حبوب الـ Clomid المنشطة

[Dua'a]

السلام عليكم بنات
أنا متزوجة من 3 سنوات .. ما حملت ولا مرة .. ما أخذت حبوب أو أي مانع .. راجعت الطبيب من سنة و سويت اختبار هرمونات و طلعت النتيجة Normal الحمد لله ..
من أسبوع راجعت طبيب ثاني في مستشفى الراشد .. زوجي سوا اختبار و طلعت نتيجته Normal الحمد لله ..
اليوم راجعت الدكتور و عطاني حبوب Clomid و راح أبدأ آخذهم باجر ..
سؤالي .. في أحد مجربهم؟ .. و في وحده حملت بعد ما استخدمتهم؟ ..

معلومات اضافية:
وزني 40 - دورتي الشهرية غير منتظمة (تتأخر من 3 إلى 6 أيام)

 

[q8hadaya]

السلام عليكم
ماجربتهم بس المفروض الطبيب اهوه اعلم شخص بهالامور

وان شاءالله تحملين ويرزقج الله يالذريه الصالحه اللهم امين

 

[Dua'a]

وان شاءالله تحملين ويرزقج الله يالذريه الصالحه اللهم امين

آمين يا رب .. تسلمين على الرد :eh_s(21):

 

[الاخلاص]

مجربتهم كذا وحده حلوين يزيدون فرص الحمل بس عيبهم يطلعون شغلات من الرحم افرازات كثيره مثل الخيوط لان التبويض قوي انصحج تاكلين عسل العويد حق التبويض مرتين مره عل الريج ومره قبل النوم انا مجربته

 

[tota kim]

رفيجتي كانت تاخذ كلوميد وماشالله حملت بعد شهر من خذتهم الله يكتبلج اللي فيه الخير يااارب

 

[فتكات بنت كيداهم]

انشالله تحملين يارب بعد ماتاخذين الكلوميد عادى يصيرحمل

 

[لوكي 22]

وزنج قريب مني ونفس دورتي
ودكتوري قالي عندج تكيس عالمبيض وكان بيعطيني ابره تفجيريه والحبوب هذي
بس خفت اييب توم ههههه قلت بجرب طبيعي اول
وان شاءالله تحملين عليهم

 

[Dua'a]

وزنج قريب مني ونفس دورتي
ودكتوري قالي عندج تكيس عالمبيض وكان بيعطيني ابره تفجيريه والحبوب هذي
بس خفت اييب توم ههههه قلت بجرب طبيعي اول
وان شاءالله تحملين عليهم

مشكورة حبيبتي على الرد .. بس شنو يعني ابرة تفجيرية؟ و التكيس على المبيض شي خطر ؟ و لا عادي؟

 

[مسك أبيض]

هو فعلا يزيد فرص الحمل بعد الله طبعا وانا استخدمته هذا الشهر خبة لمدة 5 ايام من ثاني يوم الدوره وعسى ربي يكتب لي ولك ولكل المسلمات ...

 

[لوكي 22]

رحت دكاتره واايد وكلهم يقولون مافيج شي
واخر شي قلت بروح استشاري وبروفيسور بس حط ايده على بطني قال ممكن تكيس بس ماجزم ضقت حييل
وخلاني اسوي اشعه الصوتيه مادري شسمها وطلع فيني تكيس عالمبيض بس بعدها قلت عادي اللي الله كاتبه يصير
وقال بعطيج ابره عشان تفجر البويضه وتاخذ الحيوان المنوي تلقطه ان شاءالله هذا الي قالي عنه
واما الحبوب قال تبينها عشان تنشطج قلت لا يمكن ربي يتمم علي وتكون البويضه كبيره وطبيعيه وخفت اخذها
يالله الله يرزقنا ويرزقج ان شاءالله بس جيكي عليهم اذا ماجيكتي

 

[شموخ العجمية]

حبوبج هذي زينة واهي منشطات وبعض دكاترة يكتبون معاها ابره تفجيرية علشان قرب بويضة
والله يرزقج ويرزق كل محرومة

 

[Dua'a]

يالله الله يرزقنا ويرزقج ان شاءالله بس جيكي عليهم اذا ماجيكتي

أمين انشاء الله .. مشكوورة حبيبتي على الرد :33_1185028183: