الي اولدوا قيصرية يتفضلون بليــــــــــــــــــــــز

[كـــنـــزي]

السلاااااااااااااااااااام عليكم

اشلونكم حبايب قلبي.. ان شاءالله الكل بخير...

حابة اسال الي اولدت قيصرية.. شنو كان برنامجها للنفاس..

لاني كنت مزهبه برنامج نفاس... والله كتب اني اولد قيصرية وكان شي مفاجىء لي.. وانا كلش مو عارفه شنو اكل واشرب.. وشنو الموانع الي المفروض ما اكلها..

اليوم لي سابع.. ولا اكلت اي دوا...

عادي اكل لهوم وحسو.. واعشاب.. وشنو الادوية الي ما اكلها..

بالنسبو للسبوح.. عادي يحوش العملية ماي... لاني قبل لا اطلع من المستشفى تسبجت وغيروا لي الضماد.. ويومها قامت تعورني.. والحين خايفه اتسبح ثاني مره.. انظف جسمي بس واغسل شعري من غير ما يحوش عمليتي ماي..

يا ريت كل وحدة عندها خبرة تفيدني الله يعافيكم.. وتكتب كل شي بالتفصيل.. وراح ادعي لها من كل قلبي...

تحياتي

 

[مناتي]

حبيبتي انا كنت والده قيصيريه وقبل اسبوع طلعت من الاربعيين ومن ساادس يوم كنت اكل حسو ولهوم واعشاب كنت مسويه برنامج نفاس بس اللهوم كان يحر الجرح شويه وعاادي الحمدلله ماصار شي وبعدين لما اكله مايصير شي وعاادي كنت اسبح وانظف الجرح وعقب استخدم بخاخ بيتادين ومرهم ميبوو

 

[لوكي 22]

uppp
uppp

 

[زوجة فارس]

ايه ياقلبي انا ولدت قيصري وكانه طبيعي بالاهتمام يعني استخدمي نضام الولادة الطبيعيه والله يباركلك بالمولود

 

[ملاك82]

حمد الله على السلامة ياقلبي
وماعليه يمكن الحين تحسين بعوار مو طبيعي وما تقدرين تقومين ولا تقعدين حتى النومه عليج بالحسرة بس ديري بالج على نفسج وخصوصا لما تتحركين وتقومين - بالنسبه لاعشاب النفاس انا شريت المجموعه كامله وخفت اخذ شيء لانه كان جرحي على طول لايحرقني من اكل شيء حار
ووايدكانو يقولولي لا تاخذين شيء - وفي ناس كانوا يقولون عادي انا شخصيا ما خذيت
بالنسبة للجرح لايحوشه ماي دربالج انا دكتوري قالي عادي بعد ماشال الخياط وقعدت عقبها 10 ايام خايفه يحوشه ماي بس كنت استخدم لزقه خاصه من الصيدلية واغطي الجرح واسبح وبعد 23 يوم سبحت بدون لزقه والله انه جرحي ورم وصار احمر ولي يومج على جنب احس مثل الخرزه داخل
لاتسمعين كلامهم لما يقولون لج عادي يحوشه ماي انا ظليت لي قريب بعد الاربعين وبعدها يوم حسيت انه فعلا التأم من بره يالله قمت ما احط اللزقة للسباحه.
والاعشاب اكليهم في اول دوره ( اخت النفاس) وتنفسي عدل ودربالج من الاكل اللي اييب الغازات ويتفخ البطن مو ناقصه غازات
ولا تشربين حليب لانه كله غازات
ولا تشربين شيء بارد دربالج
وبالنسبه للبطن ما عندي فكره حاولت اربطه وما قدرت عوااار موطبيعي
وسلامتج انشاء الله فدتج
لاني ما ابيج تعانين مثل ما انه عانيييييييييييييييييييييييت من الم وعوار ونفسيه
الحمد اللله على كل حال
ومبروك ما ياج

 

[Emanova]

انا ولادتي القيصريه في بجري كنت اتجمم بس عقبها اتنشف عدل و ارش السبري اللي يعزل و احط ميبو ....و الصراحه ما كليت لهمو و سوالف فوايد جسمي تعبان

ان شاء الله هالولاده بعد قيصريه فشريت من خبيره اعشاب البرنامج و قالت لي اها راح اتسوي الخلطات حق قيصريه ...و ما شاء الله ريحته وايد حلوه ...و شكله شغل نظيف

و مزهبه الميبو و هالسوالف و الله كريم

بس اهم شيء لا تاكلين فلفل و اشياء حاره و لا تشيلين شيء ثقيل

 

[ليمار الكويت]

اي عادي قلبي بس لا تاكلين فلفل ولا تشيلين شي ثقيل وانتي خياط ولا تدبيس ولا ليزر ؟؟ولا شنو
ولا تخافين من شي توكلي على الله وان شالله ماكو الا العافيه

 

[سلمى وسارا]

الحمدلله من يوم خامس تسبحت عادي وحاشها ماي ونشفتها كويس مااقول لك العملية بشكل عام تالم اول الايام بس من يوم 11 خفت مووووووت بس اهم شي لاتبذلي مجهود واذا تحممتي رفعي(الكرشه) وجففيها بمنديل اضمن من الفوطه

وبعد يختلف من وحده الى وحده والله يقومك بالسلامه ويبارك لك يارب ويفرح قلوبنا بذرياتنا يارب


سلمى

 

[ليمار الكويت]

وبلعكس انا كنت اسبح وماكان في خيط اصلن لانه مسويلي ياه ليزر خياط تجميلي
وحتي بالمستشفي ثاني يوم شالو ابرة الظهر وقمت تسبحت عادي ولا التهب ولا شي

 

[بدر البدور4]

مبروك ماجاك حبيبتي والحمد لله على سلامتك

العمليه في البدايه تعور وما تقدرين تتحملين بس اتغذي عدل وبعد 10 يام بلشي بادويتك
وبالنسبه للجرح كل يوم امسحيه بالمسحه الطبيه...وانتبهي من الماي لا يجيه لان اي جرح يلتهب من الماء
وماتشوفين شر أن شاء الله

 

[كـــنـــزي]

الف شكر حق كل وحدة ردت علي.. والله يوفقها ويخلي لها عيالها ويسخر لها ريلها يارب..

بقيت اسالكم عن الربط.. منو اربطت بطنها؟

انا رحت حق دكتورتي بعد اسبوع من العملية وعطتني كورسيه وقالت ربطي عادي عشان الرحم ما يتحرك من مكانه..

بس الكورسيه الي عطتني اياه احسه يضغط من فوق وينزل بطني.. يعني كلش مو شي..

قمت لبست شورت على كورسيه وهذا زين لم بطني عدل..

بس بعدين خرعتني بنت عمي وقالت لي لا تربطين .. لانه الربط يسوي التصاقات بالرحم..

فابي كل وحده تقولي خبرتها بالموضوع هذا..​

 

[مراسي الحب]

انا ولدت مرتين قيصرية .. اول مرة كليت لهوم وحسو اول 10 ايام والحين ماخذة البرنامج مال ام خالد خبيرة الاعشاب ... بصراحة واااااااااااااايد زين ... مادري شلون بس يلم الجسم ... والبس كورسيه شورت عقب الاسبوع الاول علشان الجلد يرجع يلم مرة ثانية ... واتسبح عادي من ثاني يوم والجرح اغسله بصابونة ديتول وانشفه عدل واحطله كريم تجميلي اسمه كونتراكتوبكس علشان لا يصير غامج الخط ... وبس عيشي حياتج عادي ... في تمارين بسيطة دكتورتي عطتني اياها حق البطن والظهر ... وقالت لي ممكن ارجع النادي والعب رياضة جد عقب شهرين من العملية

 

[just-wish]

up للاستفاده

 

[المن والسلوى]

نصيحه لاتلبسين شي يضغط علي الجرح انا دكتوري قالي لاتربطين ولا شي وعاندت وربطت وتبطل الجرح بعد شهر من العمليه علي بونه ماابي بطني يترهلوتعذبت وكل يوم وترد اروح اغير علي الجرح
وانا كنت اتحمم عادي بس لاتفركين صوب الجرح بس غسيل عادي ومسحي المكان بفوطه نظيفه وبس خلي كل شي طبيعي
وبالنسبه للأكل عادي اكلي اكل النفاس

 

[ام حسون]

حمدالله على السلامه انا كنت والده قيصريه وكاننفس النفاس العادي بس ماشيل اشياء ثقيله والحين ولادتي قيصريه بعد هم خذيت حسو ولهوم وهالسوالف

 

[كـــنـــزي]

مشكووووورين يا عمري... بس بقيت اسال عم حمامات البخار والسبا.. ابي قبل لا اخلص من الاربعين اسويهم.. ويقولون لي مو زين لج البخار.. انا والله مليت من عمري.. كنت مخططه واخترب تخطيطي كله..وابي اسوي ليزر. هم يقولولي لا تخاطرين اخاف اي اشعه صوب الجرح..

 

[ملاك82]

لاتسوين مساج ولا ترديد على بطنج موزين ينتفخ وتطلع لج كرشه على كلام وحده نزلت مشاركتها بالمنتدى دوري وراح تلقين المشاركه
موناقصين كروووووووش

 

[opera]

انا ولدت قيصيريه زكنت اكل حسو وحلوى بس وحده قالتلي ليش تاكلين هالاشياء اهم منظفين بطنج .. طلعو الوصخ الي فيه

فماقمت اشرب

تسبحت بالمستشفى بمساعده النيرس بس لمن رديت البيت اليوم العاشر تسبحت والتهب علي الجرح وظليت شهر اروح المستشفى عشان يطهرونه لين التأم مره ثانيه لانهم ردو فجوه

 

[مراسي الحب]

مشكووووورين يا عمري... بس بقيت اسال عم حمامات البخار والسبا.. ابي قبل لا اخلص من الاربعين اسويهم.. ويقولون لي مو زين لج البخار.. انا والله مليت من عمري.. كنت مخططه واخترب تخطيطي كله..وابي اسوي ليزر. هم يقولولي لا تخاطرين اخاف اي اشعه صوب الجرح..

بنفاسي الاول سويت حمام بخار آخر شي وعادي ماكو الا العافية انا امسوية قيصرية ... والحين والله اتفرك على راحتي بالحمام ...

 

[thalia2008]

بنات انا مسوية قيصرية صارلي عشرة أيام...متى افدر اسوي حمام مغربي؟؟؟

وانا اليوم الدكتورة شالتلى اللزقة و قالتلى تسبحي عادي من غير لزقة