قصة حب بين طلال وشيخة ... مو صج!!عجيــــــــــــبه... "قصة حقيقية"

[semaasem]

روووووووعة وبانتظار البقية

 

[esperanza]

عجيييييبه كملي ناطريينج

 

[rawona]

كانوا دلال وشيخه لابسين وجاهزين عقب صلاة المغرب ومتبخرين ومتعطرين .. قاعدين ينطرون ام مشعل تنزل وتقعد معاهم بالصاله على ما اييون رفيجاتها .. انزلت ام مشعل .. وسألت ها محد اتصل؟

دلال: لا خالتي محد.. اهم ايدلون البيت عدل؟

بدريه: اي امبلا سعاد ادله .. جيكتي على الجاي والقهوة؟ قلاصات العصير اللي يبتهم طلعوهم والا للحين؟؟

دلال: كل شي زاهب خالتي لا تحاتين!

شيخه: وانا بعد حطيت مواعين الحلو على الطاوله .. ورتبت الصينية وكشختها! هيهيهي

دلال: وانا سويتلها بف واستشوار .. هيهي

بدريه: بسكم ملاقه انتي وياها ..

دندن .. دندن .. جرس الباب يطق..

بدريه: يالله بس اوص .. العقل انتي معاها وعن الحركات النص كم مالتكم!

شيخه ودلال يضحكون: انشاءالله ..

كانوا واقفين ورا ام مشعل واهي تستقبل رفيجاتها .. ادخلت ام سعاد اول وتالي ادخلو ثنتين وراها .. سلموا على البنات .. وادخلو الصاله ..

بدريه: هلا والله .. حيالله من يانا ..

سعاد: الله يحييج .. شخباركم؟ شمسوين ؟؟

بدريه: والله الحمدلله بخير ..

واقعدوا الحريم يسولفون ويضحكون وكانت شيخه مركزه على تقديم العصير وصب الجاي وتقديم المالح ومو صوبهم كلش .. كانت مرتبكه لانها الحين اطالع ام طلال بنظره ثانيه .. الحين ما اطالعها على اساس انها رفيجة امها وبس .. لا اطالعها على اساس انها ام حبيبها .. وهالشي اربكها حيل ..

سعاد: مثل ما قلتلج يا ام مشعل .. واحنا انشاءالله ماراح انقصر معاكم .. وحاضرين لكل اللي تامرون فيه ..

بدريه: بعد قلبي ماتقصرون .. والله انا من ناحيتي ماعندي مانع بس لازم اول انشاور ابوها ونشوف رايه وشيقول .. وتالي لاحقين على التفاصيل .. اهم شي عندي دراستها .. وانتي عارفه ياسعاد اشصار فينا قبل لا تطلع بعثتها..

سعاد: اكيد .. وانا معاج .. اصلا هذا شرط طلال بعد مو بس شرطكم! اهم شي انها اتكمل دراستها وما تهملها!

اهني حست شيخه ان في شي مو طبيعي صاير!! شنو شرط طلال؟ ورايي ابوها؟؟ واتكمل دراستها؟؟ ما استوعبت اللي قاعد يصير في البدايه .. وحست انها اوقفت بنص الصاله "منثوله" وما صحت من تتنحها الا يوم طاحت عينها بعين ام طلال وابتسمت لها!! اهني طالعت دلال اللي قاعده تبتسم .. وانحاشت من الصاله!!

كان قلبها قاعد يرقع.. وحرارتها الف!! .. طلال طرش امه تخطبها حقه!! مو مصدقه اللي قاعد يصير!! ما يابلها طاري كلش!! حست بفرحه على خوف! واستحت حيل لما تذكرت وقفتها بالصاله واهي مو مستوعبه شي!! امبيه فشله!!

يتلها دلال بعد اشوي واهي تضحك: هيهيهي اشفيج انسطلتي داخل!! صج خالتي فاجأتنا! هيهيهي بس حلوه حركتها علشان تتصرفين على طبيعتج وما تنحاشين قبل لا يوصلون الناس!

شيخه: هذيل كلهم اهل طلال صح؟ مو رفيجات امي؟

دلال: اي امه مع يدته وعمته اهم اليايين ..

شيخه: امبيه فشله! احس شكلي كان غلط!

دلال: هيهيهي بالعكس اتهبلين! يالله باروح عندهم داخل اخاف خالتي تحتاج شي!

راحت شيخه دارها واقعدت فيها لين نادتها دلال وقالت لها ان ام طلال راحت! وان امها تبيها تحت!

انزلت شيخه مستحيه .. وطالعت امها اللي ابتسمت وقالت .. ها وشراي عروستنا؟؟

تنحت شيخه وماقالت شي.. واضحكت دلال وام مشعل عليها!

وعقب اصعدت دارها ولقت مسج من طلال

" شرايج بالمفاجأه؟" ابتسمت ودزتله مسج .. واقعدو يدزون مسجات لبعض لي الفير!


********************************************


ها كافي لي اهني والا اكمل؟

​

 

[بدوره 22]

كملي كملي كملي كملي كملي كملي كملي كملي كملي كملي كملي

 

[shaiouma]

كملي كملي كملي كملي كملي كملي كملي كملي كملي كملي كملي

 

[إنسانه وأكثر]

كمممممممممممممممممممممممملي بدون لاتاخذين راينا من صجج انتي

الله يعطيج العافيه حبوووبه

 

[Shima-Style]

كـــــــــملـــــــي الله يوووووفقـــج دنـــــــــياااا وآآآآآآآخـــــــــــره
تكــــــــــــــــــــــفــــــــــــــين

 

[rawona]

اوكي .. انشالله ..


دقايق وانزل بارت يديد ..


:ada:​

 

[ام فهودي المزيون]

موووووووصج
يعطيج العافيه

 

[aldana]

رونه تشاوريينا اكيييييييييييييييييييييد كملي قلووووووووووووووووووش قرب العرس )

 

[Shima-Style]

رونه تشاوريينا اكيييييييييييييييييييييد كملي قلووووووووووووووووووش قرب العرس )

اااي والله قـــرب العرررس

 

[بدوره 22]

كلللللللللللللللللللللللللووووووووووووووووووووووووووووووش

 

[shaiouma]

كملي كملي كملي كملي كملي كملي كملي كملي كملي كملي كملي
plzzzzzzzzzzzzzzzzzzzzzzzzzzzzzzzzzzzzzzzzzzzzzz

 

[esperanza]

WoOW kamlaaaay

 

[ام سوسو]

الف الصلاة و السلام عليك يارسول الله محمد كلللللللللللللللللللللللووووووووووش

 

[dr.elzain]

رواااااااااااااااااااااااااااانوووووووووووووووووووه كملي عفيه كملي حدي اندمجت

عالفكره من زمان متابعتج بس ما اكتب كومنتات لانه عيني اتعبت وانا ادور ردورج لوووول

وتلسميين عالقصه الروعه :**

 

[Shima-Style]

يالله روووون انا انطر العرس عشان مزهبه بدلـــتي >> لووووووووووووول
عاشت روووون .. كـــــــــــمــــــــــــــلي

 

[بدوره 22]

طولت روونه

اي السالفه فيها عرس وكوشه ومكياج وبدله الله يعينهم والله خخخخخخخخخخ

 

[rawona]

فاتحت بدريه بو مشعل بالموضوع .. وكان مشعل موجود بعد ..

بو مشعل: والله من ناحيتي ماعندي مانع .. الريال زين واخلاقه عاليه .. وانا قاعد معاه وشايف اسلوبه ومنطقه .. واهله ناس طيبين .. خليني بعد اسال عنهم اكثر .. والله يكتب اللي فيه الخير ..

مشعل: انا رفيجي يعرف اهله .. متناسبين معاهم .. هم راح اسأل عنه وارد لكم خبر ..

بعد يومين كلم بو شمعل مرته ام مشعل وقالها انهم اسالوا عن الريال واهله وماعندهم مانع يزوجنه بنتهم ..

بو مشعل: شيخه وينها؟ اشرايها؟

ام مشعل: الحين اناديها لك..

كانت شيوخه خايفه ومرتبكه .. ومستحيه .. تدري ليش ابوها مناديها وموعارفه شتقول..

بو مشعل: ها يبه شيخه اشرايج؟

اسكتت شيخه وما تكلمت ..

بو مشعل: لا يبه انا مابيج تسكتين .. قوليلي رايج بصراحه .. موافقه على الريال والا لا؟ شرايج فيه؟

اسكتت شيخه ..

بو مشعل: شيخه!

شيخه: مادري يبه .. اللي اتشوفه!

وقامت تركض تطلع من الصاله!

ضحك بو مشعل وقال حق مرته : كلمي ام طلال وقوليلها موافقين ..

اتصلت بدريه على سعاد يوم الخميس العصر قبل زوارتهم لبيت بو وليد .. وقالتلها انه ماعندهم مانع .. وردت عليها ام طلال انهم مستعيلين لانه مافي وقت ومو باجي على ردت طلال وشيخه الا اسبوعين .. وودهم يخلصون قبل لا يسافرون ..

حددت بدريه مع سعاد يوم السبت علشان يية الرياييل .. واتفقوا اذا كل شي تم مثل ما يبون اتصير الملجه والعرس يوم الثلاثاء..

** *** ** ** **

بيت بو وليد

بو وليد قاعد بالديوانيه مع اخوانه ونسايبه وعدايله ..

بو وليد: طلال تعال يبه اقعد يمي اهني ليش قاعد ابعيد .

ابتسم طلال وقعد يم عمه يسولفون كلهم ويساله عمه عن دراسته وموعد سفرته وهالامور ..

عند الحريم..

كانت فاطمه كاشخه حيل .. ومتغيره ! .. كانت مستانسه وصايره حبوبه .. وتسولف وتضحك واتغشمر مع الكل .. مع ان الكل كان يشوفها خجوله وانطوائيه!

وام وليد ماكانت مقصره بعد .. تمدح في نوره وحصه .. وتمدح بسعاد .. وتسولف معاها وتضحك ..

وكانت فاطمه اتعامل سعاد معامله خاصه وباهتمام زايد! .. ابتسمت سعاد لها واهي اتحس بارتباك .. وانكسر خاطرها على فاطمه!

قربت ام وليد من سعاد : اقول سعاد .. بغيتج بسالفه..

ابتسمت سعاد : وانا بعد بغيتكم بسالفه!

اضحكت ام وليد وقالت: شنو سالفتج؟

سعاد: لا بعد اشوي اعلن عنها مو الحين .. انتي قولي اشعندج؟

ام وليد: بس حبيت اقولج ترى فاطمه الحين خلصت دراستها واستقرت بدوامها .. ف اقول يعني .. اذا طلال للحين خاطره ياخذها احنا موافقين وماعندنا مانع .. وفاطمه بعد خلصت من الدراسه واعذارها .. وموافقه تتزوج طلال الحين!

انصدمت سعاد .. مو عارفه شتقول .. كل اللي اقدرت اتقوله

"توج الحين تتكلمين؟؟ عقب شنو .. عقب شنو؟!"

وبنهاية الزواره .. كانت فاطمه للحين فرحانه ومو عارفه اشصاير !!

تكدرت ام طلال حيل عليها .. وخصوصا يوم شافت الصدمه على ويه ام وليد يوم قالتلها انهم اخطبوا حق طلال بنت رفيجتها!

اوصلو اهل طلال البيت عقبه لان طلال مل من القعده اهناك واستأذن منهم امبجر وطلع وكان متحجج انه مواعد ربعه..

ادخلت ام طلال واقعدت ضايق خلقها ..

طلال: اشفيكم؟ اشصاير؟

قاله ابوه اللي صار ..!

طلال: لا؟؟ وتوهم يتكرمون ويوافقون علي؟ اشايفين نفسهم هذيله؟؟ ولا يكون كانوا حاطين في بالهم انهم اول ما يقولون لي جذي بايهم اركض!

بو طلال: طلال! احترم نفسك! هذا عمك ومرته اللي قاعد تتكلم عنهم!

طلال: ادري انه عمي ومرته! بس الحين اعرفوا طلال؟ وينهم عنه قبل يوم كان فاشل بجامعة الكويت؟؟ والا خلاص اضمنوا مستقبل بنتهم الحين وقاموا يدورون لها على ريل!

بو طلال: طلال! انت ينيت؟ اشلون تتكلم عن بنت عمك جذي؟

طلال: انا اسف يبه .. بس من حرتي!

ام طلال: طلال لا يكون اخيارك لشيخه بس عناد في فاطمه واهلها؟

طلال: ومنو هذي فاطمه اللي بتخليني اسوي شي ماابيه؟

ام طلال: يمه طلال .. انت مو كنت تبي البنت؟؟ مو كنت اتحبها؟؟ كاهم الحين موافقين يعطونك اياها بهدومها! استخير حبيبي .. استخير .. يمكن اتغير رايك!

طلال: اغير رايي؟؟ انتي من صجج يمه؟؟ مستوعبه اشقاعده اتقولين؟؟

طلال: انا اخترت شيخه لانها الانسانه الوحيده اللي حبيتها والوحيده اللي ابيها اتصير مرتي وام عيالي!

بوطلال: انت الحين مندفع ومو قاعد تتكلم بوعيك! اهدي اشوي وفكر .. وبالاخير راح اتلاقي ان كلامي اهو الصح .. وتاخذ بنت عمك .. من لحمك ودمك احسن لك .. على الاقل عارفينها وعارفين اهلها من زمان..

طلال: يبه انا قلت كل اللي عندي ..

ام طلال تبجي: انزين اخذهم اثنينهم!!

ضحك طلال وباس راس امه

طلال: خلاص يمه انا اخترت .. ومقتنع باخياري 100% !


************************************** يتبع!


​

 

[إنسانه وأكثر]

وانا بعد ناااااااااطره