متى آخذ الدرجة

[Assolah]

بنات عندي سؤال

انا تعينت معلمة على الدرجة الرابعة وبكمل 5 سنين متى اتييني الدرجة بالاقدمية ؟ هل لازم اخر تقدير امتياز علشان اتييني الدرجة ؟ انا شهادتي مو تربوية تفرق بالدرجة ؟
ويعطيها ألف عافية اللي تجاوب علي

 

[maha25]

والله ماعندي فكره انشا الله البنات يفيدونج

 

[nora ali]

بالاقدميه مفروض تاخذينها الحين عقب 5 سنين وتصيرين عالثالثه ماله شغل امتياز او لا
بس انا بسال متى تاخذين الثانييه بالاقدميه عقب جم سنه؟؟

 

[Assolah]

بالاقدميه مفروض تاخذينها الحين عقب 5 سنين وتصيرين عالثالثه ماله شغل امتياز او لا
بس انا بسال متى تاخذين الثانييه بالاقدميه عقب جم سنه؟؟

يعني بس أكمل 5 سنين تييني الدرجة ؟ حتى لو كنت مو تربوية

 

[قطة الشاشة]

حبيبتي القانون اليديد التربوية اتيلها بالاقدمية بعد 7 سنوات والغير تربوية بعد 8 سنوات لأني من فترة راجعت المنطقة قسم الشؤوون الوظيفية

 

[قلب راشد]

حبيبتي القانون اليديد التربوية اتيلها بالاقدمية بعد 7 سنوات والغير تربوية بعد 8 سنوات لأني من فترة راجعت المنطقة قسم الشؤوون الوظيفية

انا مو تربويه وتعينت ب2003 وقالوا لي 2010 تيني الدرجه :/

فسإلي بالمنطقه أفضل

وفي موضوع عن الدرجات خل ادووره واحطه لج

بررب

 

[قوطي نيدو]

انشالله البنات ما يقصرون

 

[math2020]

بالاقدمية عقب 5 سنوات على السادسة

 

[smilmoon]

انا تعين 2004 يعني هذي السنه الخامسه لي ،واخذت الدرجه الثالثة شهر 9 اللي فات ،بعد ماتميت 4 سنين
فشلون اذا لازم بعد 5 سنين ؟

 

[Assolah]

انا تعين 2004 يعني هذي السنه الخامسه لي ،واخذت الدرجه الثالثة شهر 9 اللي فات ،بعد ماتميت 4 سنين
فشلون اذا لازم بعد 5 سنين ؟

انا بعد تعيين يديد شهر 10 - 2004 يعني شهر 10 الياي اخذ الثالثة؟

 

[ضحـاوي]

الدرجه تاخذينها بعد 5 سنوات وعلى السادسه تنزل

وماله علاقه الامتياز او التربوي والغير تربوي بالدرجة بالاقدميه

ماعدا الدرجه بالاختيار تشترط الامتياز

 

[منوره حياتي]

الدرجة الثالثة كم زيادتها من غير العلاوة الدورية انا يوم جتني شهر واحد زاد راتبي بس 22 ..... 10 الدورية و12 الدرجة هل هذا معقول؟؟؟

 

[smilmoon]

الدرجه تاخذينها بعد 5 سنوات وعلى السادسه تنزل

وماله علاقه الامتياز او التربوي والغير تربوي بالدرجة بالاقدميه

ماعدا الدرجه بالاختيار تشترط الامتياز

اخت ضحاوي انا شهر 9 اللي فات اخذت الدرجه الثالثه وكانت سنوات خبرتي 4 ،فشلون اخذها

 

[smilmoon]

اخت ضحاوي انا شهر 9 اللي فات اخذت الدرجه الثالثه وكانت سنوات خبرتي 4 ،فشلون اخذها

شكلي خرتها لوووووووووووول
معلم ج غير الدرجه ،صح ؟؟

 

[بريد لولو]

تاخذينها بدايه السنه السادسه شهر يناير تبين معاج

 

[mooomooo]

مصل ماقالت ضحاوي

الدرجه مالها شغل بالتربوي او الامتياز

انا تعينت سنه 2002 ويتني الدرجه الثالثه العام

وان شاء الله اتييني الثانيه بالاختيار <---- بالاحلااااام هههههه

و

 

[ساره ستايل]

انا متعينه من 2003 شهر 3 ما ياني ولاااااشي

مع اني نشييييييييطه ومبدعه بلمدرسه من اول ما تعينت لي اليوم
(في مدرستي اللي قبل ومدرستي الحين )

بس حسبي الله ونعم الوكيل على اللي كان السبب


انشالله اذا على كلام ضحاوي .. انشالله هالسنه اخذها بالاقدمية :/

 

[Assolah]

شالسالفة شنو ماكو قانون شلون ناس تاخذ الدرجة عقب 4 سنين وناس 6 سنين ماخذوها والدرجة بالاقدمية يعني المفروض تكون على سنوات الخبرة قولولي بنات ترا احنا المدرسات أكثرنا مو عارفين القوانين ومن جذي مو قاعدين ناخذ حقوقنا

 

[اهات الصمت]

والله ماعندي علم

 

[أبلة كويتية]

حبايبي في فرق بين الدرجة وومعلم ج
معلم ج
تييلج بعد ثلاث سنوات من التعيين
أي السنة الرابعة من تعيينج وهذا إذا طبقتي شروطها الإمتياز والغياب والإجازات .. ألخ
وشنو يعني معلم ج
يعني إنتي ليما تتعينين يعينونج على معلم د والسنة الرابعة إذا طبقتي الشروط تصيرين معلم ج
وتييلج زيادة بالراتب تقريبا 15 دينار وهذي وحدة للكل التربوية والغير تربوية
وهذا خاص في وزارة التربية
واللي تحدد لج معلم ج ولا لا المنطقة التعليمية

أما الدرجة
تنقسم إلى قسمين
1- بالاقدمية وهذي تكون بعد خمس سنوات يعني السنة السادسة من التعيين
وتكون تقريبا 35 دينار ومالها شروط بس تكملين خمس سنوات مالهم شغل بالإمتياز ولا الغياب
حق للجميع تربوي وغير تربوي

2- بالإختيار وهذي تكون بعد ثلاث سنوات أي السنة الرابعة بس لها شروط الإمتياز وغيرها وما تيي لأي وحدة
لازم تطبقين شروطها (وهي شوي صعبة وما تيي بسهولة )

والدرجة هذا قانونها موحد للجميع تربوية وغير تربوية ماكو قرق
وإللي يحددلج الدرجة الوزارة قسم العلاوات
ولجميع الوزارات الدرجة قانونها واحد

أتمنى الكل فهم ألحين الفرق بين الدرجة ومعلم ج