توني متهاوشه مع خالتي هوشه فرييييش

[ملح و سكر]

شوفى ليمونه ....الطيب هذى الايام ينوكل حقه...انا قبل ماطلع من بيت حمولتى كانت تعاملنى نفس طريقة خالتج اشلون اللى تخاف منهم تحسب لهم حساب بس لانى طيبه تحط الحره فينى ....بس انا كنت مااقول حق ريلى علشان لايعصب بس هذا طبعا غلط
لان فى النهايه طلع على انا ..انتى اهم شى انج ماتخشين عن ريلج ولا شى اى شى يصير قوليله علشان بعدين لاينقلب عليج
وحاولى انج تقولين لها انشالله وسوى انتى اللى تبينه ....جذى راح توخر عنج ....

 

[miss_lymoona]

ماشالله تبينها تحترمج وأنتي شاخلتها !

الأولى احترام الكبير مو احترام الصغير عصبتي من أشياء سخيفة ومقابلة النت وماخذة خدامة المرة الكبيرة محتاجة خدامتها اكثر منج وانتي طايحة عالنت والله من الربادة !

أما زوجي يحبني أكثر من امه السالفة ضحكتني ههههههههههه موضوعج شالقصد منه الثرثرة ؟ وانج تبينين الدلع ؟ والله ضحكتيني لهدرجة في ناس عقولهم جذي ماكنت برد الا عقب الاستخفاف بالبنات يا بنية سالفتج مالها داعي هذرة بس مادري أقول الله يهديج والا الله يهدي زوجج الوكاد الله يعين الخالة ويعوضها وعسى الله يرزقج بولد نفس زوجج وجنة نفسج بالضببببط

ماتوقعت هذا ردج شكلج محتره بس هم ماني راده عليج شاده حيلج مرتين داشه موضوعي عشان تحلين مشاكلي مع خالتي
اعتقد لو قاريه المووضع عدل ماتوقع يكون هذا ردج

 

[*peace*]

ليمونه حبيبتي بنصحج نصيحتين

اولا لاتقولين لحريم حموانج عن اي شي يصير بينكم

باجر يتصافون ويتصالحون ويخلونج بروحج وهالشي معروف

ثانيا

سوي نفسي انا اخلي خدامه تنظف شقتي متى مابغيتها ادق على المكتب تقعد عندي 5 ساعات وتاخذ 4 دنانير والتوصيل

دينارين وافتكيت

 

[miss_lymoona]

ليمونه حبيبتي بنصحج نصيحتين

اولا لاتقولين لحريم حموانج عن اي شي يصير بينكم

باجر يتصافون ويتصالحون ويخلونج بروحج وهالشي معروف

ثانيا

سوي نفسي انا اخلي خدامه تنظف شقتي متى مابغيتها ادق على المكتب تقعد عندي 5 ساعات وتاخذ 4 دنانير والتوصيل

دينارين وافتكيت

هلا حبيبتي اي انشالله بسوي جذي اما عن حريم حمواني وحده فيهم حدها زيينه وعلاقتي فيها قويه

 

[asiii]

انا اشوف كل الاطراف في المشكله غلطانين انتي وزوجج وخالتج وحطي ببالج انج اذا خليتي خالتج عدوتج فانتي حكمتي على حياتج بالاعدام لانها
امــــــــــــــــــــــــــــــــــــــــــــــــــــــــــــــــــــــــــــــــــــــــــــــــــه
والي يحبج اكثر من امه ممكن يناسج بعد عشره ويحب وحده ثانيه اكثر منج افهمي القصد
:080402ask_prv:
الله يهديج ويصلح امرج ​

 

[miss_lymoona]

انا اشوف كل الاطراف في المشكله غلطانين انتي وزوجج وخالتج وحطي ببالج انج اذا خليتي خالتج عدوتج فانتي حكمتي على حياتج بالاعدام لانها
امــــــــــــــــــــــــــــــــــــــــــــــــــــــــــــــــــــــــــــــــــــــــــــــــــه
والي يحبج اكثر من امه ممكن يناسج بعد عشره ويحب وحده ثانيه اكثر منج افهمي القصد
:080402ask_prv:
الله يهديج ويصلح امرج ​

انا ماقلت مايحب امه بس حبه لي شي وحب امه شي ثاني وانا مو غلطانه اهي تصرخ علي وتشيش زوجي وتسوي سوالفها هذه مع الناس وانا الغلطانه ياسلام والله وانا اشسويت لا يكون سابتها ومصرخه عليها
واذا قصدج عن الخدامه طول عمرها تنظف شقتي بس لان خالتي هاليومين منقهره مني بتعاندني بس
مادري ليش تشوفوني غلطانه مع انها اهي مصرخه علي بعدين صدقوني اهي الخسرانه مو انا شوفوا مرت حماي الثانيه ولا تدري عنها مسكبتها يعني اذا انا صرت جذي اهي اللي راح تخسر لان ماعندها بنات

 

[ام دودو المزيونه]

ما يخالف خواتي تقبلوا مني هالتعليق في بنات وايد بردوا جبدي بردودهم يعطيكم العافيه تري الخاله مو ملزومه تعاملج مثل بنتها لأسباب وايد اولها انتى مو بنتها وحده غريبه دخلتي بحياتها و بأسرنها وقاعده بصراحة تتدلعين شكو خدامة خالتج تنظف لج اساسا اهي مو خدامتج علشان تتأمرين عليها وانتي بنفسج قلتي كله غلاسين عيزانه تغسلينهم ( اختي البيت الي انتي قاعده فيه بيتها اهي الي تامر وتنهي والمفروض ما تتدخلين بأي شيئ وانتي مجرد ضيفه عندهم لما يكون لج بيت ابروحج ساعتها تتأمرين فيه طالما راضيه تسكنين عندهم تحملي الي اييج )وخواتي بس كم دلع مع خالاتكم تبونهم يعاملونكم يدهنه لا تنكتين و انتي صرتي ربة بيت لازم تقومين بمهامج كلها ناحية ريلج وبيتج مو الخالة
ولو اغلطت فيج كبري مخج حطي ابيلج انها مره عوده والكبير يرجع مثل الياهل كل شيئ يغار منه واعصابه تفور علي اقل شيئ ولا تعاندينها وخلي المركب يمشي ولا تدخلين ريلج بأمه والله عيبه الريال يعاتب امه علشان زوجته ( ابصراحه ما اعده ريال ولا يكبر بعيوني ) بالعكس يصغر المفروض يقولج هذي امي ومهمه اتغلط تحمليها علشاني والغيره شيئ طبيعي ضد الجنه اذا المره متعلقه بولدها وتحبه اكيد بتزعل علي اقل تصرف منه ومن زوجته والله لو ما تعز ولدها جان ما عتبته وخلته يولي بس من بعزته تعاتبه

 

[miss_lymoona]

ام دودو المزيونه ماشالله الريال اللي يخلي امه تزعل مرته ويسكت يعتبر ريال بنظرج لوووووول ماشالله عليج
لو خالتج تصرخ عليج وتسوي سوالف بترضين عادي عندج زوجج يسكت عيل منو يدافع عنج الريال اللي يحب مرته مايخلي اي انسان يقلل من احترامه حتى لو منو كان
ولاتخافين حبيبتي الخدامه للحين تصعد تنظف شقتي

 

[miss_lymoona]

ام دودو على فكره ترى مو كل موضوع زوجي راح كلم امه انا ماارضى يكلمها حتى هالسالفه قلت له لاتكلمها
بس زوجي مايرضى علي امه تصرخ علي ماتوصل لي هالدرجه تصرخ علي بحياتي مااسمح لمخلوق يصرخ علي لو منو كان
كافي انت تتدخل بحياتي كل شي له حد

 

[ام دودو المزيونه]

ما يخالف خواتي تقبلوا مني هالتعليق في بنات وايد بردوا جبدي بردودهم يعطيكم العافيه تري الخاله مو ملزومه تعاملج مثل بنتها لأسباب وايد اولها انتى مو بنتها وحده غريبه دخلتي بحياتها و بأسرنها وقاعده بصراحة تتدلعين شكو خدامة خالتج تنظف لج اساسا اهي مو خدامتج علشان تتأمرين عليها وانتي بنفسج قلتي كله غلاسين عيزانه تغسلينهم ( اختي البيت الي انتي قاعده فيه بيتها اهي الي تامر وتنهي والمفروض ما تتدخلين بأي شيئ وانتي مجرد ضيفه عندهم لما يكون لج بيت ابروحج ساعتها تتأمرين فيه طالما راضيه تسكنين عندهم تحملي الي اييج )وخواتي بسكم دلع مع خالاتكم تبونهم يعاملونكم يدهينه لا تنكتين و انتي صرتي ربة بيت لازم تقومين بمهامج كلها ناحية ريلج وبيتج مو الخالة
ولو اغلطت فيج كبري مخج حطي ابالج انها مره عوده والكبير يرجع مثل الياهل كل شيئ يغار منه واعصابه تفور علي اقل شيئ ولا تعاندينها وخلي المركب يمشي ولا تدخلين ريلج بأمه والله عيبه الريال يعاتب امه علشان زوجته ( ابصراحه ما اعده ريال ولا يكبر بعيوني بالعكس يصغر) المفروض يقولج هذي امي ومهمه اتغلط تحمليها علشاني والغيره شيئ طبيعي ضد الجنه اذا المره متعلقه بولدها وتحبه اكيد بتزعل علي اقل تصرف منه ومن زوجته والله لو ما تعز ولدها جان ما عاتبته وخلته يولي بس من معزته تعاتبه

 

[miss_lymoona]

ام دودو اعتقد رديت عليج وردج ماراح يفيد بشي لاني للحين انا زعلانه منها اليوم نزلت تحت ماسلمت عليها احس مااقدر عصب اللي سوته
واصلا اهي حدها منقهره مبين مو هامها بس اهي الخسرانه باجر بتشوف ولا جنه تسولف معاها اصلا محد يحبها

 

[سنعه بس مظلومه]

ليمونه نصيحه ابعد عن الشر وغني له جيبي لج خدامه نص دوآم تساعدج وافتكي من منة خلق الله والخالات نفسيه يوم مستانسه تحبج وتحب عيآلج ويوم مطنقره زآيرتها ام العبيد ماتخلي شي عليج وعلى عيآلج انا وانا نازله على الدرج أشوف وجهها إذا ابتسمت يآهلا ومرحبآ وسوالف ووناسه إذا مطنقره أخذ فوق تحت واروح لشقتي أبركـ لي لا أسمع شي مايسرني

 

[miss_lymoona]

سنعه حاليا مانقدر انييب خدامه بس زوجي قالي كل يوم الصبح اخلي الخدامه تصعد تنظف جذي تهدي المشاكل

 

[سنعه بس مظلومه]

صج أم دودو ماشفت مشآركتج إلا بعد ما حطيت الرد والله يآ أختي الا الخالات جآيهم بلاء يغآرون ويدورن الفتننه طيب انتي أخذتي بنت ناس مو جآيبتها من المكتب عيب والله لو يدرون أهلها ما يخلونا عندهم يوم بس إحنا قاعد نتجآوز هالاشياء عشان عيآلنا وإلا حتى ولدهآ عوع والله المفروض الوحده قبل تتزوج تسأل عن ام الرجآل وشنهي من مره لا تبتلش الوآحد يكبر بالعمر يعقل من التجآرب اللي يشوفها مو يجلس حق النجره والفتنه

 

[miss_lymoona]

سنعه اي والله لووووووول المفروض الوحجه قبل ماتتزوج ماتسال عن الريال تسأل عن امه لوووووووول

لا انا خالتي فلم اهم شي لما نطلع تقول حق ريلي لاتطول لوووووووول انتي شكو والله تحب تقهرني

عندي سالفه طويله تدل انها صج تبي تقهرني اللي يبي يسمع يقولي اكتبها

 

[ام دودو المزيونه]

والله يا حياتي ان ام ريلي سويت العن من خالتج والله شاهد اني احبها وتكسر خاطري مرات وايد وجم مره بجتني بشكل ما تتوقعينه ( ما اقدر اقولج اشسوت فيني والله السكر حاشني بعد الزواج ب6 شهور )والزمن ظلمها بشغلات وايد واعدها مثل امي الي مرات تغلط علي وعلي خواتي من عصبيتها وكل ما اكبرت زادت عصبيتها وهم اذكر لها مواقف اوقفت مع اعيالي وقامت فيهم وهي مره عوده وانا بالمستشفي مع ولدي المعاق ما قصرت وانحرجت من موقفها وهم قالت نفس خالتج ليش ما خميتي الحوش جهت بيتج والله شاهد ما كان قصدي ما اخمه بس كنت استحي جدام خوانه اطلع الحوش وما دار ابالي انه وسخ يعني كنت انظف داخل الملحق الي ساكنه فيه ( ركزتي ملحق مو شقه )وما بغي كلمه ما قالتها لأمي جدام ابوي بالتلفون حتي ابوي الله يرحمه انصدم من كلامها يوم طلعت من بيتهم وهذا كان شرطي من اول الزواج واهي وافقت عليه وقعدت عندهم سنه كامله عمري ما عيبت علي بيتهم ولا تدخلت فيه ( بيت حده قديم حتي الزهويه قمت الحقهم بالفليت لا وناطرني بالحوش عند الباب ويمشي علي الطوفه ) توي حماي من يومين يقولي انتي انحشتي من بيتنا علشان الزيويه ورديت عليه انا شارطه من الأساس سكن ابروحي بس ما كنت حابه اطلع زوجي من بيت امه ويوم طلعت كانت اختك قاطه كلام حتي الطوفه ما تتحمله وانا مستعده جدامها اقول هالشيئ مو من وراها ( علاقتي معاها اللحين معزه ومحبه لأني قلت لها يا افلانه انتي عصبيه وتقطين كلام اللهم يا كافي بس قلبج ابيض )
والحمدالله علاقتي معاها حلوه لأني تحملت كلامها واطوف بس فرضت احترامي بطرق ثانيه وتقبلت كل واحد فيهم بعيوبه ومميزاته
ويا حبيبتي لا تزعلين مني بس بنات هالزمن ما قاموا يتحملون وانا ما الومهم والله توني قاعده اكلم اخوي بنفس الموضوع واقوله اطلع ببيت ابروحك احسن لك ولنا ولبنت الناس لا تسمع كلام من امي ولا منا وانت اساسا انسان دعله ( اشكره قلتها بويه ) وزوجتك اصغيره و شكلها دلوعه وعيش حياتك اريح لكلا الطرفين وتحمل مسئولية بيتك ابروحك وخلك ريال قد المسئوليه طالما اقبلت علي هالخطوه
ويا اختي شكلج صغيره اتوقعج ببداية العشرينات يعني توج ما شفتي شيئ من الدنيا وبلاوي الناس حبيبتي اعملي بأصلج وطيبج والزمن بيثبت للي حواليج انتي منو وخلي قلبج ابيض علشان تعيشي سعيده والله يهنيج ويصفي العلاقه بينكم :denya:

 

[عيد الفرح]

ليمونة حبيبتي انتي للحين بتسولفين وتقرضين بخالتج
عيب ولاتحملين نفسج ذنوب انتي حطيتي مشكلتج ومبين من العنوان انج راعية مشاكل
ورددودج على البنات ادل على جذي في فرق بين اللي طرحت مشكلتها وتبي حل وبين اللي داشه تبي اللي يقولها انتي صح
احنا برينا ذمتنا ونصحناج
واذا اكوبنات مستانسين على حكاياتج وذمج بخالتج ممكن يقولولج قولي سالفتج
بس الرسول عليه السلام قال(البر لايبلى والذنب لاينسى والديان لايموت افعل ماشئت فكما تدين تدان)
الله يهداج ويهدي خلتج ويهدينا جميع

 

[miss_lymoona]

عيد الفرح ودي اعرف ليش انتي واقفه ضدي ممكن اعرف مع اني قلت بالعربي ان خالتي صرخت علي مو انا فهمتي ياحلوه
راعية مشاكل على شنو لو انا راعية مشاكل جان صرخت عليها مثل ماصرخت

مو الغلطان الحين انا ولا خالتي منو صرخ على الثاني بشنو انا غلطانه ياماما ولا بس بتطلعيني غلطانه
بريتي ذبمتج بشنو تبيها تصرخ علي واسكت ليش انشالله محد يرضاها لي لا اهلي ولا زوجي
اصلا كلامج هذا ماراح يحل المشكله وانا للحين ماراح اسلم عليهم لاني كارهتها

 

[miss_lymoona]

كل البنات كانوا واقفين معاي بس مبين جم وحده وقفت ضدي لانها انقهرت من ردودي

 

[عيد الفرح]

اللا انقهرت من تفاهتج ونقصان عقلج تدرين ليش لاني قريت موضوعج الثاني انتي مو تتهاوشين مع خالتج وتشيشين ولدها عليها
طلعتي تتهاوشين بالشارع وتخلين ريلج يفشش تواير سيارات حريم خلق الله
انا اسفه اني تعنيت ونصحتج لاني والله عديتج اختي الصغيرة بس الظاهر عقلج للحين ماركد بعدين اسمج ليمونة المينونه لاتعليق