●• شاعـــر اسرنــي بعـذوبـــة اآحســاســــــه ●•

[خفوقي عاف دقاتة]

’

أقدم لكم شـاعر قـصـائده مـليـئه بالاحـاسيـس الصـادقـة
وبعرفـكم بـهذا الـشـاعر أكـثر فـأكثـر
واتمنى أن ينال الشاعر أعجابكم ويحوز على رضاءكم






•● الـشـاعـر عـبـدالله الـظـفـيـري ●•

شـاعـر شـاب صـاحب الإلقاء الفريد من نـوعه
بعذوبة المعنى وأصدق الكلمات التي تعبر عن
صدق الشاعر وموهبته الربّانيّة وولعه بالقوافي
صاحب الاسلوب الـسهل الممتنـع في قصائده




•●حــيــاة عـبدالله الظفيري فـي سـطـور ●•

عـبدالله بـن مـرعـي الـظفيـري
مـن مـوالـيد عـام 1982
بـدأ كـتابـه الشـعـر فـي عمـر صـغـير وكـانت لـه
مـحـاولات كـثيـره واجـتـد كـتـابـه الشـعـر ولـكنــه
انقـطع عن الـكـتابه لاسـبـاب الدراسـه عام 2000
وعـاد من جـديد لـيـبـحر مـع كـلمـاته وقـلمه الجميل
فـي عـام 2004 لـيـكـمل مـسـيرتـه فـي عالم الشـعر




•● مقتطفـآت من قـصـائـده فـي الغــزل ●•


يسألوني ليه أحبك ..~

نور عيني.. علميني كيف أبكتب لك شعـر؟
وانتي نظره من عيونك ضيّعت كل المعاني!
انتي كلماتك عذوبـه.. وابتساماتـك مطـر
وصوت ضحكك يحتويني وينثر الدنيا أغاني
أشهد إن العمر من بعدك ترى ماهـو عمـر
واشهد إني ماأطيق الغيبه من بعدك ثوانـي
من عرفتك لاحزن غطى عيونـي ولاكـدر
يابعد من شافته عيني وعن شوفـك خذانـي
جارت الدنيا علينا وحالت ظـروف الدهـر
لكن انتي ياأصيله دايم أكسب بـك رهانـي
واذكر إنك يوم رحتي صحت أنا صيحة قهر
ويعلم الله ماتركتـك ليـن ماربـي هدانـي
كل ليله تذكريني يضـوي ف(ليلـي) قمـر
وإن جفيتيني في ليله أظلمت حولي المبانـي
عند بابك ياغناتـي أنحـر أشواقـي نحـر
من عرفتك ياطموحي وانتي لي كل الأماني
"يسألوني ليه أحبـك حـب ماحبـه بشـر"
هذي الغنوه "لراشد" لك تعبّر عـن حنانـي
انتي ياعطر القصيد وطيش فكري والسهـر
والله ماغيرك أحد يستاهل أبياتـي وجنانـي
يابعد كل الخلايق واللي فـي بالـي خطـر
من دخلتي في حياتي مابقى لغيرك مكانـي
أقبلي يانور عينـي وتامريـن انتـي أمـر
يااللي ذكرك يهدي عمري والقصايد جو ثاني
مالي إلا أعتـرف بعيـون حسـادك وأقـر
إنك - أحلى مارأت عيني- وقابلت بزمانـي
قلت أبكتب لك قصيده وطاشت أبيات الشعر
ولا طرالي طاري اسمك ينعقد حتى لساني!!

لـيــه الإعـتــذار ..~

يا غشيمه ليـه تبديـن الأسـف والإعتـذار؟
أصلا احنا منتهين ان كـان هـذا يجهلـك!!
ثم أنا مـا ودي أفتـح بيننـا بـاب الحـوار
بس أنا عارف فضولك.. بالنهايـة يقتلـك!!
تسأليني من معي بعدك خذت فكري وصـار..
يحتفل فيها قصيـدي.. وعلّمَتنـي أهملـك؟؟
واسمحي لي راح أجاوب لك سؤالك في إطار..
الصراحه.. وادري إنّ آخر كلامـي يزعلـك
ذيك بنت ٍمن غلاهـا عاملـه فينـي حصـار
وين ما وجهت نبضـي لجلهـا قلبـي سلـك
ذيك بنت ٍتزرع البسمات فـي كـل الديـار
تغفـل بطيبـة نواياهـا .. ولا تستغفـلـك
ذيك يوم إنك تركتينـي علـى شبـه انهيـار
جتني وطرت بهواهـا للسمـا وابعـد فلـك
ذيك يوم آكلمك وابقى على الخـط انتظـار
حطت الدنيا انتظار وجت تقول: اشتقت لـك
ذيك غيم وصالها ما شـح فـي ليـل ونهـار
وانتي ياخذك التغلـي للغيـاب ويشغلـك !!
ذيك يوم إني –أموّل- لك تفاصيلـي دمـاااار
جت تغني: (الماضي لك/ وبكره لك/ وبعده لك)
وعن جمال أوصافها خايف يصيبـك انكسـار
لانها لو تلتفت لـك؟ ضيّعـت مستقبلـك!!
وانصحك من حسنها لايبتـدي قلبـك يغـار
وابعدي عنها تراها "حبه .. حبـه .. تاكلـك"
نور عيني حبّها .. يعنـي لـي أكبـر انتصـار
حزت عرش ٍمن ملوك الأرض ما حازه ملـك
كن قلبي من بعـد مـا حبهـا علّـق شعـار:
" الرجاء الإبتعاد .. القلـب هـذا ممتلـك "
واعتقد ما فيه داعـي يكتمـل هـذا الحـوار
بس هـي كلمـه .. إذا ودك تعرفـي منزلـك​

فـي خـاطــري كـلمــه ..~

كثر ماعشت أنا الفرحه بقربك واضحكت لي عين
وكثر ماعشت متهني وكثر ماابتسمـت اشفاتـي
وكثر ماقلت في حبـك قصايـد جمّعـت قلبيـن
أشوف الوقت من دونك جمـع همـي ومعاناتـي
غدا وقتي مثـل ليـلٍ طويـلٍ ماانتهـى للحيـن
سواده امتلى بصـدري وسالـت منـه دمعاتـي
حشا من يوم ماغبتي وربي ماغفت لـي عيـن
طغى همي على عيوني ولعب في حسبتي وذاتي!!
أنا من رحتي بفالك وتلعـب بـي همـوم البيـن
وتاهت خطوتي بعـدك وتاهـت بـي مساراتـي
وأنا وشلون أصور مامضى ويّاك فـي سطريـن
وست شهـور ياعمـري تغنـي فيـك أبياتـي
قضيت شهور في وصلك مضت لي كنها يوميـن
فداها سنين من عمـري وفداهـا كـل لحظاتـي
ألا ياحبـي الطاهـر أبيكـي دائـمـا تـدريـن
بأن طاريـك إذا مرْنـي رفـع لـي معنوياتـي
حياتي يابعـد عمـر القصيـد وخاطـر الغاليـن
أنا لخاطر عيونك بـس أضحـي بكـل رغباتـي
أضيع ليا طروا إسمـك ولـو جابـوه غلطانيـن
وأنا لاضعت مـن حبـك عساهـا دوم ضيعاتـي
وحبك من سكن قلبي أحسه فـي حياتـي ديـن
لأني بس مـن شوفـك أحقـق كـل طموحاتـي
ترى من قبل لاشوفـك لعبـت بحسبـة الباقيـن
ولاحـد ٍعـارف ٍقلبـي ولا يـدري بغاياتـي
قضيت الحب من قبلـك ولاأدري طريقـي ويـن
وأشوف اللي تعلق بي يضيع بصمتي واسكاتـي
وجيتي اليوم ياذوقـي ورتبتـي خفوقـي زيـن
وأنا من لمْسَتْ كفوفك رسمـت أحلـى بداياتـي​

~ يتبــــع ~

 

[خفوقي عاف دقاتة]

’



مع بعض وبصوت واحد ..~

إذا كان الفرح يرسم على وجـه الشقـي حالـه
علام الأرض ماتقوى تحمّـل مشيتـي وخْطـاي
غشى بحر الفرح صدري وخذاني اليوم في جاله
وبديت آحس ما بالكون يسكن عاشـق ٍشـرواي
رجع لي خلي الغايب بعـد مـا حـرّم وصالـه
وأنا اللي طول هجرانه جرحني وأيّس برجـواي
صحيح إنه رحل عني وترك قلبـي علـى فالـه
رحل وأتلى العهد منّه/ طلب أنساه/ وقولة: بااااي
رجع لي وخابـر ٍقلبـي يحبـه فكـل أحوالـه
رجع لي والسبب أدري صفا قلبي وطول دعـاي
وأنا كالعـاده أتناسـى قسـى طبعـه وغربالـه
عشانه بـس ماينـدم إذا حـس بكثـر شكـواي
رقص حتى القلم فرحه وسطّـر مابـدى فبالـه
وأنا اللي ربعي من اسبوع ملوا من كثر مغنـاي
تعالوا ياعشاشيـق الطـرب غنـوا لـي موالـه
أبعزف لجله أبياتي وأخلـي لـه قصيـدي نـاي
تعالـوا صفـوا بجنبـي ونوقـف كلنـا قبالـه
رجاء ًمع بعض وبصوت واحـد ردّدوا ويـاي:
هلا باللي كثـر حبّـه ينسّينـي قسـى أفعالـه
هـلا بالقلب/وعروقه/ونبضه/والنفس/والـمـاي
هلا باللي كسـب رهنـه علـى عبـدالله ونالـه
يغيب.. ولارجع يدري بأنه مـا براسـي راي؟!
هلا في تاج راس الحسن جانـي تسبقـه هالـه
من التصفيق والتصفير أحسه واسمعه باقصـاي
هلابه كثـر مـا خـلا بغيابـه حالتـي حالـه
كثر ما شارعه يشكي وأنا (تمتير) رايـح جـاي
يقولوا أصحابي ف(خلي) رجع في وضع يرثاله
وقالوا فرصه وجتني عشـان أحطـه بمخبـاي

نكـسـر الـخـاطـر ..~

علامك جيت ياقلبي وراجع خاطرَك مكسـور
أبد لاينكسر خاطرك دامـه صاحبـي جايـر
أبي تنسى مبادئنا وتتـرك طبعنـا المغـرور
وأبي هالحين ترجع له.. وقلّه يطلب ويامـر
وإذا جت عينك بعينه أبي تشهد شهادة زور
بأني مذنب ومخطي.. وقلبه ناسـي وغافـر
وقلّه لايخليني على حزنـي أبـات شهـور
لأن الموت أشوالي وأنا من طبعـي ماكابـر
ولايفكّر يقول: انسى وغيري بالبشر مذكور
لأني ماخبر غيره / قسـم بالله مـو خابـر
أحس اللي خلق زينه خلق باقي البشر ديكور
وأحس الورد لاشمه يميـل وينثنـي شاكـر
وربي هالبشر بعده هياكل والبيـوت قبـور
ولابه شي بالدنيـا يجـاري غيابـه الكافـر
حبيبي يابعد كل الحبايـب والزمـان يـدور
علامك ماتخاف الله تعال وشوفنـي وناظـر
ألا ياصاحبي القاسي بدونك هالحياة تغووور
ألا ياسبّـة جروحـي..ألا ياحظـي العاثـر
أحبك يامنى عمري وغيرك يمسك الطابـور
أحبـك يامولّعنـي وأذوب بصوتـك الخاثـر
أنا من كثر مااحبك أحس إني معك مسحـور
فديتك خلني مسحور إذا تبقى لـي الساحـر
تعااال وخذني بكيفك.. قصيد ولو تبي جمهور
فداك اللي قصدته أمس واللي بَقصِـده باكـر
لك الله وانت خابرني شجاع ولاعلي قصـور
ولكن لو وصل أمري بيدّك... آآه ياساتـر!!
دخيلك انتبه! لا..لا.. تمادى مع رجل مقهور
ترى قهر الرجال أكبر من اللي تحسب وفاكر​

المـقـــام الـســامــي ..~

ياباذخـه ف الحسـن.. ياسنيـوره
عشقك: وطن... في داخلي مترامي
يا غاية الشعـر وضفـاف بحـوره
واسمى المعاني فـي حضـور إلهامـي
يااحلى تفاصيل المسـا وحضـوره
شفتك؟؟ وضاعت حسبتي وأرقامي
ماشفت لك أشباه ف (المعمـوره)
مثلك!! فلا قد مـر فـي أحلامـي
يومك غديتـي بالجمـال اسطـوره
مـا صوّرتهـا ريشـة الرسـامـي
سبحان منهو صـوّرك هالصـوره
وسبحان يوم انْكَسْتْ لك أعلامـي
ياطاغيـة فـي الحـب يامغـروره
يا اللي قتلتـي جرأتـي واقدامـي!
الشوق ثاير فـي عروقـي ثـوره؟!
والروح دونك تعلن استسلامـي!!
كل المشاعر لـك بَنَـت مقصـوره
في وسط قلبي من ركـام حطامـي
من حسن حظي صرتـي الدكتـوره
وانتي سبايـب علتـي وآلامـي!!!
كل ما طعنتي.. قلت أنا معذوووره
حتى عشقت اسلوبك الإجرامـي!!
وكل ما نشف دمي لنزف شعـوره
اشتاقت أوراقـي لنـزف أقلامـي
يا ام الحـلا وام التـرف وغـروره
كثـر الرجـاوي زوّدت بأوهامـي
القلب بيتـك.. والأمانـي سـوره
والموت رمشك.. والأمل قدامـي!!​

قـلـــب ضــــايــع ..~

سمّ بالرحمن.. وصلي ع(النبـي)
ياالقليب اللي لعـب فيـك الغـرام
داخ راسي يالهواوي وش تبـي؟؟
البشر نامـت وعـادك ماتنـام!!
لو بداية حـب.. اسمـع مطلبـي
لاتعذبنـي... ولاتقْـرب حــرام
بعدهـا رح والقصايـد مركـبـي
لاتخاف بحـور وأمـواج المـلام
خذ علي لامن سهـرت بمكتبـي
لك أطيّرلك مـن أسرابـي حمـام
ويالعنود اللي سبت قلبـي سبـي
خافي الله طالبـك كفّـي السهـام
لك عيون ٍضيّعـت لـي مذهبـي
دوّرينـي يـوم ترخيـن اللثـام
أسألـك بالله يابـنـت اقـربـي
هـذا قلبـي وعامليـه بإحتـرام
بس..لامنّـك نويـتـي تلعـبـي
اعتقيه لوجـه ربـي.. ياحـرااام
والله إن القلـب ضايـع والغبـي
به جروح ٍتكْفي لعشريـن عـام
هذا تفكيره مثـل عقـل الصبـي
وإلا أنا وينـي ووينـك يالهيـام
وياقليبي وإن عرضْ لك أجنبـي
احتمل كل مايجي لك مـن كـلام
لي متـى دايـم يشيلـك منكبـي
وأرْفَعَك كل ماتضايق مـن زحـام
ولو عروقي تشتكي كثـر اتعبـي
والأصابع وجّهـت لـي الإتهـام
لاتغـط راسـك وراي وتختبـي
لاتجازينـي مثـل فعـل النعـام!
واجه أفعالـك ولـو مـرّه أبـي
ماتخلينـي لصيـحـات الـمـلام
وإلا تدري!! لو غدرت وخنت بي؟
لايهمك / كل شـي فينـي تمـام
الغـدر كنـه سـواة اليعـربـي
به حميه مـع علاقاتـي دوام ؟؟
يعني لو ضاقت على زود اتعبـي
وتنتظر ردة فعـل منـي وكـلام
هيّا صييييحه في ضلوعي تختبـي
ولا أقول إلا.. على الدنيا السلام!!

قـبـل أسـافـــر ..~

ليلة فراقك .. ودمعـك لمّـا بعيونـك بـدا
من لمحته قبل أسافر .. ماهنا لي مرقـدي
قلت لك :"أيام وارجع" ، والحكي ضايع سدى
لاْن - بالأيام هذي - حتى هالقلب يغـدي!!
ياوطن روحي أماااانه كفكفي هـذا النـدى
واعذريني والله إن الوضع ماهو فـي يـدي
كل شيّ ٍممكن إني أرفضه لجلك .. عَـدا..
[شايبي] لامن زهمني قلت: "أبشر يابعـدي"
انتي أكثر من عرفني ماهو من طبعي الردى
وآنا اعرْفك طووول عمرك ماتحبين الـردي
رحت.. لا قلبي.. ولا فكري.. ولا بالي هدا
رحت.. وهمومي تجر أحزان درب ٍسرمدي
المصيبه.. كثر ماني والسفـر أكبـر عِـدا
كثر ماربي كتب لي معه أجدّد موعـدي!!!​

عـيـــدك مـبــارك ..~

(عيدك مبارك) ياأجمل من سكن وجداني
كل عام ٍوانت أغلى مـن يمـر طاريّـه
كيف أنا ماعايدك ياللي غـلاك أشقانـي
كيف أبنسى؟ وانت يوميا ًتجيبه فيّـه!!
أشهد إن العيد هذا غيييير وطعمه ثانـي
يوم اشوفك فيه راجع لي مصفـي النيّـه
إنت تامرني ياعمري/ كيـف تترجانـي؟
بس أشّر لـي وأجيلـك كلـي برجليّـه
في غيابك زاد عشقي.. وكثروا خلانـي
والله العالم لو أحسـب وصّلـوا للميّـه!
كنت أبهرب من شماتة ربعي وعدوانـي
يوم تتركنـي لحالـي أصطفـق بإيديّـه
لكن الحين انت في قلبي هنـا وحدانـي
وكل هالميّه فوجـودك حاجـة ٍمنسيّـه
ياغناتي.. ياربيـع القلـب.. ياتحنانـي
اضحك وخـل الحيـاه ألوانهـا ورديّـه
لابغيت أعزف وأغني بك تطيب ألحانـي
والقصايد في وصوفـك تنكتـب عفويّـه
والله إني يوم شفتك أورقـت أغصانـي
وأزهرت في صبح عيدي (ورده سعوديّه)
لارجع خلي لحضنـي وصـار يترجانـي
مانظرته - مثل غيري - نظرة ٍدونيّـه
الكبر لله ياقلبـي وغيـر وجهـه فانـي
والله يعلم شوفتـك فـي ذاتهـا عيديـه
(عيدك مبارك).. لغيرك مانطقها لسانـي
كيف أبنطقها وغيرك مايمـر طاريّـه؟!!



ايييييه اشعليك ..~

(يابدر) حالي مثل ماتشوفها
خلني لحظات يرحم والديك
اترك لنفسي تبدّي حسوفها
ودّي آفضفض.. وأجّـل مالديك
شفت لي بنت ٍخذتني وصوفها !
من هنا مرت وانا كنت أحتريك
بنت لو جبنا اللغه وحروفها
مايوفّيها الكلام اللي يجيك!!
خارج المألوف في مألوفها
مارأت عيني لها ندّ وشريك
كن هذي الشمس فوق كتوفها
يوم طلّت.. نورها خطْر يعميك
به حدايق ورد في نفنوفها
وفي خطاويها عطور ٍتنتشيك
توقف الأنفاس حين وقوفها
وفي تثنّيها يثور الدم فيك !
كل بنت ٍما تقرّب.. خوفها
لاتضيع بلفتة ٍمن عين ذيك
وكلّ من قرّب قبل لايطوفها
ماسمعت إلا يقول: "ايييييه اشعليك"
لو تلد للناس .. من معروفها
ولو تهمّشهم.. طبيعي.. ماْيْخفيك
والرجل حتى مرتْه يعوفها
كني ادري فيه باللحظه هذيك
قال في نفسه وهمّ يلوفها:
"ماتقول اشـ معجلك الله يهديك"!!
يابدر لو شفت نقش كفوفها ؟
حاجتك ضيّعتها لو هي بيديك!
ودك إنك شي بين رفوفها
واحتمال تْطل في يوم وتبيك ؟
صدق لو يحصل كذا وتشوفها ؟
(مش حتـئـدر إنّك تغمّض عينيك)!!



الـغـــربــــــه ..~

أبد لاتسأليـن بغربتـي عـن آخـر الأخبـار
عمت عين السفر دامي أذوق المر من كاسـه!
أنا اللي بسألك قولي.. جواب بكلمتيـن صغـار
بلد من دونك (اش) يسوى بعيني؟ يابعد ناسـه
بدونك.. ما أطيق البعد لو هو بيننـا أمتـار!!
ولكن هالفراق أقـوى ولاينفـع بـه سياسـه
ترى لولا اتصالاتك.. برغم اللي يدق.. كثااااار
حشى مافيه أحد غيرك يرد لصـدري أنفاسـه
ألا ياشـوق خفـاق ٍضويتـي ظلمتـه أنـوار
وصار اليوم ينبض لك مشاعر حييييل حساسـه
تبي تدرين بفراقك معي يا الغاليه وش صـار؟؟
تبي تعرفين مجنونك وش اللي قالب ٍراسـه؟؟
لك الله عايش بحالي/ لحالي.. شاعـر ٍمنهـار
وأنا كل ما طريتي لي صرخ شعري بقرطاسـه!
يمر يومي.. ولابه غير همـي والحـزن زوار
عسى الله يرحمه حال ٍغدا هالثنيـن جلاسـه
شحن جوالي أنهيته!! أقفّل .. وافتحه أمـرار!!
قسم لولا رسايلنـا .. حبيبـك قاتلـه ياسـه!
فقدتك والدمع لامن ذكرتـك يفضـح الأسـرار
ولا أشره علـى وقـت ٍبـه الأيـام دساسـه
أسلي نفسي بكثر الأمانـي.. واليديـن قصـار
وأنام وربي العالم وش اللي خاطري حاسـه!!!
كأني من ملك أسهم يبي تضحـك لـه الأقـدار
وقدّم كل ماعنـده.. وفجـأه أعلـن إفلاسـه!!
كأني طالـب بغربـه.. تذكّـر عيلتـه والـدار
وهو كل ماذكـر أمـه! مـلا هالدمـع كراسـه
أعاني كثر ماتملـك ومالـك بالحشـى تذكـار
و(أحبك) والبلا حبـك أبـد مـا أملـك قياسـه
جعل في داخلي عرق ٍسمع بك يا الغلا ماثـار!
يموت.. و وش لي بعرق فوصالك ميت إحساسه
حياتي تسأليني عن جديدي بالشعـر وأحتـار؟
وش أكتب لك شعر وانتي غديتي اليوم نبراسه!
ولكن أوعدك شعـر ٍلاقولـه يتعـب الشعـار
متى ماشفتك وموعـد لقانـا دقـت أجراسـه
لأن مافيني أتحمّل بعـادك فـي سفـر وانهـار
عسى لايعيدها سفره.. ولو هي كانت دراسه!!!



أحـلـــى غـــــــاده ..~

يا اللي لمحتوا دمعتـي بجفونـي
مستغربين اللي حصـل ياسـاده!!
تكفون لفـراق الغضـي خلونـي
أشكي همومي محتضن لي وساده
ماعاد أبيكـم تنشـدون شلونـي
جرحي وعارف علتـه وضمـاده
إن كان بيديكـم سنـع شوفونـي
وإلا اتركونـي للحـزن واجهـاده
من يوم غابت عن سماي وكونـي
مولاة قلبـي.. غايتـه.. ومـراده
أم العيون السود / كـل جنونـي
ست السمر والبيض.. وأحلى غاده
كني عن أبواب الفـرح صدّونـي
وإلا الصبر.. كثر الرجا مافـاده!
لابو قصيد ٍيرتضي لـي هونـي
يشكي من الحظ الردي وعنـاده!
قولوا لها شاللي حصـل؟ دلّونـي
(أبطت) .. وخابر مالهـا بالعـاده
بعض البشـر غابـوا ولاهمونـي
والبعض يمكـن خيرتـي فابعـاده
بس المصيبه لو تصيـب ظنونـي
بغيـاب نـور وطلّـة المـيّـاده
قولوا لها والشـوق زاد شجونـي
وينك؟؟ تراني مـا أطيـق زيـاده
يا ام الغلا كلـه ونـور عيونـي
ياروووح عبدالله ونبـض فـؤاده
شوفي غيابـك يستثيـر سكونـي
والليل عينـي ماهتنـت برقـاده
ضاقت نواحي خافقـي وركونـي
من روحتك فجـأه بـدون افـاده
دفتر قصيديْ اشتاقلك من دونـي
صفحاتـه لرقـة يـدك معـتـاده
وجدي عليـك اليـوم يامظنونـي
وجـد العراقـي لا بكـى بغـداده
أقسم بـرب البيـت واتعرفونـي
وأبيـات شعـري تنتظـر هـدّاده
إن كـان عـادت والله لْتلقونـي
أقصد وألبّسهـاْ القصيـد قـلاده
والحين أبي علم ٍيكـفّ ظنونـي
منهو يجيب أخبارهـا ياسـاده؟؟
أما كـذا .. وإلا ابعـدوا خلونـي
أرجع لحضن وسادتـي كالعـاده!!







~ يتبـــع ~

 

[خفوقي عاف دقاتة]

’


•● مقتطفـآت من قـصـائـده فـي الـحـزن ●•


خــذلـنــــــي ..~

دخيـل الله ياقلبـي أنـا طالـبـك تعفيـنـي
أنا طالبـك تنسااااانـي ولـو مـره تخلينـي
أعيش بدنيتي وأهنا مثل باقي البشـر سالـي
بدون الحب ياقلبـي وبـدون همـوم تكوينـي
أنا ماعـاد فينـي روح تبيهـا تتبعـك ثانـي
انا فيني جسد باقي بـدون شعـور يحوينـي
على كثر القلوب اللي هوينا ماصدق واحـد!!
ياقلبي ابتعد عنهم ترى اللـي فينـي كافينـي
زرعْت الحب فأعماقي وحصدْت جروح تاليها؟؟
وردى هالحظ خاواني ولقى كل مايبـي فينـي
كثير أحباب حبينا وعطيناهـم بـدون حسـاب
ولاخذنا سوى غدر ٍمـلا راحـات كفينـي؟؟
وكثير أسباب تجبرنـا بـلا حسوفـه نخليهـم
لأن والله مافيهـم ولا واحـد مـلا عيـنـي
ولكن أكبر الصدمات جتني مـن يديـن اللـي
حسبته غير كـل النـاس ومايعنيـه يعنينـي
هذاك اللي تصورتـه طمـوح العمـر ياقلبـي
هذاك اللي تخيلتـه هنـاي وضحكـة سنينـي
عطيته من دفا روحي قصايـد أشعلـت ليلـه
وأنا ما أكتب لغيره ولا أي شخـص يغرينـي
كتبت أحلى كلام الحب فـي عينـه ولافكـرت
يجي اليوم اللي أستخسر قصيدي في محبينـي
على مبدا (الخصوصيه) يحاول يبعد اشكوكـي
وعلى مبدا (الصراحه) كنت وكانت لعبته فيني
خذلني للأسف والله وهدم كـل مابنـا بلحظـه
وطلع هالحب مايسوى مواطي تراب رجلينـي
أنا كنت أحسبـه أعظـم علاقاتـي ولاظنيـت
بأن أعظم علاقاتي بخيانـة حـب تنهينـي!!
ويمّي صاحبـي دايـم يذكّرنـي بوهـم حبـي
وأقول: ارتاح ياعمي ترى الله عنْك مغنينـي!
خسرت أصحاب من حولي خسرت الكل بأسبابه
ألا حسبـي عليـه الله كثـر ماهـو معنّينـي
أفااااا ياقلبي الطيب...أفـا وشلـون ترضاهـا
وأنا من صدمة ٍبالحب إلى صدمـه تودينـي
بدون عناد اسمعني ولا تفتح لـي الموضـوع
حشا لو تفتحه ثاني لأشيلـك مـن شرايينـي
خلاص الحين انساهم وأنا ماعاد فينـي حيـل
لهم رب ٍيجازيهـم .. ولـي رب ٍيجازينـي





•● مقتطفـآت من قـصـائـده فـي الــمــدح ●•


يـــابـــــوي ..~

يـارب ياعالـم بكتمـان الصـدور ومايـجـول
صفّ النوايـا فـي نفـوس ٍللحيـاة مودّعـه
يا الله وانت أعلـم بغايـة نيتـي واللـي أقـول
القلب وإن دار الزمـن تبقـى الهدايـة مطمعـه
والشعر نظمه ماهو بكيفي وأنـا شاعـر ملـول
الشعر لامن حام مع سرب الفكـر جـاوب معـه
يابوي وانت الله عطاك مـن المهابـه والقبـول
حتى القصيد ان قيل في حضرة جنابك.. ترفعـه
لا لا تحاتي.. يابعد راسي عسى عمـرك يطـول
وانت اللي من خوفك علينا / زود حرصك تتبعه
من رحمتك فينا تَعَلَّمنـا عـن الرحمـه فصـول
من قلبـك الوافـي عرفنـا كـل خيـر ٍندفعـه
ياما على الدم والقرابه تصبر وشلـت الحمـول
ياما عملـت ومـادروا لجـل القرايـب تجمعـه
من كثر ماوصيتنا بوصل الرحم ظنـت عقـول:
إن الرَحَم أولى مـن الوالـد بطيـب ومنفعـه!!
يابو الفقير اللي تضايق مالقـى بعمـره حلـول
يابو اليتيم اللي انمسح بأطـراف كمـك مدمعـه
من يجهلك يا اللي جرى طيبك كما مجرى السيول
ما يجهلك غير الجحـود اللـي ظنونـه تخدعـه
يا الحاسم اللي نعرفك ماتقبل أنصـاف الحلـول
كل ما ذكرناْ إنك ورانـا.. ناخـذ الدنيـا سعـه
يامروّض صعاب الزمن مهما الصعايب بك تحول
ماهو مثل من قال: إن طاع الزمـن.. وإلا طعـه
إنت المواقف في حضورك ماهي أقـوال وفعـول
إنت الفعل يسبق كلامـك ليـن غيـرك يسمعـه
يابوي لو ماعادتك بالطيـب والفزعـه عجـول؟
ماضـاق ديوانـك وبيبـان البيـوت مشرّعـه
ماقد خذلت انسان جاك ولا رجـع منّـك جفـول
يوم إن أغلب هالبشـر حتـى الأخـو ماينفعـه
نلت المهابه من شيوخ ٍيـوم غيـرك ماينـول
إلا انهم..؟؟ وإلا بلاش.. أسكت وغيري يطلّعـه
أدري القصايد في رجا شرواك مـا والله تطـول
مـن رُبْـع ماتفعـل يمينـك يافخرنـا ومنبعـه
كم شاعر ٍقبلي تغنـى وجـاك فأبياتـه خجـول
با الله قلي: كـم قصيـده فالـدروج موزعـه؟؟
وأدري الشهاده فيـك مجروحـه ولكنـي بقـول
إن الشواهـد فـي كلامـي ياعـرب تستشفعـه
لكن وانا ابنك مانويت أكتب وأنا شاعـر ملـول
بس الشعر لا لاح لي.. مافيه شـي ٍيردعـه!!




•● مقتطفـآت من قـصـائـده فـي الاسـلام ●•

الــعـقــل نـعـمـــــه ..~

الزمـن فـي آخـره.. واحنـا نيـام!
والفتـن فـي وقتـنـا مسترسـلـه
والله اللـي كافـل البيـت الـحـرام
دون هالعـالـم بـأمـره يكـفـلـه
و"العقل نعمه" .. ونـور ٍف الظـلام
[والعواطـف].. آخرتـهـا وَلْـوَلَـه
ديننـا راجـع مثـل بـدر التـمـام
الـبـلا بالجـيـل والـلـي مثّـلـه
يـا منـادي (للعروبـه والوئـام)!!!
منطـق .. الواقـع رفـض لايقبلـه!
العروبـه زيـف صدّقـهـا عَــوَام
ماقـروا تاريخـنـا وش بهـذلـه!!
العرب بالمصطلـح: حـرب وصـدام
ماضـي وتاريـخ اســود يحفـلـه
ليـن بالدّعـوه صـدح خيـر الأنـام
لمّهـم فـي ديـن .. ربـي كمّـلـه
ماعمـر [إسلامنـا] بــادر وقــام
مـن دعـاوي عــرق وإلا قَبْيَـلَـه
شوف (طارق) / بربري.. ذاك الهُمام
البحـر خلْـف.. وجيـوش ٍمقبـلـه
أحـرق السفْـن وخيـاره والـمـرام
ينتصـر.. وإلا الشـهـاده منـزلـه
شف (صلاح الدين) / كردي.. بالحسام
حـرر الـقـدس بعقـيـده تشعـلـه
قـادة الأمـه بقـوا رمـز ووســام
كردي وإلا بربـري؟؟ مـو مشكلـه!!
قـوة الإيمـان تـفـرض هالـكـلام
وديننـا مـاسـاد بــس بمرجـلـه
الله أكبـر يازمـن ماهـو حــرام؟!
بعـد ذاك العـز صرنـا مهـزلـه!!!
كـل مالـديـت وجـهـي بالـزحـام
أرض مسلوبـه.. ونـاس مقتّـلـه!!
أي مسلـم يرتجـي خيـر وسـلام؟؟
والخيـانـه بالـعـدو متغلـغـلـه!!
كيف هو يفـرض عليـه الإحتـرام؟؟
دام خـيّـه أول الـلـي يـخـذلـه!!
مانجـيـد إلاّ نـكـيـل الإتـهــام
والنتـايـج بالبشـايـر ممـحـلـه
مـن دعـا للجاهليـه كــل عــام
صام صام ولا لقـى قشـر بصلـه!!
القضيـه هــي عقـائـد بالتـمـام
عارفيـن أبعـاد هـذي المسألـه؟؟؟
ياعـزيـز وياحكـيـم ويـاســلام
مـن لنـا غيـرك إلهـي نسـألـه؟
ردّنـــا يـاربـنـا رد الـكــرام
لـك .. وتكفينـا زمــان ٍنجهـلـه
عجّـل بنصـر ٍلدينـك مـا يُضـام
والعبـاد اليـوم.. مـا منهـم دلـه!
من رضى بالـذل .. يبشـر بالعـدام
مامحـى التاريـخ شـئ ٍسجـلـه




•●مقتطفـآت من قـصـائـده فـي الـحيـاه الاجـتماعيـه ●•


سـبب كـتابه القصـيده
سافر أخو عبدالله الأكبر نواف للدراسة خارج المملكه
وكان كثير الإتصال على هاتفي لتخليص الأمور الخاصه فيه
وعند إحساسه بأنه أثقل علي قال: (الظاهر إني غثيتك ياخوي)!!!





نــــــــواااااف ..~

نـواف ياخـوي اتصـل
فرقاك خلتني امغبـون!!
أفرح برقمـك لاوصـل
وان غاب خيّمني سكون!
يابو شهد .. آمر وقـل
قول وعلى خيّك تمـون
ماصابنـي منّـك ملـل
ولاطرت لي هالظنـون!!
ياكيف ابزعل منْك أجـل
وانا حياتي لك تهـون؟
ياخوي بـس لاتنشغـل
آمـر وتفـداك العيـون
إنت الذي كم ليـل حـل
تسهر وتفضحك الجفون!
كم شلت عنّا من حمـل
كمّ احملت ذيك المتـون؟
ياذخرنـا وقـت الثقـل
لاصار به من يبعدون!!
مثلك فلا عمـره زعـل
تدمح خطايانـا بهـون
كبير من صغـرك تقـل
مولـود للعليـا تكـون!
يفـداك كلـي ياجـعـل
ماذوق يومك يا الحنون
والحين بشّر وش حصل؟
دام اللي مثلك يرتقـون
كيف الدراسـه يابطـل
قلي عسى ماتتعبـون!!
وانا اطلب أعدل من عدل
بعد التعب ماتخسـرون
بس انت ياخوي اتصـل
وآمر وتفـداك العيـون
واللي على اخوانه بخـل
يا الله أبد لا يكثـرون!!





•● مقتطفـآت من قـصـائـده فـي الـهـجـاء ●•

روحـي الله لايـردك ..~

لا وربّي لا حشى ماقـول روحـي بالسلامـه
إبعدي يابنـت عنـي.. روحـي الله لايـردّك
من متى مثلي تنـازل يبـدي لمثلـك ملامـه؟
والله إن قلبي وأعرفه مادرى عن جـد جـدّك
عادتـي والله خطـا غيـري أردّه بابتسامـه
لكن انتي ماسكتّـي ولاوقفتـي عنـد حـدّك!!
اسمعي من صدري المكبوت واستلمي كلامـه
صدري اللي كم شكيتي لـه غرابيـل ٍتهـدّك
صدقيني يوم صديتي عـن القلـب وغرامـه
ضعتي وضيّعتي فرصه غاليـه كانـت بيـدّك!
الغرور أكره طريقه وأرفض إسمـه واتهامـه
لكن انتي مو كفو اللـي يحتـرم رايـك وردّك
تذكرين شلون كنتـي غايـة العمـر ومرامـه
ومنهو بس اللي يفكّر أو يصيـر بيـوم نـدّك
والقصايد في لقانـا ترسـم الحـب وهيامـه
ومنيتك لو تسمعي بيتين من شعري.. تسـدّك
كان طبعك في حضورك يفرض بقلبي احترامه
وكان اسلوبي وطبعي وكـل تفكيـري يشـدّك
يوم كنتي عايشه ويّـاي فـي عـز وكرامـه
خلي صدك ينفعـك يـوم ٍتماديتـي بصـدّك
انتي الظاهـر تبيـن اللـي يبادلْـك اللئامـه
واحد ٍيضحك عليـك ومـن بَعَدْهـا يستبـدّك
واحـد ٍمايملـك بقلبـه رجولـه أو شهامـه
كل همه حاجـة ٍلامـن قضـى منهـا يهـدّك
اذكري عبـدالله لاعضيتـي ابهامـك ندامـه
واذكريني زين لاسالت دموعـك فـوق خـدّك
واخذي وقتك وابحثي في وسط هالكون وزحامه
والله ماعمرك تلاقي شخص باخلاصي يـودّك
والله إني في المحبـه ناجـح بميـة علامـه
وانتي أصلا فاشله ودرب الفشل دايـم مـردّك
فكّني الله من هواك وأحمـده جتنـي سلامـه
وانتهيتي من حياتي وانكشفتي وبـاح سـدّك
ثقـل دمـك مايعالجهـا طبيـب ولاحجامـه!!
ومخك مقفّل ويجهل من معاك ومنهو ضدّك!!!
اسمعي الزبده: ولاواحـد نبـي يكثـر كلامـه
وانتي روحي جربي غيري وشوفي اللي بودّك
بس قولـي لابكيتـي وانحرمتـي الإبتسامـه
قالها عبـدالله أول: فرصـه وكانـت بيـدّك !





•● مقتطفـآت مـع اجـمل قـصـائـده فـي اغـراض الشـعـر الاخـرى ●•


( هالشّـكل ) = ( كذا ) ..~

تضحك تقول أموت بك لاقلت كلمة (هالشّكـل)
ياحلْوَها لاقلتها.. وإلا احنـا / كلمتنـا (كـذا)
يابنت.. جوزي عن سواليف اللكاعه والهبـل
وإلا انتي مـا والله وراك إلا المشاكـل والأذا
ما كل شـي ٍتشتهينـه.. تحسبينـه ينوكـل
قولي هو اللي سابقك بالدرب هذا..وش خـذا؟
بس اتركي عنّك علاقـات الصياعـه والغـزل
وإن أشَْكلَتْ لك هالشّكل! روحي اقلبيهـا هكـذا
مانيب أنا اللي يجذبه مدحك وترتيـب الجمـل
اخذي الحكي من قاصره: لو تبعدي... ياحبـذا
مدري؟؟ و لك فتره تبين تكلمين بـأي شكـل!
نوعيتك (متعوده .. دايما ً) تحب هـذا.. و ذا
يالعنبوا اسلوبك صراحه مـا يجاريـه الخبـل
ولا يدوس الشوك غير اللي على دربـه حـذا
يمكن أفكّر أعشقـك.. إذا بقيـت بـلا عقـل
بس احتريني/ واحتري متـى تجـي كلمـة إذا
والله يا إن البنت روعتهـا بحياهـا والخجـل
والموت لا بيّن خجلهـا.. شفتهـا ورد وشـذا
هذي قصيده قلتها من زود قهري فـي عجـل
ولا بعد ودّي تطول السالفـه أكثـر ... لـذا :
والله تراني ماهضمتك .. بس / كيفي / هالشكل
وإن مافهمتي هالشكل .. ترى بلهجتكم كـذا !!

كـل هــذا حـــــب ..~

كل هذا حب؟؟ ياقلبـي حـرام!!
إرفـق بحالـي .. ترانـي منتهـي
يعني وبعدين؟؟ زبـدة هالكـلام؟؟
ودي أخلص من جروحك .. وألتهي
لعنبوا حيّك .. لعب فيك الغـرام
واللي يسمع يحسب إنك مرتهـي!
من تشوف اللـي تبـادرك الهيـام
زدت دقاتك عليّ .. وقلت: هـي!
بي جروح ٍ– ماكنه - من كمّ عام
شوفها .. وبعدين سـو ماتشتهـي
خل يبقى لي مـع النـاس احتـرام
وإلا أنا خابرك .. مبطي منتهـي!!!​

طـــواري ..~

منت عادي .. لا وربي منت عادي
.......... من عرفتك وانت دايم في علو !!
ياكثر ماشوف حولك من أيادي
.......... "انتبه" تخطفْـك منّا .. ياحلو
ياصاحبي قد شفت ناس "متنّحه"
....... بس انت مثلك؟ لا أبد مايوم شفت!!
لي بالمجالس معْـك غمز.. ونحنحه
........ وانت بغبائك خارج المعقول طفت!
شف هالبشر .. خلّـيتها مترنّحه
....... من ضحكهم.. وانت اتّـلفّت ماعرفت؟
ناس إلْعبت بالعمق .. وناس مجنّـحه
... كم لي أدافع عنك؟ .. والحين اعترفت!!
إيه بدوي.. شاعر.. وبرضو مْهندس
........... وين الغرابه بالأمر .. قولي لي؟؟
من صغري أطلع وارتقي.. ما أندس
.............. لو بيّدت روس المعالي حيلي ..

شخص عاااادي ..

لايشيل .. ولا يعادي..
هذا أنا !!
من قرْد حظي ..
لا أزال أحمل مبادي !!!
شي عاااااادي ..
ليه أصيح ؟ .. وليه أنادي ؟
والحزن من زود ضيقي ..
يختنق داخل فؤادي !!!
ياهنادي ..
لا يهمّك .. وآنا عمّك
ب ع ث ر ي هالضيق فيني
لملميـ/ـني .. حين ألمّـك..
إضحكي يانور عيني..
وقرّبي مشتاق أضمّك
طوّقي يدّيك حولي ..​

حضنك أرحب من بلادي !!!

متعود أكتب من (طهارة نيّـة)
......... لو تقصر أنظار البشر "مو ذنبي"
حبيبتـي .. يانور كل الأماكن
............ سبحان من أبدع تقاسيم رسمك!!
إيه آتغزّل.. واكتب الشعر.. لكن
............ محشومه أوصف للمخاليق جسمك!!
لاتمدح الشعّـار وأهل الساحه
......... اسكت ولاتكثّر كلام .. ورح يـااا
شعّـار.. بس أهل العقول براحه!!
............. والناس خابر بالكرامه تحيـااااا
كم واحد ٍهايط وزاد صياحه
.......... ويطلع بالآخر نسخة ٍمن (يحيـى)!!
سمّيت ياخالد ظناك بإسمي
................ تيمنا ًفيني!! .. ولاهي لله !
تبغى التمايم مالها من قِـسمي
.............. ماظنتي تفرح بها .. لا والله !!
وإذا على اسمي خذ بياني الرسمي:
.............. " تبطون ماجبتوا مثل عبدالله "

الـجــرح أرحـــم ..~

اللي بقى لـي مـع الأيـام .. وفّيتـه
والضيق لـو ينهمـر تشربْـه وديانـي
ماهي كبيـره علـي والحـزن غنيتـه
وْلاهـي غريبـه إذا وقتـي تحـدانـي
الخوف -يا من نبشت القلب وادميته-
لاعشت زهرة شبابك وانت وحدانـي!!
كم جرح خذْته من الأحباب.. ضمّيتـه
وجروح قلبـي زكـاة لْحُـبّّ خِلاّنـي
مطعون؟ عاااادي ،، جفا الأقراب؟ داويته
تعبان؟ مبطي ،، ردى هالحظ؟ خاوانـي
صدمه؟ بسيطه ،، هَوان الحال؟ مرّيتـه
مقرود؟ أدري ،، وإذا حرمان؟ عدّانـي
ما فاح هـمّ ٍلـك الله مـا تقهويتـه
ما مـرّ حـزن ٍبغيـري مـا تبلاّنـي!
ياما ويامـا مـن الخـذلان .. عديتـه
إلا بصاحبْ .. بعد عِشـره تناسانـي!!
أزريت لأنسـى غيابـه ليـن ناديتـه
والمـوت لامـن تجاهلنـي وجافـانـي
وينه يجينـي .. وكـل عْتـاب كنّيتـه
ياليت يدري بعد فرقـاه وش جانـي!!
من كنت طفل ٍوانا أرجـاه فـي بيتـه
شيّبت.. واثره على هالحـال خلانـي!
حتى جنـاح العَتَـب لرضـاه ذليتـه
ماطِرْت بعده فـرح مـن ذلّ جنحانـي
يا قلب صبرك .. ترى كل شيّ سويتـه
ما كان أفضل من اللي كـان بإمكانـي
لو بيّ قـوه علـى الهجـران؟ خليتـه
لو بـيّ ذره مـن النكـران؟ يفدااانـي
الجرح أرحم .. إذا يرجع مـن أغليتـه
مجروح؟ فِدوه .. ولكن صعب وحداني!​

•● الخاتمة ●•

أتمنى أن يكون الشاعر قد حاز على رضاءكم التام ونال إعجابكم
مما راق لي كثيرآ وحبيت صدق آحساسه ..

دمتم /بخير ..

 

[الوايلية]

صح لسان الشاعر / عبدالله الظفيري

وصح منقولج

وتسلم يمناااااااج

أشهد بالله إنه شاعر

لا هنتي يالغلا

تقبلي مروري​

 

[الزين نجدي والدلع شرقاوي]

..

هالشاعر عرفته من بعد شاعر المليون كانت قصيدته موجعه ورهيبه
بس فعلا الحين يوم قريتله كل قصايده تهببببل

خوخو دايم اختاراتك ذوق ونايس فديتك :tek:

..

 

[قايد الريم]

دائمـــــــــــــــا
مبدعه..
تسلم يمينك يالغاليه
على القصايد الآكثر من رائعه&&&...​

 

[الكادي84]

يـــــعطيك ألـــــــــــــــــــف عــــــــــــــــافية

عـــــــــلى القصـــــــــــــايد الحــــــــــــــــلوة

والاكثـــــــــر مـــــــــــن روعـــــــــــــــــــة

*****


:hjy5jewf::hjy5jewf::hjy5jewf​

:

 

[{ سُـgد إلعَيـُـgن ..!]

...


/


.



عبـداللـه الظفيـري ...

بـقـدر مآ لآمستنـي كلمـآته
بـقـدر مآ أوجعنـي بعضهـآ
[.. السكـوت في حـرم الجمـآل .. جمـآل .. ]

/



خفـوقـي عـآف دقآته

،
،

أتلهـف لـ موآضيعـك دآئمـآ
فـ / هـي ترتقـي بـ الذآئقـه إلـى قـمم إلجبـآل ..
وتعـآنقين السحـآب بهـآ ..،
لـ قلبـك بـآقآت من الـورد ..
وانـآ أجـزم أنهـآ لـن توفيـك ..

.


\


...

 

[عالية الصيت]

يعطيكـ العااافيــهـ ..

ولاهنتــــي على اختيــأأأأأر القصـأأأيـد الروعــــهـ ..

تقـلـبـي مـروري ..

 

[خفوقي عاف دقاتة]

صح لسان الشاعر / عبدالله الظفيري

وصح منقولج

وتسلم يمناااااااج

أشهد بالله إنه شاعر

لا هنتي يالغلا

تقبلي مروري​

لاهآن غاليك ياقلبي نورتي وعطرتي المتصفح
بمرورك العطـــر

 

[غ ـــّـــلاَِ RoOo7i.. }]

رووووووووووووعه وابدااااااااااع
مميزه بختيارك يالغلآ
يعطيك مليون الف عافيه حبيبتي
بنتظآأإر جديدك دوماُ
ماننحرم منك يآأرب
تقبلي مروري المتواضع بمتصفحك ..~

 

[شـبـيـه الـريـح]

روعـــــــه روعــــــه
وإنـتـــي اللـــي أسرتينــــا بعـــذوبــــة احساســــج

 

[الراسيـــه...}]

الصراحـــــــــــــــــــهـ

والله والله انه اكثر شاعر دش مزاجي باسلوبه وعذوبه قصايده
شــــــــاعر راقي بمستواه العالي:ggdw:
وربي عن جد شاعر رااااااااائـــــــــــــع وبعجز عن مدحه
كل قصيده من قصايده تزيد من قيمته الشعريه​

ياناس اسلوب وكلامات صخـــــر من قوتها والله


()()()()()()** عــــــــســـــى ماننحــــــرم من قصايدة **()()()()()()

 

[جنون العاطفه]

شااعر يتحدى الاحساس باحساسه !!
اكثر من قصيده شدتني واكثر من قصيده استهوتني !!
مبدع هذاا الانسان الراااقي بجمال كلماته

خفووقي لاشك بأأن من يأأتي بالجمال والاحسااس لابد بان قلبه ينبض باجمل نبضاات للحب والحس الراااقي !!
تخونني الكلماات عند متصفحك !!
لكن !! لاهنتي ولاعدمنا حضوورك

 

[ظفيريه وبس]

شـآعر متميــز فعلاً بإحساســه الرآآآقي
آآلف شكــر لج خفوقي ولآهنـتـي ، قصآيد بمـنتهـى إلروعــه



​

 

[ابوس ترابج ياكويت]

,

,

الظفيري ..

شاعر اعجبني كل حرف نقشه .. حروف خطتها يداه و طرقت باب قلبي و دخلت دون استأذان


خفوقي ..

عضوه تشدني مواضيعــ/ـج
اتـطوق في معرفه جديــدج


تعجبني ذآئقتــ/ـج الشعريـــه


دمتــي ودآم ابــدآعـــ/ـج

,

,​

 

[خفوقي عاف دقاتة]

..

هالشاعر عرفته من بعد شاعر المليون كانت قصيدته موجعه ورهيبه
بس فعلا الحين يوم قريتله كل قصايده تهببببل

خوخو دايم اختاراتك ذوق ونايس فديتك :tek:

..

فديت ذا النك مرورك اسعدني اكثير لاعدمته
عطرتي المتصفح بتواجدك العذب

 

[فقدتك يانور عيني]

عجيب هالشاعر

تصدقين من اليوم اسمع قصايده واقراهم ماشفت موضوووعج


يعطيج العافيه ياقلبي

 

[خفوقي عاف دقاتة]

دائمـــــــــــــــا
مبدعه..
تسلم يمينك يالغاليه
على القصايد الآكثر من رائعه&&&...​

مرحبابك ياقلبي مرورك عطر المتصفح
افدى ذا النك لاعدمته

 

[خفوقي عاف دقاتة]

يـــــعطيك ألـــــــــــــــــــف عــــــــــــــــافية

عـــــــــلى القصـــــــــــــايد الحــــــــــــــــلوة

والاكثـــــــــر مـــــــــــن روعـــــــــــــــــــة

*****


:hjy5jewf::hjy5jewf::hjy5jewf​

:

يسلملي هالمرور لاعدمته منورة يا الغلا