التجمع الثاني .. مسافرات امريكا 2009 ... حياكم

[white**angel]

وايت

مبروووك مقدما واي والله من حسن حظج لانج اذا بتجهزين هني كل شي غالي ومافيه بركة هالله هالله بفكتوريا سيكرت

بالنسبة حق الجنطة اذا رحت الاسبوع الياي ولحقت عليها اشوفها وصفيلي اياها

الله يبارك فيج حيااتي
الجنطه مسكتها لونها فسفووري اينن
واهيا بيضه مخططه بالعرض بالاسود وحجمها وسط

 

[نـدمـآنـه]

انا ان شاء الله مسافره في شهر 7 و الفنونزا ما ندي نأجل السفره ولا لأ

انا اختي مسافره اهي الحين و تقوول كلش ماكو شي الكويت وايد مكبره الموضوع

فالي راح يسافر لا يأجل سفرتها توكلوا على الله

 

[مشمشة رمانة]

يالله بنات انا بطلع شوي عندي مشوار برجع بالليل ..



باااااااي

 

[white**angel]

بايات مشموشه بحفظ الله

 

[rawona]

هـلا رونـه .....راح تصيـر كاليفورنيـا .. زوجـي يقـول يبـي جـــــــــــــو حلو .... ما لا خلق رطوبة ... يقول إحنـا نسافر و ننحاش من الكويت عشان الجـو ... المهم في سفرة

يالله تروحون وترجعون بالسلامه ..



انا للحين الله ما كتبلي اروح كاليفورنيا رحت لوس انجلوس مره من قبل 8 سنين ما شفت الا شارع النجووم في هوليوود وناسيته بعد لووول كنت ريحه هاواي لشهر العسل وقعدنا 5 ساعات في لوس انجلوس يالله انشاءالله بالمستقبل

​

قووووووووووة بنات اشلونكم
روونة حمد لله على السلامة انشالله دعيتيلنا؟؟؟؟

هلا واصله شلونج؟؟


والله دعيت للكل بدون استثنااااااااء :tek:​

صبـــــــــــــــــــــــــ الـخــيـر ـــــــــــــاح ..........

بناااات انا بمستشفى دار الشفا ......نوموا ولدي حبيبي من امس العصر..........

حاشه فايروس .....خله عنده جفاااااااف ........ ادعوووله بناااات ان شاء لله يطلعونه اليووووم ......

وترى على فكرة ...........ما بقـــــــــــــــا دكتوووووور مادره اني بروووووح امريكا .........

كلهم سالتهم ..........اقووووووولووووون روحي توكلي على الله .....

بس في شغلتين قالوهم حقي :
1- لا تقزين الابره ترى ما تنفع .....
2- لازم ارووووح الصحه الوقائيه واقولهم اني مسافره امريكاااا نهاااية الشهر وراح يعطون حبوب تكووون وقاية بأذن الله .....

وبعد شوي راااح تي دكتووووره واقولها على منوم الطياره ...واعطيكم الاخباااار ......

اشراقهما يشوف شر ولدج .. والحمدلله على سلامته .. ديري بالج عليه ​

اليوم لا منوره ولا مشمشه كلهم غياب

روونه عندها عذرها مو غياب << مستأذنه لوول

اي والله مستأذنه لوووووول ​

طبعن تم التصويت لاحلا وافخم فندق Bellagio
روووووووووووووووووووووووعه شوي عليه

يهبل وفيه مول على كيف كيفكم

الصراحه الفندق ما عليه كلام يكفي جم نقطه ماخذ بالعالم

هلا جهراويه ..


حياج الله بتجمعنا ومشكوره على مشاركتج معانا :tek:​

احنا اقرب شي لنا دالاس

ولايتنا حلوه تهبل بس المنطقه اللي انا فيها مليت منها حافظه كل شي فيها خخخخخخخ

انتي وين اي ولايه ؟؟؟؟؟؟؟



المنطقه اللي احنا فيها استعمااااااااااااااااااار كلها سعوديين

اي وحوالينا دالاس وهيوسن واوستن وسان انتونيو تكساس

والله صاجه



انا قعدت بامريكا جم سنه مادري وين يروحون الكويتيات لووووول


اغلب الموجودين من السعوديه والنعم فيهم والله بس ما اشوف كويتيات .. شكلنا انضيع لي رحنا اهناك :dddds:​

ينات وين روونا اليوم ماشوفها ..؟

ام البنين وين روون اليوم ماتدرين عنها ..؟

ومنو بعد فاقدتة اليوم اممممممممممممممممم .!!

هلا مشمشه .. ما تفقدين غالي انشاءالله ..



اليوم كانت حفلة تخرج بنتي من الروضه لووول الفال لعيالكم انشاءالله لما يتخرجون من الجامعه باذن الله :eh_s(6):​

اي عنونه
بس بعدي ما تزوجت انا ليلحين مخطووبه

الله يوفقج ويتمم عليج وعئبال ما تتجويزي واتخلفي ياختي لووول
​

هلا قلبي انا بخير الحمدالله

انتي شخبارج؟؟؟؟؟؟؟؟؟

فرررررررررررررررررررق الولاده طبعن اهني احسن بوايد لاني اخذت ابرة الظهر والابره فطيييييييييييييييعه حيل

ما تحسين بالطلق ولا شي وطبعن زوجي كان معاي بالولاده خخخخخخخخخخخخخ لا ويبون يصورني فيديو وعوووووووووه خخخخخخخخخخخخ عشان اكره نفسي

والله احلا ايام جنه اول ايام العيد عندي مع انه في مواقف تفششششششششششل صارت لي خخخخخخخخخخخخ ومواقف رومانسيه الحبيب امدلعني جدام دكتوري والشقر والحمر خخخخخخخخخخخ قلب امريكي

وفكري كان مشغول على وليدي بعد لان كان معاي وانا أولد بس بعدين قلت ما ابيه يشوفني اتعذب خخخخخخخخ حشى فيلم هندي

المهم خليت زوجي يوديه لبيت رفيجتي يا عمري وتقول فقدنا حييييييييييييل وااقف برا ينطرنا اخيه عل ذيج الايام تهبببببببببببل

ونفاسي عباره عن مطاعم وكوووووووووووولا وعندي رفيجاتي 2 ما قصرو وايد الله يوفقهم يارب

جني قلت قصة حياتي والله لو مافيني نوم جان قرقت عليكم لما تقولون بسسسسسسسسسسسسس

الحين عندنا الساعه 8 الصبح ومن امس مو نايمه

اشوفكم باجر على خير

احلام سعيده لي خخخخخخخخخخخ لان لما اظل نايمه للظهر كله كوابيس تخرع

بدعتي!! لوووووووول



انا ولدت اهناك بعد وعندي الولاده احسن اهناك بس ما خذيت ابرة ظهر خفت لوووووووووول ولا بنج ولا اي حاجه الحمدلله ... لووووولبس الحمدلله عدت الولاده على خير بعد معاناة 14 ساعه متواصله لووووول

​

اكييييد دراستي اووله
اي والله بناات انا محتاجه دعائكم عشان ادخل الكليه الي ابيها
لووول الخطيب انا كاشته فيه :dddds:

الله يوفقج .. وانشاءالله تنجحين وتدخلين الكليه اللي تبينها يارب ​

انا ان شاء الله مسافره في شهر 7 و الفنونزا ما ندي نأجل السفره ولا لأ

انا اختي مسافره اهي الحين و تقوول كلش ماكو شي الكويت وايد مكبره الموضوع

فالي راح يسافر لا يأجل سفرتها توكلوا على الله

هلا حبوبه ..


كلنا بالتجمع اهني انشاءالله معزمين ومو مأجلين السفر الا ما شاء الله!



فتوكلي على الله وانساءالله خير :tek:

​

 

[white**angel]

مشكووره حيااتي روونه تسلميلي على الدعوه الحلوه على صاحبتها

 

[عروس الدنيا]

قوه بنات

منوره حبوبه انا بخير

وايت انجل الله يوفقج بدراستج يا رب

و اشراقه خطاكم السو يا قلبي

و باجي البنات شلون الاستعدادات ؟

 

[white**angel]

عروس الله يسلمج
شرووقه شفيها @@@

 

[اشراقة الحياة]

اشراقهما يشوف شر ولدج .. والحمدلله على سلامته .. ديري بالج عليه ​

اليوم كانت حفلة تخرج بنتي من الروضه لووول الفال لعيالكم انشاءالله لما يتخرجون من الجامعه باذن الله :eh_s(6\
​

الله يسلمج ريونا والشر ما ييج ...........
والف مبرووووك تخرج الكتكوته ........:tek:
الفال حق الجامعه ان شاء الله

قوه بنات

و اشراقه خطاكم السو يا قلبي

بعد قلبي ....عروووسه
خطاج اللاش ان شاء الله ......:tek:

 

[rawona]

مشكووره حيااتي روونه تسلميلي على الدعوه الحلوه على صاحبتها

العفو حبوبه تستاهلين

​

قوه بنات

منوره حبوبه انا بخير

وايت انجل الله يوفقج بدراستج يا رب

و اشراقه خطاكم السو يا قلبي

و باجي البنات شلون الاستعدادات ؟

والله ماكو لا جديد الاسبوع الياي باروح الصحه الوقاءيه
​

 

[اشراقة الحياة]

عروس الله يسلمج
شرووقه شفيها @@@

وااااايت ......
يالله فينا عررس ......لووول
متى انشاالله انيييب......

 

[rawona]

الله يسلمج ريونا والشر ما ييج ...........
والف مبرووووك تخرج الكتكوته ........:tek:
الفال حق الجامعه ان شاء الله




بعد قلبي ....عروووسه
خطاج اللاش ان شاء الله ......:tek:

تسلمين حبيبتي والفال لعيالج انشاءالله تفرحين فيهم ..


والله يبلغج فيهم واهم عروس وعريس بعد لوووووووول ​

 

[اشراقة الحياة]

بناااااااااات الحين بفضل الله تأكدت حجوزاتنا .............
كل وحده فينا .............
تحط خط سير رحلتها ..( بما فيها الطيران الداخلي )....؟؟؟؟
وكل المناطق مع فنادقهم .....؟؟؟

 

[اشراقة الحياة]

تسلمين حبيبتي والفال لعيالج انشاءالله تفرحين فيهم ..


والله يبلغج فيهم واهم عروس وعريس بعد لوووووووول ​

بعد قلبي .....

اي والله ريونا ابي اصير يده ....لوووول
:eh_s(6):

 

[rawona]

بعد قلبي .....

اي والله ريونا ابي اصير يده ....لوووول
:eh_s(6):

الله يطول بعمرج واتصيرين نشاءالله يده كوووووووووووووووول :68_asmilies-com:



انا انشاءالله سفرتي يوم 26/6 اذا الله سهل


على اليونايتد


اول شي ترانزيت في واشنطن دي سي وتالي اورلاندو


الاقامه في اورلاندو فندق ماريوت غراند فيستا

الاماكن اللي ناوين انزورها انشاءالله ..


ديزني طبعا

اليونيفيرسال


السي وورلد


ديتونا بيتش


سيرك لانوبا وداون تاون ديزني


رحلة حداق


تامبا والبوش غاردنز


ميامي


الكي ويست


فورت لوديرال


الاقامه في ميامي فندق ريسيدينس ان ماريوت كوكونت غروف


وبعدين الاقامه في اورلاندو فندق كورت يارد ات ماريوت فيليج


السياره ميني فان من ادفانتج


وانتوا يا حلوين؟؟؟ :tek:

​

 

[منورة الكويتية]

رونة ليش مافكرتي بالكروز؟

 

[عروس الدنيا]

راونا وين صايره الصحه الوقائيه ؟؟

 

[white**angel]

وااااايت ......
يالله فينا عررس ......لووول
متى انشاالله انيييب......

هلالا شرووقه حيااتي والله
مادري ليلحين الله اعلم صار عندهم حالة وفاة وينطرون مرت عمه تطلع من العده عشان ايون يقصون المهر
بس اتوقع بعد ما ارجع من السفر :eh_s(6):

 

[اشراقة الحياة]

بما انه عندي مشاركه قديمه راح اعدل عليها ........
بالحجوزات المؤكده .......

اول الردود انا............

ما الهدف من السفر الى امريكا؟
للسياحة...وما احلى السياحه


الولايات والمناطق اللي ناويين تزورونها؟

انهايم منطقه ديزني ( لوس انجلوس )
لاس فيغاس
بفرلي هيلز ( لوس انجلوس )


موعد السفره ومدتها؟
انشالله باذن الله........28-6 الــــــــــــــى 23-7


منو بيرافقكم بالسفره؟

انا وحكومتي وعيالي العدد 4 اشخاص (2 كبار و 2 صغار)


طريقة الحجز والتكلفة التقريبية للرحلة؟


طريقة الحجز عن طريق الانترنت اول مره وانشالله تكون سهاله..

والفنادق والطيران ...والسياره انشالله راح اظبطها وياكم ...واخذ اقتراحتكم <<<< بعد قلبي ظبطتها صج وياكم


التكلفة التقريبية للرحلة (تذاكر+ سكن) = 2600

التذاكر كويت لوس انجلوس كويت ............1048
الفنادق :

انهايم منطقه ديزني ( لوس انجلوس )

شقق فندقيه ....
Residence Inn Anaheim Resort Area/Garden Grove
نوع الغرفه : غرفه نوم وصاله ومطبخ ...وانتو بكرامه حمام
من 29-6 الى 6-7 ......السعر ...413 د.ك


لاس فيغاس
Bellagio
نوع الغرفة : ديلوكس روم
من 6-7 االى 10-7 ......السعر ... 290 د.ك



بفرلي هيلز ( لوس انجلوس )
Le Montrose Suite Hotel
نوع الغرفة : One-bedroom Suite
من 10-7 الى 22-7 ......السعر ...910 د.ك

شراااااااااااايكم .............؟؟؟؟؟

 

[اشراقة الحياة]

راونا وين صايره الصحه الوقائيه ؟؟

عروووسه .....
مستوصف المنطقه .....الي ساكنتها .....صوب التطعيم ......