شنوالشي اللى اذا رحت ماليزيا ومامريته اوشريته اكون خسرانه بليز فيدونى

[ألوان]

مرحبه شلونكم

ابي رايكم بنات بسافراذا الله اراد اخر هالاسبوع لماليزيا وبنروح ل كوالالمبور4ايام وبننغ اوجنتنج(والله نسيت بس المنطقه اللى فيهاالعاب فوق السحاب)3ايام



المهم شنو الاماكن اللى اكون خسرانه اذا مامريتهم وشنو احسن الاسواق واحسن مطاعم انامارحت شهر عسل

وهذى اول مرة نسافر مع بعض ونكون بروحنا انا وزوجى ف بصراحه ابي ابدع بالوناسه عشان نتذكرها ويمكن

من الوناسه يسفرنى مرة ثانيه


بليز لحد يبخل ابي احلى الاماكن هناك واي نسيت بعد اهم شي الهدايا ف ابي اوفر شنو ارخص مكان

اشترى في هدايا تكون مناسبه لان حدك حدك الميزانيه ونبي نستانس واي بسال شنواحلي محلات ومولات هناك عشان اختصرعلي عمرى يمكن اخلي التسوق اخريومين

 

[ركااز81]

انا بصراحه ما عمري رحت ماليزيا بس اهم شي تستانسون وتكون نفسيتج حلوة على زوجج وترا الاسواق مو كل شي لاحقه عليها خليها اخر شي يقولون في مول كبير ويضم كل شي روحيله وبس

وسالت رفيجاتي رايحين يقولون في العاصمه حديقه فراشات وزهور وطيور يم بعض خصصيلهم يوم وجذي يعني المشتريات اخر شي عشان الميزانيه ما اتخربط

 

[أ.س.م.ا.ء]

شوفي حبيبتي روحي حق ( سن وي لاجون ) واذا قدرتي باتوا هناك ليلتين ... هذا منتجع فيه فندق عجيب - تقليد فندق موجود بجنوب افريقيا - الفندق فخم ووايد حلو وفي مجمع ومدينه العاب واكوابارك ... ان شاء الله بتستانسون فيه
تروحين وتردين بالسلامة ... وان شاء الله تصير هالسفرة شهر عسل لج انت وريلج :nbvppw:

 

[ألوان]

مشكوووورين ماقصرتو حبيباتى بس اتمنى معلومات اكثر شدعوة 18وحده دشووبس ردو2 ماتوقعتكم بخيلات

 

[wonderwoman]

اكو مجمع جديد من سنتين مفتوح يخرررررع من كبره لاااااازم تروحين له كله ماركات و اشياء حلوة و غريبة بس نسيت اسمه اهو اشهر واحد في ماليزيا و مطاعمة و كوفي شوباته اتونس بتلاقين كلشي فية طقة الافنيوز و احسن
و روحي التوين تاورز twin towers سوقه حلو و كشخه .... و رحلة سعيدة و لاتنسين تاخذين البروشورات اللي بفندقكم و تسالينهم عن الاماكن السياحية و التسوقية عندهم اهم بيعطونج كل المعلومات

 

[3e6er alwrd]

قعدي ليلة اة ليلتين بمنتجع سن واي لاقون وايد حلو وروحي فندق القولدن هورس وايد حلو انا تحسفت ان محد قالي عنه بس رهييييييييييييب زوري او قعدي فيه ليله و روحي البافليون مجمع وايد حلو وتايمزسكوير وسوريا تونزتاور والله تروحين وتدرين بالسلامة

 

[umlamis]

اكو مجمع جديد من سنتين مفتوح يخرررررع من كبره لاااااازم تروحين له كله ماركات و اشياء حلوة و غريبة بس نسيت اسمه اهو اشهر واحد في ماليزيا و مطاعمة و كوفي شوباته اتونس بتلاقين كلشي فية طقة الافنيوز و احسن
و روحي التوين تاورز twin towers سوقه حلو و كشخه .... و رحلة سعيدة و لاتنسين تاخذين البروشورات اللي بفندقكم و تسالينهم عن الاماكن السياحية و التسوقية عندهم اهم بيعطونج كل المعلومات

تقصدين التايم سكوير :gr4uu:

 

[إستبرق]

مدام انتي وزوجج نصيحه روحي لنكاوي بدال بننق والله لنكاوي احلى احلى احلى تهبل الجو الرحلات نظام الفنادق كل شي حلو انا رحت لنكاوي وبننق وجنتنق وكوالا ولنكاوي احلى شي تهبل وترى جنتنق ملل مافيها شي يعني يوم واحد تروحين من الصبح وتردين المغرب ويكفي مافيها شي بس ان جوها حلو

 

[جزيلة العطا]

تبين نصيحتي اشتري جواتي وشحاطات ماركة فينشي لانها موجوده بس بماليزيا\\

اشكالها غريبه ورزه وراقيه وبنفس الوقت رخيييييييييييييييصه............تلاقين لهم فرع بمجمع بي بي بلازا بشارع العرب بكوالالمبور

والله اي احد يشوف علي جوتي من فينشي واقول له قدر السعر يقول 60 او 70

وينصدمون لما اقول 6 دنانير واقل

 

[ArEEj]

اذا انتى وزوجج روحى لنكاوي شاعريه ورومانسيه وهااااديه
اذا تحبون الازعاج والسوق الليلي والالعاب البحريه والبراشوتات والجتى سكي روحى بييانج
بالنسبة لجنتنغ ما انصحج تنامين فيها اذا كنتى بس انتى وزوجج لو معاج اطفال انصحج تنامين

المول اللى يقصدونه كبير حيل اهو بافليون وهو بشارع العرب
بالنسبة للهدايا شي رخيص عندج السوق الليلي في بييانج
وعندج السوق الصيني في كولالمبور
وفي مولات حلوة ورخيصه مثل سونغ ونغ بلازا - بي بي بلازا - تايم سكوير

 

[ألوان]

الله يخليكم لي يابعد راسي ماقصرتو اموووت فيكم مشكوووووورين

 

[un_6abe3eya]

uppppppppppppp

 

[pama girl]

عندج سن وي لاجون منتجع عجيب و يونس قعدت فيه 3 ليالي واحس يبيله اكثر مجمعهم روعه و هم مدينة المائية الاكوبارك و اجوائها حلوه


وعندج مجمعات كوالا اغلبها تونس و حلوه (ميغا مووول -بافليون-سوريا التوين تاورز-لوت تن- تايم سكوير الحلو الي فيه العاب حق اليهال من طقت ماجيك بلانت الي بالافنيو بس احلا و اكبر-



عندج بالتوين تاورز اكوابارك حلو و يونس



وبالنسبة للمطاعم اغلب المجمعات فيها واااااااااايد مطاعم حلو و فاست فووود اما اذا تبين مطاعم عربيه عند اب سوريا مطعم لبناني \ايراني

بس مو حيل قوي..وفي مطاعم عربية بشارع العرب مثل خيمة الصحراء و الطربوش والباشا ...اغلب سواق التكاسي يدلوونهم



وانشاءالله اكون افدتج

 

[روقاء]

الصراحه البنات ماقصروا كفوا ووفوا يعطيهم العافيه انت استفدتي وهم احنا استفدنا
يسلمووووووووووووووووووووووووو

 

[meen_ana]

حبوبه مليزيا روعه وايد شغلات حلوة فيه وبصراحه اسعارها وايد مناسبه بس الحين قاعد تغلى عن قبل

بس هم ارخص من لكويت يعني لمن تشترين شي ماتتحسفين عليه الانه يفرق عن سعر الكويت حتن الماركات واذا مفكرة تييبين بضاعه وتبيعين على اهلج وربعج

والدهونات وايد حلوة ورخيصه ويه البخور بسعر مو معقوله


والسوق الصيني هناك كل شي فيه بس اسعارهم وايد غلوها يعني لازم اذا تبين شي تنزلينه لي نص السعر اذا مو ربعه
وسووق لليل في شغلات روعه بعد

 

[مضيعة برقعها]

والله ما رسافرتلهاااااااااا
أدعيلي السنة اليايه أرووحلها

 

[sweetkoko]

نصيحه لايطوفج المطعم الدوار في برج كوالالمبور عجيب والمطعم الي مبني من سفينه خشبيه حده كشخه في بيننغ والعرض المميز في جنتنغ والرحلات في كوالالمبورالمميزين البتر فلاي الفراشات المضيئه شي عباره عن قارب يطوف فيج بحيره امواجها اصطناعيه والرحله مميزه السفاري الليليه الاكواريوم وبعد عندج منتزه أفاموزا عباره عن مدينه كامله بحيره وسفاري واكوابارك وغولف واحصنه ورمي وعروض كرنفال متعوب عليه وقرية كوبوي وقرية ديزني لاند وطيران شراعي وفيه فلل بمسبح خاص وفيه سكن بفندق يبيلها يوم الي يومين ممتعه جداااا واذا زرتيها يوم كامل من النهار تبعد ساعه من العاصمه كوالا وحجزي تاكسي من الفندق الي بالمنتجع لان الكرنفال يخلص 12 الليل ومافي تكاسي اامن من الفندق وتحياتي سفره موفقه انشاالله

 

[معلمة انجليزي]

vincci وبس

 

[{ ليت ظني كآن صآيب }]

فينسي يهبل دايم اخذ منه اذا رحت الخبر >> موجود بالسعوديه


وانا داشه استفيد من موضوعج لان هم اول مره اروح ماليزياااااااااااااا

 

[{ ليت ظني كآن صآيب }]

فينسي يهبل دايم اخذ منه اذا رحت الخبر >> موجود بالسعوديه


وانا داشه استفيد من موضوعج لان هم اول مره اروح ماليزياااااااااااااا