الحين صار عندنا شرطيات بالكويت موووو ليش مايبيعونها بالمره ويلعبون كره هم هذي وظيفه

[قطوه ورديه]

تسلمون على ردودكم
الحلوه فديتكم

لالا انا موضد بس
البنت انثى يعني هل
تتخيلون ان البنات بسجلون اهداف
لوووووول

 

[dr.elzain]

يمكن ليش لا

 

[إنسانه بكل حالاتي]

عيل ماسمعتو بيخلووون المطافي بنات بعد ونتوقع اكتساح المرأه كل الأماكن حتى بالبانزين
أنا ما أؤيد المرأه الشرطيه أحس تنعدم الأنوثه مع كثرة التدريب

 

[انصاريه قمره]

لووووووووووووول ومن قالج ما صارت ؟؟
مو ذيك الايام حاطين في بنات وبس بنت عبدالله رويشد تلعب كره

 

[انصاريه قمره]

اي وعل طار ي الشرطه النسائيه ترا هذول مو حق تفتيش وجذي هذول اداريات وحق اماكن نسائيه فقط

 

[حبيبته آنا]

انا اييد الشرطيات بالعكس ما فيها شي وكل دول الخليج عندهم شرطيات ماعا دا السعودية ليش لا كا ما ضرهم دول الخليج ما شتكو من شي بالعكس عادي هم تعتبر وظيفة وتخدم الوطن,,,, وهذا رايي وتقبلي مروري يالغالية

نفس اللي كنت بقوله

 

[** باربي **]

وناااسه هههههههه بس ما يصلح لمن نركض حده فشله شيبقى ما يهتز لوووووووووول

 

[مذوبتهم]

الصراحه خطوه وايد حلوه

احنه من سنين واحنه عندنا ضابطات وشرطيات من النساء مو بس في الداخليه حتى في وزارة قوة الدفاع بعد عندنا ضابطات وعسكريات

وموزعين في جميع الاقسام يعني في الاحداث في التحقيقات في الجمارك في اماكن وايد اتخص النساء لان تدرون صعب المراه اتكشف على رجال

وعلى فكره الضابطه اللي دربت الشرطيات اللي عندكم في الكويت من عندنا بحرينيه وهي ضابطه تحمل رتبه كبيره مو هينه

وانا موظفه في وزارة الداخليه

بس عاد انا وكيل نيابه

واتمنى لكم التوفيق

تحايتي ..

 

[~..MiMiNi..~]

عادي وناسه

امناشبه خطيبي اقوله بدش المطافي عشان نصير انا معاك نفس الدوام لوووول بس مو راضي

و على لعب الكره عادي هوايه حالها حال التنس و الجمباز و العزف والتصميم .. هوايه

 

[بشورة_]

شفيكم يابنات اضن الشرطيات لكاونترات الجوازات ولتفتيش النساء وبالانتخابات والمطارات والمنافذ يعني استبعد ان يكون لها دور في المطاردات والمداهمات ومثل هالأمور.

 

[live your life]

الحكومة اقرت هل قرار بس عشان تفتيش الحريم مو اكثر ولا اقل ماكو بالشوارع ولا ملاحق المجرمين لان في مشكلة بالجمارك انهم يفتشون بس الحريم اللي طالعين من الكويت مالهم شغل باللي رداين الديرة او اللي ياين من برة ولهل سبب طبقو هل قرار مثل الامارات والبحرين يعني شي عادي اهو بس اسمها ان شرطية مسبب ازمة عند البنات !! يعني ماكو شرطية بالشارع لا تخافون ولا راح يصير لووول

 

[أخصائية تغذيه]

أممممم والله ما ادري شقولج بس شي زين ومو زين وما أتوقع ان راح يخلون الشرطيات يفتشون بالشارع...
أما فريق كره ما ادري يمكن يصير كل شي جايز انا ما قمت استبعد اي شي الحين احنا في زمن العجب العجاب...
الله يستر علينا يارب..

 

[[[ عيون جابر ]]]

تلعب كره !!
همم قليل البنات الي يلعبون كره بس اذا عزموا يسوون فريق انا أئيد ليش اعارض اذا بتلبس شورت وتي شيرت وتلعب احسن من انها تلبس تنوره قصيره وكعب وميكاب وتتمشى بالمجمعات

مادري انا ماشوف فيها شي و الشرطيات مو عيب انهم صاروا شرطيات

:016:

 

[unreachable]

يعني اذا البنت لها رغبة بهالشي ليش لأ

الرياضة لا منكر ولا حرام

 

[fajer-85]

اولا وظيفة الشرطيه بالعكس محترمه وفوق الاحترام على الاقل تروح تتكشف على الحريم والصالونات وغيرها من هالامور احسن من ان يدخل ريال

البحرين والامارات مشالله الي اهمه اكثر الدول حشمه شوفي بناتهم وين اوصلوا مشالله شرطه وجيش بعد وطيارات وحنا لكويت الي عندنا دستور ومو اي دستور عادي وحنا شعب منفتح واقل حشمه من دول الخليج ومع الاسف ليلحين عندنا العقليات الي تقول غلط المرا تدخل الشرطه

ثانيا بنسبه حق الكره في اتوقع ابنادي الفتاة بس مسكر وانا ماشوف فيها شي تقدر المرأه تخدم اي مجال اهيه حابته

ولا ننسى ان اكثر مشجعين كرة القدم عالميا المرأه

مع العلم انا ترا ماحب الكره

انا اتمنى تنزال الغشاوه الي تقول المرا مايصلح لها هالمكان والمرا مش عارف ايش

قلتوا حقوق سياسيه كا وصلت وزيره قبل نائبه قلتوا مانبيهم بالمجلس ووصلوا 4 مشالله ومنو وصلوهم يمكن الرياييل صوتوا اكثر من الحريم قلتوا مانبي شرطيات وكا مشالله جامعيات ودبلوم والحين ان شالله المطافي

خواتي ترا اهل الخليج سبقونا ابوايد اشياء تبون تقعدون بمكانكم ولا تبون تطورون ​

 

[زبــــــــدة]

عادي مافيها شي

انا اشوف الحين مافي فرق بين البنات والشباب...

بس تبقى البنت نعوومة...ومافيها شي تكون شرطية او تلعب كرة ..

 

[دانة من البحرين]

عاااااااااااااادي جدا ومافيها شي زمنا هذا وظروفنا هذي تتطلب انو المرأ تدش اغب المجالات صدقيني :tongue22: عادي بابحرين عندا شرطيات من سنة جدي وانا وحدة اضطريت ادخل على الشرطة النسائية لسبب ما :eh_s(2):

 

[كوكاتوو]

صراحه مافي اي وجه للمقارنه بين الشرطه ولعب الكره هذا اولا لان الشرطه مهنه ولعب الكره هوايه ورياضه مو وضيفه مثل ما تقولين .هذا للتوضيح
البنات صارو شرطيات عادى كيفهم .. واذا علي لعب الكره هم عادى وايد بنات يلعبون كره وطلعوهم مع برنامج بنات وبس عالوطن بعدين الحين البنات يمارسون الفروسيه والرمايه والمبارزه والكراتيه ودخلو بطولات ماوقفت عالكره اشمعني يعني الكره وصلوا كل مكان ماشاءالله عليهم والله يوفق كل انسان عنده طموح وهدف ...شكرا

 

[C'est La Vie]

مو مشكله بس يكون مكان لعب مصكر وجماهير نسائيه هههههه والله اتخيل يسوون استقبال عقب المباراة وعاد شوفو المجاكر هههههههه

اهم شي الاستقبال
لوووووووووووول :dddds:

 

[اتعبني غروري 7]

اولا وظيفة الشرطيه بالعكس محترمه وفوق الاحترام على الاقل تروح تتكشف على الحريم والصالونات وغيرها من هالامور احسن من ان يدخل ريال

البحرين والامارات مشالله الي اهمه اكثر الدول حشمه شوفي بناتهم وين اوصلوا مشالله شرطه وجيش بعد وطيارات وحنا لكويت الي عندنا دستور ومو اي دستور عادي وحنا شعب منفتح واقل حشمه من دول الخليج ومع الاسف ليلحين عندنا العقليات الي تقول غلط المرا تدخل الشرطه

ثانيا بنسبه حق الكره في اتوقع ابنادي الفتاة بس مسكر وانا ماشوف فيها شي تقدر المرأه تخدم اي مجال اهيه حابته

ولا ننسى ان اكثر مشجعين كرة القدم عالميا المرأه

مع العلم انا ترا ماحب الكره

انا اتمنى تنزال الغشاوه الي تقول المرا مايصلح لها هالمكان والمرا مش عارف ايش

قلتوا حقوق سياسيه كا وصلت وزيره قبل نائبه قلتوا مانبيهم بالمجلس ووصلوا 4 مشالله ومنو وصلوهم يمكن الرياييل صوتوا اكثر من الحريم قلتوا مانبي شرطيات وكا مشالله جامعيات ودبلوم والحين ان شالله المطافي

خواتي ترا اهل الخليج سبقونا ابوايد اشياء تبون تقعدون بمكانكم ولا تبون تطورون ​

انا معاها .. ونفس ما قالت وحده من البنات
هوايه .. حالها حال الرسم والتصوير ..
الرياضه مفيده لوول