النشاط الزايد عند الأطفال

[nawwara]

عندي ولد عمره 4 ونص
بسم الله عليه حركي واااااااابد
وحتى بالمدرسة يقولون مو قادرين نسيطر عليه .
شلون أعرف اذا اهوا مصاب بالنشاط الزايد والا لأ ؟
وين اروح
أبي دكتور فاهم ومختص
ساعدوني

 

[ونة حزن]

حبيتي انا مثلج
وقبل نزلت موضوع ابي اللي جربت دكتور تكتب تجربتها
بس للاسف قليل بنات تجاوبو معي
انشاللة يفيدونا

 

[نداااوي]

يا خواتي ياحبيباتي احمدو ربكم على هالنعمة اللهم لاحسد

هذا شي طبيعي ولو ماكان كتير حركة رح يكون مريض

قولو الحمدلله وادعولهم بالهداية والهدوء واقرئو عليهم قرآن الله يحميهم ويبعد الشر عنهم يارب

أنا عندي بنتين لكن إزا شفتوهم رح تقولو الله يعينك لكن دايما أقول الحمدلله ب العالمين يكونو كثيرين حركة ولا يكونو مرضى

الله يخليلكم ولادكم يارب وولاد كل الي بالمنتدى وولاد المسلكين أجمعين

 

[الاسطورة]

والله نفس الحاله
عمري ما رحتله المدرسه
وما قالولي شيطان
حتى مرات انحرج من كثر حركته




نداوووي
الحمدلله على الصحه والعافيه
يا عمري كثره الحركه والنشاط الزايد تأثر على الدراسه والياهل ما يصير عنده تركيز
بس مرات الشي ان زاد عن حده يكون حاله مرضيه
تحتاج علاج

 

[منورة الأمورة]

عندي ولد عمره 4 ونص
بسم الله عليه حركي واااااااابد
وحتى بالمدرسة يقولون مو قادرين نسيطر عليه .
شلون أعرف اذا اهوا مصاب بالنشاط الزايد والا لأ ؟
وين اروح
أبي دكتور فاهم ومختص
ساعدوني

حبيبتي نوارة ولدج يسمونه هايبر آكتف يعني ذو النشاط الزايد لازم ماتعطينه اي شي في سكر من حلويات وكاكاو وجلي .............. الخ بعد الساعة 5 وعلى العموم مالج إلا الدكتور جاسم حاجية استشاري نفسي متخصص للاطفال تراه عجيييييييييييييييييب عن تجربه ولو تحبين تاخذين عنه فكره يحطونه ببرنامج الديوانية -الساعة 1 - على المارينا اف ام كل يوم اثنين
انشالله اكون فدتج​

 

[memy-08]

دكتور نفسي حتى تاخذين استشاره تفيدكم

 

[Emanova]

حبيبتي عندج الدكتوره فاطمه العوضي اهي اللي تفيدج موجوده في فاطمه كلينيك مقابل مطافي السالميه

في دكتوره اسمها عبير عوض هذي لا تروحين لها لان راح تحط بلاوي الدنيا في ولدج

 

[برونزية رشيقة]

روحي مركز تقويم الطفل بالسرة ...

وره الجمعية مكانهم .


وأخذي تحويل من المستوصف حق ( الطب التطوري ) بالصباح ... ونطري 5 شهور يلله إيي دورج !!!!

وراح يحللون شنو مشكلة ولدج ويعطونج نصايح ...


وعمره ترى عادي فيه حركة زايدة ...

أنا أعرف وحدة ولدها قبل جذي ألحين خف وايد :

1 - منعت عنه الحلويات والسكريات بانواعها لأن السكر يزيد النشاط عند اليهال .

2 - حطت جدول في غرفته وإذا سوه صح تحط له هابي فيس .. ويه مستانس وإذا سوه غلط تحطله ويه زعلان .. ساد فيس

وياخذ هدية إذا صار عنده 7 هابي فيس وإذا 5 يطلع طلعة .

3 - شغلته بالرياضة ... طلعي طاقته بالكرة أو بالركض أو بكاراتيه راااااااااااااااااح يتغير وايد

4 - الدعاء ثم الدعاء إن يهدي ويركد ويروح عنه هالنشاط .. لا تيأسين من رحمة الله .

5 - حبيبتي فرحي لا تضيقين خلقج .. النشاط الزايد عند الولد دليل الذكاء ولله الحمد .. عالنعمة .

 

[ونة حزن]

بنات
النشط الزائد يسبب قلة لانتباة والتركييييييز وهلشي مب زين لانة يضر الطفل ماراح ينجح بدراستة
مب دليل ذكاء و دليل صحة
لاااا
ونشاااط الزايد ترا مرض
وقلة النشاااط هم مرض
وخير الامووووور اوسطها

 

[قطوه ورديه]

بنات
النشط الزائد يسبب قلة لانتباة والتركييييييز وهلشي مب زين لانة يضر الطفل ماراح ينجح بدراستة
مب دليل ذكاء و دليل صحة
لاااا
ونشاااط الزايد ترا مرض
وقلة النشاااط هم مرض
وخير الامووووور اوسطها

معاها

 

[لولي]

عندنا وعندكم خير ....... الله يخليهم لا تطالعونهم على الوناسة والحركة الزايدة والله نعمة فى ناس غيرنا يشتكون من ان اعيالهم ما يتجاوبون وباردين ........................ الحمدالله على كل شي
وعلى فكرة ترا الكاكاو يعطى طاقة مو طبيعية ............... والاكل بعد والحلويات

 

[nawwara]

الله لا يحرمني منكم طمنتوني

 

[برونزية رشيقة]

نواره : فيه موضوع متكامل عن النشاط الزايد عند الطفال نزلته عضوه ماذكر اسمها بهالقسم .....

دوريه وراح تستفيدين وايد ...

وفيه بعد موضوع ثاني عن نفس الموضوع في قسم أولياء الأمور والمدارس .. دوريه اسمه : ولدي عنده نشاط زايد .

وااااااااااااااااااااااايد فيه ردود ونصايح وتلفونات دكاترة تخصصصهم ( هايبر آكتف ) نشاط زايد ...


وأرد وأقولج أهم نقطيتين :


1- منعي الكاكاو وكل أنواع الحلويات والسكر والعصاير أللي متروسة سكر .

2- شغلي وقته ( تلوين - طين - رياضة - ألعاب التركيب - قصص اقريهم معاه وسولفي وياه )


ولا تنسين الدعاء له يا قلبي إن الله يهديه ويركده .

 

[برونزية رشيقة]

الله لا يحرمني منكم طمنتوني

لقيت لج الروابط مالت المواضيع إللي بنفس مشكلة ولدج :

هذا معلومات عن مركز الطب التطوري :

http://www.q8yat.net/showthread.php?t=324721&highlight=%E4%D4%C7%D8+%D2%C7%ED%CF

وهذا الموضوع أللي قلت لج عنه في قسم أولياء الأمور .. وحدة تشتكي من نشاط زايد عند ولدها :


http://www.q8yat.net/showthread.php?t=321961&highlight=%E4%D4%C7%D8+%D2%C7%ED%CF

وهذي مشكلة وحدة نفسج .... اقري الحلول أوكي ؟

http://www.q8yat.net/showthread.php?t=321961&highlight=%E4%D4%C7%D8+%D2%C7%ED%CF

 

[برونزية رشيقة]

سوري بحط لج مرة ثانية رابط الطب التطوري .ز ذاك فيه مشكلة ما يفتح .. تفضلي :

http://www.q8yat.net/showthread.php?t=324721&highlight=%E4%D4%C7%D8+%D2%C7%ED%CF