أفــــــــــــــــــكار لخــــــــــــــــــــــــــبرة البحـــــــــــــــــــــــر

[alshaikha]

الله يعطيج العافيه

 

[nero]

مشكوره يالشيخه

 

[nero]

بعد اذنها عالي مستواها نقلت درسها بموضوع ثاني

الهدف : يتعرف على كلمة " بحر "

حطي منبه بالبوربوينت لما يتكون قاع بحر أو حتى بشفافية تعرضينها على الاوفر هيد لما يتعرفون على انها رسمة بحر

اسأليهم من ذهب يا أطفال إلى البحر ؟ خليهم يعبرون وناقشيهم

قوليلهم : ما رأيكم أن نذهب في رحلة إلى البحر

صفيهم طابور .. تكونين حاطه بأحد الأركان مجسم للبحر بسيط .. للاسف انا خليته بالروضة ولا جان حطيت لج صورة فكرته بسييييطة

خذي صندوق تلفزيون وقصي طرف منه يعني يصير جنه دريشة وخطيه بورق لونه أزرق من برا ومن داخل رشيه بألوان رش أزرق فاتح لزقي على قاعته قطن راشته أزرق وركبي قوقع كلها بالصوب اللي تحت

من فوق علقي بخيط صور سمك تصير كأنها تسبح بالبحر ... مادري إذا شرحي واضح عمومــًا انا باجر باخذ له صورة وأحطها هني بالمنتدي تقدرين تسوين المجسم بأي فكرة عندج من مستهلكات

انزين قوليلهم اللله أطفال ماذا نشااااهد ؟ راح يقولون بحر وراح يذكرون لج الأشياء اللي داخل ماااي محاار سمك طحالب كل هذول انتي تكونين حاط صور لهم

أطفال ماذا نفعل حينما نذهب للبحر ؟ راح يقولون نسبح .. قوليلهم يالله كلنا نقلد حركة السباااحة " حركيهم "

عززي السلوكيات .. أطفال حينما نسبح بالبحر نحرص على السباحة بقرب الشاطئ

عززي الجانب الديني والوطني ... هل يوجد بحر لدينا بالكويت ؟ من أنعم علينا بهذي النعمة " ديني " وشغلي آية الخبرة والجانب الوطني من وفر لنا الشواظئ النظيفة ؟ " الوطني "

قوليلهم أطفال سنتعرف على كلمة جديدة وعرضي الكلمة " كلمة بحر " يقولونها فردي وجماعي .. بعدين اكتبيها على اللوحة بخط كبير وخط صغير واسأليهم ما الفرق بينهم ؟ يقولونها بصوت عالي وصوت واطي

سوي مختلف ومؤتلف .. اعرضي 4 كلمات وحده فيهم بحر وثلاث بطاقات فيه نفس الكلمة من الكلمات اللي خذوها قبل مثلاً سيارة وقوليلهم يطلعون كلمة اليوم

وسوي مسابقات بالكلمة مثلاً حطي حبل غسيل فيه كلمات مختلفة ويطلعون كلمة بحر منها

ممكن تسوين تركيب كلمة " بحر " يعني تقصينها لمقاطع كل حرف بروح وهم يركبونها

 

[nero]

المعرفي يتعرف بعض الانشطه البحريه
الاجتماعي يحرص على نظافة الشاطئ
الحسي حركي يقوم بعمل مسابقات مرتبطه بالخبره


الانشطه ..(صيد السمك/.السباحه./جمع القواقع)
وطبعا هذي موجوده بدليل المعلمه

نبدا بمنبه بالبوربينت دوائر ومثلثات لين وصلنا للسمكه وسمعتهم صوت موج البحر .. بعدين كنت ملبسه طفل وزار مع القحفيه ومعاه سله خزف كانه صياد... ودش عليهم وتعرفو عليه وكان معاه اسماك بالسله

كنت حاطه بواحد من الاركان ع الارض بيئه بحريه ورق كريشه ازرق.. طحالب قواقع سمك

... وسألتهم تحبون البحر..شنو ممكن نسوي لما نروح البحر

وسمعت انواع الاجابات لدرجه ان واحد منهم قال نشرب قهوه وجاااااي خخخ يااحلااته

هني دخلت ع الانشطه الباقيه..السباجه:قلت لهم نسبح بالبحر ونلعب كره بس مانبتعد عن الشاطي ونلبس سترة النجاة وجمع القواقع: نجمع القواقع نصنع منها اشياء جميله كنت مسويه برواز ومزينته بقواقع ماتت عليه المشرفه لدرجه انها اخذته وريتهم اياه وبعدها قامو يزينو براويز صغار معطتيهم اياها وبعدها مسابقاات

الاولى حطيت سفره لونها اسود وعطيتهم طباشي قلت ارسمو شي من درسنا اليوم اللي خذينا

بعضهم رسم قواقع والثاني سمك ..الخ

المسابقه الثانيه جمع القواقع .. قسمتهم فريقين وطلعت طفلين وكل فريق يشجع الطفل اللي منه

اللي يجمع اكثر من الثاني يفوز.. وطبعا حطيت الميزان وشفت من اكثر

واخيرا صيد السمك بواسطه السناره.. االلي عند ابو ميه اللي فيها مغناطيس الكبيره مو الصغيره ..حطيت سنارتين وطفل من كل مجموعه

ومجموعه اسماك اللي يجمع اكثر يفوز


والاجتماعي كنت عارضه شفافيه منظر شاطئ نظيف والثاني في اوساخ وأأكدت عليه لانه مهم انج تأكدين عليه..


منقول

 

[زهور الجمان]

الله يعطيج العافية نيرو

 

[كبرت وراحت على]

شكرا

 

[nero]

عفون


الله يعافيكم

 

[((الجوري))]

عفيه بنات ساعدوني الموجه بدش علي وتبي تشوفني نشاط ابتكاري شنو ممكن اقدم عفيه لا تخلوني ضروري

 

[nero]

باليوم الابتكاري .. عندج اغاني البحر شكثر

ملوت شادي الخليج وسناء الخراز

استخدمي وحده منهم مع الديكورااات الي تبهر

وان شاء الله يعجبها

 

[ندوشي85]

شكراااااااااااااااااااااااا

 

[miamy]

خوش شغل

يسلموووووو

 

[مظاليم]

نيرو مشكورة بس مو راضي تفتح المنبهات معاي

 

[كلي غلاك]

خبرة البحر

السلام عليكم
اشلونكم شخباركم
يعطيكم العافية على كل شي تقدمونه
نبي مساعدتكم في خبرة البحر خاصة بالاركان والنشاطك الجماعي الصبح€

 

[عشوشه]

رد: خبرة البحر

واي أحس فجيت و حدي تعبت ألحين يالله نفكر بالتخرج مو وقت خبرات و النشاط ألحين كل شي يتقدم زين ألحين حطي حيلج بالتخرج

 

[ملاك-77]

رد: خبرة البحر

انا حطيت قصة عن البحر بموضوع عهود الحب

شوفيها على فلاش

هذا رابط الموضوع http://www.q8yat.net/showthread.php?t=356281&page=5

 

[:: عائشه بقلبي ::]

رد: خبرة البحر

السلام عليكم
اشلونكم شخباركم
يعطيكم العافية على كل شي تقدمونه
نبي مساعدتكم في خبرة البحر خاصة بالاركان والنشاطك الجماعي الصبح€

حبيبتى انت تربية عملية ؟

اذا ايه بعطيج هدية

 

[عهود الحب]

رد: خبرة البحر

كتبت رد طويل طول بنتي الصغيرونه
واخر شي طلع لي ايرور

جان اقرر ما اعيدها هههههههههههههه الظاهر في خلل

 

[الدلال]

الهدف العام لاول اسبوع: يتعرف على البيئه البحريه

انزين شنو يكون هدفي لدرسي اول يوم الخبره؟

 

[nero]

نيرو مشكورة بس مو راضي تفتح المنبهات معاي

جربي مره ثانيه المنبهات فاتحيين وتوني جربت عادي ما فيهم شي

الهدف العام لاول اسبوع: يتعرف على البيئه البحريه

انزين شنو يكون هدفي لدرسي اول يوم الخبره؟

انا حاطه اول يوم يتعرف على البيئة البحرية كهدف خاص مو عام

 

[زوووووز]

السلام عليكم شلونكم ابلات
الله يعافيكم عندي درس كلمة جزيره و احس الكلمه غثيثه علي و على الاطفال
مادري شسوي منبه ولا شقول الي عندها افكار تساعدني عفيه