رودي للاستشارات الهندسية

[rudy]

مشكورة حبيبتي ماتقصرين بس كلش مايركب يعني ورق جدران احمر والاثاث احمر

انا ما قلت ورق جدران احمر ولا يبت طاريه
كل الي قلته ان الاثاث الاحمر والاسود يبرزهم اللون الابيض +درجة الرمادي الفاتح او الفضي

وحلو انك تصبغين الغرفة ابيض وتحطين رسومات او ورق جدران

 

[مرعوب قطر]

لو سمحتي اختي
انا عندي طوفة المجلس كلش مب سيدة يعني هي بنيان قديم ومب مضروب بلاستر
ولو بنسوي بلاستر بيكلف جدا وما نقدر عالتكلفة كلش
ففكرت بحركة الديكور بالمعجون انتي شو تنصحيني؟؟الي تجي ضربات عشوائية بالمعجون وعقب الواحد يصبغ

 

[rudy]

لو سمحتي اختي
انا عندي طوفة المجلس كلش مب سيدة يعني هي بنيان قديم ومب مضروب بلاستر
ولو بنسوي بلاستر بيكلف جدا وما نقدر عالتكلفة كلش
ففكرت بحركة الديكور بالمعجون انتي شو تنصحيني؟؟الي تجي ضربات عشوائية بالمعجون وعقب الواحد يصبغ

كنت بقول نفس اقتراحك سوي الطوفة مثل بيوت اول زصبغيها الوان من الطبيعة يعني درجات البيج والاوف وايت

 

[مرعوب قطر]

شكرا على ردك اختي العزيزة
عندي استفسار ثاني
الله يسلمج غرفة النوم عندي طولها 5 متر و20 سم والعرض 2متر و80 سم
حطيت لج مخطط رسم للغرفة عشان التوضيح
الباب ياي في النص وفيه دريشة تطل عالمطبخ
اكيد بتستغربين لانه هالغرفة بناها عمي ابو زوجي بنفسه ومادري ليش سواها المهم انه هالبيت وايد قديم واحنا طايحين تعدل فيه لانه رخيص وايد يعني بالكويتي يطلع ب40 دينار
ومافيه االا غرفتين ومافيه صالة يعني الغرفتين والمطبخ والحمام كلهم على حوش المهم ان شاء الله بنسوي صالة تلمهم
الله يسلمج انا خاطري اسوي غرفتي لون اخضر تفاحي والاثاث اسود او بني غامق محروق
اذا شفتي مسلسل عيون الحب غرفة فاطمة في شقتها ويا زوجها روعة ديكورها وطبعا الاثاث ان شاء الله راح اخذ من النوع الصغير عشان حجم الغرفة لانه اثاثي الحين ماخذ مساحة
طبعا حبيت اخذ رايج بالالون هل هي متناسقة؟
الارضية راح اسويها سيراميك شو اللون الي تنصحيني فيه؟
والستارة؟
وكيف اوزع الاثاث؟؟

[/URL][/IMG]

 

[Om eLkakawiya]

يعطيج مليون عافيه .. روعه من زمان ادور مثل هالموضوع

وعاد بلعوزج باستشاراتي

انتي كريمه واحنا نستاهل مو

المهم .. بغيت اخذ رايج انا حاطه ورق جدران بغرفة النوم مالتي متكون من الخلفيه مشمشي والنقشه اللي عليه اخضر فاتح وعنابي و اصفر فاتح و وردي وبيج مادري المشمشي الفاتح حيل على شكل ورود و خطوط حاطته على ثلاث طوف وحده كلها ورده ووحده اللي فيها الدريشه مشمشي ساده ووحده فوق ورد وتحت خطوط .. ابي شنو لون البرده حطيت ابيض مو لايق وحطيت عنابي على لون الكفر غامج وهم الزوليه محتاره فيها حطيت عنابي بورود بيج مو حلو والغامج يصغر الغرفه وايد.. بس يعطيه شكل شوي حلو بالنسبه للفراش وعلى فكره ارضيتي الخشبي الفاتح مقارب حيل للمشمشي .. ومفكره اغير الورق جدران كله ودي ابيض بس عارفه بنتي راح تدمره وعلى فكره انا مو متزوجه يعني لا تحطين غرفتي كلاسيك او راقيه حيل ابيها عمليه وحلوه بنفس الوقت وخاصه اني انا وبنتي دايما نقعد فيها .. صعبتلج السالفه

وسوري اذيتج .. ويعطيج العافيه

 

[rudy]

مرحبا اختي ام كاكاوية مادري اذا اسمك صح ولا غلط

المهم

بالالوان الي ذكرتيها اعتقد ان الون الاخضر يمش معاهم بس مو الغامق ولا الفستقي الون الوسط مثل لون منتدانا منتدى كويتيات
ولو تكون الستارة مخمل تطلع حلوة وخلي موديلها علة طول مفتوحة وخلي من وراها شتر او ستارة رول عازل عن الشمس

وبالنسبة للزولية حطي الي هابين فيهم هالفترة الي شعرها طويل وعبارة عن خيوط سميكة وهم لون اخضر او بيج

 

[rudy]

حي اله مرعوب قطر

اول نصيحة انك ما تكثرين من الاثاث على سبيل المثال غرفة النوم خلي قياس السرير ما يزيد عن 180سم واذا اصغر احسن مثل 160
وبما انك بتحطين سيراميك خليه فاتح يعني درجات البيج عشان ما نبي نجازف

وبالنسبة للستارة حطيها رول ووخري عن الستارة الطويلة الى الارض
نبي شي شرح واذا تبين تضيفين لها بعض اللمسات الناعمة ييبي قطعة قماش دانتيل طولها 7 امتار تلقينة عند ايكيا سعر المتر 200 فلس وثبتيه فوق الستارة الرول وفوق الشباك وخليها راخية بالنص و تنزل على الجوانب يمين ويسار.

والغرفة الي قلتي عنها في مسلسل عيون الحب مادري ولا مرة شفت هالمسلسل بس اذا عاجبتك سوي نفسها

على فكرة دورت مسلسل عيون الحب في يوتيوب بس ما لقيت شي

 

[mosta7eel]

بغيت اسال حبيبتي انا ريلي بيسافر دورة وودي اغير بشقتي اهي واسعه
بس محتارة شنو اسوي؟
والسؤال2 من وين احصل الثروو؟ الي ينحط عالقنفات

 

[مرعوب قطر]

شكرا لج اختي رودي
ازعجتج معاي
عيون الحب الحين تعرضه قناة الكويت الساعة 10 فليل
غريبة انه ما يطلع في اليوتيوب لانه انا اذا طافتني حلقة اطالعه من اليوتيوب
اقتراحاتج وايد ريحتني واشكرج جزيل الشكر على سعة صدرج
والله يوفقج ان شاء الله ويسهل امورج

 

[Om eLkakawiya]

مشكوووره رودي
زين المخمل وين القاها والزوليه شفتها بس اخضر ما شفت اللي بايكيا .. ؟

 

[OM-3ABADY]

السلام عليكم يا بنات المنتدى

سؤالي اليوم

ابي فكره حق العامود اللي يكون بنص الصاله

يعني ما ابي يكون بارز وايد وما اقدري اخفيه لانه بنص الصاله

يعني ما ينفع اخليه ارفف ولا ينفع احط فيه حوض سمج

يالله همتكم وياي وطلعولي افكار واحلى فكره بدعيلها كل ما شفت العامود بنص الصاله

 

[مرعوب قطر]

هلا اختي
ممكن تجيبين عامل يرسم لج عليه رسمات حلوة
او تلبسينه مرايات
اوتلبسينه موزاييك ملون
او ورق جدران فخم
وهاذي الصورة بعد فيها فكره حلوة

 

[ســتارز]

مرحبا رودي

لوسمحتي بسألك عن ابواب الخشب المنحوتة للغرف ا

النحت والحفر يصير عالباب من برة بس خارج الغرفة ...والداخل سادة ؟ والا افضل عالوجهين ؟

تسلمين حبيبتي

 

[rudy]

مرحبا رودي

لوسمحتي بسألك عن ابواب الخشب المنحوتة للغرف ا

النحت والحفر يصير عالباب من برة بس خارج الغرفة ...والداخل سادة ؟ والا افضل عالوجهين ؟

تسلمين حبيبتي

ممكن يصير من جهة وحدة
انا لما سويت ابواب بيتي اخترت الموديل وما طرا على بالي ان النجار بسويه من جهة وحدة ولما ركبهم اكتشفت انه من جهة وحدة. والحين تعودنا عليهم

 

[ســتارز]

شكرا رودي

 

[lady-cat]

السلام عليكم بنات شخباركم ؟
شخبارج Rudy الصراحة انا حابة استشيرج ,انا عندي صالة ياية بالطول وحابة احطلي مطبخ تحظيري بس ماني عارفة شلون انسق المكان لانها ياية بالطول وفيها 3بيبان ؟؟؟

 

[rudy]

بغيت اسال حبيبتي انا ريلي بيسافر دورة وودي اغير بشقتي اهي واسعه
بس محتارة شنو اسوي؟
والسؤال2 من وين احصل الثروو؟ الي ينحط عالقنفات

تلقين الثرو في اماكن كثيرة مثل ايكيا وصفاة الغانم وتروفاليو حتي الاماكن الي تبيع الشراشف والكفرات تلقين عندهم

 

[rudy]

السلام عليكم بنات شخباركم ؟
شخبارج rudy الصراحة انا حابة استشيرج ,انا عندي صالة ياية بالطول وحابة احطلي مطبخ تحظيري بس ماني عارفة شلون انسق المكان لانها ياية بالطول وفيها 3بيبان ؟؟؟

3 بيبان من جهة وحدة و شلون ياريت توضحين اكثر
وعلى العموم اذا صالتك بالطول تقدرين افضل مكان للمطبخ هو طرف الغرفة سواء بالبداية او النهاية

 

[السكرتيرة النشيطة]

بعطيج مخطط غرفتي وابي ترتبيلي الاثاث اللي فيها واللي هم :
غرفة نوم كاملة من ملحقاتها
سرير طفل
ثلاجة
وانت تشوفيلي اي نوع من الكنبات يصلح اشتري واي نوع من الزولية والستاير مع الترتيب الكامل قبل لااشتري واتورط
مافيها ارتفاع وايد بس اهي كبيرة يعني كبر غرفتين مع بعض


[

attach]36792[/attach]

 

[دمعة ولة]

​

مرحبا رودي انا عندي صالتي جدرانها اصفر والكنبات اصفر وسكري واحمر شنو لون السجاد يكون هل سادة او مشجر وشنو اللون يكون.ومشكورة مقدما...