وزينة والدكتوره اخلاقها عالية ولها عيادة في الجابرية

ودايما اذا بتسوين عملية روحي حق دكتور عنده خبره طويله أحسن

وما تشوف المريضة شر وما عليها الا العافية

 

[daana]

الحين شلون مو زينه يعني سمعت انها زينه نصدق منو

 

[daana]

اعتقد كل شي على الحظ بالعمليات الجراحيه

 

[whm]

دكتورة ميرفت الصالح اختصاصية اورام انصحج فيها شاااطرة

 

[عرموشة]

الله يسهل امرج