خفوقي عاف دقاتة
*عضــوة شرف في منتديات كويتيات*
العذر مكتوب لاصـار الخطـاء مقـــري
آسف على ضحكتي وآسف على احزاني
خطـاي معـذور والا غلطتـي عـــذري
و مرارة العذر فـي قلبـي وفـي لسانــي
مدري وش اللي ذكرت وضاق به صدري
مـدري وش اللـي نسيـت ولاتنسانــــي
لبست انا ثـوب لاطولـي ولا قصــري
ياطيبـه القلـب ويـن القلـب ودانـــي
سنتين من عمرها مـرت ومـن عمــري
سنتيـن احـس الزمـن فيهـا تعـدانــي
سنتين مرت حياتـي مـن ورا ظهـــري
والحب سجنـي ومسجونـي وسجانـــي
والشعر مطرود من قلبي ومـن فكـــري
سنتين ماني ب انـا مانـي باحـد ثانــي
غنيـت للنـاس والدنيـاء علـى خبـــري
والشعر في دفتـري مغـرور وانسانــي
غنيـت للحـب يـوم عيونهـا تـغــــري
يوم الوفـاء والكـلام الطيـب الحانـــي
غنيـت للدمـع يوم(ن) البكـى كـبــــري
واليوم انا اكبر من دموعـي وحرمانــي
اليوم ماعاد يمـدي اللـي جـرح يبــــري
مليـت كثـرت خطاياهـم وغفـرانــــي
مليت انا الشعر مل الشعر مـن شعــــري
مليت انا الحـب مـل الحـب وجدانــــي
و لو هي عليه عزيز النفس مـن صغــري
ماشاور القلـب فـي كرهـي لعدوانـــي
ان رحت ياكثرهـم وان جيـت ياكثــري
ضاقت بي عيونهم لـو كنـت وحدانــي
تعبت وازريـت مامليـت مـن صبـــري
ليـت الـذي راح منـي كثـر ماجانــي
احيان ودي اطيـح مـن التعــب وازري
وتشيــلنــي عـزتـي وسـلـوم جـدانـــي
الخـطا وارد وكـلن فـيه حـقـــه
وأنـت قـلب كل نبـضاته خـطايا
أستحـق الـود وإلا ما أستحـقــه
ذا نصـيبي منك ياراعي الهدايــا
أنت ياللي تهـدي الثوب وتشقــه
ما تخـاف الله وضـلوعـي عرايــا
كل جـرح مـنك دقـه فـوق دقـــه
دقـة جـروحـك مثل وشم الصبايـا
البلا أني شفت في الدنيا مشقــه
والشـقا غـيث مغاتــيره روايــا
أذكر إني قـلت دوك الما وبقـــه
وأثـرني سـقت المطيه والعطايـا
حـسبي الله كيف خـفاقـي تعقــه
تنـثر الما كـن ماحـولك ظمايـا
قـوم وق الـقلب وإلا قـم توقـــه
يامـوردنـي عـلى حـوض المنايا
يارفـيق الدرب قـلبي ضاع حقــه
وأنت ما تبـغـي مشاريه ووصايـا
ذا قـراري وأنت لو تسمح تلقــه
لا تعـذر مابـقى عـنــدي بقايـــا
هنا التقينـا بـ/ الولـه والمســرات
هنا بداية عشـق واول طريقـــه
هنا تبادلنـا المراسيـل [ نظـرات ]
هنا تعانقنا بـ/ زحـام الخليقــــه
ضمَيته وبيني وبينـه مسافـــات
ضمَيتـه بعينـي وجيتـه عشيـقــه
جيته بغيته يلم ماضاع بـ/ شتــات
جيتـه وظنَيـت العلاقـه وثيقــــه
جيته اغني لـه [ احبـك وابيــات]
وجاني بصدمه غير صدمه عتيقــه
المشكلـه ماهـي محبـه وصدمــات
المشكله هذا الزمن مـا اطيقــــه
صدق النوايا صارت بضمن الامـوات
والورد ضيَع بـ/ المحبه رحيقـــــه
والطيب بالدنيا غـدا لـه محطــات
والالماس بعيوني تـردَى بريقــــه
والحزن فيني فـاق كـل المــدارات
حتى الوساده تشكي عيـنٍ غريقـــه
يا كثر ما اهداني زماني [ سخافات ]
من بنت عم ومن قريـب ورفيقــــه
واوَكل امـري للولـي رب الآيــات
هو عالم بـ/ ضيق الصدور الغليقـــه
ياقلب لاتحزن ! وقلها : سهــالات
جاتك من احبابـك واوَل صديقــــه
اطيح مجروحه واجامل بـ/ ضحكـات
والكـل يـدري بالمشاعـر رقيقـــــه
يابنت مجروحه ؟ تعالي سلامــات
من بعد ما فيني الحزن بـل ريقــــه
أيَة سلامه اللي تجي بعد ضيقـــات
والحزن بالخافق غدا له [ حديقــه ]
هنا تسوق الرجل روحه وجيَـات
الذكرى اللـي لازمتنـي شقيقــــه
هنا تسجَـل لـي بدايـه ونهايــــات
وهنا دفنت جروح فينـي عميقـــه
هنا تبادلنـا الغـلا بـ/ ابتسامـــات
وهنا كتبت اليوم مليـون ضيقـــه
\
/
وسـلامتكـــم
