عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

[الصابرة المحتسبة]

السلام عليكم
وسلام على ديرتنا الحبيبة

 

[الصابرة المحتسبة]

انشدك عن بنت حقروهــا باسمــها العربــان
واهي تشرب ولا تاكل ضعيفه جسم ياخواني
انتاج البنت ياربعي يباع بغــــــالي الاثــماان
يجوز لبعض ناس ولا يجوز لعــالم ثــا نـــــــي
منو الشاطرة اللي تعرفه؟؟؟؟

 

[الصابرة المحتسبة]

محد عرف؟؟؟؟؟

 

[orangeya]

انشدك عن بنت حقروهــا باسمــها العربــان
واهي تشرب ولا تاكل ضعيفه جسم ياخواني
انتاج البنت ياربعي يباع بغــــــالي الاثــماان
يجوز لبعض ناس ولا يجوز لعــالم ثــا نـــــــي
منو الشاطرة اللي تعرفه؟؟؟؟

اهليييييين صبربر

الحل دودة القز؟ @@

انتاجها حرير والحرير غالي..

يجوز لبعض ناس (الحريم) ولايجوز لعالم ثاني (مايجوز للرياييل)


بس للأمانة غشيت الاجابة من النت :tomato2:

 

[الصابرة المحتسبة]

عفية عليج اورنجية
الإعتراف بالحق فضيلة
يلا بزهبلكم غطاية ثانية

 

[جاي الضحى]

الله بالخير كويتيات؛

عساكم بخير؟

صبربر شلونج يالغاليه؟ أما حجي الشايب عجبه. لايم الامثال كلها بسالفه وحده. قعدت اقرى وأضحك.

أفنديااا شخبارج عسولتنا؟ إيه طلعتي شيخه سمله عليج. عن الديباج لايكون تقصدين "الكولت" Quilt مال الانقليز?!


سوسو الله يسهل عليج ويقومج بالسلامة. نحب مشاركاتج الله الشاهد.

حيادر الله يا دنيا صفيتي على شايب!!!

اوبرا حياج اختي.

صبربر ترانا نتريا الغطايه الثانيه.​

 

[الصابرة المحتسبة]

هلا وغلا بجاي الضحى شلونج يالغاليه؟

 

[الصابرة المحتسبة]

أصله من الطين ، و يعشي المساكين .

 

[جاي الضحى]

أصله من الطين ، و يعشي المساكين .

هلا وغلا صبربر؛
أنا بخير الحمد الله عساج انتي بخير وعافية.

ممم. أكل رخييص وأصله من طيييين. أول ما قريت الغطايه طرى علي الطحين. من أصل كلمه طين. <<< يعني فلته :O_SHH_:

ما عرفته الحل! :eh_s(1): شنهو يا ترى؟! :eh_s(10):​

​

 

[الصابرة المحتسبة]

ليلحين محد عرف؟؟؟

 

[ســولا]

صراحة موضوعج وايد حلو ذكرنا بحجيات قبل
اتذكر اول كاونوا يغنون على عبد الله

(( يا عبد الله يا خوية قوم شوف السالمية وش لباس الطالبات مثل لبس الاجنبية
يا بخت منهو تربع عندهم وقت اضحوية ))

 

[غموض انثى]

صبااااااااااااااااحووو كويتيات
انا جدتي اول كانت تقولي اذا عصبت علي
>>يامال التراب اللي تربج<< هههههههههههههههه
والثانيه>> يويلي غد طفيت النار <<هههههههههههههههههههاي واهنيكم اذا عرفتوا معانيهم ههههه

 

[الصابرة المحتسبة]

حياكم الله خواتي وكلام أول له طعم خاص ماينسي

 

[الصابرة المحتسبة]

لي لحين ماعرفتوا اللغز؟؟؟؟؟؟؟؟؟؟؟؟

 

[جاي الضحى]

يا حيا الله سولا وغموض انثى. صج حجي الاولين ملحن. اللحن منه وفيه. يطرب.

أفاااا لا الحين محد عرف لغز صبربر؟

فكرو يا بنيات ويحريماات. والجائزه ديرم لون يدش الخاطر. ههه. لا صج محد عرفه؟!!

أصله من الطين ، و يعشي المساكين. شنهووو؟ .​

 

[الصابرة المحتسبة]

حلوة الجائزة بس واللي يعافيج ياجاي بغيته ديرم حار علشان يصبغ بسرعة

 

[الصابرة المحتسبة]

جاي الضحى يالغالية عازمتج على هالموضوع وقري بين الصفحات لاتخلين شي وعطيني رايج: اخذو اللحم وخلو العظم&&&&&&& (http://www.q8yat.net/showthread.php?t=283922)

 

[sindrella]

يعطيج ألف عافيه على هالموضوع المميز جاي


ولغز الصابره خليني أفكر فيه و أرجع لكم

 

[زااراا]

ههههههههه

حلو الموضوع


قبل كانوا يقولون أهل فيلجا ما يشوفون

معناتها ماي يشوفون ( ماء باللغة ) مو ما يشوفون ههههه وعليااا

يعني الماي دار ما دارهم .. جزيرة بعد





تسلمين

 

[الصابرة المحتسبة]

اللغز حله اهو(الفقع)