رابطة "دودات الكتب " .. حياكم

[BaTTy]

انا يديده هني بعد
بس هم حياج الله اكيييد قوليلنا شنو قريتي و عجبج خل نستفيد
و اي صح ذكرتني خل احط الشعار بتوقيعي :>

 

[Q8 Essence]

بناات وين ألقى كتاب twilight ؟؟

دورت بجرير ما لقيت قال بيجي بعد كم يووم

 

[.]

اي صاجه رونه انا هالشي هم الي احبه فيه
انه لمن اقرا لازم لازم القط معلومات طبيه او تاريخيه او يعني بالادب مادري ماشالله ماشالله عليه تحسينه موسوعه تمشي
و انا من السلاسل ما قريت الا ما وراء الطبيعه و قاريتها كلها من اول عدد لي اخر السبعينات ادري نزلوا يدد بس ما شريتهم لي الحين
ما قريتي الا هالكتيبين انتي ؟؟
اذا هذا قوليلي اوصيج على الي حيل عجبوني معنه السلسله كلها عاجبتني لول
و الالوان الي احسها اهوا كاتبها مااذكرهم بس علمت عليهم و مو يمي الكتاب خل شوي و اقولج لوول
توووني ادري الظمني مسوين تنزيلات لول مو لايق كتب و تنزيلات بس انا ولا مره رحت لها كله اطلب

هلا باتي..

اي ماشاءالله الله يهنيه يارب..

اي لاني توني مبلشه فيها..

اي اذا ماعليج امر..

اوكي ناطرتج..

وناسه احس فرصه..

انا اول مره اتعامل معاهم بس ان شاءالله ماتكون اخر مره..

ومرسوو..

QUOTE=grumpy22;9624486]انا حابه ادش معاكم في الرابطه من فتره وانا اتابعكم بس ترددت اني ادخل معاكم لان انا حسب المزاج بس قريت كتب وايد
اتمنى تقبلوني معاكم [/QUOTE]

هلا اختي..

حياج الله..

عطينا فكرة عن قراءتج وكتبج المفضله اذا ماعليج امر..

بناات وين ألقى كتاب twilight ؟؟

دورت بجرير ما لقيت قال بيجي بعد كم يووم

هلا كويت..

والله ماعندي فكره بس شوفي جرير في وايد كتب انجليزيه..

وحياج الله..

 

[laura mercier]

صباح الورد...
منو قرات هالروايه....؟؟
رواية "عزازيل" التي قام بكتابتها الدكتور "يوسف زيدان"

 

[مــــيااااوووو]

:RoadRunner:انا يديده بالموقع واايد احب القراءة واكتب روايات وشعر بس انشغلت هالفتره عنهم وااايد
حركتووو مشاعري وودي اقرااا من الحين وما اوقف لاني مشتاقه واايد.. هجووم للقراءه

 

[بمبة المفترسة]

لتوووووووووول
خخخخخخخخخخخخخ هالكلمة من زمان في بالي بس ماني لاقية اللي اقولها له ياربي منو منووووووووو
ماعندنا بطة الا لتل كوين لوووووووووول :eh_s(3): <<<<<<<<< بتتكفخ :23_asmilies-com::friends:

هههههههههههههههههههههه


وامج شفيها شفيه راسهااااااا ؟؟؟ ماتشووف شر سلامتها اكيد من كثر ماتقرقين عليها مسكينة
انبط راسها لوووووووووووول:016:

 

[Bq]

هاي بنات اشلونكم شخباركم؟؟؟
أليوم رفيجيتي يايبه كتاب في مجموعة قصص مختلفه حقيقه وهذا الكتاب

أجواء ورديه
قصص واقعية من فتيات في العشرينات
للكاتبه سهام خالد العامر
وهاذي القصص الي فيه
أنجاز حياتي
زيارة لا تنسى
علبة عطر
اللعبة
أنا أحق بالجائزه
الورقه البيضاء
بيتي ليس فيه سجادة صلاة
الحب الخالد
عالم جميل
التحدي
مرارة الظلم
القرار
الأخيره موناقلتها عدل الخط مو واضح بس الواضح من الذهب
وفي نهاية الكتاب كاتبه
واهي تتنتظر جوابكم على هذا الأميل

[email protected]
الصراحه انا مارقيت ألا أول اربع بس واااااااايد حلوه رووعه وخصوصا انها تخص البنات من اسمها امبين

 

[MISS __Fato0]

قوووووه بنات... شخبااركم

اول شي احب اشكر لتووول ع هالرابطه الممتعه والمفيييده...واهني البنات ع ثقافتهم العاليه

ما شاء الله ... وترى انا متابعتكم من زمان وقريت كل صفحات بس متابعه بصمت< اعذرونا

وزيييين اني استفتحت اوول مشاركاتي بالمنتدى بهالموضوع ممتع.. لان صج ما ادش منتدى الا عشان اشوووف اضافتكم

وواصلووو ... ولا تقاطعوون<:ggdw:

.. ويعطيكم الف عافيه

لان صج افدتونا حيييل ...وسلامتكم..

 

[أم عقول]

بناات وين ألقى كتاب twilight ؟؟

دورت بجرير ما لقيت قال بيجي بعد كم يووم

السلام اشلونج هذي اول مشاركة حقي.... أتوقع تلقين الكتاب اما في فيرجن او مكتبة المثنى

 

[فلونة احلى وردة]

انصحكم بكتاب
دع القلق وابدا الحياة
لدايل كارنيجي
غير حياتي وبعد عني القلق والتفكير
عجييييييييييييييييييييب
وكتاب انقذ حياتك الزوجية من الانهيار للمتزوجين
للدكتور فيل المشهور بامبي سي فور
يعلمكم ان سر نجاح الزواج بقبول الاخر بعيوبه وعدم تغيرة او السعي لتغيرة
وحبه كما هو بعلاته كلها
وبعد بقولكم ان شاء الله اذا ذكرت

 

[فلونة احلى وردة]

مشكووووووووووووووورة رونه
على انج علمتيني على التنزيلات
ان شاء الله باجر بروحلهم
وبرجع بعلمكم شنو شريت ويمكن اصور لكم
وناسة
نطروني ان شاء الله الهزبند يوديني

 

[Q8 Essence]

رونه مشكوره ع الرد :eh_s:

السلام اشلونج هذي اول مشاركة حقي.... أتوقع تلقين الكتاب اما في فيرجن او مكتبة المثنى

تصدقين نسيت الفيرجن و المثنى ما طروا على بااالي !! زين ذكرتيني فيهم :ggdw:

ثاانكس ام عقوول ع الرد :eh_s:

 

[Miss.6Mo7]

صبـآح / مســآء الخيــر ..
يآليت اللي تعرف كتب عن تحليل الشخصيآت تقولي .. بمعنىآ .. يفسر لنا كل شخصيه ونوعها وشلون نتعآمل ويآهآ < أتمنىآ إني وصلت الفكره اللي أبيهآ لكم !

 

[MiSs P!nK]

موضوع حددده حلووو

عاد انا احب القراءه

ويايه العطله حق مجابل الكتب والقراءه ^.^

احب كتب وروايات سهام العامر وخاصه درر نقيه انصحكم فيه هالكتاب ^_*

وثنكيوووو ع الموضوع الروعه ^_^

 

[Om eL-3a9aGeeL]

السلام عليكم بنات شخباركم !

بنات اكيد اغلبكم تعرفون رواية السجينة

انا الحين قاعدة اقراها

وصج عجييبة مع اني ليلحين ما وصلت حق السجن خخخخخ

بس اللي ابيه شنو بعد في روايات نفس النوع ؟!
يعني روايات وقصص صجية مو بس تأليف

لأنه الحلو انه وانتي تقرين جنج تقرين جزء من تاريخ المغرب
عرفت وايد شغلات عن مجتمعهم يعني هم استفدت

فـ شنو في روايات نفس طقة السجينة

وهم ودي اقرا عن نابليون بونابرت وهالشخصيات العودة بالتاريخ !
بس مابي كتب رتيبة ومملة أبي شي حلو ويشوق

اللي تعرف تقولي =)

 

[.]

مشكووووووووووووووورة رونه
على انج علمتيني على التنزيلات
ان شاء الله باجر بروحلهم
وبرجع بعلمكم شنو شريت ويمكن اصور لكم
وناسة
نطروني ان شاء الله الهزبند يوديني

هلا الصابيه..

والعفوو ولوو..

ناطرين تقريرج عنهم

رونه مشكوره ع الرد :eh_s:




تصدقين نسيت الفيرجن و المثنى ما طروا على بااالي !! زين ذكرتيني فيهم :ggdw:

ثاانكس ام عقوول ع الرد :eh_s:

العفو ولو..

السلام عليكم بنات شخباركم !

بنات اكيد اغلبكم تعرفون رواية السجينة

انا الحين قاعدة اقراها

وصج عجييبة مع اني ليلحين ما وصلت حق السجن خخخخخ

بس اللي ابيه شنو بعد في روايات نفس النوع ؟!
يعني روايات وقصص صجية مو بس تأليف

لأنه الحلو انه وانتي تقرين جنج تقرين جزء من تاريخ المغرب
عرفت وايد شغلات عن مجتمعهم يعني هم استفدت

فـ شنو في روايات نفس طقة السجينة

وهم ودي اقرا عن نابليون بونابرت وهالشخصيات العودة بالتاريخ !
بس مابي كتب رتيبة ومملة أبي شي حلو ويشوق

اللي تعرف تقولي =)

وعليكم السلام والرحمه..

اقري الغريبه تبع السجينه..

وبالنسبه للشخصيات جربي تقرين سلسلة فانتازيا متحجي عن وايد شخصيات بس بشكل قصص فتصير اسلس..

 

[**كتكوته الحلوه**]

اللله بناات شوقتوني بصراحه شكلي برووح علطول اشتري كتب بس ابي قصص وحلوه ادش جوو فيهاااا

 

[BaTTy]

هاا بنات شلوونكم اليوم

دمعة غلى
الكتاب الي تقولين عنه قريته بأول سنه لي بالكليه جنه رفيجتي معطتني اياه تصدقين ما اذكر القصص عدل
بس اذكر كانت قصص خفيفه للعبره يعني حلو كمليه

رونه
كاني مجابله اللسته مالت القصص خل انقيلج بكتبلج رقم العدد و اسم القصه
2 - النداهه (تكون بقريته بكفر بدر)
3 - وحش البحيره ( باسكتلندا مع حبيبته ماجي )
4 - آكل لحوم البشر ( حدها تونس مع جاره عزت )
5 - الموتى الاحياء (يكون مع صديقة الامريكي )
8 - ارض اخرى ( هذي ضروووووري تقرينها مادري احسج وايد نفس ذوقي و حدها راح تعجبج )
و اذا عجبتج كملي معاهم بالعدد 33 ارض المغول و 58 ارض العظايا حلوه بس مو بمستوى الباجين و 68 ارض الظلام واااايد حلوه وايد تعرفين نظام القصص الي و انتي تقرين فجأه تسرحييين تتخيلين الوضع و مادري لمن تقرينها اتناقش معاج يعني حتى لو ما عجبج نظام ارض اخرى هذي لازم تقرينها لول فكرتها وايد غريبه و يديده .
10 - حلقة الرعب , (الاعداد 10-20-30-40....الخ) تكون مجموعه قصيية و هالعدد وايد حلو
12 البيت
13 اللهب الازرق
17 حسناء المقبره
20 حكايات التاروت حلوه بعد
21 عدو الشمس الاحداث خفيفه و ممتعه بس النهايه ماعجبتني
بعدين الاعداد من 22 لي 27 قصص اهوا يرويها مو احداث صارت معاه
23 رعب المستنقعات (اول رواية اقراها و كنت يااااهل و صار فيني ارق منها حدها تخرع )
24-25-26 هذي تتكلم عن القدرات الحسية الفائقة اسم البطل ايجور و يقدر يمسع الافكار و شلون اشتغل مع وكالات تجسس و شيصير ما يصير حلوه و فيها حرب و جذي بس ممتعه )
27 - اسطورتنا وايد حلوه
و في التوءمين و الثانيه قاريتهم انتي بنات الي ما قراهم حلوين بعد
40 وراء الباب المغلق
41 - فرانكنشتاين اذا تحبين قصته او شايفه فلمه و حابه السالفه اقريها يعني الاحداث هني غير شوي عن القصه الاصليه .
46 - طفل اخر ممتعه
51 - الرقم المشئوم اذكر انها حلوه بس ناسيه احداثها لوول
53 + 54 النبوءه و الثانيه العراف اهما جزء اول و ثاني
57 المقبره + 59 رونيل السوداء جزء اول و ثاني و وايد حلوه معنه تحسينها ظلمه بس حلوه حيل مشوقه
63 المحركين + 64 اسطورتهم هم تبع بعض و طريقتها نفس ايجور و التوأمين الي قريتيها وايد ذكرتيني فيهم بس احس فيها اشياء يديده و حلوه و يخليج ودج تصيرين جذي تتشوقين انا صراحه قمت احاول اجرب لوول

ادري واااايد بس انتي عاد الي تحسين اسمها شدج جربيها لانه كل هذول وايد حلوين الباجين مو معناته مو حلوين بس هذول عاجبيني اكثر
و الي بتسأل اي سؤال لا تتردد

 

[BaTTy]

الحين انا يم راسي كتابين 207 مال احمد خالد توفيق
و ارجوك لا تفهمني مال عبدالوهاب مطاوع
بس اخلصهم ان شالله ان شالله بشتري السجينه لاني من زمان حدي متشوقه عليها و الدنيا كلها قاريتها الا انا مادري ليش
و الحين انتو شوقتوني اكثر

 

[استكانة شاي]

السلام عليكم دوداتي العزيزات

و يا الف مرحب و سهلا في كل دودة سواء كانت جديدة او عريقة في الاجرام, اقصد متبحرة في بحر الكتب :dddds: :tek:

--------------------------------
لتووله الله يشافي و يعافي الوالدة يا رب
اسئل الله الكريم رب العرش العظيم ان يشفيها
اسئل الله الكريم رب العرش العظيم ان يشفيها
اسئل الله الكريم رب العرش العظيم ان يشفيها
اسئل الله الكريم رب العرش العظيم ان يشفيها
اسئل الله الكريم رب العرش العظيم ان يشفيها
اسئل الله الكريم رب العرش العظيم ان يشفيها
اسئل الله الكريم رب العرش العظيم ان يشفيها

و شدي حيلج بدراستيج و امتحاناتج ان شاء الله كلها سهالة يا رب, و تشي ما هو طاير و لا رايح اي مكان عساى الله يوفقج و يوفق كل الطالبات و الطلبة يا رب

و همن jojo ما شاء الله هذا انتي ومنزحمة بالامتحانات و ما شاء الله على ذمتج 3! لا واخرهم زين الشباب رفعت اهو فيه حيل , انتي شيدي حيلج بالدراسة و خلصي امتحاناتج اللى ان شاء الله تكون سهلة مثل الماي عليج يا رب و انا اجوزج سيد سيده :krkrkr:
----------------------------------------

حاملة القناديل و الى كل دودة لا تطوفكم المكتبة او تضيعون هاذي الفرصة الذهبية
ان شاء الله لي روحة ثانية قريب, اللي تبي تتشعبط معاي تقولي حياها الله.
---------------------------------
بمبة المفترسة تسلم ايدينج على اللستة الطويلة العريضة اللي حطيتيها لنا فمشكورة وايد و تسلمين , بس حبوبة شنهي برايج اكثر الكتب اللي تشد شعر الجماهير؟
-----------------------------
رونة يا محفوظة السلامة الكتب اللى شريتها من الظمني هي
المجموعة الكاملة لسلسلة رجل المستحيل
المجموعة الكاملة لسلسلة ما وراء الطبيعة
كنت ادور حبيبي ميشال, لقيته بس كلها اجزاء عندي ايها فاخذت روايات حق كتاب فرنسيين كانوا صافطين يمة( العوض و لا القطيعة)
رواية المرأة المفترسة و انثى النمر لجان دولاهير
رواية ضحايا الانتقام المؤلف مجهول
رواية مكائد القصور ل ه.دي.فيرستاكبول
كتاب الاباضية عقيدة و مذهب
كتاب اباطيل البهائية و بروتوكولات صهيون (لازم اطلع بكتاب يخص هلسّحر-بني صهيون- ولا ما ارتاح) :dddds:
---------------------------------------
انزين تنصحوني اني اشتري سلسلة فلاش ولا؟ هل هي فعلا تشوق! و شنو بعد غيره؟ هيلب مي

زين والله لقيت كذا وحدة تحب انيس منصور, بس محد ياب طاري كتبه اللي مثل (رب قوم ذهبوا الى قوم, لكن القوم الاوليين لما ذهبوا الى القوم التنيين مالئهومشي, خدوا تاكسي و رجعوا تاني) :krkrkr:

تعرفون شأقصد, كتب" الذين هبطوا من السماء
و الذين عادوا الى السماء
و القوى الخفية محد منكم قراها؟؟؟؟؟؟

انزين تقرون حق الدكتور مصطفى محمود؟

صباح الورد...
منو قرات هالروايه....؟؟
رواية "عزازيل" التي قام بكتابتها الدكتور "يوسف زيدان"

اشلونج laura mercier

اولا اعوذ بالله من اسم الرواية بس ما قلتيلنا اشلونها؟ هل هي رواية و لا دراسة ؟ و من وين شريتيها؟ بصراحة شديتيني لها
عفية ردي علينا سريع


و الى اللقاء في الحلقة القادمة