زنوبه مشت تعالوا علموني على النون و عطوني افكاركم الحلوه

[بنات حواء2]

قوه حبايبي اشلونكم و اشلون عييلكم

و اخيرن بنوتي الجميله :ada:

مشت


و انا الفرحه مو شايلتني قررت اسويلها يوم الجمعه نون بالزواره


انا شخصين و لا مره سويت نون بالمختصر المفيد ما اعرفله
كل الي اعرفه انه نحط الي مشى بالوسط و انكفخه بالحلاو :dddds:
ههههههههههههههههههههههههههههههههههههههههههههه


و ابي احلى الفناتق و الحركات


شاكرتلكم اختكم بنات حواء

 

[بنات حواء2]

اشددعوه

 

[MsKeNa]

مبروك وربي يحقظها لج انشالله

ياحلو النون .. عادي يبي زبييل حطي فيه حلاو وكاكاو وفلوس

عاد اذا بتحطين ارباع وجذيه احسن شي تلفين كل ربع بروح وتربطينه بسيلا عشان لمن تكتين يروح ويا الحلاو

واول شي كتي على اليهال بروخ وبعدين لكبار

وبعدين اذا تبين حطي كيكه وكتبي عليها شي حق بنوتج

 

[tmtmt]

والله ما عندي افكار ما اعرف الا الفكره الي قلتيها

 

[بنات حواء2]

بعد عمري ماقصرتوا

عجبتني فكت الكيكه وايد

بعد غير هلحجي
انا قلت الارباع و الانصاص بلفهم و بربطهم بشريط

 

[ام سلومي قمرهم]

حبوبه ربطي الربع او النص بالحلاوة المصاص بالعود وربطيه بسير نايلون احنا نسوي جذيه ولا تعلمين اذا خلصتي قوليلهم منو اخذ حلاو مصاص وشوفي

 

[love love]

يبي زبيل اكبييير وترسيه حلاو الي على العاب واشياء حلوه لليهال تلقينهم بحلويات الشويخ بتلقين الزبييل عندهم حلوو

وحطي اربااع لفيييهم بشريطه وحطي خرده اهم شيييييييييييي

وبعدين وزعي كب كيك الي سويته حق حوراء

 

[داريني]

عندنا عضوة اسمها استبرق مسويه نون اشحلاته حق بنتها وحاطه صور
سوي سيرج واكيد راح تلقينه واخذي فكره

 

[مغتربة 2006]

نصيييييييييييحه اذا بتحطين خرده لزقيها مع الحلاو
احنا لما يقطون نون عندنا يدورون الفلوس ويهدون الحلاو عالارض
لزقيه بالحلاو عشان الياهال وحتى الكبار ياخذونه ومثل ما قالوا البنات حطي الربع مع حلاو مصاص وعطي كل ياهل عشان لحد يزعل لووول

 

[سينتيا]

اخت مرت ولد عمه ريلي لووووووووووووووووووووووووول شوفو الجمله بس ماعلينا

المهم بنتها لمن طلعت سنون وزعت جنطه على شكل ضرس داخلها حلاو ودينار كانت فكرتها حلوه واااايد والكل حصل ومحد زعل بنفس الوقت وانظف

 

[عاشقة الصمت]

اخت مرت ولد عمه ريلي لووووووووووووووووووووووووول شوفو الجمله بس ماعلينا

المهم بنتها لمن طلعت سنون وزعت جنطه على شكل ضرس داخلها حلاو ودينار كانت فكرتها حلوه واااايد والكل حصل ومحد زعل بنفس الوقت وانظف

صراحة فكرتج وااااااااايد حلوة ومثل ما قلتي انظف بس حبيبتي من وين شرت الجنطة اللي على شكل ضرس لاني قاعدة ايمع افكار لولدي الله يحفظه اذا سنن ان شاء الله
وافكر احط صورته على الجنطة واطبع عليها كلام بسمحتارة شنو الكلاو اللي اطبعه عليها اذا عندكم يا بنات ياليت تفيدونا

 

[opera]

النون التقليدي احسن شي ..


جاكليت وفلوس ويوز عشان تفلعين فيه احد هههههههههههههههه

بنات عفيه لاتسووون فناتك ويتغير النون مثل ماتغير القرقيعان واحنا بعدين نتوهق

لازم نواكب التطورات

 

[فلونة احلى وردة]

بالونات الهيليوم بسوق السيتي سنتر بالبوابة الخارجية للسوق بكبرة
+ نون مشكل من سوق الجملة بالشويخ مثل القرقيعان+ فلوس + هدايا ابو امية+ كاكاو للكبار بروح
وشوفي لي موضوع خاص بالنون

 

[طعم الشهد]

الصراحه اموت على زينب الله يخليها انا توني والده صارلي شهرين وسميتها زينب فديتها تدرين شنو سويت حق بنتي الي قبلها شريت طبق كبير وترسته حلاو من شويخ وربطت ارباع بشرايط وحطيتهم والعاب صغر من بو 100 وكان شكل الطبق فضيع من الالعاب والفلوس والحلاو تحت هذا حق الاصغار طبعا حذفته عليهم بالحوش والكبار شريت صناديق صغااار من بياع الورد ورحت حلويات باتشي حطيت فيه قطعتين حلو الصراحه واايد استانسو عليه لان الكبار يحبون الرزه

 

[أم حيدر]

مالج الا الزبيل حطي فيه حلاو وبيض الصعو وكاكاوات صغار وخرديلج فلوس لرباع وانصاص وخردة واليهال يقعدون بالنص والكبار حواليهم وحتى الخدم ناديهم وقطي وشوفي بتصير خبصة ولاتنسين تصورين فيديو

للحين كل ما اشوف شريط ولدي اموت من الضحك

 

[اكوامارين]

انا لما سنتت بنتي الله يحفظها شريت كاكاو صغير جالكسي ومارس وسنيكرزوالخ وحلاو وسوارات على حلاو وجلي طويل وغيره من الحلويات الي تبينها وشريت ورق كريشه لونين احمر وبرتقالي مع شرايط وخردت اميات وارباع وانصاص وحطيت كل 100 داخل ورق الكريشه ولفيتها مثل لفة الكاكاووربطت الأطراف بالشرايط ولصقتهم كل الكاكاو الموجود ونفس الشي مع اللأرباع واللأنصاص بس لفيتهم مثل الرول وغلفتهم بصراحه شغله متعب شوي بس بالنهايه شكله وايد حلو والكل استانس عليه حطيته بزبيل ومركبه ع الزبيل لعبه على بنت ولبست اللعبه بخنق والله الكل قالي طريقه يديده وحلوه

 

[&شهرزاد&]

يااحلووووووووو النون التقليدي


وكاكو وفلووس ومخامط ووناسه واهم الشي التصويرررر وبعدين اذا تبين شييي تقدرين تزيدين النوون العاب صغار لليهال

وولكبارر تقدين تيبين لهم شي اسبشل مثل صناديق صغار وفيها دهن عوود وبخور وخلطات

تحيااتي

 

[السمرة~القمرة]

ِوفي حبيبتي توني مسوية حق وليدي نون

طبعا 3 طشوت حجم وسط متروسين حلاو من الشويخ
وصرفت 10 دنانير ارباع
وشريت من الشويخ الالعاب اللي يكون بداخلهم حلاو صغاااار -- تليفون أو مسدس أو اي شي اللي يصير لونهم فسفوري (( عرفتييييه )))
وحطيت الارباع بداخلهم

وقطيت مع النووون حبة وحده بسسسسس ككاو فريرو روشيه الذهبية

وعقب ما قطينا النون ويمعو الاهل قلتلهم ترا بالتليفون الفسفوري ربع دينار ( طبعا اللي حصل جنه محصل 100 دينار ههه )
وعقب جان أقولهم الي عنده بجيسه ككاوة فريرو روشيه له هديه (( خلاص من الكتروزان ب5 دنانير )
ويشتغل الصراخ عندهم خخخخخ
عقبها يبت ميزان مال الفواكه ( عطوني اياه الغانم هدية من وانسا )
جان اقولهم اكثر نوووووووون له هدية ( موبايل مادري شنو ماركته ب5 دنانير من الكتروزان بعد )
ووزنا النون والاكثر خذا الهدية


وطبعا وقت النون سكرت الليتات وشغلت الاضاءة اللي تدور الوان صار خمط مخامط
وبجذي تم النون على خير ووناسة

 

[بنات حواء2]

يا حلات افكاركم و الله على عيني و راسي كلكم
سمره عجبتني افكارج
انا معاكم النون التراثي حلو ب لو ضفتي عليه شويت حركات مثل الي قالوهم خواتي راح يصير شي
يعطيكم العافيه و اخدمكم بعراس بناتكم و اولادكم
بعد ما نقد نقول بعراسكم
هههههههههههههههه

 

[miss_art]

الله يخليلج بنتج الحلوة
ببنون بنتي شريت كاكاو اصلي وكاكاو مو معروف
وبالكاكاو المو معروف لزقت فيه ارباع وجفستهم وخلطتهم بالنون
وفي ناي يحطون خمس دنانير وحده والباجي ارباع
انا صرفت 20 دينار بالجمعية كلها ارباع
واستانسوا عالنون عجبهم وايد
اللي حصل 3 دنانير واللي 1 دينار