قبله الدياحين
New member
السلام عليكم ورحمة الله وبركاته
يابـوي جعلـك للبقـا والمكاسـيـب ...عمري بدونك يالذ ّرا ويش أبـي بـه
يابوي تسأل عـن شفـاك المراقيـب ...طلعـة سواتـك للنّوايـف غريـبـه
ليه المرض مايعرف الزّين والعيـب ؟...مايـدري انـك للمخاليـق هيـبـه !!
أبسألك وش به غزا وجهـك الشيـب ...والقلـب لايـع والنواظـر شحيـبـه
وش بك تحاتي لانوى الموت تغريـب ...تخشـى علينـا بالليّـالـي الكئيـبـه
خذ دلّتك واركى على مسنـد الجيـب ...وعطني شماغك بلثمـه وأحتمـي بـه
ونروّح لأرض ٍ بها العشب والطيـب ...وتسمـع كـلام ٍ يالغـلا تحتفـي بـه
يابـوي بنتـك لاانحكـى بالتّجاريـب ...كـل ٍ يشـق لهيبـه الصّيـت جيبـه
يابوي ماني مـن سـوات المخاريـب ...اللّـي تجيـب لعليَـة القـوم خيـبـه
وماني من اللّي لامشت حفّها الرّيـب ...أنـا مـن اللّـي مايـدنّـس حليـبـه
مرفوع شاني عـن غـرام المكاتيـب ...وأكبر من انّنـي أرتضـي بالحبيبـه
أنـا غرامـي لاابتـدوا بالتّراحـيـب ...نفوس الأوادم فـي وجـودي رحيبـه
وان كـان زينـي فتنـة ٍ للمصاويـب ...أحـط وجهـي بالحريـق ولهيـبـه
زيني أبيعه وأشتري سمعـه الطّيـب ...اسم ٍ ينومس بالصّـروح الـذ ّهيبـه
وان كان عندي ( بالحلا) شي ٍ اصعيب ...عنـدي جـدود ٍ مارضـت بالغليبـه
دموع القبايـل فـي لقانـا مساكيـب ...كـن المقابـر لاحضـرنـا قريـبـه
خضّبت لك كفّي من العـز تخضيـب ...ورفعـت راسـي للنّجـوم الصّعيبـه
والله لأسـدّك بالفعـول المصالـيـب ...والله لأشيلـك بالرخـا والمصيـبـه
طلع المعالـي ماانحكـم للشّواريـب ...بنت ٍ وأناطـح فـارس القـوم طيبـه
وياشيخي إبشـر لوتـدور الدّواليـب ...بنتك إلا منّه عـوى الذّيـب ( ذيبـه)
اتمنى يعجبكم اختياري
تحياتي لكم
يابـوي جعلـك للبقـا والمكاسـيـب ...عمري بدونك يالذ ّرا ويش أبـي بـه
يابوي تسأل عـن شفـاك المراقيـب ...طلعـة سواتـك للنّوايـف غريـبـه
ليه المرض مايعرف الزّين والعيـب ؟...مايـدري انـك للمخاليـق هيـبـه !!
أبسألك وش به غزا وجهـك الشيـب ...والقلـب لايـع والنواظـر شحيـبـه
وش بك تحاتي لانوى الموت تغريـب ...تخشـى علينـا بالليّـالـي الكئيـبـه
خذ دلّتك واركى على مسنـد الجيـب ...وعطني شماغك بلثمـه وأحتمـي بـه
ونروّح لأرض ٍ بها العشب والطيـب ...وتسمـع كـلام ٍ يالغـلا تحتفـي بـه
يابـوي بنتـك لاانحكـى بالتّجاريـب ...كـل ٍ يشـق لهيبـه الصّيـت جيبـه
يابوي ماني مـن سـوات المخاريـب ...اللّـي تجيـب لعليَـة القـوم خيـبـه
وماني من اللّي لامشت حفّها الرّيـب ...أنـا مـن اللّـي مايـدنّـس حليـبـه
مرفوع شاني عـن غـرام المكاتيـب ...وأكبر من انّنـي أرتضـي بالحبيبـه
أنـا غرامـي لاابتـدوا بالتّراحـيـب ...نفوس الأوادم فـي وجـودي رحيبـه
وان كـان زينـي فتنـة ٍ للمصاويـب ...أحـط وجهـي بالحريـق ولهيـبـه
زيني أبيعه وأشتري سمعـه الطّيـب ...اسم ٍ ينومس بالصّـروح الـذ ّهيبـه
وان كان عندي ( بالحلا) شي ٍ اصعيب ...عنـدي جـدود ٍ مارضـت بالغليبـه
دموع القبايـل فـي لقانـا مساكيـب ...كـن المقابـر لاحضـرنـا قريـبـه
خضّبت لك كفّي من العـز تخضيـب ...ورفعـت راسـي للنّجـوم الصّعيبـه
والله لأسـدّك بالفعـول المصالـيـب ...والله لأشيلـك بالرخـا والمصيـبـه
طلع المعالـي ماانحكـم للشّواريـب ...بنت ٍ وأناطـح فـارس القـوم طيبـه
وياشيخي إبشـر لوتـدور الدّواليـب ...بنتك إلا منّه عـوى الذّيـب ( ذيبـه)
اتمنى يعجبكم اختياري
تحياتي لكم
