مدمنة مكياج مثلي؟؟حياج.....متجدد

[Fiorenza]

حبيبتي ميلك شيك مشكوووورةه وماقصرتي ,,,

اليوم كنت رايحة مارينا اتريق مريت عقب فافافوم ومريت ماك الصراحة كولكشن كولور ريدي ماعجبني كلللللش وماخذيت منه اي شي !

وين سوسو مختفيه؟

عسى المانع خير يارب

 

[SeDuCTive]

بعد عمري مشكورة وايد وايد ياجميل
صج بسالج سدكتف ماك هالاسبوع اي كولكشن بينزل؟
اخاف اروح ما الاقي الا الستاند يخزني واخزه
وماعتقد اهوا الروز رومانس

هلا فيوراا .. العفو حبيبتي ما سويت شي انت تأمر يا جميييل :68_asmilies-com:
اعتقد كوليكشن ماك color ready نزل اليوم ومابي اشوفه لأنه مو ذاك الزود عاجبني
وكنت ابي حمره الشو اوركيد عن الخاطر بس مو يايبينها .. ماك وربعه حده طاف هالايام..
نطري في كوليكشنات احلى بتنزل ان شاء الله لا تستعيلين المشترى ورانا ورانا !!!!!

om-yosef
اليوم خذيت هل برونز من غيرلان terracotta
كنت محتاره بين indian bronze و orient sun
بس طلع الorient sun مخلص فخذيت الindian bronze

واااااااااو عليج بالعافيه شهالمشتريات الصاروخيه ام يويو ..
يبيله شوي برونز حق لوك الصيف وعلى خديداتج شوي من ال Indian وتصيرين WoOoW :eh_s(6):

مهندسة مكياج

حبيبتي بشمهندستنا.. ام يوسف ما قصرت كفت ووفت واذا حابه تاخذين رقمي عالخاص..
انا حاظره حبيبتي وان شاء الله تلاقين كل اللي تبينه حياتي :68_asmilies-com:

شندوخه

عليج بالعافيه الكحل بعد عمري انتي.. وناطرين تفاصيل اكثر (ساااح معاج واللا للحين :dddds
عشان اعرف اوصيج عليه واللا لأ ولج (طراره وتتشرط ) :krkrkr:

oshosh
قوووووه بنااااات شلونكم
بغيت أسأل عن حمره تصير علي برتقالي وايد منتشره عند البنات اشوفهم يحطونها تصير برتقاليه بس الدرجه العجيبه مو فاتحه تصير جنها مخلوطه برتقالي مع وردي او مادري تكون شاب لونها - ياريت تشوفولي من اي ماركه وشنو اسمها ورقمها بالضبط؟؟؟؟؟؟

هلا حبيبتي.. انا مع اختي ام يوسف اختيارها روعه جربي حمره YSL VOLUPTE رقم 14
وجربي من YSL رقم 52 خطييير اعتقد هذا اللون اللي تبينه .. وخبرينا شيصير وياج :68_asmilies-com:

milkshake

مشكوره يا عمري على مجهودج.. انتي عسل x عسل فديتج :tek:

Fiorenza
حبيبتي ميلك شيك مشكوووورةه وماقصرتي ,,,
اليوم كنت رايحة مارينا اتريق مريت عقب فافافوم ومريت ماك الصراحة كولكشن كولور ريدي ماعجبني كلللللش وماخذيت منه اي شي !
وين سوسو مختفيه؟
عسى المانع خير يارب

هلا حبيبتي فيورا.. مشكوره على سؤالج يا قمر (فقدتينيييييييييييييييييي) :wqedqw:
والله امس قعدت اكتب رد شطوووله وعلق المنتدى معاس وانمسح .. انبطت جبدي واكتأبت :rgewrg:

 

[SeDuCTive]

شلونكم بنات ..

قبل فتره قريت عن ماركه Shu Uemura ..
اهي ماركه وايد يستخدمونها بال Fashion Shows وحبيت فيها الايلاينر الكريمي..
الوانه وايد حلوه وغريبه وقريت عنه يمدحونه بال Forums انه ثابت ولونه واضح .. Enjoy it :tek:


Shu Uemura Painting Liner Collection, 2009

NOT Limited Edition
(منقول من السايت نفسه:dddds

وهذي ال Swatches ..

M = Matte, G = Glittery

وهذي فرشه يديده منزلينها .. Shu Uemura Portable Eyeliner Brush

اتمنى انه يعجبكم ويفيدكم بنفس الوقت وناطره آرائكم حبيباتي :33_1185028183:

 

[Pissy Missy]

ام يوسف ماقصرتي حبيبتي

انا ابي سرداب الشايع وابي ثياب حلوة مثل ثيابكم اللي علطول نمدحا يعني القمصان الواسعه بكم طويل للمتحجبات اشكال وارنق نشوف والله ونقول هذي ثياب الكويت او مو لازم ذي بس ثياب حلوة تلبسينها جدام الناس مو للبيت يعني واسعار معقوله وابي اروح لشارمل قالولي يم مجمع العثمان بحولي وبروح اذا كان يمه مجمع النقرة او العثمان نفسه للثياب او اروس سوق السالمية وشرق وابي صنادل او عزج الله جواتي اللي بدون كعب الناعميل هذيله مثل البالييه هههههههههه لان دايم ظهري يالمني بعد من محلات عاديه وابي اتمشى فمجمعات ومطاعم على البحر


هل اقدر اسويه هذا بيوم كامل ونص يوم؟؟

وقوليلي على احسن مكان للثياب وصنادل ومطاعم على البحر عشان يكفي في هالوقت

وعلشان ماروح كل الاماكن اللي ذكرتها بس قوليلي وين منها الافضل اني اروحه حق اكسب وقت والقى اللي ابيه فيه

وسامحيييييييييني اذا مللتج باسئلتي

اذا تبين قمصان حلوه وعمليه تحصلين في مجمع النقره ومجمع العثمان ومجمع سندس كلهم في حولي وقراب يم بعض

اذا تبين لبس ماركات اوروبيه وشوي اغلى من هل اماكن عندج مارينا مول, افنييوز, سوق شرق, الفنار

والصنادل تحصلين في السالميه جدام المرينا مول بالضبط في مكان يسمونه حوش السالميه

تحصلين فيه حميع انولع وموديلات الصنادل واسعارهم معقوله

وقتلج عن سرداب الشايع في مكياج الهنود واكسسوارات بسعر الجمله

اعتقد انج تقدرين تخلصين هل اماكن بيومين ب اذا بتيين بالويك اند راح تأذيكم الزحمه والمواقف

هذي المشكله الوحيده

المطاعم الي على البحر وايد

اذا تحبون السي فود روحوا مطعم اسمه fish market يم الابراج بالضبط

واذا تحبون الاكل الايطالي في مطعم اسمه jonny carinos على البحر اكله وايد حلو

وعندج المطاعم المعروفه مثل chilis , fridays , apple bees,

nino هم حلو وموجود على البحر

lenotre مطعم فرنسي اكله وقعدته حلوه وهم تلاقونه على البحر

وعندج مارينا مول في جزء منه اسمه marina cresent مثل مجمع المطاعم ويطل على البحر

واذا رحتوا هناك لازم تحلون في chocolate bar وجربي الpink pasta وايد لذيذه

هذا الي في بالي واي شي ثاني اتذكره راح اقولج

انشالله تستانسون وتشترين كل الي في خاطرج

واااااااااو عليج بالعافيه شهالمشتريات الصاروخيه ام يويو ..
يبيله شوي برونز حق لوك الصيف وعلى خديداتج شوي من ال Indian وتصيرين WoOoW :eh_s(6):




rgewrg:

الله يعافيج يا قلبي

 

[Pissy Missy]

سوسوه


عجيبه هل ماركه

الوانها وايد واضحه وحلوه

انا بعد شفتها في موقع نوردستورم اعتقد او سيفورا مو متأكده

جان زين ييبوون هل ماركات عندنا

مشكوره حبيبتي

 

[أم تروفه]

هلا ام يوسف ابي افضل اضاءة للوجة اللى جنها زجاج شنو افضل شى

وسمعتى عن كريم كفر دريم وايد يمدحونه يمكن بــــ 7

وكل الشكر لج

 

[Pissy Missy]

هلا ام يوسف ابي افضل اضاءة للوجة اللى جنها زجاج شنو افضل شى

وسمعتى عن كريم كفر دريم وايد يمدحونه يمكن بــــ 7

وكل الشكر لج

هلا حبيبتي

انا بالنسبه لي احب اضاءة revlon وايد اسمها skinhighlights bare it all

و ماركة نارس عندهم اضاءه حلوه اسمها albatross

ماركة bobbi brown عندهم shimmering brick هم حلوه

من benefit في اضاءه اسمها high beam هم حلوه

diamond cream من make up forever

ومن فتره قريت موضوع حق وحده نكها قطاوي قالت عن شغله من ماركة لانكوم تعطي لمعه مثل لمعة الفازلين

يصير شكلها جنها حمره بس لونها ابيض

جربي ****l من mac

اضاءة ديور حلوه وتيي لونين على وردي وعلى بني

اتمنى جاوبت على سؤالج

للأسف ما سمعت عن كفر دريم

وانشالله البنات مايقصرون بعد

 

[Pissy Missy]

قاعده احاول اكتبلج اسم الاضاءه مالت ماك بالانجليزي بس مو راضي يصير !

اسمها شل

 

[أم تروفه]

مشكورة ياعمرى ام يوسف ابى اضاءة وحدة بشرط انت استخدمتيها وحلوة ومشكوررررررة لج

 

[Pissy Missy]

مشكورة ياعمرى ام يوسف ابى اضاءة وحدة بشرط انت استخدمتيها وحلوة ومشكوررررررة لج

شوفي انا مستخدمتهم كلهم بس اذا بختار الي اكثر شي مشوا معاي وحبيتهم

diamond cream من make up forever

اضاءة revlon


اضاءة bobbi brown

انتي جربيهم قبل ماتشترينهم وشوفي اكثر وحده تعجبج

 

[أم تروفه]

كل الشكر لج ياقلبي ام يوسف بغيت اسالج اذا وحدة تعطى دورة مكياج ثقة ويكون حلو ياليت تدلينى

وماقصرتى

 

[Pissy Missy]

العفو يا قلبي

لا والله ماعرف

اذا انتي عرفتي قوليلي

 

[أم تروفه]

هلا ام يوسف بغيت اسالج شريت مسكرة لونها ازرق وايد تعجبنى هاللون بس محتارة بالرسمة العين شنو اللى يناسب المسكرة الزرقاء مع العلم لونى حنطى اذا عندج فكرة خبرينى ومشكورة

 

[Pissy Missy]

هلا ام يوسف بغيت اسالج شريت مسكرة لونها ازرق وايد تعجبنى هاللون بس محتارة بالرسمة العين شنو اللى يناسب المسكرة الزرقاء مع العلم لونى حنطى اذا عندج فكرة خبرينى ومشكورة

هلا حببتي

برايي لو بتحطين ماسكرا زرقه احلى لو يكون الميك اب ناعم بشكل عام

يعني تقدرين تحطين شادو وردي فاتح او بيج على كل الجفن

وعلى الجفن المتحرك لون ازرق فاتح واي لاينر ضعيف اسود وتمدينه لي بره

كحل ازرق داخل العين والماسكرا الزرقه

وحمره لحميه او ورديه فاتحه مع جلوس ( افضل لون nude )

شي يشبه هل صوره

 

[أوشال]

ميلك شيك وو سيدكتف يعطيكم ألف عافيه ...وباقي البنات صج ما قصرتوو يعطيكم العافيه

وومشترياتكم تييييينن ...

 

[العصيمية]

يعطيكم العافيه بنات ..,
ام يوسف الديموند كريم مالت فوريفر شلون تستخدمينها ؟

 

[*هيله]

مرحبا بنات كيفكم ؟؟؟؟؟؟؟؟؟ ماشاء الله اغراضكم حلوه والمواضيع احلى تسلم الايادي ........................ حلو الواحد يلقى بديل للشي الغالي وبنفس الجوده لكن بعضها جديد علي مثل القلوس الازرق ماعرفه ؟؟؟؟؟؟؟؟؟؟؟؟؟؟ واللي ينحط على الرموش كيف نستخدمه وكيف النتيجه ؟؟ وبالنسبه لي انا البديل عندي البودره البرونزيه والبودره اللي احطها بعد المكياج تعطي لمعه ولون حلو مثل اللي بماك (البيوتي باودر وال msf) آخذها من زهور الريف وفيه منها الوان ودرجات احلى بكثييييييييييييييييييييييييير وارخص"" للأسف ماعرف انزل الصور ولا كان حطيتها لكم ..............

 

[milkshake]

Fiorenza

حياج الله ياقلبي,,اي الكولكشن مايسوا وايد..زين سويتي ماخذتيه ..

سيدكتف

امبين من الصور الألوان واضحة ..خاصة الاسود والكحلي..يهبل صح .؟؟


أم يوسف

فديتج قاعدة تفيدين الكل ..يعطيج ألف عافية ..


نانرا

الاخت ام يوسف فديتها ماقصرت ..جربيهم وقوليلنا شلي صار وياج ..


أوشال

من ذوقج ياقلبي ماتقصرين


العصيمية

هلا حبوبة ..وينج مختفية ؟؟

هيله

اول مرة ادري ان زهزر الريف عنده مكياج ..مالي شغل ابي صور اللي يشبهون MSF ماك شوقتيني ..انزين شلون شكلهم وشنو اسم الماركة ؟؟ وايي مثل البلاشر ولا شلون ؟؟ وشنو الالوان الموجودة؟؟ آدري مايسوا عليج
الغلوس الازرق انا بعد عمري ماجربته وكنت اضحك لما اشوفه ..بس قريت في الانترنت انه لما تحطينه انعكاسه يبيض الاسنان واهو لما تحطينه مايبين ازرق شفاف فيه لمعت غليتر زرقا ..جربيه ..ألحين وايد ماركات امنزلين منه ومن القلوس الاخضر بعد ..

 

[Pissy Missy]

يعطيكم العافيه بنات ..,
ام يوسف الديموند كريم مالت فوريفر شلون تستخدمينها ؟

الله يعافيج حبيبتي

انا احط شوي بيدي (تقريبا كبر حبة البزاليا ) واوزعه على هل اماكن (على عظمة الخد وعلى الحنج والجبهه والخشم من جدام) بطريقة الطبطبه

مثل الصوره

Fiorenza

أم يوسف

فديتج قاعدة تفيدين الكل ..يعطيج ألف عافية ..


..

حبيبتي الفضل لج الي فتحتيلنه هل موضوع الروعه عشان الكل يستفيد وأولهم انا استفدت منج وايد وايد

الله يعطيج العافيه انتي وكل البنات ماتقصرون

 

[milkshake]

انتو بعد كلكم فيكم الخير والبركة وانا بعد قاعدة اتعلم منكم وايد وحبيتكم كلكم وايد مثل خواتي واكثر