سلسلة معاناتي لازالت مستمره وشوفو المفاجأه اليديده ..!

[لازوردي]

حبيبتي لا تسكتين شنو هذا وايد ماخذ راحته المفروض تقعدين مع ابوج او اكبر واحد من اخوانج خل يكلمونه انه يعاملج عدل ولا يسوي حركات الشوارع خل يحطون له حد شنو بنات الناس لعبه و نصيحه اخري موضوع الحمل لحد ما يتسنع ​

 

[أبتسامه]

حسبي الله ونعم والوكيل ليش جذي يسوي عيب عليه ،،،، صج احتريت عليج هذا جزا الطيب والله عيب ،،، هذا اوله الله يعينج على تاليها


الله يصبرج عليه والله لو انا منج جان اعلمه قيمته واشرشحه واخليه بيزه ما يسوى صج صج مو متربي سامحيني بس من حرتي عليج وهذا انتي زوجته ويسوي فيج جذي يتفشخر جدام ربعه ،،،،،،واللله لا اطلعها من جبده هالحركه ولا ارضى الا برضاوه سنعه عليها القيمه واخلي الكل يدري ليش يابه لي عقاب على فعلته السوده


اذا جذي يسوي جدامج عيل اشلون من وراج شنو يقول عنج صج منكر حسنه

والله عورتي قلبي ما تستاهلين يالغاليه الله ينصرج عليه يارب

عفيه على الكلام والله انا معاج في الي قالته اختي أم الغالين
انا افكر في المراه الي ترضى تنهان وتنذل وتسكت شنو الي جابرهاااااا
والله الأزواج يتمادون في الحركات البشعه والوسخه من سكوت الزوجه والله مايبيلهم الا القوه

 

[*مرامي*]

وااااااااي ارتفع ضغطي
الله يعينج والله
المفروض تردين عليه بوقتها وماتخليله مجال خليه يعرف احدوده
والله ماطاح بيد وحده ملسونه جان افركت خشته بالقاع اللي مايستحي

 

[أبتسامه]

وااااااااي ارتفع ضغطي
الله يعينج والله
المفروض تردين عليه بوقتها وماتخليله مجال خليه يعرف احدوده
والله ماطاح بيد وحده ملسونه جان افركت خشته بالقاع اللي مايستحي

والله ضحكتينيي يا مرامي اي والله في كلامك صاجه

 

[[[ عيون جابر ]]]

من صجه هذا ؟؟​

معقولة في رياييل بهالمستوى المنحط ؟؟​

حبيبتي لازم توقفينه عند حده ، قعد يصرخ يهدد ولا يطق راسه بالطوفة ، لو إن شاء الله أوصلها حق​

أبوي وأخواني بس ما يستهين فيني جذيه ، ولا يحقرني جدام ربعه اللي بنفس مستواه !!!!!!​

أول 9 شهور تفل ، عقب سنة شنو يسوي ؟؟؟​

لا يا بعد قلبي هالمستوى إذا ما تعطينه على راسه من أولها راح يزييييييييييييييييييييييييد ،،،،،،​

ديري بالج .....​

عدل :lkmnkl:​

 

[ملح مكتت]

شنووووو هذا شفيه منو اللي بيفيده ربعه ان طاح بمشكله واذا كان محتاااج الرياييل ينووو هذي شرفه جذيه لا حبيبتي كلميه وحطيله حد لا تقولين عصب انتي عصبي المره تعرف تخلي الريال يووقف عند حده لاتخلينه يتمادي اكثر

 

[باونتى]

امبييييييييييييييه والله صدمتينى !!!!! وانت لمن سوااا فيج الحركه شنو سويتى ؟؟؟

 

[miss swan]

امبيه موصج وساكته بعد والله جان تفلت عليه جدام اللي يكلمه ماادري اللي يكلمها اصلا هذيله موكفو احترام

 

[Dancing^Queen]

ويه ويه ويه
شهالردود اللي قبلي
بنات الله يهديكم ويصلحكم
البنت طلبت راي ماطلبت حريجه بالبيت
الوحده لي مرت بموقف مع ريلها يبلها من يوجها ويهديها مو كرامتج انسانتيج و و و و
طفو النار لاتزيدنها حطب

توهم متزوجين والريال لي الحين ماعينته الدنيا ولاحاس بالمسئوليه ولاحاس بشنو زواج علي باله مره يمه لمتعته وراحته


شوفي حبيبتي
انتو توكم
حياتكم توها
الحين تشكلونها
الحدود انتو تحطونها
اهو عنده عادي يتفل علي ربعه وانتي بكرامه ولو موعادي جان ماسواها جدامج برفيجهه اكيد مسويها من قبل
ويوم توهق حط الصكه براسج
بكل بساطه اخذي موقف
قوليله ترضا اتفل عليك؟
اللي ماترضاه حق عمرك ماترضاه علي
ترضا تدق اختي اسبها ولي عصبتا قولها موووولج حق ريلي؟
شنو احترامي لك جدامها؟ شنو بتفكر؟
هذا اللي انت نقلته حق رفيجك
انا مرتك ، ام عيالك، ترضاها لي اني اصير اقل من مقام خدامه جدام الناس؟
لان اذا ريلي ماحشمني
منو بيحشمني
شلون اهون عليك
شلون هذا قدري عندك
انت عارف قيمتي؟ انا قيميتي تفله؟
الله يا الدنيا اللي خلت قيميتي بتفله
<<دمعتين
ركضي الدار
سكري عليج
حذفي عمرج علي الفراش
ووينك يا يبا تعال شوف بنتك وقدرها عند ريلها اللي يتطنوز عليها جدام ربعه ويتفل عليها جدام الناس وينك يايبا شوف اللي سلمته بنتك وحطيتها برقبته امااانه هذا اللي بيصوني صار قدري عنده تفله
ودموع (لاتسكرين الباب خليه يشوف)
وهذي الضربه القاضيه له
ولاترضين بسهوله
ولاترضين ابلاش
دفعيه حري قلبه هالرياييل مايحرق قلبهم الا الفلوس
لي حط بيزتين من جيبه تحرق قلبه
وماينساها حبيبتي بالساهل
علشان المره اليايه يحسب الف حساب لج

ثاني شغله حبيبيتي انتي
كل حياه في بدايتها صعبه
نتي من بيئه
اهو من بيئه
انتي من تربيه
اهو من تربيه
عاش عمره كله بروحه مايهمه غير نفسه ولايفكر الا بنفسه ومو متكيف الا مع اطباعه
وانتي مثل
تهقين سهل عليه الحين يبتدي يكيف حياته مع طبع احد ثاني ويتكيف بحياته مع احد ثاني؟
موسهل
اهو يفرض انج نفسه عادي عنده هالشي ولايزعل شدعوا خو يتغشمر - يبي يطلع من سالفه - لاتصيرين سخيفه تكبرين الامور - ملاقه
<<<هذي وجهه نظرهم اهم
انتي تتوقعين حياه مثل اللي ابالج
واهو يتوقع حياته تستمر مثل ماكانت +اضافات لصالحه دون اي تنازل

اهني تبتدي المشاكل
يبلكم وقت وصبر وكل شي ينحل
بس وقت وصبر وحسن تصرف

 

[شوشه منفوشه]

لاحــول ولا قوة إلا بالله .. الله يهديـــه

 

[الفرح والدلال لي]

يتفل عليج وقاعدة عندة بعد
ياكل خ....... حشاج
والله انزل من سيارته وسيدة بيت اهلي شنو ماعندي كراااااامة انا ولا وانا نازلة من سيارتة اردها له وقولة هالتفلة هاذي مستواك انت واهلك اللي ماعرفوا يربونك
والله لوشنو ماردلة هذا جدامي وجذية ولا مع الخمة ربعه عيل من وراي وعند اهلة شسوي
حبيبتي انا ماابي اشييشج على ريلج بس صج ريلج قليل الادب ومومتربي بعد
اااااااااااااااااسفة

 

[شووشه87]

سوري من هالكلمه بس بصراحه ريلج حقييييييييييييييييييييييييييييييييييييييييييييييييييييير من قلب وحدي متنرفزه يعني صج انتي زوجته والكل اللي سويتيه مابين بعييينه الله يريح بالج انشالله

 

[meen_ana]

المفروض تخلين ريلج يحترمج قبال ربعه اهله وتحطين حدود مايصير جذيه شكله ريلج شايف نفسيه ولا فيه مشكله نفسيه

 

[كتكات احمر]

لالا .. مشكلة صجية
لحظة ..
اختي لازم يكون لج موقف حااازم ..
ولا تخلينه يلعب فيج جذي
صج قليل الادب ومايستحي..
لالا هذا يبيله طرااق على ويهه يعلمه السنع والاحترام
اقول روحي بيت اهلج ولا تردين له احسن لج ..
لا باجر يطقج طق تكرهين عمرج هذا مو كفو مسؤولية وزواج
مريض نفسي .. يبيله طب نفسي

 

[زيزو]

امبيه استغفر الله الصراحه الله يعينج

 

[معشووقة السفر]

صج الله يعينج والله يعينه على شخصيته وتفكيره وتصرفاته
وقفي عند حده ولاتسكتين على تصرفاته اذا غلط بحقج وحسسيه ان تصرفاته مستواها واطي ودايما مدحي تصرفات اي ريال بعايلتكم مثلا زوج اختج او زوج بنت خالتج ترا يغارون من بعض ويتعدل معاج

 

[خذاك الموت]

حبيبتي ربي يهداه و يهدي سركم يارب

 

[حـلا و ذوق]

ادعي له بالهداية ..

وربي يصلحه ان شاء الله

 

[متواضعة]

الله يعينج يابعد عمري صج شي يقهر ويبط الجبد

انا لله وانا اليه راجعون دايما قولي ربي اجرني في مصيبتي وخلف لي خيرا منها

الله يهديه ويصلحه ويصبرج عليه

 

[متواضعة]

خايفه تسوين اللي قالوا لج البنات ويضربج ؟؟؟ اتهقين يسويها ؟؟؟؟؟؟

اذا عارفه انه لو كلمتيه بعقلانيه بيمد ايده لا تكلمينه

وخلي احد من اهلج يتدخل