حمله " حق اللي عندها جهاز الكريزي فت " حياج كل يوم قولي شسويتي ..

[شيخه***البنات]

السلام عليكم ورحمه الله وبركاته ..

شلونكم شخباركم ان شاءالله بخيير ؟! ..

انا شاريه جهاز الكريزي فت من مده صراحه و أول ماشريته هبيت فيه

وبعدين صاااااااااار علاق ملابس :denya: ..

فقررت ان ما أخلييه جذي و ابدى العب عليه ..

وهذا رابط موضوعي القديم كنت اسأل عنه تقدرون اذا عندكم اي سؤال تلاقونه هناك ان شاءالله ..

http://q8yat.net/showthread.php?t=261780

اللي عندها الجهاز حياها الله معاي كل يوم ..

نبي نوقف عليه 3 مرات باليوم و المجموع 30 دقيقه = نص ساعه ..

أول مانقعد من النوم ..

والظهر أو العصر ..

وقبل النوم ..

وبجذي راح يغنينا الجهاز عن الرياضه مع تخفيف الأكل راح يتضبط الجسم بإذن الله ..

وهذا شكل الجهاز ..




وهذي صوره حق جم تمرين سهلين وحلوين اللي تبين تسويهم و اهيا واقفه عالجهاز ..



ولازم نكثر شرب الماي لأني قريت ان لازم نكثر الماي ..



يالله بنات همتكم وياي مانبي نشتري اجهزه و آخر شي تصير علاق ملابس :lkmnkl: ..​

:eh_s(21): خلونا نشجع بعض وبدون كسل :eh_s(21): ..​

 

[~La PearLa~]

سبحان الله موضوعج يه بوقته
صارلي ساعتين ادور بالنت عن الكريزي فت و مميزاته واضراره
هالجهاز شفته بدبي من 4 سنين و كان سعره مثل ماقالت وحده من البنات بالموضوع القديم 9000 د.ك
و قبل فتره وانا ادور عنه بالسايتات كاتبين انه ممكن يكون ضار للبنت اللي مو متزوجه يعني و يأثر على العذريه؟
لأنن اهتزازاته حيل قويه
عاد اذا تعرفين شي عن هالموضوع علميني بليز
خااطري فيه من زماان
و يعطيج العافيه على الموضوع

 

[غديران]

هااااااااااااي


أكيد أنا أول وحدة معاج

وإن شاء الله للنهاية لين نوصل للوزن المطلوب

 

[روح مغليهآ]

لايكون يأثر على الرحم تأكدوا احسن

 

[ابيار علي]

الحال من بعضه هم انا صار علاق ملابس

 

[شيخه***البنات]

سبحان الله موضوعج يه بوقته
صارلي ساعتين ادور بالنت عن الكريزي فت و مميزاته واضراره
هالجهاز شفته بدبي من 4 سنين و كان سعره مثل ماقالت وحده من البنات بالموضوع القديم 9000 د.ك
و قبل فتره وانا ادور عنه بالسايتات كاتبين انه ممكن يكون ضار للبنت اللي مو متزوجه يعني و يأثر على العذريه؟
لأنن اهتزازاته حيل قويه
عاد اذا تعرفين شي عن هالموضوع علميني بليز
خااطري فيه من زماان
و يعطيج العافيه على الموضوع

هلا و غلا حبيبتي اوووله بـ 9000 دينار والله وايد ..

بخصوص عذريه البنت و الله مادري خرعتيني لوول انا مو متزوجه ..

بس ما احطه على اعلى شي احطه على رقم 10 اذا كثرت 15 بس لان صج

اهتزازاته قوويه ..

الله يعافيج ياقلبي ..

 

[شيخه***البنات]

هااااااااااااي


أكيد أنا أول وحدة معاج

وإن شاء الله للنهاية لين نوصل للوزن المطلوب

هااااايات هلا و غلا غدووووره شخبارج ؟؟

حياااااااج بعد قلبي اكيد انتي اول وحده فديتج منوووره ...

ان شاءالله يارب الله يسمع منج ان شاءالله بالتوفيق ان شاءالله :eh_s(21): ..

 

[شيخه***البنات]

لايكون يأثر على الرحم تأكدوا احسن

هلا حبيبتي .. ما يأثر عالرحم ان شاءالله انا احطع على اهتزازات عاديه من 10 إلى 15 ..

 

[شيخه***البنات]

الحال من بعضه هم انا صار علاق ملابس

لووووووووول اي و الله .. لا خليج ويانااااا واشتغلي عليه ..

 

[lolwah]

بجم سعره و من وين ؟؟

 

[شيخه***البنات]

بجم سعره و من وين ؟؟

هلا حبيبتي انا دقيت على رقم وطلبته وطلع سوق الميره وصلولي اياه بنفس الوقت ..

وسعره 109 د.ك ..

 

[يمّه مني]

تدرين هالجهاز اول ماحطو عنه اعلان بالجريده شريته يمكن من 3 سنين وماستعملته الا مرتين ؟ ههههههههههههههههههه

زين اهوا صج يضعف ؟ في ناس اتعرفونهم ضعفو عليه ؟
اذا ايه خل استعمله احلل فلوسه

 

[غديران]

هاااي شيخة


شلون كان يومج


بالنسبة لي أنا كل شي تمام


سويت التمارين وكل شي عال العال


بس ان شاء الله تكونين انتي مستمرة



وبالتوفيق للجميع

 

[شيخه***البنات]

تدرين هالجهاز اول ماحطو عنه اعلان بالجريده شريته يمكن من 3 سنين وماستعملته الا مرتين ؟ ههههههههههههههههههه

زين اهوا صج يضعف ؟ في ناس اتعرفونهم ضعفو عليه ؟
اذا ايه خل استعمله احلل فلوسه

امبيه حراااااااااام لووووووول ...


خلااااااص بلشي فيه ويانا ولأنج بتبدين رجيم وياي ان شاءالله خليج بعد اهني وياي

وخلينا نشجع ..

ولاااااااا لشراء الأجهزه وبعد فتره ماكو استعمال << امبيه شهالشعار الفاشل لوووووووول

صراحه اهوا يرتب الجسم حييل انا ماعرف احد ضعف عليه بس وايد سويت

سيرج ولقيت بنات يمدحوونه و حتى بمواقع اجنبيه .. وذاك اليوم مرت خالي قالتلي جهازج

هذا فلته حاطينه جنه برنامج دوكتورز مادري اوبرا واحد منهم بجنل فور وقايلين ان مادونا

ماتستغنى عنه وشفتي رشاقتها بعد ..

استعملييييييه و الله حللي فلووسه حرام شاريته و ماستعملتيه الا مرتين يالله يالله حياج كل يوم

اهنيييييييييييييي :eh_s(21):

 

[شيخه***البنات]

هاااي شيخة


شلون كان يومج


بالنسبة لي أنا كل شي تمام


سويت التمارين وكل شي عال العال


بس ان شاء الله تكونين انتي مستمرة



وبالتوفيق للجميع

يا هلا يا هلا بمشجعتي الغاليه فديتج ...

شخباااااااارج ؟؟

و ان شاءالله يارب يكوووون كل يوم عال العااااااال ..

انا قعدت سويت التمارين كلها عليه وبعد شوي بشرب قلاص اعشاب و بروح امشي نص ساعه ..

ولي رديت بإذن الله بوقف عليه 10 دقايق وبعدين قبل النوم ..

كل التوفيق لكم يارب ...

شدووو حيلكم :weight_lift: ..

 

[فرح العجرف]

:eh_s(21)::eh_s(21)::eh_s(21):
موفقه يابعد قلبي.....وتحصلين الرشاقه بأذن الله....@@
:eh_s(21)::eh_s(21)::eh_s(21):

شفت الجهاز بكترونيات الغانم.....وراكبه هندي بطه...خضه خض........@@

واستخدمة جهاز مشي الكهربائي....شاريته 150دك..استخدمته فتره..بعدهااا صار برجولي تنمل وحتي وانا واقفه....وافقد الاحساس فيهااا.....عاد ابوي زفني وقال ان شفتج تشغلين علي جهازج ياويلج....باجر تشل رجولج...ونبتلش فيج....@@

ماني عارفه شنو سبب هالتنمل....بس الارجح من الجهاز....@@

عاد اخذت الممشي وصفطته..وحطيته بالمخزن......:eh_s(2)@

 

[اسبانيه]

قوة بنات


انا بعد نفس الحالة ...الجهاز صار تمثال عندي..لكن الشهاده لله ممتاز وخالتي اهي اللي قالت لي عنه وماشالله عليها استخدمته مدة

طويله شهور واهي كل يوم تسستخدمه تقريبا 30 ومرات ساعه كاملة..واذا مالها خلف 20 دقيقه او ربع ساعه باليوم...وماشالله تبارك

الله صارت نص وزنها....والكرش راح والصدر الكبير خف وايد...تغيرت حيييييييل...طبعا كانت تخفف اكل وتشرب ماي وايد..

 

[شيخه***البنات]

:eh_s(21)::eh_s(21)::eh_s(21):
موفقه يابعد قلبي.....وتحصلين الرشاقه بأذن الله....@@
:eh_s(21)::eh_s(21)::eh_s(21):

شفت الجهاز بكترونيات الغانم.....وراكبه هندي بطه...خضه خض.....:d...@@

واستخدمة جهاز مشي الكهربائي....شاريته 150دك..استخدمته فتره..بعدهااا صار برجولي تنمل وحتي وانا واقفه....وافقد الاحساس فيهااا.....عاد ابوي زفني وقال ان شفتج تشغلين علي جهازج ياويلج....باجر تشل رجولج...ونبتلش فيج....@@

ماني عارفه شنو سبب هالتنمل....بس الارجح من الجهاز....@@

عاد اخذت الممشي وصفطته..وحطيته بالمخزن......:eh_s(2)@

هلا و غلاااااااااا ابله فرووووووووحه ..

بعد عمري اميين و اجمعين يارب ..

اي الجهاز عجيب يخض خض لووووول .. يعدل الجسم ..

جهاز المشي معروف يأذي الركبه وايد قريت .. بس مادري اذا ينمل الريول ..

بعد عمري ابلتنا ماتشوفين شر ان شاءالله ..

 

[شيخه***البنات]

قوة بنات


انا بعد نفس الحالة ...الجهاز صار تمثال عندي..لكن الشهاده لله ممتاز وخالتي اهي اللي قالت لي عنه وماشالله عليها استخدمته مدة

طويله شهور واهي كل يوم تسستخدمه تقريبا 30 ومرات ساعه كاملة..واذا مالها خلف 20 دقيقه او ربع ساعه باليوم...وماشالله تبارك

الله صارت نص وزنها....والكرش راح والصدر الكبير خف وايد...تغيرت حيييييييل...طبعا كانت تخفف اكل وتشرب ماي وايد..

ماشاءالله تبارك الرحمن ..

انزين دام عندج كل يوم تعالي شاركي ويانا لاتقطعين منها تستفيدين و منها تتشجعين ..

يالله شدي حيلج وصاجه الماي الوايد لازم وضروري مع الجهاز ..

 

[يمّه مني]

هههه ضحكت على سالفت الخض

هذي رفيجتي الله يسلمكم شرت الجهاز وفترة النفاس اتقول ودي اجربه بس اخاف ارضع بنتي ملك شيك ههههههههههههههههههههههه

خلاص اليوم انشالله ابلش معاكم

وفرح جهاز المشي زين بس مو لنا لنا احنا متعودين عالرباده عشان جذيه اركبنا اتعورنا امشي مشي عادي بره