يومياتي مع معهد الشفاء الصيني ..حياج وشاركيني التجربه

[عميمة]

ام خالد عيل ادعي لي بطريجج اضعف واتزوج :$

 

[فـرفـر]

اهليييييين بعد قلبي


لا افاا عليج مانسيتج ولو

اي طايحتله تحورف بعمرج ها قسم البشره والشعر والازياء هههههههههههههههه


انشالله ياارب ماتخلص هالسنه الا وانتي أملجه وانصير كلنا عرايس 2010

ترا دعوتي مستجابه وراح تتذكرين كلامي وبتشووفين

> تشققت :eh_s(22):

حبيبتي والله

ان شاء الله اجي عرسج وارقص لين اقول بس ::eh_s(6):

فديتج والله ممنتدي كويتياات يخلي الواحد يهتم بكل شي الله يجزااهم خير حركوا فيني الانوثه والا قبل مالي خلق :×


فدييتج والله يا ام خلووودي









عميمه الله يوفقج ويضعفج بصحه وعافيه ويزوجج

شوفي انا حسيت انه المسااج لم من جسمي شوي وماشد حيل بس حلاته تسوينه مع رياااضه


لاتقطعين الريااضه

 

[عميمة]

اميين وياج يارب

اي هذا هو وانا مشتركه سنه عشان متى ما فضيت اروح

بس تعرفين الجامعه وبلاويها ما يمديني ارجع اريح شوي الا صار عندي يا امتحان اجابل حق محاضرات باجر خصوصا ان الحين بدا بنتهى الكورس فيتجمعون الاشياء على روسنا

الله يعين

 

[sara al3soola]

ام خالد عيل ادعي لي بطريجج اضعف واتزوج :$

ان شاء الله ياارب بحيل اللي ما تنام عينه ماتخلص هالسنه الا وانتي ام فروحه املجين واجسامكم بيرفكت بعد

انا بما انه عميمه فتحت سيره السوالف ههههههههههههههههه يعني كلش مو انا مدرعمه وداشه اقرق :dddds:


انا الحين باديه برجيم من سافر زوجي لغايت اخر شهر 6 امبيييه بنات والله الحمدلله الله يثبتني انا حيل ملتزمه هالمره ووعدته بنيو لوك مختلف ومطيحه بقسم السمنه والنحافه ومعانا تجمع حلووو حياكم عندنا بنات والله وناسه ووسوالف وكل وحده اتشجع الثانيه

 

[sara al3soola]

انشالله بس يبطلون التجمع اليديد راح احط لكم اللنك اذا حابين اتطلون علي واتشجعوني وتشاركوني لان التجمع القديم بيتسكر اليوم اتفقنا حبايبي

 

[عميمة]

ام خالد حسسيه انج مو قادره عالرجيم او مو ملتزمه عشان اذا رجع يتفاجا ما يكون متوقعها وتصير المفاجأه مفاجأتين


والله شوفي بالنسبه للتجمعات انا عاجبتني وادخل اشوفها

وتراني بعد مسنتره في قسم النحافه وعرفته قبل هالقسم بس حسيت ان انا ما ينفع معاي وايد الا جم رجيم

لان في اشياء وايد ماحب اكلها مثل السلطات والخضار " اي شي لونه اخضر ما اكله" الا الخيار ما احبه بس استصيغه اقدر ابلعه
والاجبان بانواعه الا الحلوم والشدر اذا كان مو مبين طعمه وايد يعني في شي يغطي عليه
زيتون لبنه عسل مربى كل هالاشياء ما اكلها حتى اذا رحت لدكتور رجيم يحتار معاي يقول كل الي تحبينهم يمتن هههههههههههههه
فصرت اسوي رجيمي حسب مزاجي وحسب نفسيتي باليوم نفسه
مع ان عاجبني رجيم التمر واللبن بس قلت تو الناس عليه خليني اشد من الرياضه والمساج عشان اتحمس وابدا فيه​

 

[sara al3soola]

حبيبتي انتي غلطتي لما سويتي المساج الحين يتراولي لو ناطره شويه ليما اتطيحين جم كيلو عقب فكري بالمساج.. وفي موضوع قريته اهني بالمنتدى ان المساج لي تركتيه يرده دبل وبترهل اكبر سوري ياقلبي بس لازم اقولج اللي قريته

امبييه انا عرفت نوعج انتي صج صج مو اي رجيم يصلحج كل شي يضعف ماتاكلينه الله يعينج ياقلبي

بس تحملي اتبعي اكثر رجيم ممكن يرتاحله جسمج ومع رياضه او اذا ماعندج وقت تروحين النادي اشتري جهاز مشي فالبيت انا مسويه جذي

 

[عميمة]

عندي بالبيت جهاز بس امل ما اسوي فيه غير النادي هناك تتحمسين وتطولين

بس ميخالف انا قلت لو وصلت للوزن الي ابيه وضعفت حتى لو رجعت ماراح ارجع مثل الحين ان شاء الله

يعني تبدا مرحلة المحافظه عالوزن والمساج مثل ما قلت لج من فتره لي فتره والنادي انا ناويه جذي اخلي كل سنه اشتراك سنوي اوفر لي

وعشان متى ما رحت رحت

 

[sara al3soola]

http://www.q8yat.net/showthread.php?p=9106725#post9106725


حييااكم بنات معانا بالتجمع لو حابين تشاركونا

 

[عميمة]

اليوم 4-5-2009

ثاني يوم من بلشت مساج

ماعندي جلسه مساج ولا قدرت اروح النادي

بس رحت الصبح سويت التحليل المطلوب وما قدرت اكل الا عالساعه 11 الصبح واكلت 4 قطع توست <يوعانه صايمه اكثر من 14 ساعه وعصير اناناس مخلوط مع اعشاب البيوجي

واكلت الظهر علج التخسيس وسد نفسي

واكلت الساعه 8 بطيخ والحين بشرب شاي اعشاب معطيني اياه وبحط راسي و انام ان شاء الله

 

[sara al3soola]

علج التخسيس هذا شفت اعلانه بصيدليه عندنا بس ماانتبهت له

حبيبتي شلون طعمه اخاف مر تنصحيني اشتريه اهو بجم ؟

 

[عميمة]

طعمه نعناع تقريبا
اول ما تمصينه يصير نعناع بعدين اول ما تعلجينه يطلع طعم مر شوووي بس بعدين يرجع نعناع عادي

اهو بسبع دنانير ونص بس ترا بالنت تقدرين تطلبينه من موقع الاساسي بنص السعر تقريبا

 

[sara al3soola]

بس شنو يسوي حبيبتي لما تعلجينه

 

[عميمة]

بعد ما تعلجينه بفتره تحسين ان نفسج مسدوده عن الاكل
حتى لو الاكل جدامج ما تشتهينه

 

[@ فدك @]

والله ناويه اسوي مساج هاليومين مع الرجيم الي قاعده اسوي وياريت يفيدني

 

[عميمة]

اي سوي انا انصحج فيه

 

[soso1234]

الجلسه الوحده اضن 15 او عشره والله ماني متاكده بس انا اشتركت اشتراك شهر بـ 180 شامل التحاليل والمساج والاعشاب والشاي الي يعطوني اياه واضن بعد في نظام غذائي يسونه لج بعد ما تطلع التحاليل
وتقدرين تشتركين من غير تحليل يطلع عليج اب 160.. 15 جلسه بالشهر

بعد عمري مشكورة على التوضيح والرد

نفس تقريبا مساج كوين بس بدون نظام وتحاليل

تسلميييين حبيبتي

 

[عميمة]

يسلمج ربي

 

[عميمة]

سووري امس ما كتبت يومياتي .. رجعت من جلسة المساج وشفت باب االحاره وحطيت راسي ونمت من التعب
فماقدرت اكتب

بس بعوض اليوم ان شاء الله

امس ثالث يوم يعتبر لي

وثاني جلسة مساج لي

طبعا رحت واخذت قياساتي و وزني وطلع 71.7

وبلشنا بسم الله المساج طبعا نفس اول مره

سونا .. كريمات .. تدليك باليد وبعدين تلفني بنايلون وجهاز

بس هالمره حرصت عليها من شغله وحده

ان تركز على خصري وبطني ( المعده+الكرش) والزغاديد الي فوق

اما في زغدوده تحت الي تصير عند الحوض قلت لها لا تقربينها .. على امل يصير عندي ارداف :$

لان طبيعي جسمي مافيه لافخوذ ولا ارداف

بس هالمره عوورتني صج

فقصت فيني لين قلت بس

ماغير اعض على شفايفي وساكته واردد في بالي " الي يبي الدح ما يقول اح "

وقبل لا اطلع عطتني مشروب البيوجي

انا سمعت الكل يقول انه شاي في المنتدى بس يوم سألتها امس قالت انه عصير وفيتامينات
يعني جنه مكمل غذائي بس

وبس


وطبعا هاليوم بيني وبينكم ما اكلت شي ابد كان كله مشروبات

ماكنت متعمده هالشي بس صار صدفه وانا اساس هالجم يوم مسدوده نفسي من هم الدراسه والتفكير ومع علج التخسيس اتوقع

والله يعين على باجي الايام ويسهلهم علي

 

[Fatima]

للرفع وناطرين قياساتج