التجمع الثاني .. مسافرات امريكا 2009 ... حياكم

[مشمشة رمانة]

مشمشه شلونج

حليب كاكاو تبينه بس حق الطياره ولا تبين تاخذين حق امريكا ؟
لأن اهما عندهم حليب نسكويك هناك فمالا داعي تاخذين ...اخذي بس حق الطياره

بااااك


اي حبيبتي ام البنين حق الطيارة بس يعني مسافة الطريج :tomato2:

ولا تصيرلي سالفة لو مايصير :eh_s(14): ادخلة تهرييب ابملابسي << عن الحنة والرنة :eh_s(14):

 

[ام البنين2000]

بااااك


اي حبيبتي ام البنين حق الطيارة بس يعني مسافة الطريج :tomato2:

ولا تصيرلي سالفة لو مايصير :eh_s(14): ادخلة تهرييب ابملابسي << عن الحنة والرنة :eh_s(14):

شوفي عند الوزن قوليلهم انا معاي يهال ما ينامون بدون ما يشربون حليب ...انا سويت العام جذي كان معاي ولدي لصغير كان عمره 10 شهور وكنت يايبه معاي جربر ولا يقولولي ممنوع قلت لهم شنو اوكل ياهل عمره 10 شهور بالطياره بعدين وافقو... طبعا يت الموافقه عقب طلعة العين

 

[الجوري74]

بنات وين احصل ديفيد للسياره ودي اخذه وياي ويركب هناك
لانه ما اضمن كل الفانات فيهم ديفيدي لليهال

 

[semaasem]

الجوري
مشكــــــــــــــورة على هالنصايح الحلوة يسلمووو بس ماعتقد يمدي اذا بنخلي روحتنا العصر ميخالف نتحمل الحررر والطوابير شنسوي بعد بس مايطوفنا شي

الجوري
بعد بعد لا تبخلين علينا بمعلوماتج الطيبة دام انج رايحة من قبل اكيد بتفيدينا

قوليلنا عن كل شي حدايقهم سوقهم مطاعمهم شنو الاشياء اللي لازم مانطوفها انا بقعد اسبوعين بس مو وايد يعني ابي اشطب كل شي

بالنسبة لي انا بروح نيو واورلاندو

 

[عيون منوعه]

الجوري:: موجود بالغانم

 

[ام البنين2000]

الجوري في بمركز سلطان اعتقد سعره 100 دينار

 

[عروس الدنيا]

الجوري توه رفيجتي ماخذه من الغانم و تقول ملون ماركة سوني و ب 51 دينار بسسس

 

[semaasem]

الجوري اذا انتوا بتروحون اماكن فيها مناطق بعيدة يسوى تاخذينه بس اذا منطقة وحدة بتتنقلون فيها من مكان لي مكان قريب مايسوى مايمديهم يشوفون شي انتي طلبي سيارة فيها ديفيدي

 

[مشمشة رمانة]

شوفي عند الوزن قوليلهم انا معاي يهال ما ينامون بدون ما يشربون حليب ...انا سويت العام جذي كان معاي ولدي لصغير كان عمره 10 شهور وكنت يايبه معاي جربر ولا يقولولي ممنوع قلت لهم شنو اوكل ياهل عمره 10 شهور بالطياره بعدين وافقو... طبعا يت الموافقه عقب طلعة العين

لوووول اشدعوة عااد اتصدقين حق دبي كنت ماخذة وياي ولا اسالوني عن الحليب بس يمكن لانة الطيران كاان يديد الوطنية وخايفة هلمرة لانة على اليونايتد

 

[عروس الدنيا]

الجوري شنو ديزني يوم واحد ؟؟ انا مفكره اخذ التذكره ام 6 ايام ليش يوم واحد ؟

 

[مشمشة رمانة]

بنات وين احصل ديفيد للسياره ودي اخذه وياي ويركب هناك
لانه ما اضمن كل الفانات فيهم ديفيدي لليهال

انا قبل شهر او اقل ماخذة حق عيالي من يوريكا 2 حق كل وحدة واحد اثنينهم اطلعو 124 باناسونك ويتسكرون وياهم استاند حق السيارة وشكلهم ذرب واايد واللي عند الغانم ماعجبوني شاشتهم صغيرة حييل على الياهل تعور اعيونة وانتي روحي وشوفي شنو اللي يناسبج :eh_s(6):

 

[white**angel]

عروس سالت خالي يقول ديزني 3 ايام كافيه تفترينها كلها

 

[semaasem]

ويييي يوم واحد ماعتقد يمدي نشوف شي يبيلنا 4-5 ايام عالاقل يقولون كل جزء يوم وماراح يمدي نشوف كل شي

انا شكلي باخذ التذاكر حق اسبوع علشان مانمل يوميا نروح حدايق نقدر يوم نروح سوق مثلا وعقبه نرد نشوف شي يديد

 

[ام البنين2000]

لوووول اشدعوة عااد اتصدقين حق دبي كنت ماخذة وياي ولا اسالوني عن الحليب بس يمكن لانة الطيران كاان يديد الوطنية وخايفة هلمرة لانة على اليونايتد

انا اقول دقي سألي احسن ... ما اعتقد بيمانعون علي القواطي لصغيره

 

[مشمشة رمانة]

بنات انتو اي ديزني تتكلمون عنها ..؟

 

[semaasem]

وايت

بس احنا ماراح نروح سباق نبي نتمشى على راحتنا ونريح ونتغدى ونصلي ومن هالامور هذي يعني ماعتقد يكفي 3 ايام اذا همه 4 حدايق بالاساس قولي حق كل وحدة يوم يادوب 4 ايام تكفي وطبعا اذا اكثر احسن

ونشوف راي الخبيرات هم مانستغني

 

[عروس الدنيا]

انا لان عيالي صغار .. و اخاف من المطر .. عادي تمطر و يصكرون الالعاب ... ابي عيالي يكيفون لان ديزني حلمهم

 

[semaasem]

مشمشة

ديزني اورلاندوو اكبر ديزني بالعالم يعني يبيلنا جم يوم

 

[ام البنين2000]

بنات تري انا رحت ديزني يلي بكاليفورنيا وهي عباره عن حديقتين بس وحجزنا 4 ايام وما خلصناها كلها فشلون مالت اورلاندو اللي 4 حدائق ...اعتقد 7 ايام افضل

تري الوقت ممكن يضيع بالأستعراضات الداخليه فسوو حسابهم بعد

 

[مشمشة رمانة]

اي لاني بروح كاليفرونيا ..!!