تعرفى على حياة الكاسكو

[ياشايل الظبى]

قوه بنات اليوم جايبتلكم موضوع مدعم بالصور لحياة البغبغاء
طبعا نجم الصور (( دودى ))
والموضوع تقديمى واخراجى ههههههههههههههه

فى البداية قبل لاتشترين اى نوع من انواع البغبغاءات
لازم تتأكدى من صحته .. ومن ريشه .. وتحطين ايدج على القفص اذا يصيح .. انحاشى عنه ههههههه

اخذى الهادى النشيط داخل الفقص علشان ماتتعبين بتربيته

فى البدايه : ينصح كل بائع انك تخلينه فى مكان مرتفع فى الببيت علشان يشوف اللى يصير .. وتحطيله اكله وشربه وتنظفينه .. لمده شهر .. بعدها يبدى التعليم .. يعنى لما يتعود عليج وعلى المكان

بالنسبه لاكله :
عندج الاكل الجاهز للبغبغاءات بالمحلات ومخلوطه بفيتامينات

او تجيبين له حب شمسى غير مملح .. وفول سودانى بقشره لانه يحب يفتحه بنفسة
وبعض الطيور المدلعه تاكل كاجو وعين الجمل

وممكن تعطينه بين فتره والثانيه فواكه وخضروات .. مثل التفاح المقشر والجزر والخيار

بالنسبه للتقليد والكلام ...
اذا فى البيت اطفال فراح يتعلم يتكلم بسرعه

وبالنسبه لمزاج الطير وعصبيته :
< شعبالكم ترى يعصب ويزعل بعد :lkmnkl:
البغبغاء اذا انترك لحاله فتره ومحد كلمه ولا لاعبه ممكن يحوشه اكتئاب ..
وهنيه لازم تعرفين الحاله اللى فيها طيرج ..

مثلا :
اذا كان مسترخى يكون الجناح مرتخى على الجسم

واذا كان متوتر يكون شاد نفسه ورافع راسه

واذا سمع كلام يحب ينزل راسه يتسمع .. يبى يحفظ

ولما ينفش ريشه وينفضة بشكل مفاجى ويهز ذيله ...معناته الحلو مستانس

وفى فترات يكون مرتاح راحه تامه ... ياخذ قيلوله وهو رافع ريل ومنزل ريل

ومرات يسوى تمارين رياضيه .. ويقعد يمطمط رجلينه بكلا الاتجاهين ... < هالحركات اذا توه مصحصح من النوم

ومرات يرفع جناحينه لفوق شوى ويردها ... اهنيه يكون جسمه محتر ... وهو قاعد يبرد على روحه


ونلتقى معاكم بالجزء الثانى من حياة كاسكو

هاه ابى تشجيع ...:rerrerek::rerrerek::rerrerek:

 

[الهيـــام]

مشكوووووووووووووورة حبيبتي

الموضوع حلو وااااااااايد عشان أفهم الكاسكو اللي عندنا
و عندنا يهال فالبيت بس ما يحب ولد أخوي الصغير يجرب منه ليييييييييييييييش؟؟!!
أخوي يقول يمكن يغار منه صج؟!!!

 

[daloo3ah]

مشكوووووووووووووووره على الموضوع الحلو

تسلم ايدج

 

[ياشايل الظبى]

مشكوووووووووووووورة حبيبتي

الموضوع حلو وااااااااايد عشان أفهم الكاسكو اللي عندنا
و عندنا يهال فالبيت بس ما يحب ولد أخوي الصغير يجرب منه ليييييييييييييييش؟؟!!
أخوي يقول يمكن يغار منه صج؟!!!

اذا اخوج صاحب البغبغاء ويلاعبه ويداريه ... اكيد يغار من ولده ..
او ان الولد مناحسه ههههههههههههههه :gr4uu:

 

[ياشايل الظبى]

مشكوووووووووووووووره على الموضوع الحلو

تسلم ايدج

الله يسلمج :weight_lift:

 

[ياشايل الظبى]

واهنيه نجى لطريقه تسبيح الكاسكو ...
ايام قبل كان الكاسكو يسبح عمره بعمره ..
لكن هالبغبغاءات الجديده وخاصه اللى مصيوده .. تعودت على الرش بالماى .. لانها تنصاد بكميات كبيره فيرشونها بالماى مره وحده

اهم شى طفى المكيفات بالبيت وهاتى الكاسكو

ودخليه الحمام ...

وفجى الماى على الخفيف .. ورشيه بشويش وابتعدى عن منطقه الراس .. هو اذا استانس راح يدخل راسه بالماى اللى يرش
< يعنى يغسل ويهه
المهم رشيه عدل مدل لين يبتل كله وتحسينه صار يلق من النظافه

عقب طلعيه وحطيه وفجى الدريشه خل يتشمس شوى ... واذا الجو حار .. لاتبطلين الدريشة وانتبهى تنشفينه بمجف الشعر ولا بالاستشوار ... هو ينشف لحاله

واستمتعى بعدها بنظافته وبشكله الجميل

 

[الهيـــام]

لا الكاسكو لأخوي الثاني يعني عم ولد أخوي
بس حاسين إنه يغار منه وولد أخوي يعني بيمسح راس الكاسكو يسحب راسه
يمكن عشان جذي ما يحبه
بس الكاسكو بس يقول إسم ولد أخوي الصغير
و يلا بروح أوري أخوي شلون يسبح الكاسكو

 

[بــدويه]

وٍااااااااااااااااااااوٍ شوٍقتيني والله

عآد أنآ مرٍه رحت الدهمآء البيطرٍي وقلت بالمرٍه أفرفرٍ ع الطيوٍرٍ شفت الكآسكوٍ بس مآ عرف له عدل أهوٍشكله نفس طرٍيقه الببغآوآت الخضرٍ؟ موٍ؟
بس أنآ عندي قطوٍتي أخآف تحآول تآكله أو شي جذي ولا أهوآ يقدرٍ يدآفع عن نفسه وعآدي مآ في مشكلة وخوٍف علية ..

لاني جد من مده بنفسي أشتري كآسكوٍ وٍ ترآجيت حبيت أسألج أنآ مآ سمت السعرٍ سعرٍه معقول وجم العمرٍ اللي تنصحين فيه؟

فديتج طرٍحج متميزٍ وعن نفسي حيل فآدني وشجعني ..

مأننحرٍم من موٍآضيعج الغآوٍيه..

 

[ياشايل الظبى]

لا الكاسكو لأخوي الثاني يعني عم ولد أخوي
بس حاسين إنه يغار منه وولد أخوي يعني بيمسح راس الكاسكو يسحب راسه
يمكن عشان جذي ما يحبه
بس الكاسكو بس يقول إسم ولد أخوي الصغير
و يلا بروح أوري أخوي شلون يسبح الكاسكو

عادى ياقلبى .. انا عندى دودى .. مايحب ريلى وكله يخاف منه ويصيح عليه مع انه مايسويله شى بالعكس مدلعه
بس ماكو فايده

 

[ياشايل الظبى]

وٍااااااااااااااااااااوٍ شوٍقتيني والله

عآد أنآ مرٍه رحت الدهمآء البيطرٍي وقلت بالمرٍه أفرفرٍ ع الطيوٍرٍ شفت الكآسكوٍ بس مآ عرف له عدل أهوٍشكله نفس طرٍيقه الببغآوآت الخضرٍ؟ موٍ؟
بس أنآ عندي قطوٍتي أخآف تحآول تآكله أو شي جذي ولا أهوآ يقدرٍ يدآفع عن نفسه وعآدي مآ في مشكلة وخوٍف علية ..

لاني جد من مده بنفسي أشتري كآسكوٍ وٍ ترآجيت حبيت أسألج أنآ مآ سمت السعرٍ سعرٍه معقول وجم العمرٍ اللي تنصحين فيه؟

فديتج طرٍحج متميزٍ وعن نفسي حيل فآدني وشجعني ..

مأننحرٍم من موٍآضيعج الغآوٍيه..

بالنسبه لقطوتج خافى عليها لا ياكلها ههههههههههههههههههه لاتخافين البغبغاء اذا والف يصير صحبه هو والقطوه ... وبشوفلج مقطع فيه بغبغاء يلعب مع قطوره وارسله لج خاص :rerrerek:
هالبغبغاء ( الرمادى والخضر ) يسمونهم بغبغاء افريقى
بس الرمادى فيه منه غنى وفيه منه زنجبارى
وسعر الرمادى مابين ال 50 الى 100 دينار .. وحلاته تاخذينه صغير يعنى من 6 شهور الى سنه ويكون محجل ( لان المحجل تربيت مزارع ومايصيح ومتعود على الناس )
والافريقى الاخضر اغلى منه بالسعر ولكنه مشابه له فى كل صفاته

واى سؤال حاضرين للطيبين

 

[ღ كحلاء العين ღ]

السـلام عليـكـم ورحمـة الله وبـركــآتــه


موضــوع رآئــــع و مميـز ،،،

جزاج الله ألـف خيـر عليه ،،، :aha:

أنــــا ودي ابـ كاسكـو بـس الأسـعـار غـاليـة ،،، << مــآ في شيء مـآ أبيه

يهـبل كـآسكـوج يـا حليله ،،،

الله يخلـيه لـج ،،،،


و مــع السلامـــــــــة ،،، :eh_s(21):​

 

[شوشو الشقيه]

تسلمين اختي
والله صادقه
اختي الكاسيكو من اروع الطيور الا انها من اشرسها
اكثرها صعوبه في ترويض
من بين الطيور
صادقه لما ينزل راسه يحاول يسمع شنو تقولين واذا سمع كلام يحب ينزل راسه يتسمع .. يبى يحفظ

بعد لاحظيه اختي
لاحظيه عيونه اذا تصغر وتكبر معناته الطير مركز هو انسب وقت عشان يلقط الكلام
هذا الطائر عجيب
الا بعض الناس يتخوفون من تربيته لانه بعضهم غير مدربين
بس هو عجيب بصراحه
له حركات تموت من الضحك
يا هيه مقالب واكشنات روعه
من اختج شوشو الشقيه

على فكره اختي
تراه هذا الطير يحب ياكل بطيخ
بس انتبهي من الحبوبو الي في بطيخ
يحب ياكل البطيخ الاحمر
تره يستانس علي البطيخ
اخذ في يدج قطعه بطيخه عطيه تشوفينه من نفسه
ياخذه منج من منقاره
وبعدين يجلس ياكليه برجله
شويه شويه يجنن لما ياكل بتجنني عليه
بصراحه
من اختج شوشو الشقيه

 

[روى سكر]

شكراً جزيلا للموضوع الشيق الذي طرحتيه، نرجوا المزيد من التفاصيل والأخبار حول هذا الطائر

 

[ياشايل الظبى]

مشكوره شوشو وفعلا عطيته رقى واكل واستانس

 

[حبيبة عمتها]

مشكوره على هذا الموضوع الشيق

تدرين ليش


لاني اموت على البغبغاوات وخاصه الكاسكو

 

[سلة فراولة]

مشكوره ع الموضوع