تجمع امهات العالمية الامريكية

[mr000]

باجر من النجمه آنا بالمدرسه والله مادري أحس أني ضايعه هذا عيب النقل من مدرسه لي مدرسه ياريتني دخلته العالميه من الأول! دزيت أيميل لمدرسته الرياضيات تقوليDon"t worry وأنه مايحتاج يراجع اللي درسه من أول السنه! وبعدين هو أساسا عنده أمتحانات هالشهر كله يعني يالله يدرس دروسه!! اليوم بالأفنيوز الصبح يهال الكي جي من البيان يايبينهم يلعبون في ماجيك بلانيت يحليلهم يهبلون وتعامل المدرسات وايد حلو معاهم أن شاء الله عيالكم يدشون المدرسه سنه اليايه وتشوفونهم مستانسين!!

 

[ReeMaN]

الله يعينج مروو ويسهل امورج يارب .... اى دايما جذي كل مدرسه يديده عليج يبيلج سنه كامله يالله تفهمين نظامهم .... مع ان صغير على الدراسه يوميا .... انشالله يودوونه رحله عن قريب ويستانس يغير جوووووووووووو

 

[سمبوسه2]

ماعليه الله كريم

 

[mr000]

سلام بنات اشلونكم بس توضيح لمن يهمه الأمر واللي عيالهم صغار بعدهم لاتعورون راسكم بالموضوع بس زيادة معلومات للمستقبل بالنسبه للأختبارات هذي لتحديد مستويات الطلبه علشان يوزعونهم السنه اليايه في مجموعات حسب مستواهم بالانجليزي والرياضيات والعلوم يعني أكيد مو كل المرحله نفس المستوى فيراعون الفروق هذي ويحطون لهم المدرسين المناسبين والمناهج والواجبات اللي تناسب مستوى كل صف! هذا على حسب كلام الأخصائي ماريو! أما بالنسبه أشلون يتحدد منو ناجح ومنو راسب لاسمح الله نهاية السنه فهذا بناء على معدل الطالب من مجموع درجاته طول الفصل!!! الله يوفقهم كلهم يارب

 

[ReeMaN]

هلا والله مروو شخبارج اهم شي انج تطمنتى على طريقة امتحانات ولدج .... ومشكوووره عالتعلووومه ياعزيزه الغاليه وبالنسبه للمستويات يعنى كل طالب وذكائه...

 

[ReeMaN]

وينكم صديقاتي ؟؟؟ شخبارج فوز ؟ رحتي اخذتي اليونيفورم ؟جنى خابره بتروحين هالشهر

 

[ReeMaN]

قوووه حبيباتي شخباركم بصراحه مضيقين خلقي امهات هالتجمع :0bee2e8d89: شجعتونى اسوي تجمع امهات العالميه ومحد مشاركنا التجمع غير مروو حبيبتى متقصر معانا بالاسئله شنو هذا ؟؟؟؟ لا لا لا لا لا مايصير جذي ماااااااااااااااااااااايصير :flower: يالله خليكم خوش امهات وشاركونا التجمع والا ترا بسكرها :rerrerek: شسوي فيكم ماتيوون الا بالعين الحمراااا :eh_s(14):

 

[mr000]

سلام أشلونكم أمهات شخباركم !!!! صخه ماكو أخبار!!! بس طمنونا عليكم!!! ريمان عذريهم تجمعنا وعليه نصهم يتنسون واللي بتولد الله يسهل عليهم أن شاءالله ويرزقهم الذريه الصالحه يارب علشان يكثرون يهال العالميه!!كراميلا شكلج تتنسين فينا!!فوز وينج عساج بخير؟ ليالي شخبارج حلم الطفوله ملكة بيتها نواري قمر باقي البنات وينكم عيزت وآنا أدوركم بعد وين سارا من زمان مختفيه!!كلكم سجلناكم غياب بدون عذر روحي ييبوا طبيات لو سمحتوا!!!

 

[ReeMaN]

هههه اى والله انشالله يكثرون من عيالهم بالعالميه نبي عيال عالميين خبيرين بكل شي .. بس هم مالهم عذر على هالغياب يبيلهم نفضه اشوي هالامهات :eh_s(14): لالالالا زم اشوف شسالفتكم ... الله يخليج مرووو وخري عن طريجي هديني عليهم لالالالالالالالا مااسامحكم لو شنوووو ....

راح اعطيكم مهله الى السبت ان مارديتو حلوين مثل قبل وتشاركون ترا باخذ عباتي وبطلع من هالتجمع ماراح اتشوفون رقعة مشاركتى بهالتجمع :0bee2e8d89:

 

[mr000]

صلي عالنبي صلي عالنبي ريمان ديري بالج لااتعرجبين وانتي طالعه حمقانه! زين جذي خليتوها عصبت يالله عاد ألحين تعالوا راضوها!! والله ريمان شكل الخوات لاهين بالأنتخابات تلاقينهم ألحين كل وحده ساطره بندوه وكاشخه واحنا بس اللي قاعدين بالبيت!لاوالله توني راده من المارينا ماكنت قاعده طول الوقت بالبيت!! خلاص ننطر لي السبت ونشوف تاليتها مع مامات العالميه!!

 

[caramella]

السلام عليكم
إشدعوه ريمان طولي بالج علينا إشوي
موجودة والله بس لاهيه ويا إختي إشوي تعبانه مسويه عمليه فا أروح لها صبح وعصر لي بالليل فيا دوب أرجع و أنام
لا والله مروو مو متنسيه فيكم متنسيه بخدامتي الغبيه الله يقطعها علت جبدي هذي بروحها مصيبه عالأرض إستغفر الله
وولدي مو متقبلها و إشوتها جان ما تحط حرتها فيه الله يستر
يالله تعجل وصول اليديدة وإنشالله يا رب تبرد جبدي عقب ما علت جبدي هذي

 

[Fouz]

سلامااااااااااات فوز ماتشوفين شر والله آنا قاعده أقول البنات مادري وينهم هاليومين الدوانيه خاليه ماكو ألا آنا وريمان وليالي نحوس بروحنا! الله لايحرمنا من طلتكم لو كل يوم 5 دقايق بس خل نتطمن عليكم

الشر ماييج حبيبتي مرو، تسلمين يالغالية

الف سلامات يالغاليه فوز ماتشوفين شر ... من تقلبات الجو مو مستقر هالايام حر رطوبه غبار واحنا حيل بالتكيف بارد حار

الله يسلمج حبيبتي ريمان ، صاجة والله الجو ما يساعد كلش

السلام عليكم أمهاتي
شخباركم شمسوين
سلامات فوز حبيبتي ما تشوفين شر
شي شي اللي ياني الأسبوع اللي فات من أقوم من الفراش تلف الدنيا فيني ما فيني توازن كلش
ما كنت أدش النت لأن النت كان مفصول ومالي خلق أدفع له عاد يالله اليوم دفعت له

هلا و غلا كاراميلا، مشكورة و ما تشوفين شر ان شاءالله

 

[Fouz]

وينكم صديقاتي ؟؟؟ شخبارج فوز ؟ رحتي اخذتي اليونيفورم ؟جنى خابره بتروحين هالشهر

انا هناااااااااااااا يا ريمان الحمقانة احين اعطيج تقرير اليونيفورم و لا تيبين طاري عباتج مرة ثانية

سلام أشلونكم أمهات شخباركم !!!! صخه ماكو أخبار!!! بس طمنونا عليكم!!! ريمان عذريهم تجمعنا وعليه نصهم يتنسون واللي بتولد الله يسهل عليهم أن شاءالله ويرزقهم الذريه الصالحه يارب علشان يكثرون يهال العالميه!!كراميلا شكلج تتنسين فينا!!فوز وينج عساج بخير؟ !كلكم سجلناكم غياب بدون عذر روحي ييبوا طبيات لو سمحتوا!!!

مشكورة يا مرو على حرصج ، اللي ماعنده طبية شكثر تخصمون؟؟ ماكو سماح؟؟؟

كاراميلا عاش من شافج ، و الله يعينج على اللي عندج و ان شاءالله تتسهل أمورج عن قريب

 

[Fouz]

اليوم الله يسلمكم رحت المدرسة و سلمتهم الملف الصحي و مريت مخزن الملابس و شريت حق الحلوة و اليكم هذا التقرير، استقبلتني شميم تاج مادري مشموم تاج المهم اهي هندية مسئولة عن الملابس بس حبوبة و بالها طويل، اخذت حق الحلوة قميص و تي شيرت و يونيفورم و تنورة و دلاقات علشان ما اتوهق بالقياس لانهم مع الاسف مقاساتهم 2،4 ،6 فمثلا 2 كان حده حده و 3 مخبخب جنه مو مالها علشان جذي ما كثرت قمصان قلت على بداية السنة ان شاءالله اشوف المقاس المضبوط،، تبون تشوفون؟؟ يالله اوريكم

اليونيفورم


تي شيرت


التنورة مع التي شيرت

القميص ما فتحته

الدلاقات

وهذي الفاتورة

 

[Fouz]

و لكن بما ان الامهات الجديدات ما يبون ملابس البنات فما نسيتكم بس اخلص غداي انزل باجي الصور



ريماااااااااااااااااااااااااااااااان لما الحين معصبة؟؟؟

 

[mr000]

سلام أمهات اشلونكم بس حبيت أخبركم اليوم مع الريبورت وزعوا عالطلبه أوراق عن الكتب الصيفيه يعني كتب يشتريها الطالب من المدرسه حق عطلة الصيف علشان تنمي مهاراته بالانجليزي والرياضيات والقراءه والكتابه أسمهاsummer bridge activities وهي تبتدي من الكي جي1 الى غريد 8 وسعر مجموعة الكتب ب5 دنانير وفي الورقه جزء نكتبه عن اسم الطالب وصفه وأي صف يروح ونسلم الورقه للأداره مع ال5 دنانير وراح يسلمونهم الكتب قبل نهاية الدراسه وبعدين في بداية شهر أغسطس لما تفتح المدرسه انسلم الكتب للمدرسه لأن الظاهر فيها تمارين يحلها الطالب طبعا كل واحد حسب عمره ومرحلته! فأذا عيالكم رايحين الكي جي أو في أحد بينتقل العالميه السنه اليايه بأي صف من الكي جي لي ال8 سألوا الأداره علشان تطلبون لهم كتب ترى آخرموعد الخميس الياي!!

 

[mr000]

ياحلات ملابس الصغار تهبل عليها بالعافيه! طبعا أسعار الكبار موجذي يعني بنطلون المدرسه ب10 وملابس الرياضه سعر البلوزه غير سعر البنطلون وكل قطعة ب6 والله مومتأكده بس اللي أذكره أنه الفاتوره طلعت ب82 دينار لأني شريت شتوي وصيفي بنفس الوقت حتى ملابس الرياضه اللي لي ألحين مالبس منهم شي لأنه جدوله فيه شهرين بس رياضه شهر 4 و5 وقام ولدي بسلامته وغير الجدول طلب من الأخصائي يحطله رسم أو موسيقى بدل الرياضه لأنه ماله خلق يبدل هدومه بالمدرسه يخاف يتأخر عالدرس اللي وراه وممنوع يروح الصف بلبس الرياضه! بس ماأشوفج شاريتلها ملابس رياضه والا الكي جي مايلبسون رياضه؟ بس زين ماكثرتي ملابس من ألحين لحد يسوي نفس غلطتي!

 

[Fouz]

أهلين مرو، تصدقين اليوم قالولي انها ما تحتاج كتب حق الصيف، قالت بس اللي بيروحون كي جي تو، اما اللي توهم داشين كي جي 1 ما يحتاجون، و هم سألت قالولي ماكو ملابس رياضة حق كي جي 1 يبتدون من كي جي 2
انا ما كثرت ملابس قلت اخذ لي قطعتين و لاحقة اذا بغيت زيادة الستور موجود و حتى السبت يفتحون، بس انا ما بغيت اتأخر الى بداية السنة اخاف ما يمديني و اكيد راح تصير زحمة فعلى الاقل عندها شي تلبسه على ما تخف الزحمة

 

[Fouz]

يالله دور الصبيان و عذروني التصوير مو زود مع العيلة مع ان اللبس يصلح حق البنات بعد
هذا الشورت

ثري كوارتر

البنطلون

جاكيتات الشتا،، شرايكم فيني و انا مخليتها تمسك البلوزة حق التصوير

 

[Fouz]

الدلاقات قصار و طوال

تريننغ سوت

بلوزة رياضة

شورت رياضة

وسلامتكم